ජය ජය ජය ජය හේයි (2022) Sinhala Subtitles | ජයාභාරතීට ජය ‍ වේවා..! [සිංහල උපසිරසි]

2022 වසරේ ඔක්තොම්බර් 28 වෙනි දින නිකුත් වුණ Jaya Jaya Jaya Jaya Hey සිනමා නිර්මාණයට උපසිරැසි අරගෙනයි අද මම බයිස්කෝප් සිංහලෙන් ‍ වෙබ් අඩවියට ගොඩ වැදුනේ.  Vipin Das, Nashid Mohamed Famy  එක්ව තිර රචනා කර අධ්‍යක්ෂණය කරන ලද ‍ ‍මෙම සිනමා නිර්මාණය කාන්තා කේන්ද්‍රීය සිනමා නිර්මාණයක්. මෙම නිර්මාණයට Darshana Rajendran,  Basil Joseph ඇතුළුව අති දක්ෂ නළු නිළි පිරිසක් රංගනයෙන් දායක වෙලා තියෙනවා. උපසිරසිය අරන් එන්නත් සති කීපයක් ගතවුණ හින්දා අපි වැඩි විස්තර නැතිවම කතාව ගැන පොඩ්ඩක් බලමු නේද?

අද කථාවේ කථා නායිකාව ජයාභාරතී. ඔයාලා අතරින් කී දෙනෙකුට තමන්ගේ ‍සහෝදරයගේ නමට ගැළපෙන්න නම් දාලා තියෙනවද? අපේ ජයාටත් ඒ නම උරුම වුණේ තමන්ගේ එකම අයියා ජයන් හින්දා. නම විතරක් නම් බැරියැ

ගෙදර වියදම් අඩු කර ගන්න පුංචිම කාලේ ඉඳන් අයියා පාවිච්චි කරපු සෙල්ලම් කාර්, අයියගේ ඇඳුම් පැළදුම්, පාවිච්චි කරපු පොත් පත් මේ හැමදේකම පසු උරුමක්කාරයා වෙන්න ජයාට සිද්ධ වුණා. හැබැයි උස් මහත් වෙද්දි මේ දේවල් වල වෙනස ජයාට තේරුණත්  ඒවට කට අරින්‍න හැකියාවක් ජයාට තිබුණේ නෑ. මොකද ගෙදර තීරණ ගන්නේ වැඩිහිටියො හින්දා ජයා ඒ හැමදේටම ඉවසන් හිටියා. ජයාගේ ජීවිතේ පාලනය කරේ ගෙදර අම්මා, තාත්තා විතරක් නෙමේ ජයාට අපූරු මාමා කෙනෙක් හිටියා. අපරාදේ කියන්න බෑ ජයාගේ මාමා කියන්නේ මනුස්සයෙක්ව කකුලෙන් ඇදලා වළකට දාලා, වළ පස් වලිනුත් වහලා, ඒ වළ උඩින් මල් හිටවන ජාතියේ රත්තරන් මනුස්සයෙක්. ජයා‍ගේ ජීවිතේ හැම වැදගත් තීරණයකටම උදැල්ල දාන්න මේ මාමා සැදී පැහැදී හිටියා.  ඉගෙන ගෙන තමන්ගේ ජීවිතේ විමුක්තිය උදා කර ගන්න ආසාවෙන් හිටපු ජයාට මේ වැඩිහිටියෝ එකතු වෙලා කසාදයක් බන්දලා දීලා අඳුරෙනුත් අඳුරට තල්ලු කරලා දානවා. ඊට පස්සේ මොකද වෙන්නේ? ජයාට තමන්ගේ ජීවිතේ ආලෝකමත් කර ගන්න ලැබෙයිද?

මේක බලන්නම ඕන චිත්‍රපටියක්. කෝටි 5 ක පිරිවැයකින් නිර්මාණය කරලා කෝටි 45 ක ආදායමක් ලබපු මේ වටිනා සිනමා නිර්මාණය ගැන තවත් අටුවා ටීකා ටිප්පනි අවශ්‍ය නෑ කියලා හිතනවා. අනිවාර්යයෙන්ම බලන්න. අමතක කරන්න එපා මේක ප්‍රහසන සිනමා නිර්මාණයක්.  

එහෙනම් තවත් උපසිරසියකින් මුණ ගැහෙමු. සුබ දවසක් වේවා.

Due to copyright issues, we do not provide any torrent links.

මෙම ලබා දී ඇති උපසිරසි HQ HDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “රේණුකා සුභාෂිණි” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2020-02-12
SUB-MAKER RATING BY ADMINS