ද කෂ්මීර් ෆයිල්ස් (2022) Sinhala Subtitles | ලෙයින් පෙඟුණු භූමියක පැසවන යටගියාව..!! [සිංහල උපසිරසි]

හැමෝම කතා වුණේ තව සතියකින් හමන්න තියෙන බච්චන් පාන්ඩේ සුළඟ ගැන

ඇඩ්වාන්ස් බුකින්ග් ගැනයි, ඕපනින් ඉන්කම් ගැනයි තරඟෙට කතාව

මේ සතියේ එන්න තිබ්බ පුංචි පුංචි චිත්‍රපට ගැන කාටත් වගේ වගක් නෑ

ආවා වගේම යාවි කියලයි හැමෝම හිතුවේ

ඒත් මේ සැරේ..
මේ සැරේ නම් පොඩි වෙනසක් වුණා

එක පොඩි චිත්‍රපටියක් තිබ්බා, කෝටි 15ක චිත්‍රපටියක්

සුපිරි නළු නිලියෝ කවුරුත් නෑ, හිත නැළවෙන පය නැටවෙන සින්දු නෑ
ඇක්ෂන් නෑ, කොමඩි නෑ, තනිකරම Drama චිත්‍රපටියක්

ඔන්න සිකුරාදාව උදා වුණා
ඒ චිත්‍රපටියේ පලවෙනි දවස ආවා.. කෝටි 3යිගාණක ආදායමක්!
කෝටි 15ක බජට් තිබ්බ චිත්‍රපටයක් විදිහට හොඳ ආදායමක්..

ඔන්න ටික ටික කට කතා යන්න ගත්තා චිත්‍රපටිය ගැන
“මාර චිත්‍රපටිය” “බලන්න ගිය උන් අඬ අඬ එළියට එන්නේ”
“ආයේ සැරයක් බලන්න ඕන බන්” “මේක බලන් නැත්තම් වැඩක් නෑ”
ඔන්න ඔය කතා තමා පැතිරුණේ.

දෙවැනි දවස ආවා. සෙනසුරාදාවක්! කෝටි 8යි ගාණක්.

තුන්වෙනි දවස ඉරිදාවක්! ඒත් නිවාඩු දවසක්.
අතිශය ධනාත්මක ප්‍රතිචාර හමුවේ එදා කෝටි 15ක්!

සිනමාශාලා ඉස්සරහා කාලෙකට පස්සේ හින්දී චිත්‍රපටියක් වෙනුවෙන්
හවුස් ෆුල් බෝඩ් එල්ලිලා තිබ්බා.

වැදගත්ම දවස, සඳුදා ආවා.. නිවාඩු දවසක් නෙමේ නිසා,
සාමාන්‍යයෙන් ආදායම අඩුවෙන දවසක්.
ඒත් මොන පිස්සුද?? කෝටි 15යි

ඊට පහුවෙනිදා කෝටි 18යි, ඊට පස්සේ කෝටි 19යි..

මොන පිස්සුවක්ද? කවදා වෙච්ච වැඩද?
සතියකින් කෝටි 97යි.

චිත්‍රපටිය බ්ලොක්බස්ටර්!!

කතාව එතනින් ඉවරයි,
මොකද.. අද බච්චන් පාන්ඩේ එන හින්දා!!!

කවුද කියන්නේ?

සුපිරි බච්චන් පාන්ඩේ පලවෙනි දවසේ කෝටි 13ක් ගනිද්දී
අර පොඩි ෆිල්ම් එක දෙවැනි සිකුරාදාවේ ගන්නවා කෝටි 19ක්!

ඊට පහුවෙනිදා කෝටි 24ක් ඊටත් පස්සේ කෝටි 26ක්!!

හැමෝම බලාපොරොත්තු තියන් හිටිය බච්චන් පාන්ඩේ සුළඟ අතරමං කරමින්
The Kashmir Files කුණාටුවක් වෙලයි තිබුණේ.

අන්තිමට මහ ලොකු විචාරකයෝ කරේ තියන් ගිය Bachchhan Pandey
තමන්ගේ ආදායම් ගමන කෝටි 50ට ආසන්න ගාණකින් ඉවර කරනවා.
Flop වෙනවා.

එතකොටවත් The Kashmir Files තමන්ගේ ගමන නවත්තලද?

මොන පිස්සුද?? තාම නෑ. යනවා යනවා ඉවරයක් නෑ.

අන්තිමට ගමන නවත්තන්නේ කෝටි 250ක ආදායමක් අරගෙන.

නිකන්ම නෙමේ ALL TIME BLOCKBUSTER ටැග් එකත් ගහගෙනම

වියදම කෝටි 15යි ආදායම කෝටි 250යි
කොහොමද ඒක..??

ආදායම් අතින් කතන්දරේ එහෙම යද්දි Rating අතින් කතන්දරේ කොහොමට තියෙන්න ඇතිද?
හොඳම දේ කියන්නේ IMDB එකම මැද්දට පැනලා මේකට මොකවත් කරේ නැතිනම්
අදටත් මේකේ Rating පෙන්නන්නේ 10/10 විදිහට.
හොඳ වෙලාවට IMDb උදවිය මැදිහත් වෙලා මේක 8.3ක අගයට අඩු කරලා දැම්මා.

මේ චිත්‍රපටිය ඒ තරමටම උන්මාදයක් වෙලයි තිබුණේ.
ඒකට හේතුව තමයි චිත්‍රපටිය ඉන්දියාවේ බහුතරයගේ හදවතට කතා කරන මාතෘකාවක් ගැන කතා කරපු එක.

කෂ්මීරය පොඩි කාලේ ඉඳන් හින්දි චිත්‍රපටි බලන කාටත් නුහුරු නමක් නම් නෙමේ.
මේ කාෂ්මීරය ඉන්දියාවෙද පාකිස්තානේද කියන ප්‍රශ්නේ ගොඩක් නිර්මාණ වල පාහේ කතාවෙන මාතෘකාවක්.

ඒ හින්දා අපේ ඔලු වලත් යන්තමට ඔය ගැන තිබ්බා

1990 ගණන් වලදි කැරලිකරුවන් විසින් සිද්ධ කරපු
“කෂ්මිර හින්දු ජාතිකයන්ගේ මහා ජන සංහාරය” කවදාවත් උණුසුම අඩු නොවුණු මාතෘකාවක්..
ඉන්දීය ජාතිකයින් අදටත් හදවතින් සාධාරණය යදින සිදුවීමක්
මේ මොහොතෙත් විවිධ මතවාදයන්ට තුඩු දෙන කතාවක්..

ඒ සිද්ධියේ ජීවමාන සාක්ෂි තියෙද්දිත්
මේ ජන සංහාර කතාව
නිකම්ම නිකම් කතාවක් විතරයි කියලත් එක පැත්තකින් කියනවා.

සත්‍යය මොකක් වුණත් The Kashmir Files එක්ක
අධ්‍යක්ෂක Vivek Agnihotri ඇති කරලා තියෙන සමාජීය පිබිදීම ගැන නම් කතා කරන්න දෙයක් නැහැ.
ඒ නිසාමයි මේ චිත්‍රපටිය චිත්‍රපටියක් විතරක්ම නොවෙන්නෙත්.

මේ කතාව අතිශයෝක්තියක් කියලා බැහැර කරන අය ඕන තරම් ඉද්දිත්
සිනමාශාලා වලින් පිටතට කඳුළු පුරවන් ආපු අය
අධ්‍යක්ෂකතුමාව බදාගෙන විනාඩි ගණන් අඬපු අය දකිද්දි
කොහොමද එහෙම එක පාරටම දෙයක් බැහැර කරන්නේ??

ඉතින් මේ ඉන්දීය හින්දු ජාතිකයින්ගේ හදවතේ කතාව
ඉන්දීය සිනමාවේ පෙරලියක් ඇති කළ සිනමාපටය තුලින්
සිංහලෙන් රස විඳින්න කරන ආරාධනාව
ශ්‍රී ලාංකික ඔබ පිළිගන්න.

බහුතර හින්දි සිනමාපට වගේ නෙමේ,
මනසට යමක් දෙන සිනමාපටයක්.
ඒ වගේ දේවල්
දිරවාගන්න අමාරු නම් වෙන හින්දි එකක් බලන්න.

Due to copyright issues, we do not provide any torrent link.

මෙම ලබා දී ඇති උපසිරැසි HQ HDRip පිටපත් සඳහා අදාළ වේ.

 

SUB MAKER RATING BY ADMINS