Chainsaw Man [S01 : E12] Sinhala Subtitles | දරුණු සටන් සමඟින්, තාවකාලික විරාමයක්… [සිංහල උපසිරසි] 18+

බයිස්කෝප්වාසී ඇනිමේ රසිකයින්ට සුභ දවසක්! ඔන්න එහෙනම් “චේන්සෝ මෑන්” 12වෙනි එපියටත් සබ් අරගෙන ආවා. එහෙනම් කලින් එපිය ගැන මතක් කරගෙන ඉමු.

ෆියුචර් ඩෙවිල් ගාවට ගිය අකී, අන්තිමේදී ගිවිසුමකට ආවා. හැබැයි පුදුමම කාරණේ උනේ ෆියුචර් ඩෙවිල් ඒ වෙනුවෙන් කිසිම කැපකිරීමක් ඉල්ලා නොසිටීම. කතාව මෙතෙක් බලාගෙන ආපූ ඔයාලත් දැන් දන්නවා ඩෙවිල් කෙනෙක් එක්ක ගිවිසුමට එනවා නම් කැප කිරීමක් කරන්න ඕනේ කියලා. නමුත් අකීට කිසිම කැප කිරීමක් කරන්න ලැබුණේ නෑ. ෆියුචර් ඩෙවිල් ඉල්ලපු එකම දේ උනේ, අකීගේ දකුණු ඇහේ ඉන්න අවස්ථාව දෙන්න කියන එක පමණයි. ඉතින් ඒ නිසා අකීට දැන් පොඩි කාලයකට පමණක් අනාගතය දැකීමේ හැකියාවක් ලැබිලා තියෙනවා. ඒ කියන්නේ තත්ත්පර කිහිපයකට වගේ. ඒ වගේම ෆියුචර් ඩෙවිල් කිව්වා “මැරෙන්න පුලුවන් අන්තම විදිහට අකී මැරෙනවා කියලා. ඇත්තටම මේ අකීගේ අනාගතය ගැන හින්ට් එකක්ද?

ඒ වගේම අපි දැක්කා කිෂිබේ දැන් ඩෙන්ජිව සහ පවර්ව පුහුණු කිරීම ඉතා සාර්ථකව කරගෙන යනවා කියලා. ඉතින් දැන් කටානාකාරයා සහ අර කෙල්ල ඇතුළු පිරිස අල්ලන මෙහෙයුමට ඩෙන්ජී සහ පවර්වත් එකතු කරලා. විශේෂයෙන්ම කියන්න ඕනේ කිෂිබේ සහ මකිමා අතර වුණු ‍සංවාදය. මේ සංවාදයේදී අපිට හිතන්න කරුණු ටිකක් මතුවුණා. පළවෙනි දේ තමා කිෂිබේ මතු කළා, කටානාකාරයා ඇතුළු පිරිස කරපු පහර දීම ගැන මකිමා දැනගෙන හිටියාද කියලා. ඒ වගේම කිෂිබේ ටිකක් දරුණු විදිහට මකිමට වාග් ප්‍රහාරයක් දෙනවා ඔයාලත් දකින්න ඇති. ඇත්තම කිව්වොත් ඒක එක්තරා විදිහක තර්ජනය කිරීමක්. කිෂිබේ හා මකිමා අතර අපි නොදන්න විදිහේ හුටපටයක් තියෙනවා වගේ. කොහොමත් අපි අඩුවෙන්ම තොරතුරු දන්නේ මේ චරිත දෙක ගැන නිසා, තවම මොකුත් කියන්න බෑ.

ඒ වගේම මකිමා සවාතරී ගැන තොරතුරු ගන්න යකුසා කල්ලියක් ළඟට යනවා. ඒ හිටපු සෙට් එකේ පවුලේ අයගේ ඇස් උගුල්ලලා තිබ්බ විදිහ දකින්න ඇතිනේ. ඇත්තටම මේ මකිමා මොන විදිහේ කෙනෙක්ද? ඉදිරියට ඒ ගැන බලමු. ඉතින් ඔන්න ස්පෙෂල් ඩිවිෂන් දැන් ගේමට බැහැලා ඉන්නේ. සියලුම කණ්ඩායම් එකාබද්ධ කරලා දැන් පහර දීමක් කරනවා. ඒ වගේම අලුත් චරිත කිහිපයක් කතාවට එකතු උනා. ඒ තමා ෂාක් ෆීන්ඩ්, වයලන්ස් ෆීන්ඩ්, ස්පයිඩර් ඩෙවිල් සහ ඒන්ජල් ඩෙවිල්. මෙයාලගේ හැකියාවන් ගැන කලින් එපියෙදි කිව්වනේ. ඒ වගේම අකී දැන් සවාතරී එක්ක සටනේ ඉන්නේ. ඒ වගේම හිමෙනෝගේ ගෝස්ට් ඩෙවිල් පවා දැන් සවාතරී එක්ක ඉන්නේ. ඉතින් මොනවයින් මොනා වෙයිද? ඩෙන්ජි කටානාකාරයාව පරද්දයිද? මෙහෙයුම සාර්ථක වෙයිද? එහෙනම් උත්තර හොයාගන්න එක දැන් ඔයාලට භාරයි.

ඉතින් ඔන්න සති 12ක් තිස්සේ අපි හැමෝම ගොඩක් ආසාවෙන්, ගැම්මෙන් බලපු මේ අවුරුද්දේ ආපූ සුපිරිම ඇනිමේ සීරීස් එකක් වෙන “චේන්සෝ මෑන්” පළවෙනි සීසන් එක මේ විදිහට අවසන් වෙනවා. ඇත්තටම මාරම සතුටුයි ගොඩ දෙනෙක් මේ ඇනිමේ සීරිස් එක එක්ක එකතුවෙලා ඉන්නවා දැක්කම. ඉතින් මගේ පැත්තෙන් කරන්න පුලුවන් උපරිමයෙන්ම මම කළා කියලා විශ්වාස කරනවා. ඔයාලගේ අදහස් දැක්කාම ඒ ගැන මට හිතාගන්න පුලුවන්. ඉතින් ගොඩක් ස්තූතිවන්ත වෙන්නේ සයිට් එකේ ඇඩ්මින් කෙනෙක් වෙන “අශාන් විමුක්ති” අයියට මේ සුපිරියට මට උපසිරසි කරන්න අවස්ථාව ලබාදීම ගැන.❤️ ඒ වගේම සබ් එක බාගෙන අඩුම තරමේ අදහසක් කොටලා යන්න වෙලාව ගත්ත අයටත් ගොඩක් ස්තූතියි කියනවා.❤️

ඉතින් “චේන්සෝ මෑන්” දෙවෙනි සීසන් එකක් ගැන නම් මේ වෙනකන් තොරතුරක් නෑ. ලබන අවුරුද්දේ නම් ආයෙත් “චේන්සෝ මෑන්” අපිට බලන්න ලැබෙයිද කියන එකත් සැක සහිතයි. මොකද Mappa Studio එකේ ලොකුම projects දෙකක් වෙන “ඇටෑක් ඔන් ටයිටන් සීසන් 4 පාර්ට් 3 සහ ජුජුට්සු කයිසෙන් සීසන් 2 ලබන අවුරුද්දේ තිරගත වෙන්න නියමිතයි. ඒ වගේම ලොකු හයිප් එකක් තියෙන වින්ඩ්ලෑන්ඩ් සාගා සීසන් 2 පවා දැන් Mappa Studio එකෙන් කරන්නේ. ඒ වගේම වන් පන්ච් මෑන් සීසන් 3 ත් Mappa ම කරනවා කියලා ආරංචි යනවා. ඉතින් පේනවනේ Mappa දැන් ලෙසටම බිසී. මීළඟට අපිට චේන්සෝ මෑන් මූවී එකක් බලන්න ලැබෙයිදෝ කියලා මට නිකමට හිතෙනවා. බලමු ඉතින් මොකද වෙන්නේ කියලා. එහෙනම් මගේ වැඩ මම මෙතනින් අහවර කරනවා. උදාවෙන 2023 නව වසර හැමෝටම ජයග්‍රාහී වසරක් වේවා කියලා ප්‍රාර්ථනා කරනවා!

අද කතාවේ නම – Katana vs Chainsaw
Imdb අගය – 9.0
Directed by – Ryu Nakayama
Storyboarded by – Ryu Nakayama
Ending Theme Song – Fight Song
ගායනය – Eve
විකාශය වූ දිනය – 2022 දෙසැම්බර් 27

Due to copyright issues, we do not provide any torrent link.

මෙම ලබා දී ඇති උපසිරසි WEB/Bluray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “පවිත් විජේසූරිය ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2022-03-16
SUBMAKER RATING BY ADMINS