ඩෙන්සිල් වොෂින්ටන්, රසල් ක්‍රෝ වැනි සම්මානනීය නළුවන් රඟන ඔස්කාර් සම්මාන 2ක් ඇතුළු තවත් සම්මාන 30කට නිර්දේශ වී ඉන් සම්මාන 5ක් දිනාගත් මෙම චිත්‍රපටයේ අන්තර්ගතය, මම විස්තර කරනවාට වඩා එය ප්‍රේක්ෂක ඡන්ද 104,796 වැනි සංඛ්‍යාවක් ලබා IMDB වර්ගීකරණයේ 8.0/10 ලැබීම මගින්ම එය ඔබට පැහැදිළි වෙන බව පුදුමයක් නෙවෙයි.

මම කතාවේ ගලායෑම ගැන පොඩි හැඳින්වීමක් කරන්නම්. මෙය සත්‍ය කතාවක්. මෙම චිත්‍රපටයට පදනම් වන 1968 වර්ෂයේ ඇමෙරිකාවේ එල්ස්වර්ත් “බම්පි” ජොන්සන් කියන්නේ පාතාල නායකයෙක් වුවත් ඔහු නුවණැතිව තම ව්‍යාපාර කටයුතු කරමින් සිටිනවා. ඔහු ගැන හැමෝම දැන සිටියා වුවත් ඔහුව කොටුකර ගැනීම අපහසු කාරණයක් වෙනවා. මේ අතර හෘද්‍යාබාධයක් නිසා ඔහු හදිසියේම මිය යනවා. ඊට පසු පාතාලයේ නායකත්වය ගැනීමට සිටින මෝඩ පිරිස ගැන කළකිරෙන ජොන්සන් ගේ දකුණු අත මෙන් සිටි ෆ්‍රෑන්ක් ලූකස් (ඩෙන්සිල් වොෂින්ටන්) විසින් නායකත්වය තමා සතු කර ගන්නවා. මේ අතර එම කාලයේ ඇමෙරිකානුවන් නොදැන සිටි හෙරෝයින් තම තීක්ෂණ ඥානය භාවිතා කරන ෆ්‍රෑන්ක් අග්නිදිග ආසියානු රට වලින් තොග පිටින් ගෙන්වා ගැනීමට සමත් වෙනවා. Blue Magic නමින් වෙළඳ පලට අඩු මුදලකට නිකුත් කරන මේ මත්ද්‍රව්‍ය මගින් ඔහු ඉහල මුදලක් උපයා ගෙන රාත්‍රී සමාජ ශාලා හා ගෙවල් කිහිපයක හිමිකරුවෙක් වෙනවා. ඉන් පසු ඔහු නිව්ජර්සි වල මන්දීරයකට පදිංචියට යනවා.

මේ අතර නෙවාර්ක් පොලිසියේ සේවය කරන රිචී රොබර්ට්ස් (රසල් ක්‍රෝ) තම විවාහයේ දෙදරායෑම ආසන්නයේ සිට වුවත් අවංකව සේවය කරමින් සිටින්නෙක්. අවසර නොලැඹුනු වැටලීමකින් ඔහුට ලැබෙන ඩොලර් මිලිනයක මුදල පවා තම සගයා පවසන ලෙස තමන් සතු කර නොගෙන පොලිසියට භාරදීම නිසා ඔහු තම පොලිස් සගයන්ගේ අප්‍රසාදයට පත් වෙනවා. මේ අතර තම සගයා පොලිසියෙන් වෙන් වන් අතර ඔහු Blue Magic මත්ද්‍රව්‍ය අධිසාන්ද්‍රණක් ගැනීම නිසා මිය යනවා. මෙලෙස ඉතා වේගයෙන් සමාජය පුරා පැතිර යන මෙම මත්ද්‍රව්‍ය වැටලීම සඳහා ඉතාමත් රහස් පොලිස් කණ්ඩායමක් සාදා එහි ප්‍රධානීත්වය රිචී රොබට්ස් හට ලබා දෙනවා.

ඉතින් මෙතැන් සිට මෙම හොරා පොලිස් සෙල්ලම නියම ආකාරයෙන් ආරම්භ වෙනවා. සත්‍ය සිදුවීමක් නිසා මෙම කතාව පුරා නියමාකාර ලෙසම අල්ලස දූෂණය රජ කරන ආකාරය පෙන්වා තිබෙනවා. එනිසාම වෙන්න ඇති මෙම චිත්‍රපටිය මෙතරම් ජනප්‍රිය වෙන්න හේතුව. පෝස්ටරය කළු සුදු වුනාට චිත්‍රපටියනම් එහෙම නෑ හොදේ. ඕනාවට වඩා ලිපිය දික්වුනාද මන්දා. ඕගොල්ලොත් ඉතින් බාලම බලන්න.

මෙන්න මෙතනින් බාගන්න!

මේ ලිපියේ සම්පූර්ණ අයිතිය  රොයිලි ප්‍රනාන්දු සොහොයුරා සතු වන අතර උපුටාගැනීම් සියල්ලම ඔහුගේ අවසරය මතම සිදුවිය යුතුය..