අනුග්‍රහීතන් ඇන්තනි (2021) Sinhala Subtitles | මං නැතිදා…!! [සිංහල උපසිරසි]

මේ අවුරුද්දේ නිකුත් වෙච්ච ලස්සනම ලස්සන මලයාලම් සලරුවකට සිංහල උපසිරැසිය අරගෙනයි මේ ගොඩවෙන්නේ. පුද්ගලිකවම මං නම් හරිම කැමැත්තෙන් රස වින්ද වගේම අවුරුදු කිහිපයක් තිස්සේ එනකම් මග බලන් හිටිය චිත්‍රපටියක්. එහෙම බලන් ඉන්න හේතුව තමා අවුරුද්දකට දෙකකට කලින් ඉඳන් නිකුත්වෙච්ච දැකුම්කලු පෝස්ටර් කිහිපයක්. එයින් එකක් දෙකක් මගේ ෆෝන් තිරයත් ආක්‍රමණය කරා මාස කිහිපයක්ම. කොහොම කොහොම හරි දවසින් දවස කල් ගිහින් ඇන්ටනීගේ මේ අමුතු කතාව අපේ ඇස්මානෙට ආවා. පෝස්ටර් වල සුන්දරත්වය වගේම චිත්‍රපටියත් මට නම් ඊට දෙවැනි වුණේ නැහැ. අර අපි ඉස්සර විඳපු කොළ පාට මලයාලම් සිනමා රස එහෙමම දැනුනා. සමහරුන්ට නම් ඒක ඒ ඒ විදිහට වෙනස් වෙයි. ඉතින් බලලම රස විඳින්න, ඊට පස්සේ කතා කරන්න බැරියැ. ගොඩක් අය සිංහල උපසිරැසිය ඉල්ලලත් තිබුණ නිසා, අදින් පස්සේ කාටත් බාධාවක් නැතුව Anugraheethan Antony රසවිඳින්න පුළුවන්.

මේ කොරෝනා සමයේ ඉතා කලාතුරකින් අහන්න ලැබෙන දෙයක් Anugraheethan Antony එක්ක බැඳිලා තියෙනවා. ඒ තමා සිනමාහල් වල තිරගතකිරීමෙන් ආදායම් අතින් සාර්ථක වෙලා Hit එකක් බවට පත්වීම. මේ නිසා මේ චිත්‍රපටිය තවත් විශේෂ චිත්‍රපටියක් බවට පත්වුණා. Anugraheethan Antony තිරගත වෙන්නේ 2021 අවුරුද්දේ අප්‍රියෙල් 01වෙනිදා. Drama|Romance|Fantasy ගණයට අයත් වෙන මේ සලරුවට ජාත්‍යන්තර සිනමා දර්ශයකයෙන් 6.5ක අගයක් ලැබිලා තියෙනවා. Sunny Wayne | Gouri G Kishan | Suraj Venjaramood | Siddique | Indrans මේ සිනමාපටයට රංගනයෙන් ලස්සන දායකත්වයක් දෙනවා. ඒත් චිත්‍රපටියේ ජීවනාලිය කවුද කියලා දැනගන්න නම් චිත්‍රපටිය බලන්නම වෙනවා කියලා කියන්නම ඕන. ඒ වගේම චිත්‍රපටියට නැවුම් බවක් එකතු කරපු ඒ මියුරු සංගීතය ගැන සඳහනක් දාන්න අමතක කළොත් නම් ඒක කුහකකමක්.

පුංචි කම්පනයකට මුහුණ දෙන්න ලෑස්ති වෙන ගමන්, හැමෝටම චිත්‍රපටිය බලන්න කියලා ආරාධනා කරනවා. මේ චිත්‍රපටිය ජූලි මාසයේදී අන්තර්ජාලයට එකතු වෙලත් සිංහල උපසිරැසිය ගේන්න මෙච්චර ප්‍රමාද වුණාට සමාව ඉල්ලනවා. වැඩේ පස්සට යන්න ගොඩක්ම හේතුව චිත්‍රපටිය මැද දර්ශන දෙකක වගේ ඉංග්‍රීසි උපසිරැසියේ අඩුවක් තිබ්බ නිසයි. කොහොමහරි ඒ අඩුව සම්පූර්ණ වෙලත් වැඩේ තව තවත් ඇදී ඇදී තියෙද්දී තමා අපේ මලයාලම් ක්වීන් සුභාෂිණි අක්කා උදව්වට ආවේ. නැත්තම් තව මාසයකටවත් මේක ගේනවා බොරු. ඉතින් සුභාෂිණි අක්කට ගොඩක්ම ස්තූතිවන්ත වෙනවා කරපු උදව්වට. එහෙනම් සමුගන්නවා. තවත් උපසිරසියකින් හම්බවෙමු. ජයවේවා.

 

 

 

Due to copyright issues, we do not provide any torrent link

මෙම උපසිරැසි සියලුම HD පිටපත් සඳහා වලංගු වේ.

සිංහල උපසිරැසි මෙතනින් බාගන්න

4490 downloads

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට සහ රේණුකා සුභාෂිණි” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.