කඩුවා (2022) Sinhala Subtitles | කොටියා..!! [සිංහල උපසිරසි]

ඒ කොට්ටායම් හිරගෙදර
වෙනදට වඩා එදා එහි කලබලයක් පේන්න තිබුණා.
ප්‍රධාන නිලධාරිතුමා හිටියෙත් පොඩි ගැස්මක
එයාට හතරවටින්ම කෝල් එන්න අරන්
ඒ අස්සේ කොට්ටරාක්කරා හිරගෙයි හිටපු
නම ගිය මැරයෝ වගයක්වත් මෙහෙට එවලා.
මොකක්ද මේ හදිසියේ වෙන්න යන්නේ?
“සර්, මුන් ටිකව මෙහෙට ගෙන්නලා තියෙන්නේ
අරුන්දැට වැඩේ දෙන්න තමා.
අද මෙහෙට උන්දැ එනවනේ.
අද නම් මෙහෙ දෙකෙන් එකක් සිද්ධ වෙනවා”
එන පුද්ගලයා ගැන ආරංචි වුණාම
කවුරුත් කම්පනය වෙලා තිබුණේ..
මුන්දැ කවද්ද හිරගේක පස් පෑගුවේ?
ඊටත් එහා කවුද මුන්දැව අල්ලගත්තේ?
මොන දේ වුණත් ඉස්සරහට වෙන්න යන දේ නම්
හොඳ දෙයක් නෙමේ.
අද ඉඳන් මෙහෙ එකම යුධ පිටියක් වෙයි.
මොකද..
අද මෙහෙට දරුණුම කොටියෙක් එනවා..
කුරියාච්චන්..!!!

පසුගියදා තිරගත වීම ඇරඹි, Prithviraj Sukumaranගේ කඩුවා චිත්‍රපටය අද වනවිට අතිශය ජනප්‍රියත්වයක් ලබාගෙන වසරේ දැවැන්තම මලයාලම් චිත්‍රපට අතරට එක්වී තිබෙනවා. මලයාලම් සිනමාව තුළ එතරම් දැකගත නොහැකි Mass Action ශානරයේ චිත්‍රපටයක් වන මෙය තිරගත වීම ඇරඹුණේ පසුගිය ජුලි 07 වනදායි. චිත්‍රපටය නිකුත් වී දින 30ක්වත් ගත නොවුනත්, මේ වනවිට මෙය රැස් කරගත් සම්පූර්ණ ආදායම ඉන්දීය කෝටි 60කට අධිකයි.

මලයාලමේ පෙරළිකාර ක්‍රියාදාම චිත්‍රපට ගණනාවක් අධ්‍යක්ෂණය කළ Shaji Kailasගේ අධ්‍යක්ෂණයෙන් හැඩ වුනු මෙය, ධනාත්මක ප්‍රේක්ෂක-විචාරක අවධානයක් දිනා ගත් Jana Gana Mana සිනමාපටයෙන් පසු මේ වසරේදී ප්‍රිත්විරාජ් සුකුමාරන් රඟපෑ දෙවන සිනමාපටයයි. ඔහුට අමතරව Samayuktha Menon, Arjun Ashokan, Priyanka Nair, Sudheer Karamana වැනි මලයාලමේ හුරුපුරුදු මුහුණු ගණනාවක්ම මෙහි රංගනයෙන් එක්ව සිටිනවා. එමෙන්ම චිත්‍රපටයේ ප්‍රධාන ප්‍රතිවීර චරිතයට පණ පොවන්නේ සුප්‍රසිද්ධ බොලිවුඩ් නලු විවේක් ඕබ්රෝයි විසිනුයි. Lucifer සිනමාපටයෙන් පසු මලයාලම් නිර්මාණයකින් ඔහුව දක්නට ලැබෙන පළමු අවස්ථාව වන්නේ ද මෙයයි.

Kaduva ප්‍රදර්ශනය ඇරඹි පළමු දින තුළම ලෝ පුරා කෝටි 5කට අධික මුදලක් රැස් කරගත් වූ අතර සතියක් අවසානයේදී කෝටි 30කට ආසන්න ආදායමක් ලබා ගනිමින් Super Hit ලේබලය හිමි කරගන්නට සමත් වුනා. මේ වනවිට සිනමාශාලා ප්‍රදර්ශනයෙන් ලබාගෙන තිබෙන ආදයම පමණක් කෝටි 50කට අධිකයි. OTT & Satellite Rights ඇතුළුව සමස්ත ආදායම ඉන්දියානු කෝටි 60 සීමාව පසු කර තිබෙනවා.

මෙහි අධ්‍යක්ෂකවරයා වන Shaji Kailas කලෙක හැඳින්වූයේ මලයාලම් සිනමාවේ හොඳම සටන් චිත්‍රපට නිර්මාණය කරන අධ්‍යක්ෂකවරයා ලෙසයි. නමුත් කාලයත් සමඟම, ඔහුගේ නිර්මාණ රසිකයින්ගෙන් යම්තාක් දුරකට ඈත් වුනා. තමන්ගේ නිර්මාණ දිගින් දිගටම අසාර්ථක වූ නිසා 2012-2013 කාලයෙන් පසුව Shaji චිත්‍රපට නිර්මාණකරණයට එතරම් උනන්දු වුනේ නැහැ. නමුත් දැන් යළිත් Kaduva හරහා ඔහුට සුපුරුදු Mass Action ශෛලය නැවතත් කේරළ සිනමාවට එකතු කරන්නට ශජී සමත් වී තිබෙනවා. දකුණු ඉන්දියානු සිනමා විචාරකයින් පවා සඳහන් කරන්නේ මෙය ශජී කයිලාස් නැමැති දක්ෂ ක්‍රියාදාම චිත්‍රපට නිර්මාණකරුගේ “Comeback චිත්‍රපටය” ලෙසයි.

Kaduva හි ප්‍රධාන නිෂ්පාදකවරිය වන්නේ ද ප්‍රිත්විරාජ් සුකුමාරන්ගේ බිරිඳ Supriya Menonයි. ඊට අමතරව Magic Frames වෙනුවෙන් Listin Stephen මෙහි සම – නිෂ්පාදනයට සම්බන්ධ වී තිබෙනවා. මෙය Listin සහ Prithvirajගේ සුසංයෝගයෙන් නිෂ්පාදනය කළ සිව්වන සිනමාපටය වන අතර, මෙරට මලයාලම් රසිකයින් අතරෙ හි ජනප්‍රියත්වයට පත් Brothers Day | Driving License | Jana Gana Mana චිත්‍රපට ත්‍රිත්වයම නිෂ්පාදනය කළේ ඔවුන් දෙදෙනා එකතුවෙනුයි.

ඉතින් උඩ ලිපිය අරගෙන ආපු කවිනු වීරක්කොඩි මල්ලිට බොහොමත්ම ස්තූති වෙන ගමන්, හැමෝටම ආරාධනා කරනවා Kaduva නරඹන්න කියලා.

Due to copyright issues, we do not provide any torrent links.

මෙම ලබා දී ඇති උපසිරසි HQ HD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “රේණුකා සුභාෂිණි” සොයුරියට සහ “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

SUB-MAKER RATING BY ADMINS