You dont have javascript enabled! Please download Google Chrome!
Friday , April 10 2020
Breaking News
Home / ඔබටත් ඉඩක්…!

ඔබටත් ඉඩක්…!

බයිස්කෝප් සිංහලෙන් අඩවියට නිතර ඇවිල්ලා යන ඔබටත් දැන් පුළුවන් අපිත් එක්ක එකතු වෙන්න. ඔබට මුලිකවම ඉංග්‍රිසි හෝ දෙවැනුව හින්දි, දමිළ, මලයාලම්, තෙළිඟු, කන්නඩ, කොරියන් ආදී භාෂාවන්හි දැනුමක් තියනවනම්, ඔබ බලපු, ඔබේ සිත් ඇද ගත්ත, ලස්සණ ෆිල්ම් එකක් හෝ ටීවී සිරිස් එකක් තියනවනම්, ඒක හැමෝමත් එක්ක සිංහල උපසිරැසි සමඟ බෙදාහදා ගන්න කැමතිද?

එහෙමනම් කරන්න තියෙන්නේ ඔබ රසවිඳපු ඒ ෆිල්ම් එකේ නම සබ්ජෙක්ට් එක ලෙසින් යොදා [email protected] වන අපගේ නිල විද්‍යුත් ලිපිනයට එම සිනමාපටය වෙනුවෙන් උපසිරැසි ගැන්වීමට ඔබට හැකිදැයි අසා ඊ මේල් පණිවුඩයක් යොමු කරන්න. ඉන්පසුව ඊට අපගෙන් ලැබෙන පිළිතුර අනුව කටයුතු කරන්න. කිසිම විටෙක අපගෙන් එසේ නො-විමසා තම හිතු මනාපයට සිනමාපට තෝරාගනිමින් උපසිරැසි ගැන්වීම් සිදු නොකරන්න. මක්නිසාදයත් ඒ වනවිටත් අප ඒ වෙනුවෙන් උපසිරැසි ගැන්වීම වෙනත් අයෙකුට බාරදී තිබුණහොත් ඔබ විසින් අපෙන් නොවිමසා සිදුකල උපසිරැසිය වෙබ් අඩවියේ පලකිරීමට අපට සිදු නොවනු ඇති බැවිනි. ඉංග්‍රිසි උපසිරැසිය සිංහලට පරිවර්ථනය කර ඒ උපසිරැසි ගොණුව සමඟ, දැනට වෙබ් අඩවියේ පළවී ඇති ආකාරයේ ලිපියක් ලියලා පහළ තියන ඊමේල් ලිපිනයට එවන්නයි (උපසිරැසි යොදන ආකාරය පිළිබඳව විස්තර මෙතනින් බලන්න). නමුත් වෙබ් අඩවියට උපසිරසි කරුවෙක් විදියට ඇතුලත් කර ගන්නවාද නොගන්නවාද අවසන් තීරණය ඇඩ්මින් මඩුල්ල සතු බව සලකන්න. කිසිදු විටෙක ගුගල් ට්‍රාන්ස්ලේට් වැනි දෑ භාවිතා කරමින් උපසිරැසි පරිවර්තන කටයුතු සිදුනොකරන්න. එවැනි දෑ භාවිතා කරමින් එවන උපසිරැසි අප විසින් භාරගනු නොලැබේ.

ලිපියක තියෙන්න ඕනා කරුණු ගැනනම් දැනට අඩවියේ පළවී තියන ලිපියක් බැලුවාම තේරෙනවනේ. ඒ විදියට තිබුනාම ඇති. හැබැයි ලිපියක් ලියන්න, උපසිරැසි පරිවර්ථන කරන්න කලින් සලකා බැලියයුතු කරුණු කීපයක් නම් තියනවා.. ඒවා තමයි.

  • අදාල ෆිල්ම් එකට හොඳට සීඩ් තියන ටොරන්ට් එකක් තියෙනවද බලන්න.
  • දැනට අඩවියේ ඒ ෆිල්ම් එක ගැන ලිපියක් හෝ සිංහල උපසිරැසියක් පළවෙලා නැති බවට Search box එකෙන් හොයලා සහතික කර ගන්න.
  • ඔබ උපසිරැසි යොදන්න බලාපොරොතුවෙන චිත්‍රපටය වෙනත් කෙනෙක් බාරගෙනද යන වග පළමුව අපෙන් විමසා දැනගන්න.
  • චිත්‍රපට සඳහා ඔබ උපසිරැසි කරන්න ගන්න විට නිතරම තෝරාගන්න සැලකිලිමත් වෙන්න විනාඩී 30ට වඩා ධාවන කාලයක් ඇති චිත්‍රපට සහ උපසිරැසි ලයින් 300 ට වඩා ඇති චිත්‍රපට පමණක්.
  • තනි තනි වශයෙන් කෙටි චිත්‍රපට ලබාදෙන එක අප සීමා කර ඇත. ඒ නිසා ඔබ අපට කෙටි චිත්‍රපට වලට උපසිරැසි නිර්මාණය කර එවන්නේ නම් එවන් චිත්‍රපට දෙකක් හෝ තුනක් එකවර එවන්න. එවිට ඒ සියල්ල එක් පෝස්ට් එකක් ලෙස අප පළකරන්න සූදානම්. එවිට අපගේ ගණනයන්වලදී එය එක උපසිරැසියක් ලෙස ගණනය වේ.
  • දෙදෙනෙකු එකතු වි උපසිරසි පරිවර්තනයක් සිදු කරන්නේ නම් එම උපසිරසියේ අවම වශයෙන් ලයින් 1500ක් තිබිය යුතුය.
ඔය කාරණා ටික සපිරුනානම් උපසිරැසිය නිර්මාණය කර, ෆිල්ම් එක ගැන ලිපියක් සමඟ අපට එවන්න… ඔබ එවන ලිපිය බයිස්කෝප් අඩවියේ පළවූ පෝස්ට් එකක් තරම් දිගු ලිපියක් වෙන්න ඕනා. මීට කලින් පළවෙලා තියෙන සාමාන්‍ය ලිපියක් දිහා බලපුවහම තේරෙවිනේ දෙන්න ඕනා ප්‍රමාණය.
මීට අමතරව, ඔබ අඩවියේ මීට පෙර ලබා දුන් චිත්‍රපටයකට උපසිරැසි යෙදීමට අදහස් කරන්නේ නම්, එය පළ කිරීම සඳහා අප කටයුතු කරන්නේ පහත පරිදිය. 
  • එය අලුත් ලිපියක් ලෙස පල කරන්නේ නැත.
  • එය අඩවියේ ලබාදී ඇති ලිපියටම එකතු කරනු ලැබේ. (උපසිරැසි බාගත කරගත හැකි ලින්ක් එක)
  • උපසිරැසි යෙදූ ඔබගේ නම ලිපියට එකතු කරනු ලැබේ.
  • බයිස්කෝප් අඩවියට අයත් සමාජ ජාල අඩවිවල ඒ පිළිබඳව ප්‍රචාරයක් ලබා දේ…

ඔබ සිංහල උපසිරැසියක් නිර්මාණය කර අප වෙත එවූ සැනින් පලවීමක් නම් සිදු නොවේවි. මක්නිසාද යත්, අප හැමවිටම අපට උපසිරැසි ලැබුන පිළිවලට තමා අඩවියේ පළකිරීම සිදුකරන්නේ. ඉතින් සමහරවිටක ඔබේ උපසිරැසිය ඔබ අප වෙත එවා දිනක් දෙකක් ගතවී පළවීමට ඉඩ තිබේ.

සැ.යු.: අන් අය විසින් පරිවර්තන කල උපසිරැසි වෙනත් අඩවියකින් ලබාගෙන තමන්ගේ නමින් අප වෙත එවීමෙන් වලකින්න. එය ඒ නිර්මාණය කල අයට කරන බලවත් අසාධාරණයක් මෙන්ම ඔබේ ලැජ්ජා නැතිකම පෙන්වීමකි. එලෙස ඔබ පළමුවර අන් කෙනෙකුගේ එකක් එවා එය හෙලි වූ පසු නැවත ඔබ ඔබගේම උපසිරැසියක් එව්වත් අප එය බාර නොගැනීමට ඉඩ ඇත.

මේල් එක එවන විටදී අපේ පහසුව සඳහා මේ කරුනුත් සලකා බලන්න.

  • Subject විදියට අදාල ෆිල්ම් එකේ නම දාන්න. (උපසිරැසි දමන්නට බාර ගැනීමට එවන මේල් වලදීද මේ විදියට කරන්න)
  • සිංහල මාතෘකාවකුත් එවන්න.
  • ලිපිය මේල් බොඩියෙම දමන්න. (word, Notepad, etc.. ආදියේ නැතිව)
  • ඔබේ නම පළවියයුතු ආකාරය දන්වන්න.
  • ඔබේ පිංතූරයක් එවන්න.
  • ටොරන්ට් එක තියන වෙබ් පිටුවේ ලිපිනය පමණක් එවන්න. ටොරන්ට් එක අමුණා එවන්න එපා.
  • සබ් ෆයිල් එක මේල් එකට අමුණා එවන්න.
මේ අඩවිය ගැන තවත් විස්තර කියනව නම්, මේක සේවයක් විදියට කරන දෙයක් මිසක් මුදල් ඉපයීමට කරන දෙයක් නෙවෙයි. ඒ නිසා අපිට වගේම ඔයාලටත් මේ අඩවියට සම්බන්ධ උනා කියල මූල්‍යමය වාසියක් ලැබෙන්නෙ නෑ. නමුත් හිතට දැනෙන සතුට නම් බොහොමයි. මේ වැඩේට කැමති කට්ටිය පහළ තියෙන ඊමේල් ලිපිනයෙන් අපිව සම්බන්ධ කරගන්න.

[email protected]

(මේ සම්බන්ධයෙන් ඕන අදහසක්, ගැටළුවක් මේකට එවන්න!)

 

error: Alert: Content is protected !!