ගංගුබායි කාඨියාවාඩී (2022) Sinhala Subtitles | අපවිත්‍ර ගංගා… [සිංහල උපසිරසි]

ගංගුබායි කාතියාවඩි. අවුරුදු හතරකට පස්සේ එලියට එන බන්සාලිගේ චිත්‍රපටිය තමයි මේ අරගෙන ආවේ. මේ චිත්‍රපටියේ ප්‍රධාන චරිතය හෙවත් ගංගුබායිගේ චරිතය නිරූපනය කරන්නේ ආලියා බාත්. බන්සාලිගේ චිත්‍රපටි වල කොහොමත් කාන්තා චරිත කැපිලා පේනවා. ප්‍රධාන චරිත වුනු හම් දිල් දේ චුකේ සනම් හි නන්දනී, බ්ලැක් හි මිශෙල්, දේව්දාස් හි පාරෝ, බාජිරාඕ මස්තානි හි මස්තානි වගේම සාවරියා හි සකීනා වගේම සහයක චරිත රඟපෑ කාශි, චන්ද්‍රමුකී සහ ගුලාබ්ජීගේ චරිතත් පිරිමි චරිත වලට වඩා කැපි පෙනුනා. බන්සාලිගේ චිත්‍රපටි අතරින් පිරිමි ප්‍රධාන චරිතයක් නොමැතිව එන පලවෙනි චිත්‍රපටිය තමයි මේ ගංගුබායි කාතියාවඩි කියන්නේ. ගොඩක් අය මත පල කරලා තිබුනා ආලියා බාත් මෙම චරිතයට ලාබාල වැඩියි ගැලපෙන්නේ නෑ කියලා. ඒත් ස්ටුඩන්ට් ඔෆ් ද ඉයර් එකේ හිටිය චූටි කෙල්ලද මේ කියලා හිතෙන තරමට ආලියා බොහොම අපූරුවට තම උපරිම හැකියාවෙන් ගංගුබායිගේ චරිතය ඇතුලේ ජීවත් වෙනවා. ඒ වගේම අනිකුත් සහය චරිත වලත් රඟපෑම් ඉතා ඉහල මට්ටමක තිබුනා වගේම, අජේ දෙව්ගන් රගපෑ සුලු කාලය සුපිරියි කියලා තමයි කියන්න තියෙන්නේ. හැබැයි බන්සාලිගේ පෙර චිත්‍රපටි වල දකින්න ලැබෙන නර්තන අඩංගු වෙන්නේ එක් ගීතයක පමනයි. ඒත් බන්සාලිගේ මියුරු සංගීතයෙන් හැඩ වුනු ගීත කිහිපයක්ම මේ චිත්‍රපටියේ අඩංගු වෙනවා.

ඉතින් මේ ගංගුබායි නිසා බන්සාලිටත් කරදරවලට මුහුන දෙන්න සිද්ද වුනා. මේ චිත්‍රපටියට පාදක වූ ගංගුබායි නම් සැබෑ කාන්තාවගේ පුතෙක් වූ බාබුජී රාවුජී ශාහ් විසින් බන්සාලි නිශ්පාදන සමාගමට සහ ආලියා බාත් හට විරුද්දව නඩු පවරා තිබෙනවා. ඔහු හේතු ලෙස සඳහන් කර ඇත්තේ ඔහුගේ මවව ගනිකාවක් සහ මාෆියා රැජිනක් ලෙස හඳුන්වා දීම ඇයට සහ ඇයගේ පවුලේ අයට කර ඇති අපහාසයක් ලෙසයි. පොත ගැන ඔහු නොදන්නා බවත් චිත්‍රපටිය ගැන සමාජ මාධ්‍ය වලිනුත් දැනගත් බව පැවසූ ඔහු මෙම චිත්‍රපටයට පාදක වුනු ගංගුබායි සැබැවින්ම ගනිකාවන් වැනි ලිංගික සේවා සපයන අයගෙ අයිතිවාසිකම් වෙනුවෙන් මෙන්ම මිනිස් ජාවාරම් වෙනුවෙන් පෙනී සිටි අයෙක් මිස ගනිකාවක් නොවන බවද සඳහන් කර සිටියා.

ගංගුබායි කියන්නේ උත්තමයෙක් නෙවෙයි.
හැබැයි ගංගුබායි යක්ශනියෙකුත් නෙවෙයි.
ඉතිහාස පොත්වල ගංගු වගේ අය ගැන ලියවෙන්නේ නෑ.
ඒත් මේ මාවත් ඉතිහාසය මතක තියාගන්නවා.
ඒ මාවත් අපිට පවසනවා
ගංගුබායි ජීවත්ව ඉන්නතාක්කල්, මේ කාමාතිපුරයේ
එක ගැහැනියක්වත් අසරන වුනේ නැති බව.
සුදු සාරිය, රත්තරන් දත.
රත්‍රන් හදවතක් ඇත්තිය.
ගංගුබායි ජග්ජීවන්දාස් කාතියාවඩි.
ගනිකා වෘත්තිය නීතිගත
කිරීමට සටන් කල තැනැත්තිය.
ඇය මේ ගනිකා මුඩුක්කුවට නමක් දුන්නා.
කූඩුවක සිර වී සිටිද්දිත්
නිදහසේ හුස්ම ගන්න ඉගැන්නුවා.
එදා මුලු නගරයම සතුටින් හිටියා. සැමරුවා.
ඒ හැම සැමරුමක්ම එකම පාටක් වුනා. සුදු පාට.
ගංගුගේ සුදු පාට.
ඇය කෙනෙකුට මාෆියා රැජිනක් වුනොත්,
තවකෙකුට සහෝදරියක්.
කෙනෙකුට යාලුවෙක් වුනොත්
තව කෙනෙකුට අම්මා කෙනෙක් වුනා.
චිත්‍රපටි තරු වල පෝස්ටර් නම් හැම සිකුරාදාම මාරු වුනා.
ඒත් ගංගු බායි කියන නිලියගේ පින්තූර කාමාතිපුරයේ හැම
බිත්තියකම අවුරුදු පනහක් තිස්සේ තවමත් තියෙනවා.
ඇගේ ඉරනම වුනේ දුක.
ඒත් ඇය ජීවිතයට හිනා වුනා.
ගංගු ආවේ නිලියක් වෙන්න.
ඒත් ඇගේ ජීවිතේ සම්පූර්න චිත්‍රපටියක්ම වුනා.
මේ ඇගේ කතාව.

බන්සාලිගේ චිත්‍රපටි කියන්නේ එක්තරා මායා ලෝකයක් කිව්වොත් නිවැරදියි. සාමාන්යෙන් බන්සාලිගේ මේ මායාවලට අහු වෙන්න ගොඩක් අය කැමතියි. ඔහුගේ පද්මාවත්, දේව්දාස්, බ්ලැක්, හම් දිල් දේ චුකේ සනම් හි තිබුනු ඒ මායාව අවුරුදු හතරකට පස්සේ එලියට එන ගංගු බායි ගාවත් තියෙයිද කියලා කතාව බලලම දැනගමු.

Due to copyright issues, we do not provide any torrent link

මෙම උපසිරැසි සියලුම TRUE WEB-DL පිටපත් සඳහා වලංගු වේ.

මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරිට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2014-10-06
SUB-MAKER RATING BY ADMINS