1920: Evil Returns (2012) – Sinhala Subtitles | යක්ෂයාගේ පුනරාගමනය [සිංහල උපසිරැසි සමඟ]

කාලෙකට පස්සෙ ඔන්න මාත් චිත්‍රපටයකට සම්මාදම් වුණා. කොහොමවුණත් මේක තනිකරම මගේ වැඩකුත් නෙවෙයි. මේකෙදි මට දිනේෂ් සහෝත් සහය වුණා. එහෙනම් වැඩි කථාවක් නැතුව ම චිත්‍රපටයෙන් දිග හැරෙන කථාව ගැන අවධාණය යොමු කරමු.
කට්ටියට මතක ඇතිනෙ මං දුන්න 1920 චිත්‍රපටය. ඒකෙම දෙවැනි කොටසක් විදිහට තමයි මේ චිත්‍රපටය කල එළි බහින්නෙ. එහෙම කිව්වත් මුල් එක නොබලපු කෙනෙකුට වුණත් මේක විතරක් රසවිඳින්නත් බාධාවක් නැහැ. චිත්‍රපට දෙක අතර සෘජු සම්බන්ධයක් නොමැතිවීම ඒකට හේතුවයි.

ජයදේව් වර්මා කියන්නෙ පතල කවියෙක්. මේ කවිවලට හැමෝම රහ වැටිල හිටියත් ඒ අතරත් තව විශේෂ කෙනෙක් ඉන්නවා. ඒ තමයි ස්මිති….. ඇය තමයි ජයදේව්ගේ හදවත සොරාගත් ඔහුගේ ආදරවන්තිය. හැබැයි වැඩේ කියන්නෙ පණට පණ වගේ ආදරෙන් වෙලිල ඉන්න මේ දෙන්න කවදාවත් එකිනෙකාව දැකල තියෙන අය නම් නෙවෙයි. මේ දෙන්නගේ ආදරේ පවතින්නෙ සහමුලින් ම ආදර හසුන් මතයි. මේ අතර මිතුරු වෙසින් ජයදේව් ලඟම ඉන්න සාංසාරික සතුරෙකුත් ඉන්නවා. ඔහු තමයි අමර්….. ජයදේව්ගේ විනාශය ම පතන අමර් එයම තම ජීවිත අරමුණ කරගෙනයි ඉන්නෙ. අමර්ගේ මේ අරමුණ මරණින් මතුවටත් එහා ගිය එකක්. එහෙම නම් මං මීට වඩා මේ ගැන කියන්න යන්නේ නැහැ. ඔයාල ම චිත්‍රපටය බාගෙන බලන්නකො.

මේ සටහන නිමාකරන්න කලින් අමතක නොකල යුතුම චරිත දෙන්නෙක් ගැනත් කියන්න කැමැතියි. ඒ තමයි මේ චිත්‍රපටය ගැන නිරන්තරයෙන් ම මතක් කරමින් මේක උඹේ අතින් ම කෙරෙන්න ඕනෙයි කියල පුන පුනා කියපු උදා සහෝ වගේම හැමවිටම උපසි‍රැසි වැඩවලදි හැමෝම දිරිමත් කරන විකියා සහෝවත් අවසන් වශයෙන් මතක් කරන්න කැමැතියි……….

Due to copyright issues, we do not provide any torrent links.

මේ ලබා දී ඇති සිංහල උපසිරැසි පිළිබද “දිනේෂ් ගමගේ දෙල්ලව” සහ “කේ.යූ.ජී.උදාර”සොහොයුරන්ට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.