A.I. Artificial Intelligence (2001) with Sinhala Subtitle|ලේ සහ විදුලිය! [සිංහල උපසිරසි සමඟ]

වැඩිපුර කියන්න දෙයක් නෑ. නම කිවුව ගමන් හැමෝම වගේ දන්නවා. කෙටි මතක් කිරීමක් කරන්නම්. තිරගත වුණේ 2001 වර්ෂයේ. අධ්‍යක්ෂණය , තිරරචනය සහ සම නීෂ්පාදනය Steven Spielberg විසින්. Spielberg ගැන අමුතුවෙන් කියන්න ඕන නෑනේ. පාදක කරගෙන තියෙන්නේ Brian Aldiss  රචනා කළ “Super-Toys Last All Summer Long” නමැති පුවත්පත් කෙටි කතාවක්. 74 වෙනි ඇකඩමි සම්මාන උළෙලේදී ඔස්කාර්සම්මාන දෙකකට ඇතුළුව සම්මාන 66කට නිර්දේශිතයි. ඒත් දිනාගෙන තියෙන්නේ සම්මාන 16ක්. ප්‍රධාන චරිත සඳහා රංගන දායකත්වය  Haley Joel Osment ,Jude Law , Frances O’Connor යන අයයි. නිෂ්පාදන වියදම මෙන් දෙගුණයකටත් වඩා බොක්ස් ඔෆිස් ආදායම් ලබලාතියනවා. දෙලක්ෂයකට අධික ප්‍රේක්ෂක මනාපවලින් ලැබුණු IMDb අගය 7.1ක්. Science-Fiction චිත්‍රපට අතරින් වැඩි කතා බහට ලක්වුණ චිත්‍රපටයක්.

කතාව මෙහෙමයි. මේ කතා කරන්නේ අනාගතය ගැන; කාර්මීකරණය , නාගරීකරණය නිසා විනාශ වුණ ලෝකයක් ගැන. ලෝකයේ සම්පත් සීමිතයි. ඒහේතුවෙන්ම ජනගහනය පාලනය කරන්නත් සිද්ධ වෙලා. ඒ නිසා මිනිස් වර්ගයාගේ එදිනෙදා වැඩ කටයුතු පහසු කරගන්න මිනිස්සු රොබෝවරුන් හෙවත් මැකාවරුන්නිෂ්පාදනය කරනවා. මැකා කියන්නේ මැකැනිකල් හෙවත් යාන්ත්‍රික බවයි. ඒත් පසු කාලයකදී මේ රෝබෝවරුන්ට විරුද්ධව ජනමතයක් ගොඩනැගෙනවා. මිනිස්සුරෝබෝවරුන්ව ප්‍රතික්ෂේප කරනවා. ඒත් රොබෝවරුන් නැතුවත් බැහැ. කෘතීම බව, කෘතීම බුද්ධිය පිළිකුල් කරන යුගයක සයිබර්ට්‍රොනික්ස් ආයතනයකෘතීම බුද්ධියේ උපරිමයට ළඟා වෙමින් ආදරය දැක්විය හැකි රොබෝ දරුවෙක් නිර්මාණය කරනවා. ඒ තමයි ඩේවිඩ්. ඩේවිඩ්ව පරික්ෂා කරන්න භාර කරන්නේ රෝගීතත්වයේ ඔත්පලව පසුවන දරුවෙක් ඉන්න මොනිකා සහ හෙන්රි යුවලට. ඩේවිඩ් කේතනය කෙරෙන්නේ ආදරය දක්වන්න. ඩේවිඩ්ගේ ක්‍රියාපටිපාටියේ තියෙන්නේආදරය විතරයි. ඒත් මනුෂ්‍යයන් එහෙමද ? ඊර්ෂ්‍යාව,වෛරය , භීතිය හැමදෙයක්ම පිරුණු මනුෂ්‍යයන් ළඟ ඩේවිඩ්ගේ ඉරණම මොකක්ද ? ඒ සියල්ල ඔබට. නැවතඋපසිරසියක් රැගෙන එන බලාපොරොත්තුවෙන් මම සමුගන්නවා. දිගටම රැඳෙන්න බයිස්කෝප් සිංහලෙන් සමග !