කොච්චර හින්දි චිත්‍රපටි නිර්මාණය වෙනවද? අපි හොඳයි කියල හිතාගෙන කොච්චර චොර හින්දි චිත්‍රපටි බාගෙන බලල ඇත්ද? ඔය අතරේ නරඹන්නන් අමන්දානන්දයට පත් කරන හින්දි චිත්‍රපටි බිහිවෙනවා. මොකක් හෝ හේතුවක් නිසා ඔය වගේ එළම චිත්‍රපටි අපිට මඟ හැරෙනවා. අන්න එහෙම මට මඟහැරුණු, මැක්සා හින්දි චිත්‍රපටියක් තමයි මම අද ඔයලට අරගෙන එන්නේ.

ගිය අවුරුද්දේ මුල් භාගයේ මේ චිත්‍රපටියේ හොඳ පිටපතක්, මම බෑවා. මට නෙවෙයි, ඒත් කෙනෙක් මට කීව හොඳ සිංදු තියෙනව බාල පුළුවන් නම් ගෙනත් දෙන්න කියල. කොහොමහරි මට ඒ චිත්‍රපටිය බලන්න අමතක වුනා. අරයත් මුකුත් කීවෙ නැහැ. කට්ටියට බැලුවද දන්නෙ නැහැ ගිය අවුරුද්දේ අග භාගයේ ස්වාධීනේ, ඉන්දියාවේ 54th Filmfare සම්මාන උළෙල පෙන්නුවා. ගෙදර උන් නිසා මම ඒක බැලුවා. මේ සම්මාන උළෙල ඉන්දියාවේ ඔස්කාර් සම්මන උළෙල වගේ තමයි. මේ සම්මන උළෙලේදී කතා බහට ලක් වුණු චිත්‍රපටි කිහිපයක් තිබුනා. ඒ අතර Rock On!! ත් හිටියා. ඒ වෙලාවෙ බෑව කියල මතක් වුනත් බලන්න විදියක් තිබුනේ නැහැ. කොහොමහරි ඔන්න ඊයේ ගෙදර හිටිය නිසා චිත්‍රපටිය බැලුවා.

මම චිත්‍රපටිය උපරිමයට රස වින්දා. කලින් බැකුවෙ නැත්තෙ ඇයි කියල මට හිතාගන්න බැරි වුනා. ඒ තරමට හොඳ චිත්‍රපටියක්.

හොඳම චිත්‍රපටිය ඇතුළුව තවත් සම්මන 19ක් දිනා ගත් මේ චිත්‍රපටිය ඡන්ද 2968ක් ලබාගෙන imdb හි 8/10 ක අගයක් ලබා ගෙන තිබෙනවා. Dil Chahta Hai අධ්‍යක්ෂණය කල Farhan Akhtar මෙහි ප්‍රධාන චරිතයට පණ පොවන්නේ චිත්‍රපටියේ එන ගීත නමයෙන් හයක්ම ගායනා කරමිනුයි. තවද Arjun Rampal ඇතුළුව නව නළු නිළි පිරිසක් මෙහි රඟපානවා. කතාවේ කියැවෙන්නේ සංගීත ලොවේ සාර්ථක වීමට වෙර දරණ, Rock සංගීතය පදනම් කරගත් Magik කියල සංගීත කණ්ඩායමක් ගැන. ඇත්තටම නිතර බලන්න නොළබෙන වරිගයේ චිත්‍රපටියක්. මෙහි ශබ්ද පඨය උපරිමයි, පට්ට පතුරු. ඒක මෙතනින් බාගන්න. මේක නොබලලා මන් වගේ වෙන්න නම් එපා. තව කියන්න දෙවල් නම් එමටයි. ඒත් දැන් මේක බාන්න දාන්න.

මෙන්න මෙතනින් බාගන්න!

මෙයත් සමඟ එන ඉංග්‍රීසි උපසිරැසි වල පොඩි අලයක් තියෙනව. ඒ නිසා ඒක වෙනුවට මේක බාගෙන මුල් උපසිරැසිය වෙනුවට යොදා ගන්න.