හසීන් දිල්රුබා (2021) Sinhala Subtitles | ආදරය වෙනුවෙන්… [සිංහල උපසිරසි] [18+]

ජ්වාලාපූර්! මට කොහෙත්ම යන්න ඕනෙ වුනේ නැති ගමනක්. ඒත් මට යන්නම සිද්ද වුනා. මොකද මම කසාද බැන්දා. පණ්ඩිත් ජී නම් ජ්වාලාපූර් වලට කැමති ඇති. ඒත් මට නම් කිසි විශේෂයක් දැනුනේ නෑ. කෝච්චියෙ පැය ගානක් ගෙව්වට පස්සෙ, රෑ වෙද්දි ජ්වාලාපූර් වලට ආවා. කෝච්චිය නවත්තද්දිම මට ඇහුනෙ මගුල් පෙරහැරක සංගීතයක්. ඒත් බැහැල බැලුවට පස්සෙයි මට තේරුනේ ඒ මාව පිලිගන්න නම් නෙවෙයි කියල. ඒත් ඉතින් මක් කරන්නද? ගෙදරට යන්න වාහනේ එනකන් පැයකට වැඩියෙ බලන් ඉන්න උනා. පලවෙනි ගමනම මහා අනෝරා වැස්සකින් මුළු නගරෙම වැහිලා ගියා.

අලුත් නගරයක්… අලුත් අය…. අලුත් සැමියෙක්… ඒ වගේම සාම්ප්‍රදායිකනැන්දම්මෙක්. (උන්දැට ඕනෙ වෙලා තියෙන්නෙ කීකරු, වැඩ දන්න ලේලියෙක් මිසක් මන් වගේ බියුටි පාලර් එකක් නෙවෙයි කියල මන් අහගත්තෙ දෙවෙනි දවසෙ උදේ.) පණ්ඩිත් ජී නම් ජ්වාලාපූර් වලට කැමති ඇති. ඒත් මට නම් කිසි විශේෂයක් දැනුනේ නෑ. ජ්වාලාපූර් වලටත් හිතෙනවා ඇති මගෙන් ඇති වැඩක් නෑ කියලා. ඒත් හෙමි හෙමිහිට මම ජ්වාලාපූර් වලට පුරුදු වුනා.

දවසක් දා…

අම්මයි තාත්තයි, මගුල් ගෙදරක ගියා. මගේ මහත්තයා, රිශූ ව ගෙදර තියලා මම පොලට ගියා. ආපහු එද්දි අපේ පාරෙ රස්තියාදු ගහන බලු රැලට මස් කෑලි ටිකක් දෙන්න ගෙදර ඉස්සරහදි නතර වුනා. එක පාරටම මහා පිපුරුම් සද්දයක් එක්ක ගිනි ජාලාවක් ඇවිලුනා. ඒ ගින්නෙන් ඉතුරු වෙලා තිබ්බෙ මගෙ මහත්තයගෙ අත විතරයි. රානි කියල මගෙ නම කොටල තිබුනු පච්චෙ තවමත් පේන්න තිබුනා. ඇත්තටම ගේ ඇතුලෙ මොකක්ද කියල දැනගන්න ඕනෙ නම් ඔයගොල්ලන්ට කතාව බලන්නම වෙනවා.

ජූලි මාසෙ දෙවෙනිදා නෙට්ෆ්ලික්ස් හරහා විකාශය වුනු චිත්‍රපටියක් තමයි මේ අරගෙන ආවෙ. Romantic, Mystery Thriller කාණ්ඩයට අයිති වෙන මේ චිත්‍රපටිය අධ්‍යක්ශනය කරන්නෙ Hasee Toh Phasee චිත්‍රපටිය අධ්‍යක්ශනය කරපු කාශ්වී නායිර්. රංගනයෙන් Taapsee Pannu, Vikrant Massey, Harshvardhan Rane සහ Aditya Srivastava දායක වෙනවා.

මයුර මල්ලි බාරගෙන තිබුනු චිත්‍රපටිය මමත් බාගයක් ඉල්ලගෙන ඉවර කලා. ටිකක් පරක්කු වුනා. ඒ ගැනත් සමාවෙන්න. ඉතින් බලන ගමන් කමෙන්ටුවක් දාගෙන යන්නත් අමතක කරන්න එපා. තවත් උපසිරැසියකින් මුන ගැසෙමු.

Due to copyright issues, we do not provide any torrent links.

සිංහල උපසිරැසි මෙතනින් බාගන්න

16720 downloads

මේ ලබා දී ඇති සිංහල උපසිරැසි පිළිබද “ මයුර සුරාජ්” සොහොයුරාට සහ “දහරා මුතු අමා” සොහොයුරිට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

Subtitle Contributor Rank
PLATINUM MEMBER
JOINING DATE – 2014-01-28
SUB MAKER RATING BY ADMINS

GOLD MEMBER
JOINING DATE – 2014-10-06
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.