ඇටෑක් ඔන් ටයිටන් AKA ෂින්ගෙකි නෝ ක්යොජින් [S4] EP01 Sinhala Subtitles | ‌මුහුදෙන් එපිට [සිංහල උපසිරසි]

ඇටෑක් ඔන් ටයිටන් ඇනිමේ එකේ අවසාන සීසන් එකටයි මේ උපසිරසි ගේන්න පටන් ගත්තෙ. බයිස්කෝප් අඩවියෙ ඇඩ්මින් මඩුල්ලෙ තීරණයක් තමයි ඔන්ගොයින් සීසන් වලට උපසිරසි නොදෙන එක. ඒත් ගොඩක් අයගෙ ඉල්ලීම් සළකලා බලලා ගත්ත තීරණයක් තමයි මේ. අද මේ පළවෙනි උපසිරසිය දෙන වෙලාවෙ දැනට කොටස් 9ක් ඇවිත් තියනවා. ඒ ටිකත් ඉක්මණින් දුන්නා කියමු. හැබැයි ඉතුරු ටික එනකන් සතියක් ගානෙ බලන් ඉන්න වෙනවා. හොඳවැයින් බැනුම් ටිකකුත් අහගෙනයි මේ සීසන් එකේ උපසිරසි කරන්න පටන් ගත්තෙ. ආපු ගමන් උපසිරසි දුන්නෙ නෑ කියලා. කමක් නෑ එහෙම හරි ඇනිමෙ බලන පිරිසක් දැන් හැදිලා ඉන්නවා. එහෙනම් මේ සීසන් එක ගැන ටිකක් දැනන් ඉමු.

අන්තිම සීසන් එක කොටස් 16කින් යුක්තයි කියලා නිළ වශයෙන් දැනුම් දීලා තියනවා. මන්ගා රසිකයන්ගෙ ප්‍රශ්නෙ වුනේ ඇත්තටම ඉතුරු ටික කොටස් 16කින් ඉවර කරන්න පුළුවන්ද කියන එක. ඉතින් ඒක 16ම බලලා තමයි දැනගන්න වෙන්නෙ. ඔයාලට හුරු පුරුදු වුන, කලින් සීසන් වල ඇනිමේෂන් නිර්මාණය කලේ විට් ස්ටූඩියෝ එකෙන්. ඒත් ඇටෑක් ඔන් ටයිටන් අවසාන සීසන් එකේදි ස්ටූඩියෝ එක මප්පා වලට මාරු වෙනවා. මප්පා කියන්නෙ මේ අවුරුද්දෙ නොසෑහෙන කාර්යබහුල වුන වගේම නොසෑහෙන බැනුම් අහපු ස්ටූඩියෝ එකක්. කලින් සීසන් වල පෙනුම නැති වුනත් මප්පා, මන්ගා එකේ මුල් චිත්‍ර වලට සමානවම මේකෙ ඇනිමේෂන් කරලා තියනවා. CGI තමයි පාවිච්චි කරලා තියෙන්නෙ. කොහෙත් ආඬපාලි කියන අය ඉන්නවනෙ. ඉතින් ඒක නිසා මප්පා ස්ටූඩියෝ එකට මරණ තර්ජන පවා ඇවිල්ලා තිබුනා. ඒත් ඔයාලට බලනකොට තේරෙයි මේ වෙලාවෙ වෙන සිද්ධි එක්ක, තියන අඳුරු බව, පීඩනය ඒ සේරම මප්පා ස්ටූඩියො එකෙන් ගොඩක් ලස්සනට ඇනිමේට් කරලා තියනවා කියලා. එයාලා මේ අවුරුද්දෙ කාර්ය බහුල වෙලා ඉන්නෙ ඇටෑක් ඔන් ටයිටන් වගේ හයිප් වැඩි ඇනිමෙ එකක් වගේම ජූජුට්සු කයිසෙන්, ද ජිම්නාස්ටික් සාමුරායි සහ සොම්බිලන්ඩ් සාගා වැනි ජයප්‍රියත්වයෙන් වැඩි ඇනිමෙ නිර්මාණය සිදු කරන නිසයි. මං හිතන්නෙ මේ ස්ටූඩියෝ එකෙන් ඇටෑක් ඔන් ටයිටන් අන්තිම සීසන් එකට ඕනවටත් වැඩිය සාධාරණයක් කරලා තියනවා. ඒ වගේම කියන්න ඕනෙ කලින් සීසන් වල තිබුන තීම් සෝන්ග් ඇත්තටම විශිෂ්ඨයි, දෙකක් තුනක්ම ජාතික ගී සයිස් එකේ ඒවා. විශේෂෙන් සීසන් 2 එකේ “ෂින්සෝ වෝ සසාගෙයෝ” කියන තේමා ගීතය. මේ සීසන් එකේ පළවෙනි ආරම්භක තේමා ගීතයෙ නම “මයි වෝර්”. ඒක බලද්දි ඔයාලට පාට පාට රූප රාමු දැකගන්න පුළුවන් වෙයි. ඒත් ඒක යට හැංගිලා තියෙන්නෙ කොච්චර පව්කාර තේමාවක්ද කියලා සංගීතය අහද්දි තේරුම් ගන්න පුළුවන් වෙයි. කොහොමහරි හිරිගඩු පිපෙන විදියෙ තේමා ගීතයක්. 😉

එහෙනම් ටිකක් මතක් කරන්නම් අන්තිම කොටසෙ වුන දේවල් ගැන. සීසන් 3 අන්තිම කොටසින් දකින්න ඇති පාරාදීස දූපතේ හිටපු සේරම ටයිටන්ලව එයාලා තුරන් කරලා දානවා. ඊට පස්සෙ අන්තිමේදි අර්මින්ගෙ එකම හීනෙ වුන මුහුද එයාලා දකිනවා. එතනදි එරන් අත දික් කරලා අහනවා අපි මේ මුහුදෙන් එහා ඉන්න සේරම සතුරො මරලා දැම්මොත් අපිට නිදහසක් ලැබෙයිද කියලා. ඉතින් තාප්පෙන් එහා මුහුද. මුහුදෙන් එහා මොකක්ද…?? නිදහසද? සංහාරයද? සීසන් 4 බලන්න ඔයාලට ආරාධනා කරනවා.

තව කියන්න ඕනෙ, දැන් ඉඳන් අපිට ඇනිමෙ වල උපසිරසි දෙන්න වෙන්නෙ මේ විදියට සිංහල මාතෘකාවක් යටතේ, මොකද ඇනිමෙ ගොඩක් වෙලාවට කොපිරයිට් වලට අහුවෙනවා. ඉතින් ඔයාලට බැරිවෙලා ඇනිමෙ එකක් ඉංග්‍රිසියෙන් ටයිප් කරලා හොයාගන්න බැරිවුනොත් නිකමට සිංහලෙන් වචනයක් ටයිප් කරලා සර්ච් කරන්න.

ඊළඟ කොටසින් ඉක්මණට මුණගැහෙමු.!!

Due to copyright issues, we do not provide any torrent links.

උපසිරසියේ නමින් ‌සෙවුමක් කිරීමෙන් ලබාගත හැක. 

මෙම ලබා දී ඇති උපසිරැසි WEB/BD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “නවෝදනී තිළිණි” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2017-10-20
SUBMAKER RATING BY ADMINS