Tuesday , April 13 2021
Breaking News

හෙලෝ මිනි [S01] පළමු කතාසමය Sinhala Subtitles | මිනීගේ ආගන්තුකයා [සිංහල උපසිරසි සමඟ]

No votes yet.
Please wait...

දැනිලා තියනවද වැඩ ඉවර වෙලාහරි පන්ති ඉවරවෙලා නැත්තන් ගමනක් ගිහින් රෑට බස් එකෙන් බැහැලා හෝ බයික් එකක හරි ගෙදර එනකොට කවුරුහරි ඔයත් එක්ක එනවා වගේ. මේ ෆීලින්ග් එක දැනිලා නැත්තන් ඌ සාමාන්‍ය මනුස්සයෙක් වෙන්න බැහැ. මෙන්න මේ ෆීලින්ග් එක නිකන් ඉන්න ගමන් විඳින්න හොඳ කතාවක් මේක. හැබැයි කියන්න ඕනේ මේක හොල්මන් කතාවක් නෙමේ. මොකද මං වගේ සමහරු හොල්මන් කතා බලන්න ටිකක් (ගොඩාක්) බය අය ඉන්නවා ඒකයි මුලින්ම කිව්වේ නැත්තන් මේක නොබලා යනවනේ.

ඔන්න එහෙනම් පටන්ගත්තා හැඳින්වීමකින්ම. සිසිල ප්‍රසාද් අයියට ස්තූතිය පලකරනවා මුලින්ම මේක කරන්න දුන්නට. අන්තිමට දීපු Raahu ෆිල්ම් එකේ කිව්වා වගේ ගිය මාසේ 20 වෙනිදා සමරපු 22 වන උපන්දිනය වෙනුවෙන් බයිස්කෝප් සහෘදයින්ට තෑග්ගක් අරගෙනයි මේ ආවේ…ටිකක් කල් ගියේ මගේ කැම්පස් එකේ විභාගේ මේ 14 වෙනිදට තියනවා කියලා නිවේදනයක් ආවා. මේක කර කර හිටපු මම රත්වෙලා මේකත් පැත්තකින් තියලා නෝට් අරගෙන පාඩම් කරන්න ගත්තා. ඒක දැකලද මන්දා දෙවියෝ(ඩීන්) ආපහු විභාගේ ජනවාරි වලට කල් යැව්වා. ඊටපස්සේ ආපහු මේක කරන්න ගත්තා. හරි පම්පෝරි කතා දැන් ඇති…

Sacred games, Inside edge, Abhay, Hostages, A Simple murder වගේ කතාමාලා වලින් ප්‍රේක්ෂක ආදරය දිනාගත්තු ඉන්දීය ටීවීසීරියස් ගොඩට මේකත් එක්කරගන්න. සමීර කරුණාරත්න, සිසිල ප්‍රසාද් සහෝදරයින් පටන්ගත්ත හින්දි කතාමාලා වලට උපසිරසි දීමේ ට්‍රෙන්ඩ් එකට මමත් බැස්සා. MX සමාගමෙන් 2019 වසරේ නිකුත් කරපු වෙබ් සීරියස් එකක් වන මෙහි පලමු කතාමාලාවේ කොටස් 15ම එකම ෆයිල් එකකට තමයි ටොරන්ට් එකේ තිබ්බේ. ඉතින් මම එපිසෝඩ් වලට කඩන්නද? ඒකටම සබ් එක හැදුවා හැබැයි ඉතින් කොටස් 15ක් නිසා සබ් එක ලයින් 4200ක්. ඔන්න දන්න තරමින් රෙකෝඩ් එකකුත් තිබ්බා බයිස්කෝප් ඉතිහාසයේ වැඩිම ලයින් තියන සබ් එක හදලා..

karthik calling karthik (2010) සිනමා පටයේ ප්ලොට් එකට සමාන්තර ප්ලොට් එකක් තියන මේ කතාව Marry Me, Stranger නමැති කෘතිය පාදක කරගෙනයි නිර්මාණය වෙලා තියෙන්නේ. IMDb සිනමා දර්ශකය 9.0ක් තරම් කරකවන්න සමත් වුනු මේ කතාමාලාවට 92% Google පරිශීලක ප්‍රසාදයක් දිනාගෙන තියනවා. 2019 ඔක්තෝම්බර් 01 දින නැතහොත් ලෝක ළමා දිනයේ නිකුත් වුන මෙය ළමයින්ට නම් කොහෙත්ම බලන්න බැහැ… පවු ඉතින් ඒ පොඩිවුන් Anuja Joshi නම් ඇමරිකානු සම්භවක් සහිත ඉන්දීය නිලියගේ භාවපූර්ණ සභ්‍ය/අසභ්‍ය දර්ශන වලින් මෙය හැඩගැන්විලා තියනවා. ඇය තමා මෙහි ප්‍රධාන චරිතයට(මිනී) පණපොවන්නේ. Priya Banerjee ඇයගේ හොඳම යෙහෙලියගේ චරිතය පනපොවනවා. සෙසු චරිත සඳහා Mrinal Dutt, Anshul Pandey, Arjun Aneja, Tamara D’Souza යන රංගන ශිල්පීන් දායක වෙනවා. Psychological thriller ගණයට අයත් මේකේ කතාව දිවයන්නේ මෙන්න මෙහෙමයි.

මිනී කියන්නේ මොකක්හරි මානසික ලෙඩක් තිබිලා හොඳවුනු ගැහැණු ලමයෙක්. මෙයා ඉන්නේ කොල්කටා වල මෙයාට(උඹලා ට්‍රයි කරලා වැඩක් නැහැ) කොල්ලෙකුත් ඉන්නවා ඒකාන්ශ් කියලා. මෙයාට රැකියාවක් ලැබෙනවා මුම්බායි වල ඒ රැකියා ස්ථානයේදී මෙයාට ඉස්කෝලේ කාලේ යාළුවෙකුත් හම්බවෙනවා. ඌ තමා කතාවම කන්නේ. ඉතින් මේ රිවානාට(මිනී කියන්නේ එයාගේ සුරතල් නම) අමුතු විදිහේ හීනයක් පේනවා. හැමදාම එකම හීනේ. තව ගොඩක් කෙල්ලොන්ට වගේ නොදන්න අංකයකින් එයාට මැසේජ් එනවා. හැබැයි ඒ ආදරය ඉල්ලගෙන නෙමේ. ඒ මැසේජ් කරන කෙනා මෙයාට එක එක දේවල් කරන්න කියනවා. උයන්න ඉගෙනගන්න කියනවා… එක එක ළමයින්ට අකුරු උගන්වන්න කියනවා… මූත් නිකන් වගේ anonymous ලා වගේ එකෙක් නරක දේවල් කරන්න කියන්නේ නැහැ හොඳ දේවල් විතරයි. එතකොට මෙයා මුම්බායි වලට ආවට පස්සේ කුලී ගෙදරක පදිංචියට යනවා. මෙතනදී තමා මෙයාට ආශා, ඉෂිතා කියන යාළුවෝ දෙන්නව හම්බවෙන්නේ ආශා කියන්නේ ආගමට ලැදි කතාබහ අඩු ගුප්ත කෙනෙක් ඉෂිතා කියන්නේ එයා හොස්ට්‍රස් කෙනෙක් එයාගේ ජීවිතේ මත්පැන්, ක්ලබ්, කොල්ලෝ… මෙයා මේවා රිවානාටත් පුරුදු කරනවා…

බලන්න නරක යාළුවෝ මේ කියපු හැමදෙයක්ම අනිත්පැත්ත හැරෙන්න යන්නේ එක එපිසෝඩ් එකයි. මෙයාගේ ඉස්කෝලේ කාලේ යාළුවෝ මෙයාගේ ජීවිතයම කන්නේ කොහොමද? මෙයාගේ කොල්ලා ඒ වෙනුවෙන් මොනවා කරයිද? ඉතින් මේ රෑට පේන හීනේ තේරුම මොකක්ද? කවුද මේ නොදන්න අංකයකින් එයාට මැසේජ් කරන්නේ? ඇයි එයා මෙහෙම එක එක දේවල් කරන්න කියන්නේ? නැත්තන් මේ හැමදෙයක්ම මෙයා මවාගන්න දේවල්ද?

ලිපිය ටිකක් දික්වුනා මුලු සීසන් එකටම එක ලියුමක් ලියන නිසා ඒකට සොරී. මේක සාමාන්‍ය කතාවක් නෙමේ. කුතුහලයේ උපරිමයටම අරගෙන යන කතාවක්. බොරු නම් මම දීපු ප්‍රශ්න ටික ලියලා තියාගෙන බලන්න. එපිසෝඩ් එකෙන් එකට ඕවගේ උත්තර මාරුවෙනවා. පටන්ගන්නකොට දුන්න ෆීලින්ග් එක නෙමේ ඉවරවෙනකොට.

තවත් වැදගත්ම දෙයක් තමයි මම අන්තිමටම තියාගත්තේ. ඒක ඒ තරම්ම මගේ හිතටම දැනුනා. ඒ තමා මේකේ සංගීතය. කවුරු කළාද කියලා හොයාගන්න බැරිවුනා. ඒත් අම්මෝ ඒක නම් පට්ටම. බලන්නකෝ එහෙනම්. යන්නම්. හරි වැරදි ගැන කමෙන්ට් එකක් දාන්න.

“ශ්‍රී ලංකාව තුල ඇතිවී තිබෙන අවදානම් තත්ත්වය පහව යනතුරු සැමදෙනාම සෞඛ්‍ය අමාත්‍යාංශයේ උපදෙස් පිළිපදින ලෙසත් ඉල්ලමින් මම සමුගන්නවා”

තවත් උපසිරසියකින් හමුවෙනතුරු ඔබ සැමට ජයෙන් ජය…

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Proper HD පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “නිර්මාල් විමුක්ති (එස්.කේ.)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2020-01-19
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

All BT1

Check Also

The Falcon and the Winter Soldier [E04] Sinhala Subtitles | අවමඟුල [සිංහල උපසිරසි]

The Falcon and the Winter Soldier හතරවෙනි කතාංගය සමඟ මුණගැහෙන්නයි මේ සූදානම. පහුගිය කොටස් විමා …

Leave a Reply

Your email address will not be published.

No comments

error: Alert: Content is protected !!