A Beautiful Mind (2001) with Sinhala Subtitles | ලස්සන මනසක් [සිංහල උපසිරැසි සමඟ]

බයිස්කෝප් වෙබ් අඩවියෙන් ගොඩක් සිංහල උපසිරැසි ලබා ගත්ත හින්ද මමත් හිතුවා චිත්‍රපටයකට සිංහල උපසිරැසි දාන්න. ඒ කියන්නේ මේක මගේ පළවෙනි පෝස්ට් එක. චිත්‍රපට වලට සිංහල උපසිරැසි ලබා දීමෙන් මේ වෙබ් අඩවිය කරන්නේ ලොකු සේවයක්. ඒකට ගොඩක් ස්තූතියි!

මේ චිත්‍රපටය මට යාලුවෙකුගෙන් හම්බවුණු එකක්. ටිකක් වෙනස් විදිහක චිත්‍රපටයක්. නමුත් ලොකු අර්ථයක් තියෙනවා. දවස් ගාණක් තිස්සේ මහන්සිවෙලා තමයි සිංහල උපසිරැසි හැදුවේ. ඒ බයිස්කෝප් එකත් එක්ක සම්බන්ධ වෙන්න තිබ්බ ආසාව හින්දමයි. චිත්‍රපටයේ නම තමයි A Beautiful Mind. සිංහල තේරැම තමයි ලස්සන මනසක් කියන එක. චිත්‍රපටය ගණිතඥයෙක් හා සම්බන්ධයි.

කතාව සැකෙවින් මෙසේයි.
මේක John Nash කියන ප්‍රසිද්ධ ගණිතඥයාගේ ජීවිත කතාව හා ඔහුගේ මානසික රෝගය නිසා ඔහු මුහුණ දෙන අරගල ගැන කියවෙන්නක්. 1948 දී ඔහු ප්‍රින්ස්ටන්වල උපාධීධාරී ශිෂ්‍යයෙක්. ඔහු සැබෑම ගණිතමය න්‍යායක් හොයාගන්න උත්සාහ කරනවා. ඔහුට Charles නමැති කාමර සගයෙක් ඉන්නවා. ක්‍රමයෙන් Charles, John ගේ හොඳම මිතුරා බවට පත් වෙනවා. පසුව ඔහු MIT Campus එකේ මහාචාර්යවරයෙක් වෙනවා. එහිදී ඔහුට Alicia නමින් උපාධිධාරිණියක් හමුවන අතර ඔහු ඇයව විවාහ කරගන්නවා. කාලයත් සමඟ ඔහුට යතාර්ථවාදී ලෝකය මඟ හැරෙන අතර හීනෝන්මාදය නමැති මානසික රෝගයෙන් පෙළෙනවා. ඒ හේතුවෙන් ඔහු සමාජයෙන් පසුබසින අතර නැවතත් පසුව ඔහු ඔහුගේම මානසික රෝගයට එරෙහිව ක්‍රියා කර නැවතත් විශ්ව විද්‍යාලයට ඉගැන්වීම සඳහා පැමිණෙනවා. ඔහුගේ ගවේෂණය හේතුවෙන් 1994 දී ඔහුට ආර්ථික විද්‍යාව සඳහා නොබෙල් ත්‍යාගය ප්‍රදානය කරනවා.

මූලික විස්තර මෙහෙම වුණාට කතාව බලන්න. ගොඩක් රසවත්! කතාව ගණිතය හා සම්බන්ධ නිසා උපසිරැසි සැකසීමේදී හැකි තරම් සාධාරණයක් ඉටු කිරීමට උත්සාහ කළෙමි. නමුත් සමහර තැන් වල අඩුපාඩු ඇති. මේක මගේ පළවෙනි වැඩේ හින්ද අඩුපාඩු ගොඩක් ඇති. නමුත් ඒවා සමා කර චිත්‍රපටය රස විඳින්න. මොකද ප්‍රවීණත්වය එන්නේ පළපුරැද්ද එක්ක හින්ද නිසයි ඒ. අනෙක් අතට අකුරැ දෝෂත් ඇති. නමුත් ඒවාට සමා වී උපසිරැසි සමඟ චිත්‍රපටය රසවිඳින ලෙස ඉල්ලනවා.

comment එකක් දාන්න අමතක කරන්න එපා.
තවද බයිස්කෝප්හි සිංහල උපසිරැසි හදන පිරිස සමඟ එක් වීමට ලැබීම පිළිබඳ ගොඩක් සතුටුයි. බයිස්කෝප් වෙබ් අඩවියට නැවතත් ස්තූතියි!

Due to copyright issues, we do not provide any torrent link.

මෙම ලබා දී ඇති උපසිරසි BR පිටපත් සඳහා අදාළ වේ.

සිංහල උපසිරැසි මෙතනින් බාගන්න

9115 downloads

මේ ලබා දී ඇති සිංහල උපසිරැසි පිළිබද “ප්‍රගීත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
NEW MEMBER
JOINING DATE – 2011-06-21