ඩඩා (2023) Sinhala Subtitles | නුඹට මවක් වෙන්නම්. [සිංහල උපසිරසි]

මනිකන්ඩන් හා සින්ධු දෙන්නා ආදරය කරලා ඉදිරි පියවරට යනවා. සින්ධු ගර්භනී වෙනවා. මනී මේ ගැබ විනාශ කරලා දාන්න කියලා සින්ධුගෙන් ඉල්ලනවා. සින්ධු තරයේම ප්‍රතික්ෂේප කලා වගේම මනී ගැන හිතේ ලොකු තරහක් ඇති වුණා. මනී, සින්ධුව දාලා යයිද කියලා බය හිතුනද දන්නෙ නැහැ, සින්ධු මනී නවාතැන් ගෙන හිටිය ගෙදරට එනවා. ඇවිත් එදා රෑ මනී එක්ක ඉන්නවා. පහුවදා උදේම දෙන්නටම පොලිසියට යන්න වුණා. මොකද, මනී සින්ධුව පැහැරගෙන ගිහින් කියලා සින්ධුගේ තාත්තා මනීට විරුද්ධව පොලිසියේ පැමිණිල්ලක් දාලා තිබුණා. සින්ධුගේ තාත්තා සින්ධු ගැන ලොකු විශ්වාසයක් තියාගෙන හිටියා. බලෙන් පැහැරගෙන ආවා කියලා මනීට විරුද්ධව පැමිණිල්ල තද කරන්න එයාලා උත්සාහ කලා. මෙච්චර වෙලාවක් නිහඬව හිටිය සින්ධු, එයා ගර්භනී බව කියනවා. සින්ධුගේ තාත්තගේ විශ්වාසය සම්පූර්ණයෙන්ම බිඳ වැටුණා. සින්ධු තමන්ගේ දරුකමෙන් අයින් කරලා දානවා. මනීගේ තාත්තටත් පොලිස් ස්ථානය තුලදී සිද්ද වුණ දේ ගැන විශාල අවමානයක් දැනුනා. මනී දැනටමත් තාත්තගේ හිත බිඳලා ඉවරයි. මනීගේ තාත්තත් එයාට ගෙදරට එන්න තහනම් කරනවා. යන්න තැනක් නැති වුණ මනීට එකම සරණ වුණේ එයාගේ යාළුවා අමිත්. අමිත්ගේ ගෙදරක මෙයාලා දෙන්නට නතර වෙන්න දෙනවා. එයාලා දින කිහිපයක්ම අමිත්ගෙ ගෙදර ගත කරනවා. සින්ධුගේ රෝහල් ගාස්තු, විභාග ගාස්තු වෙනුවෙන් මනී සුළු පඩියකට ගබඩාවක රස්සාවකට යනවා. ඔය අතරෙදි අමිත්ගේ යාළුවෝ කීප දෙනෙක් මේ ගෙදරට කඩා වදිනවා. එයාලත් නිතරම මේ ගෙදරට ඇවිත් බීලා විනෝද වෙලා යනවා. මේ නිසා සින්ධුට තවත් අමිත්ගේ ගෙදර ඉන්න බැරි වුණා. දෙන්නා කුලියට ගෙයක් අරගෙන යනවා. අඟහිඟකම් නිසාම දෙන්නා අතරේ රණ්ඩු ඇති වෙනවා. ඒ වගේම මනී සැරින් සැරේ බොන්න ගත්තා. දරුවා ලැබෙනකල් ආයේ බොන්නෙ නැහැ කියලා බඩේ හිටිය දරුවා මත දිවුරලා කිව්වත්, මනී ආයෙත් බිව්වා. සින්ධු කේන්තියෙන් හිටිය නිසාම රුධිර පීඩනය වැඩි වෙලා තිබුනා. ඒක සින්ධුගේ ශරීරයටත්, දරුවාටත් අහිතකරයි. මේ වෙද්දි දෙන්නා අතරේ දරුණු විදියට රණ්ඩු ඇති වෙලා තිබුණා. දවසක් සින්ධුට ප්‍රසූති අමාරුව ඇති වෙලා මනීට කෝල් කලත් එයා කෝල් එක ගත්තෙ නැහැ. සින්ධුගේ තාත්තාට මේ ආරංචිය දැනගන්න ලැබුන වෙලාවෙම ඇවිත් සින්ධුව රෝහලට එක්කගෙන යනවා. කොහොම හරි මනීට මේ ගැන දැනගන්න ලැබිලා දඩිබිඩියේම රෝහලට යනවා. ඒත් රෝහලේ සින්ධු හිටියේ නැහැ. ඒ වුණාට දරුවා රෝහලේ දමා ගිහින් තිබුණා.

මේ Dada (2023) චිත්‍රපටය අධ්‍යක්ෂණය හා රචනය ගනේෂ් කේ බාබු. ඉ.රු. කෝටි 4 වගේ මුදලකින් නිෂ්පාදනය කරපු මේ චිත්‍රපටිය ඉ.රු. කෝටි 17ක පමණ ආදායමක් උපයා ගෙන තියෙනවා. ඒ වගේම ප්‍රේක්ෂක සහ විචාරක හැමෝගෙන්ම ඉහල ධනාත්මක ප්‍රතිචාර හිමි වුණා. මේ වෙද්දි Imdb අගය 8.4/10ක්. TOI අගය කිරීම 3.5/5ක්.

මේ චිත්‍රපටයෙන් අවධානය යොමු කරන්නේ පසුකාලීනව පියාගේ භූමිකාවට ආදරය කරන තරුණයෙක්ගේ කතාවක්. මාපියත්වයේ, ස්ත්‍රී පුරුෂ භාවය මධ්‍යස්ථ බව පෙන්නුම් කරන ප්‍රබල පණිවිඩයක්.

නව පරපුරේ නළුවෙක් වන කවීන්, අධ්‍යක්ෂක නෙල්සන්ගේ සහයකයෙක් ද වනවා. ඔහුව අන්තිමට දකින්න ලැබුණේ Lift (2021) චිත්‍රපටයෙන්.

කවීන්, අපර්ණා දාස්, භාග්‍යරාජ්, ඓශ්වර්යා බාස්කරන්, VTV ගනේෂ්, ළමා නළු ඉලන් අර්ජුනන් යන අය මෙහි චරිත මවනවා.

ඉතින් තවත් උපසිරැසියකින් හැකි ඉක්මනින්ම හමුවෙන්නම්. අඩුපාඩු එහෙම තියෙනවා නම් කමෙන්ට් එකක් දාලා කියන්න අමතක කරන්න එපා. හැමදාම වගේ අදහස් දක්වන හැමෝටම ස්තූතියි!

බුදු සරණයි! සියලු දෙවි දේවතාවුන්ගේ රැකවරණයි!

Due to copyright issues, we do not provide any torrent links.

සිංහල උපසිරැසි මෙතනින් බාගන්න

5433 downloads

මේ ලබා දී ඇති සිංහල උපසිරැසි පිළිබද “රවිඳු නවින්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-06-14
SUB-MAKER RATING BY ADMINS