ජන්හිත් මේන් ජාරී (2022) Sinhala Subtitles | “මහජනයාගේ දැනගැනීම පිණිසයි” [සිංහල උපසිරසි]

බයිස්කෝප්වාසී යාළුවො හැමෝටම ආයුබෝවන් ! ඔන්න අද අරන් ආවෙ Social awareness drama, ඒ කියන්නෙ සමාජ දැනුවත්කිරීමේ චිත්‍රපට ගණයට අයිති වෙන ෆිල්ම් එකක්. මීට කලින් ඔයාලා බලලා ඇතිනේ, Padman (2018), Toilet ; Ek Prem Katha (2017) වගේ ඒවා, අන්න ඒ වගේ එකක්.

මේක කාන්තා මූලික චිත්‍රපටියක් කියලා කියන්න පුළුවන්. අපෙ කතා නායිකාව, මනෝකාම්නා ත්‍රිපාති, චන්දේරි වල කෙල්ලෙක්. විස්ස පැනපු හැම කෙල්ලෙක්ටම තියෙන ප්‍රශ්නෙ මෙයාටත් තියෙනවා. කසාද කතන්දරේ. ඒත් එයාට ඕන රස්සාවක් කරන්න. හැබැයි උපාධි දෙකක් තිබිලත් මනූට රස්සාවක් ලැබෙන්නෙ නෑ. අම්මා රස්සාවක් හොයාගන්න දීපු මාසෙත් ඉවර වෙනවා.

ඒ අතරෙ මනූට අවස්ථාවක් ලැබෙනවා “ලිට්ල් අම්බ්‍රෙල්ලා” කම්පැනියෙ වැඩ කරන්න. කලබලේට රස්සාව බාරගෙන ඇඩ්වාන්ස් එකකුත් ගත්තට, මනූ පස්සෙ තමයි දැනගන්නෙ එයාට කරන්න තියෙන්නෙ කොන්ඩම් විකුණන එක කියලා.

ඉතින්.. ඉන්දියාවෙ, අර්ධ නාගරික, සාම්ප්‍රදායික මිනිස්සු අතරේ.. කොන්ඩම් විකුණන්න? ඒකත් කෙල්ලෙක්? එතකොට.. මනෝකාම්නා ත්‍රිපාති, මනෝකාම්නා ප්‍රජාපති වුණාම?

Taboo එකක් විදියට සැළකෙන දේවල්වලට එරෙහිව යනකොට මූණ දෙන්න වෙන දාහක් අභියෝග, මේ පැය දෙකයි විනාඩි ගාණක කාලෙ ඇතුළත ලස්සනට කැටි කරලා තියෙනවා. ෆිල්ම් එකට ලැබිලා තියෙන IMDb අගය 7.2 ක්. ගූගල් පරිශීලක මනාප ප්‍රතිශතේ 95%ක් තරම් ඉහළ අගයක් ගන්නවා.

Nusrat Bharuchha, Anud Singh Dhaka, Vijay Raaz ඇතුළු දක්ෂ නළු නිළියො පිරිසක් ඔයාලට මේ ෆිල්ම් එකේ දකින්න පුළුවන්. Dream Girl (2019) අධ්‍යක්ෂණය කරපු Raaj Shaandilya තමයි මේකෙ කතාව රචනා කරලා තියෙන්නේ. නිෂ්පාදන බරපැන දරන්න ආයතන කීපයක්ම එකතු වෙලා තියෙනවා. චිත්‍රපටිය අධ්‍යක්ෂණය කරන්නෙ Jai Basantu Singh විසින්. සංගීතය Aman Pant විසින්. Dhvani Bhanushali, Javed Ali, Asees Kaur, Raftaar ඇතුළු ගායක ගායිකාවො කීපදෙනෙක්ම මේකෙ ගීත ගායනයට එකතු වෙලා තියෙනවා. ලස්සන සින්දු ටිකකුත් ඔයාලට රසවිඳින්න පුළුවන්.

මේ මගෙ 12 වෙනි උපසිරැසිය වුණත්, භාර අරගෙන ඊට පස්සෙ නිර්මාණය කරපු පළවෙනි එක. අනික ලයින් 3000කට ආසන්න සංඛ්‍යාවක් තිබුණා. ෆිල්ම් එකට තියෙන ආසාවට වගේම අභියෝගයක් විදියට භාර අරන් කළා වුණත් ටිකක් පරක්කු වුණා. ඒකට සමාවෙන්න ඕනි.
යෝජනා චෝදනා වලට, ගුණදොස් වලට පල්ලෙහා කමෙන්ට් සෙක්ෂන් එක විවෘතයි.. ඔයාලගෙ අදහස් පළ කරන්න කියලා ආදරෙන් ඉල්ලනවා..

එහෙනම්, ලස්සන කතාවක්, සුපිරි කොමඩියක්, ආදරේ, යාළුකම්, පවුල, සම්මතේ සහ “සමාජ අසම්මත” දේවල් අතරෙ දෝලනය වෙන, අපූරු, ඒ වගේම වැදගත් පණිවිඩයක් කියාදෙන ෆිල්ම් එකක්. ඔයාලට බලන්න කියලා ආරාධනා කරනවා. ආයෙත් දවසක තවත් ෆිල්ම් එකක් එක්ක මුණගැහෙමු.

Due to copyright issues, we do not provide any torrent link.

මෙම ලබා දී ඇති උපසිරසි WEBRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “Anji (ඇන්ජි) ” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2022-03-17
SUBMAKER RATING BY ADMINS