භුජ්: ද ප්‍රයිඩ් ඔෆ් ඉන්දියා (2021) Sinhala Subtitles | මාතෘ භූමිය වෙනුවෙන්… [සිංහල උපසිරසි] 150*

ඔන්න මගේ 150 වෙනි උපසිරැසත් අරගෙන ආවා. ඒ කියන්නෙ බයිස්කෝප් පවුලත් එක්ක ආපු ගමනෙ තුන් වෙනි සංධිස්ථානය පසු කරන්න තමයි මේ හදන්නෙ. 2014 අවුරුද්දෙ ඔක්තෝබර් 6 වෙනිදා Yeh Dillagi චිත්‍රපටියෙන් පටන් ගෙන හින්දි චිත්‍රපටි 112 ක් දමිල චිත්‍රපටි 7ක් මලයාලම් චිත්‍රපටි 5ක් තෙලිඟු චිත්‍රපටි 6ක්, ඉංග්‍රීසි චිත්‍රපටි 4ක් හා TV Series කොටස් 15 ක් සඳහා උපසිරැසි දෙන්නට හැකි වුනා.

ඉතින් මේ ගමනට මට උදව් උපකාර කල සියලු දෙනාටම මේ අවස්තාවේ ස්තූති වන්ත වෙන්න ඕනෙ. නම් වශයෙන් මතක් කරන්න ගියොත් මග ඇරෙන නිසා එකින් එක මතක් කරන්නෙ නැහැ. ඉතින් ඇඩ්මින් මඩුල්ල වගේම බයිස්කෝප් පවුලෙ සහෝදර සහෝදරියො ඔක්කොම ආදරයෙන් මතක් කරනවා.

ඒ වගේම අපේ උපසිරැසි ගැන්වීම් වලට වචනෙකින් හරි කමෙන්ට් එකක්දා න ඩවුන්ලෝඩ් කරන ඔයාල හැමෝමවත් මතක් කරන්න ඕනෙ. මොකද ඔයාලගෙ ප්‍රතිචාරය අපිට ගොඩක් වටිනවා.

1947 අවුරුද්දෙ රටවල් වෙන් කිරීමෙදි පාකිස්තානය කොටස් 2කට කැඩුනා. බටහිර පාකිස්තානය සහ නැගෙනහිර පාකිස්තානය ලෙසට. නැගෙනහිර පාකිස්තානයෙ මිනිස්සු උර්දු භාශාව වෙනුවට බෙංගාලි භාශාව කතා කරන්න පටන් ගත්තා. ඒවගේම එයාලගෙ ජීවන විලාසයත් බටහිර පාකිස්තානයෙන් ගොඩක් වෙනස් වුනා. මේ නිසා පාකිස්තානය ඔවුන්ට වෙනස් කම් කලා. ඒ වගේම කුරිරු ආකාරයකට ඔවුන්ට සැලකුවා. 1970 දි නැගෙනහිර පාකිස්තානයේ මුස්ලිම් ජාතිකයින් සහ හින්දු ජාතිකයින් එක් වී මේ වෙනස් කම් වලට එරෙහිව නැගී සිටියා. එම කැරලි වලට විරුද්දව එවකට සිටි ජනාධිපති යායා ඛාන් සහ ජෙනරාල් ටික්කා ඔපරේශන් සර්ච්ලයිට් යටතේ අහිංසක මිනිසුන් මිලියන තුනක් මරා දැමුවා. ඒත් මදි වෙච්චි පාර භුජ් ගුවන් තොටුපලටත් ප්‍රහාර එල්ල කරන්නයි සූදානම. එවකට භුජ් ගුවන් තොටුපල භාරව සිටියේ අයිඒඑෆ් බලඝණ නායක විජේ කාර්නික්.

මේ සටනෙදි පාකිස්තාන ගුවන් හමුදාව විසින් එල්ල කරන බෝම්බ ප්‍රහාර නිසා භුජ් ගුවන් පථය විනාස වෙනවා. එම ප්‍රහාරය පර්ල් වරායට එල්ල වූ බෝම්බ ප්‍රහාරයට සමාන යැයි සඳහන් වෙනවා. එම ප්‍රදේශයේ සිටි කාන්තාවන් රැසකගේ දායකත්වයෙන් දින තුනකින් එම ගුවන් පථය නැවත ඉදි කරවනවා. එම කතාව තමයි මේ චිතපටියෙ තියෙන්නෙ.

Abhishek Dudhaiya අධ්‍යක්ශනය කරන මේ චිත්‍රපටියෙ රංගනයෙන් අජේ දෙව්ගන්, සොනක්ශි සිංහා, නෝරා ෆටේහි, ශරද් කේල්කර් සහ ප්‍රනිත සුබාශ් රංගනයෙන් දායක වෙනවා. 2019 ජූනි මාසෙ තිරගත කිරීම් ආරම්බ කරපු චිත්‍රපටිය හයිද්‍රාබාද්, කච්, බෝපාල්, ඉන්දෝර්, ලක්නව්, මුම්බායි, කල්කටා සහ ගුර්ගාවෝ ප්‍රදේශ වල රූගත කර තිබෙනවා. 90%ක් පමන රූ ගත කිරීම් අවසන් කර තිබුයදී කොරෝනා වසංගතය නිසා 2020 නොවැමබර් දක්වා කල් යනවා. අන්තිමේදි ඉන්දියානු නිදහස් දිනය සමගාමීව තිරගත කරනවා. සංගීත අධ්‍යක්ශනය කරන්නෙ Tanishk Bagchi, Gourov Dasgupta, Lijo George – Dj Chetas. ගීත ගායනයෙන් Jubin Nautiyal,Mika Singh, Arijit Singh, Udit Narayan,Neeti Mohan සහ Palak Muchhal එකතු වෙනවා. ඉතින් කියෙව්වා ඇතිනෙ. තවත් චිත්‍රපටියකින් ලගදිම මුන ගැහෙනකන්, ගිහින් එන්නම්. චිත්‍රපටියෙ දෙබසකින්ම ලිපිය අවසාන කරන්නම්.

මගේ තාත්තා.
සතුටෙන් ඉන්න විශ්‍රාමික සොල්දාදුවෙක්.
එයා කිව්වා, පුතේ ත්‍රිවර්ණ ධජය ඉහලට ඔසවා එන්න.
නැත්නම් ධජයෙ එතිලා එන්න.
මම එයා කියපුවා මතක තියාගත්තා.
හතුරන්ට පිටිපස්ස හැරෙව්වෙ නෑ.
අන්තිම උණ්ඩයත් පපුවටම වදින්නෙ.
මගේ පොඩි මල්ලි…
එයාගෙන් අහන්න මගෙ පොරොන්දුව රකිනවද කියලා.
ඔලුවෙ අත තියල දිවුරල ආවා…
එක පුතෙක් මැරුනොත් තව පුතෙක් එනවා කියල.
එක පුතෙක් මැරුනොත් තව පුතෙක් සටන් බිමට එනවා කියල.
මගේ පුංචි නංගි…
එයාට කියන්න එයා ඉල්ලපු තෑග්ග මට මතකයි කියලා.
ඒත් අවාසනාවන්ත යමක් සිද්ද වුනොත්..
රාඛි බඳින්න කලින් මම රට ගැන හිතුවා කියලා.
ලිඳ ගාව තියෙන ගේ අමතක කරන්න එපා.
එහෙ තමයි එයා ඉන්නෙ.
මාත් එක්ක ජීවත් වෙන්න මැරෙන්න පොරොන්දු වුන කෙනා.
එයාට කියන්න භාරත මාතාවට උදව් කරන්න ගිය නිසා
එයත් එක්ක ඉන්න බැරි වුනා කියලා.
එක පොරොන්දුවක් වෙනුවෙන් තව පොරොන්දුවක් කැඩුනා.
තව එක ඉල්ලීමක්, තව එක ප්‍රාර්තනයක්…
මම මැරුනම අඬන්න එපා.
මම තමයි මේ මරනය තෝරගත්තෙ.
මම ජීවත් වෙන්නෙ මැරෙන්න.
මගෙ නම රණවිරුවා…

 

 

 

Due to copyright issues, we do not provide any torrent link

මෙම උපසිරැසි සියලුම HD පිටපත් සඳහා වලංගු වේ.

සිංහල උපසිරැසි මෙතනින් බාගන්න

7623 downloads

මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරිට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2014-10-06
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.