ඩොක්ටර් (2021) Sinhala Subtitles | දොස්තර හොද හිත! [සිංහල උපසිරසි] *100

ආයුබෝවන් බයිස්කෝප් වාසි සියලු දෙනාට, ඔන්න ඉතින් බයිස්කෝප් ජීවිතයේ දෙවන කඩයිමට මමත් ළගා වුණා. අවුරුදු 4 ක් බයිස්කෝප් පවුලත් එක්ක සහයෝගයෙන් ගෙවාගෙන යන අතරතුර 100 වෙනි උපසිරැසියට පා තැබුවා. 50 වෙනි උපසිරැසිය කරද්දි, ඒ කියන්නේ මීට අවුරුදු 2 කට කලින් තිබුණ නිදහස අඩු වෙලා තනිකඩයා දෙන්නෙක් වෙලා ජීවිතය තරමක් කාර්යය බහුල වෙලා නිදසහ අඩුවෙලා නිසා උපසිරැසියක් බාර ගත්තත් ඒක කරන්න කාලේ අඩු නිසා දෙන්න පරක්කු වෙනවා. කොහොම වුණත් 50 වෙනි තැන වෙනකොට හිටිය අපේ සහෝදර පිරිස ටිකක් ඈත් වෙලාදෝ කියලත් හිතෙනව. සිසිල සහෝදරයා, හසන්ත වික්‍රමරත්න, රොයිලි ප්‍රනාන්දු, චානක ඉදුනිල්, කවිෂල් රසින්ත, කවිනු වීරක්කොඩි, සසිත් සදරුවන්, යන අය උපසිරැසි වලින් ඈත් වෙලාද ඉස්සර ඒ තිබුණු බැඳීම ටිකක් අඩු වෙලා තියෙනව. මන් හිතන්නෙ ඒ හැම කෙනාගෙම ජීවිත දැන් කාර්යය බහුල වෙලා ඇති. ඒ වගේම හොද චිත්‍රපටයක් ආව ගමන් උපසිරැසිය දෙන අපේ M.T.R.තරිදු රුක්ෂාන් සොහොයුරාත් හිතන විදියට කාර්යය බහුල වෙලා. ඉතින් කොහොම වුණත් ඒ හැමෝම මතක් කරන ගමන් අපේ වර්ථමාන ඇඩ්මින් මඩුල්ලටත් ස්තූතිය පුද කරමින්, මගේ උපසිරැසියන්ට හොද හෝ නරක අදහස් දක්වන අපිව දිරිමත් කරන ඒ සොහොයුරන්ටත් ස්තූතිය පුද කරමින්, මගේ 100 වෙනි උපසිරැසිය විදියට මේ චිත්‍රපටය සතුටින් බාර දෙන්න කටයුතු කරපු නවීන් සොහොයුරාටත් ස්තූතිය පුද කරනවා, එයා තමයි මට මේ චිත්‍රපටයේ ගීත ටිකත් සිංහලට හරවල දුන්නෙ. ඒ වගේම උපසිරැසි කරන්න මට වෙලාව, නිදහස ලබාදෙන බිරිඳටත් ස්තූති වන්ත වෙනවා.

Kolamavu Kokila (2018) චිත්‍රපටයෙන් අධ්‍යක්ෂකවරයෙක් වශයෙන් අත් පොත් තැබූ Nelson Dilipkumar ගේ දෙවන චිත්‍රපටය තමයි Doctor (2021). ඒවගේම ඔහුගේ 3 වන චිත්‍රපටය වන්නේ ඉදිරියෙදි තිරගත වීමට නියමිත Vijay ගේ Beast චිත්‍රපටයයි. 2021 වසරේ Sivakarthikeyan ප්‍රථම චිත්‍රපටය ලෙස Doctor (2021) තිරගත වීමට නියමිතව තිබුණත් මුළු ලෝකයේම පවතින වසංගත තත්වය නිසා එය ඔක්තෝබර් මස 09 වෙනි දින Sivakarthikeyan Productions යටතේ KJR Studios මගින් තිරගත වීම ආරම්භ වුණා. පළමු දින ඇමරිකානු ප්‍රදර්ශන ඉහළම ලාභ දර්ශකයේ පළමු දෙවන තුන්වන ස්ථානයේ සිටි විජයගේ Master, දනුෂ්ගේ Karnan හා කාර්තිගේ Sulthan චිත්‍රපට අභිබවා ප්‍රථම ස්ථානය ලබාගන්න මේ චිත්‍රපටය සමත් වෙලා තියෙනව. Anirudh Ravichander ගේ සංගීතයෙන් හැඩවුණ ගීත 3කුත් මෙහි අන්තර්ගත වෙනවා. Rajinimurugan (2016), Remo (2016), Velaikkaran (2017), Seemaraja (2018), Mr. Local (2019), Hero (2019) යන චිත්‍රපට වලින් ජනප්‍රිය නළුවෙක් බවට පත් Sivakarthikeyan ගේ Action, Comedy, Crime යන වර්ගීකරණයන් යටතේ පැයකුත් විනාඩි 23ක් පුරා දිවෙන 5.6k පිරිසක් අතරින් IMDb අගය 8.5/10 ක් බවට ගන්න සමත් වෙලා තියෙනව. ප්‍රධාන නිළිය වශයෙන් Priyanka Arul Mohan ද, ඊට අමතරව Vinay Rai, Yogi Babu, Milind Soman ඇතුළු තවත් විශාල පිරිසක් දායක වෙනවා. ඒ වගේම Sivakarthikeyan ගේ කෝටි 100 ක ආදායමක් ඉක්මවු ප්‍රථම චිත්‍රපටය ලෙසද මෙය වාර්තා වෙනවා.

වරුන් පද්මිණී සමඟ විවාහ ගිවිසගෙන සිටින හමුදා වෛද්‍යවරයෙක් . පද්මිණී හැඟීම්බර කෙනෙක් වන අතර වරුන් ප්‍රායෝගිකව හිතන වැඩ කරන පුද්ගලයෙක්. මෙහෙයුමකට ගොස් ආපසු එන අතරවාරයේදී වරුන්ට ඇයගෙන් හඬ පටයක් ලැබෙනවා විවාහ මංගල්‍යය නතර කරන එක හොදයි අපි දෙන්න ගැලපෙන්න නෑ කියල. පසුව වරුන් පද්මිණීගේ නිවසට යන්නේ තම දෙමාපියන් හමු වී මේ ගැන කතා කර ගැනීමට ගිය නමුත් පද්මිණී ප්‍රතිචාර දක්වන්නේ ඇය ස්වාමිපුරුෂයෙකු තුළ සොයන ගුණාංග වරුන්ට නොමැති බවයි. දෙමාපියන් පිටවගිය පසුව වරුන් පිටව යන විට පද්මිණීගේ ලේලිය වන චින්නු අතුරුදහන් වී ඇති බව පවුලේ අයට දැනගන්නට ලැබෙනව. වරුන් ඔවුන්ට පොරොන්දු වෙනවා චින්නුව කෙසේ හෝ බේරගන්නවා කියලා. ඔවුන් මුලින්ම පොලිසියට පැමිණිල්ලක් කරනවා. නමුත් ඔවුන් භාරව සිටියේ භගත් නම් එක් පොලිස් නිලධාරියෙකු පමණි. පසුගිය දින 45 තුළ තම දියණිය සොයා ගැනීමට පොලිසියට නොහැකි වූ බව තම දියණිය පැහැරගෙන ගිය එක් ලොකෝ පයිලට් කෙනෙකුගෙන් වරුන්ට පොලිස් ස්ථානයේදී දැනගන්නට ලැබෙනව. භගත් පවසන ආකාරයට සහකාර පොලිස් කොමසාරිස්වරයාගේ දියණිය පැහැර ගත්තොත් තමා පොලීසිය ඉක්මනට සෙවීම් පටන් ගන්නේ කියපු නිසා වරුන් ඇතුළු පවුලේ අය සහකාර පොලිස් කොමසාරිස්වරයාගේ දියණියව පැහැර ගැනීමට සැලසුම් කර ඇයව පැහැර ගන්නව. පොලිසිය වගකිවයුත්තන් අත් අඩංගුවට ගන්නවා වෙනුවට ප්‍රතාප් ඇතුළු ප්‍රදේශයේ සියලුම කොල්ලකරුවන් අත්අඩංගුවට ගෙන දැරිය සිටින ස්ථානය දැන ගැනීමට ඔවුන්ට නියෝග කරයි. පොලීසිය පසුව ඔවුන්ව නිදහස් කරන්නේ වරුන් දැරිය පැහැරගෙන ගිය ස්ථානයෙන් ඉවත් වීමට තීරණය කළ බැවිනි.

පැහැරගැනීම පිටුපස සිටින ප්‍රධාන වැරදිකරුවන් වන මෙල්වින් සහ ඇල්වින් යන නිවුන් සහෝදරයන්, චින්නු සහ අනෙකුත් ගැහැණු ළමයින් ගෝවට ප්‍රවාහනය කිරීමේ සැලැස්ම වරුන් සොයා ගන්නව. වරුන් ඇතුළු පවුලේ අය කොල්ලකරුවන්ට මුහුණ දී ඇල්වින්ව පැහැර ගන්නවා. මෙල්වින් චින්නුව නිදහස් කිරීමට එකඟ වන නමුත් පැහැරගත් සෑම ගැහැණු ළමයෙකුම නිදහස් කිරීමට අවශ්‍ය බැවින් වරුන් ඇල්වින්ව නිදහස් කිරීම ප්‍රතික්ෂේප කරනව. මෙල්වින් පවසන්නේ කන්ටේනරය තම පාලනය යටතේ නොවන බවයි. එහිදී ඔවුන්ට පාතාල මිනිස් ජාවාරමක් පවත්වාගෙන යන සංචාරක නිකේතන හිමිකරුවෙකු සහ කන්ටේනරය ලැබුණු පුද්ගලයා ටෙරී හමුවෙයි. වරුන්ට ටෙරී හමුවන්නේ අයිස්ක්‍රීම් සාප්පු හිමියෙකු ලෙස පෙනී සිටීමෙනි. වරුන් ඔහුගේ බුද්ධිය යොදාගෙන පැහැරගැනීමේ නාට්‍යයක් රඟදක්වන අතර ටෙරීව මුණගැසී ඔහුට ගනුදෙනුවක් ඉදිරිපත් කරයි. ප්‍රතාප්ගේ උදව්වෙන් ඔහු ටෙරීගේ හෙංචයියෙකුගේ ඇඟිල්ලක් කපලා බයෝ මෙට්‍රික් ප්‍රවේශය ලබා ගන්නවා. මෙල්වින් සිටින වෙනත් පැහැරගත් අය සමඟ ගනුදෙනුව සාකච්ඡා කරන රැස්වීමකදී, වරුන් මෙල්වින්ව රවටා ටෙරීව මරා දමන නමුත් ටෙරීව බේරා ගැනීමට මවාපායි. ටෙරී මෙල්වින්ව මරා දමන අතර වරුන් මේ බව ඇල්වින්ට දන්වයි. ටෙරී චින්නුගේ පවුල නිවාස අඩස්සියේ තබා ඇති අතර පසුව වරුන්ගේ සැලැස්ම සොයාගෙන ඔවුන්ව මරා දැමීමට සැලසුම් කරනව.එහෙනම් ඉතින් ඊළගට මොකද වෙන්නෙ කියන එක Mega Blockbuster චිත්‍රපටයක් වුණ Doctor (2021) ව බලලම හොයාගන්න වෙනවා.

Due to copyright issues, we do not provide any torrent links.

මෙම ලබා දී ඇති උපසිරසි HDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ඔෂධ ධනංජය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2017-09-04
SUB-MAKER RATING BY ADMINS