අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Inside Edge [S03 : E01] Sinhala Subtitles | පිටියෙන් පිටත සංග්‍රාමය [සිංහල උපසිරසි]

Rating: 8.5/10. From 6 votes.
Please wait...

අද මේ අරන් එන්නෙ ලංකාවේ ටීවී සීරීස් බලන ගොඩක් අය මඟෑරගත්ත සුපිරි වෙබ් සීරීස් එකක ‌කොටස දහයකින් සමන්විත තුන් වෙනි සීසන් එක. ඉන්සයිඩ් එජ් කියන්නේ Drama, Sports කාණ්ඩ නියෝජනය කරන, කොටසක් විනාඩි 45 ක ධාවන කාලයක් සහිත, IMDB මීටරේ 8 ට කරකවපු, දැඩි ප්‍රේක්ෂක ප්‍රසාදයක් දිනාගත්තු ඇමසන් ප්‍රයිම්ලගේ සුපිරි වැඩක්. ඇමසන් ප්‍රයිම්ල‌ගේ වැඩ ගැන ඉතින් ආයේ අමුතුවෙන් කියන්න අවශ්‍ය නැහැනේ. මේ සීරීස් එක බලන්න නම් ඔයා හින්දි සීරීස් බලනවද, ඉංග්‍රීසි සීරීස් බලනවද. වෙනත් භාෂාවල සීරීස් බලනවද කියන දේ අදාළ වෙන්නෙ නෑ. අදාළ වෙන්නෙ එකම එක දෙයයි. ඒ ඔයා ක්‍රිකට්වලට ආදරේ කරන ක්‍රිකට් පිස්සෙක්ද කියන දේ විතරමයි.

අපි හැමෝම දන්නවා 2007 වසරේ ආරම්භ වෙලා මේ දක්වා වාර්ෂිකව ඉන්දියාවේ පවත්වන IPL එහෙම නැත්නම් Indian Premier League තරඟාවලිය ගැන. මේ ඉන්සයිඩ් එජ් සීරීස් එකෙන් අන්න ඒ තරඟාවලියේ තිරය පිටුපස කතාව හරිම ලස්සනට පෙන්නන්න සමත් වෙලා තියෙනවා. මම කියන්නෙ නෑ IPL එක ගැනමයි මේ සීරීස් එකේ තියෙන්නෙ කියලා. ඒ වුනත් සීරීස් එක බලන අයට ‌තේරෙනවා මම කිව්ව දේ හරිද වැරදිද කියලා. T-20 ක්‍රිකට් තරඟවල ඒ උණුසුම ඒ විදිහටම තියාගන්න ගමන්, ක්‍රීඩකයෝ මූණ දෙන ප්‍රශ්න, මේ වටා සිද්ධ වෙන කුමන්ත්‍රණ, ඔට්ටු ඇල්ලීම්, තරඟ පාවා දීම්, ලිංගිකත්වය ඇතුළු මේ තරඟාවලියේ තිරය පිටුපස සිද්ධ වෙන මෙකී නොකී හැම සිද්ධියක්ම මේ සීරීස් එකේ හරිම ලස්සනට ඉදිරිපත් කරනවා. මේ සීරීස් එකේ ත.තියෙන කණ්ඩායම්වල නම් පවා IPL තරඟාවලියේ කණ්ඩායම්වල නම්වලට ගොඩක්ම සමාන විදියටයි ඉදිරිපත් කරලා තියෙන්නේ. ඒ ව‌ගේම සීරීස් එකේ තරඟාවලියේ නමත් PPL (පවර්ප්ලේ ලීග්).

අතිශය ජනප්‍රිය වුන Mirzapur සීරීස් එක නිර්මාණය කරපු Karan Anshuman අතින්ම තමයි මේ සීරීස් එකත් නිර්මාණය වෙලා තියෙන්නේ. Vivek Oberoi, Richa Chadha, Tanuj Virwani, Sapna Pabbi, Aamir Bashir ඇතුළු දක්ෂ බොලිවුඩ් නළු නිළි රැසකගේ දායකත්වය ලැබෙන මේ සීරීස් එකේ පළමු සීසන් එක සඳහා සිංහල උපසිරැසි දීපු සමීර කරුණාරත්න අයියව නම් මේ වෙලාවේ මතක් කරන්නම ඕනි. එයා මුල් සීසන් එකට සිංහල උපසිරැසි නොදුන්නා නම් මං වුනත් මේ සීරීස් එක නොබලා ඉන්න ඉඩ තිබුනා. දෙවෙනි සීසන් එක අරන් ආවේ කණ්ඩායම් වැඩක් විදිහට වගේම දැන් මේ තුන් වෙනි සීසන් එකත් අරන් එන්නේ මම, මයුර අයියා, තරිඳු අයියා, ආසිරි අයියා, ශසිත් අයියා, සුභාෂිණී අක්කා, දහරා අක්කා, පසිඳු ඇතුළු අයගේ කණ්ඩායම් වැඩක් විදිහට. ඒ වගේම මේ වැඩේට අපිට අවස්ථාව දීපු විමා අයියටත් ස්තූතියි කියන ගමන් හැරෙමු පොඩ්ඩක් සීරීස් එක පැත්තට.

කලින් සීසන් එක බලපු අයට මතක ඇති සීරීස් එක සම්පූර්ණයෙන්ම ඉවර වෙන්න වගේ ගිහින් අන්තිම කොටසේ අන්තිම විනාඩි කීපයෙදි කතාව එහෙම් පිටින්ම කණපිට ගැහුවා. හැමදෙයක්ම පිටිපස්සෙ හිටපු භායිසාබ්ගේ ඔක්කොම හොර මාට්ටු වෙන්නම වගේ ගිහින් අන්තිම මොහොතේ තමන්ගෙම දුවවයි, සරීනාවයි බිල්ලට තියලා මිනිහා ෂේප් වුනා. ඒ ව‌ගේම කලින් මෙලෝ අත්දැකීමක් නැති පොඩි කොල්ලො ටිකක්, බේස්බෝල් ක්‍රීඩකයෙක් වගේ සෙට් එකක් එකතු කරගෙන අර්වින්ද්ගේ නායකත්වය යටතේ හර්යානා හරිකේන්ස් කණ්ඩායම කාටවත්ම හිතාගන්න බැරි විදිහට අවසාන මහා තරඟය ජයග්‍රහණය කළා. තමන්ගේ ටීම් එකේ හිටපු දක්ෂ විශ්ලේෂිකාව වගේම තමන්ගෙ අක්කා වෙන රෝහිණීව ටීම් එකෙන් එළියට දාපු වායුගේ නායකත්වය යටතේ තරඟ කරපු මුම්බායි මැව්රික්ස් කණ්ඩායම අනු ශූරයෝ බවට පත් වුනා. සල්ලි, බලපුළුවන්කාරකම, ආදරය, වෛරය, ලිංගිකත්වය කැටි කරගෙන ලස්සනට ගලාගෙන ගිය දෙවෙනි සීසන් එක ඉවර වුනේ ඒ විදිහට. එහෙනම්, අද ඉඳන් එකතු වෙලා ඉන්න තුන් වෙනි සීසන් එක ‌වෙනුවෙන්. හැමෝටම ජය වේවා!

– සොහාන් ජයසූරිය

 

බයිස්කෝප් පවුලෙ හැමෝටම ආයුබෝවන්! මුලින්ම කියන්න ඕන මගෙ පළවෙනි උපසිරැසිය Badnaam (2021) ට ලබාදුන්න ප්‍රතිචාර වලට වගේම මාව බයිස්කෝප් පවුලට ආදරෙන් එකතු කරගත්තට ගොඩක්ම ස්තූතියි. එහෙනම් හැරෙමු මේ කතාව පැත්තට.

ඉන්සයිඩ් එජ්කියන්නෙ ඉන්දීය වෙබ් සීරීස් කලාවෙ පුරෝගාමී නිර්මාණ වලින් එකක් කියලා හඳුන්වන්න පුළුවන්. ඇමසන් ප්‍රයිම් වීඩියෝ මඟින් නිපදවපු පළවෙනි ඉන්දියන් ඔරිජිනල් වෙබ් සීරීස් එක තමා මේ. ඒ වගේම ජාත්‍යන්තර Emmy සම්මාන උළෙලට නිර්දේශ වුණ පළවෙනිම ඉන්දියන් වෙබ් සීරීස් එක වෙන්නෙත් Inside Edge. මේකට IMDb වෙතින් 8/10ක රේටින් එකක් වගේම 88%ක ගූගල් පරිශීලක මනාප අගයකුත් හිමියි.

මේකෙ පළවෙනි සීසන් එක 2017 ජූලි 10 වෙනිදත් දෙවෙන සීසන් එක 2019 දෙසැම්බර් 06 වෙනිදත් රිලීස් කෙරුණා. තුන්වෙනි සීසන් එක එළිදැක්කෙ 2021 දෙසැම්බර් 03 වෙනිදා.

ක්‍රිකට් ක්‍රීඩාවත් එක්ක බැඳුණ දේශපාලන දහංගැට වගේම මුදලට තරඟ පාවාදීමේ ජාවාරම් මූලික කරගෙන තමයි කතාව ගලාගෙන යන්නෙ. ඒ අතරෙ ආදරය, වෛරය, බැඳීම්, සහෝදරකම, හැඟීම් පාලනය, උපායශීලීත්වය, කූට සැලසුම් වගේ එකී මෙකී නොකී දාහක් දේවල් පැටලිලා තියෙන හැටි ඔයාලට තේරේවි.

සීසන් 2 බලපු අයට මතක ඇතිනේ කතාව ඉවර වුණ හැටි. භායිසාබ්, නැත්තන් යශ්වර්ධන් පාටිල් ICB සභාපතිකම රැකගැනීම වෙනුවෙන් තරඟ පාවාදීමේ චෝදනාව සරීනා මලික් සහ තමන්ගෙම දුව මන්ත්‍රා පාටිල් පිට පටවනවා. ඒ දෙන්නව රිමාන්ඩ් භාරයට පත්වෙනවා. භායිසාබ් ආයෙත් සභාපති වෙනවා. තරඟ පාවාදීම නිසා මුම්බායි මැවෙරික්ස්ලට සීසන් 2කට PPL තහනම් වෙනවා. ඒ අතරෙ වික්‍රාන්ත් ධවාන් සරීනව නිදහස් කරවගන්නවා. මන්ත්‍රාට ඉතිරි වෙන්නෙ වායු විතරයි.

සීසන් 3 කියන්නෙ T20 ලීග් එකකට වඩා ඉහළට විහිදිලා යන තැනක්. මේ සැරේ, Inside Edge අත තියන්නෙ අන්තර්ජාතික ටෙස්ට් ක්‍රිකට් වලට. ඒ වගේම අපට හම්බවෙන චරිත ගොඩක් තමන්ගෙ ගතිගුණ අරන් ආවෙ අතීතයෙ කොතනින්ද කියලා මේ සීසන් එකේ දැනගන්න පුළුවන්.

Inside Edge කතාමාලාවෙ නිර්මාපකයා Karan Anshuman. නිෂ්පාදනය කරන්නෙ Excel Entertainment ආයතනය යටතේ Ritesh Sidhwani, Farhan Akhtar සමඟ Kassim Jagmagia. සංගීතය John Stewart Eduri ගෙන්.

පහුගිය සීසන් වලත් මුණගැහුණ Richa Chadha, Vivek Anand Oberoi, Aamir Bashir, Tanuj Virwani, Sayani Gupta, Sapna Pabbi, Amit Sial, Jitin Gulati ආදී නළු නිළියන් මේ සීසන් එකේදිත් දැකගන්න පුළුවන්. ඒ වගේම කලින් සීසන් දෙකේ වැදගත් චරිත වලට පණ දීපු Angad Bedi සහ Siddhant Chaturvedi මේ පාර නිවාඩු ගිහින් තියෙනවා. අලුතෙනුත් වැදගත් අය එකතු වෙනවා. ඒ ගැන ඉස්සරහට කතා කරමු.

එහෙනම් පළවෙනි කොටස බලලා ඉන්නකෝ. මේ කොටසේ රචනය Neeraj Udhwani සමඟින් Karan Anshuman. අධ්‍යක්ෂණය Kanishk Varma ගෙන්.

දෙවෙනි කොටසෙන් හමුවෙමු.

– අංජලී මධුවන්ති

 

 

 

 

Due to copyright issues, we do not provide any torrent link

මෙම ලබා දී ඇති උපසිරසි HDRip / WEB පිටපත් සඳහා වලංගු වේ.

 width=

මේ ලබා දී ඇති සිංහල උපසිරැසි පිළිබද “සොහාන් ජයසූරිය” සොහොයුරාට සහ “Anji (ඇන්ජි)” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

Subtitle Contributor Rank
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Next BT1

8 thoughts on “Inside Edge [S03 : E01] Sinhala Subtitles | පිටියෙන් පිටත සංග්‍රාමය [සිංහල උපසිරසි]

  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • සිංහල උපසිරැසියට ස්තූතියි

    Reply
  • එලකිරි සොහාන් බ්‍රෝ

    Reply
  • බොහෝම ස්තුතියි සහෝ ❤ සබ් එකට…
    අනිත් අය වෙනුවෙන්,තමන්ගේ කාලය කැප කරගෙන මේ කරන වැඩේට
    ආදරෙයි..ආ ..

    Reply
  • හින්දි ටැමිල් වෙබ් සීරිස් බලන්න ආසයි. අපි කැමැති කොටසක් ඉන්නවා. ඒ නිසා දිගටම දෙන්න. ඔක්කම දිලා ඉවර වුනාට පස්සෙම බලනවා. නැත්තං කෑල්ලෙන් කෑල්ල බලා ඉනන් අමාරුයි. පංචායත් 1 අන්තිම ටික බැලුවේ ඉංගිසි සබ් එක්ක. තෑන්ක්ස්

    Reply
    • ඉල්ලපුම එකක් තැන්ක්ස් සබ් එකට

      Reply
  • තෑන්ක්ස් සබ් එකට

    Reply

Leave a Reply to Anonymous Cancel reply

Your email address will not be published. Required fields are marked *