Aarakshan (2011) with Sinhala Subtitles | වෙන් කිරීම [සිංහල උපසිරැසි සමඟ]

මේක තමයි මං බයිස්කෝප් සයිට් එකට දාන පළමුවෙනි ලිපිය. මෙච්චර දවසක් කමෙන්ට්ස් දැම්ම මිසක් ‍ෆිල්ම් එකක් දෙන්න අදහසක් තිබුණේ නැහැ. ඒ වගේම කවදාහරි ෆිල්ම් එකකට සිංහල සබ් දාන්න ඕනේ කියල හිතන් හිටියත් මම සබ් දාන්නේ කොහොමද කියලා දැනගෙන හිටියෙත් නැහැ. ඔය අතරේ තමයි අහම්බෙන් වගේ උදාර සහෝගේ පෝස්ට් එකකට දාපු කමෙන්ට් එකකින් මේ බයිස්කෝප් එකට සබ් දාන්න උදාර සහෝත් එක්ක සෙට් වුණේ. ඉතිං ඒ හින්දා මං මුලින්ම කැමතියි උදාර සහෝ මට දුන්න සහයෝගයට ස්තූති කරන්න. මොකද එයා හිටියේ නැත්නම් මම කීයටවත් මේ වැඩේට බහින්නේ නෑ.

IMdb රේටින්ග්වල 6.4/10 අගයක් අරගෙන තියෙන මේ නිර්මාණය Drama,Thriller යටතේ තමයි වර්ගීකරණය කරලා තියෙන්නේ. ප්‍රකාශ් ජා තමයි මෙහි නිමැවුම්කරු. ගිය අවුරුද්දෙ රිලීස් වුණ අති සාර්ථක Raajneeti ෆිල්ම් එක කළෙත් මෙයාම තමයි. මීට අමතරව මෙහි රංගනයෙන් එකතුවෙන පිරිස ගැනත් පොඩ්ඩක් මතක් කළොත් අමිතාබ් බච්චන්, සයිෆ් අලී ඛාන් සහ දීපිකා පාදුකෝන් වගේ ජනප්‍රිය මෙන්ම දක්ෂ නළු නිළියන් කිහිප දෙනෙකුත් Aarakshan හි රංගනයෙන් දායක වෙනවා.

එහෙනම් අපි දැන් මේකෙ කථාව මොකක්ද කියලත් කෙටියෙන් හරි දැන ගම්මු.

ආනන්ද් ප්‍රභාකර්(අමිතාබ් බච්චන්) කියන්නේ ඉන්දියාවේ තියෙන ප්‍රධානතම කොලේජ් එකක ප්‍රධානියා. මෙයා සුපිරි Maths ලෙක්චර් කෙනෙක්. ප්‍රභාකර් තමන්ගේ හෘද සාක්‍ෂියට එකඟව ඉගැන්වීම් කරන කෙනෙක් වගේම පෞද්ගලික ටියුෂන් ව්‍යාපාර වලට විරුද්ධ කෙනෙක්‌. ඒවගේම දුර්වල ශිෂ්‍යයින් වෙනුවෙන් මෙයා නොමිලේ එයාගේ ගෙදරම ඉගැන්වීම් කරනවා. මේ අතරේ ශ්‍රේෂ්ඨාධිකරණ තීන්දුවකට සහය පල කිරීම නිසා මෙයාට එයාගේ තනතුරින් ඉල්ලා අස් වෙන්න වෙනවා. හැබැයි ඒ සිද්ධිය පිටිපස්සේ ඉන්නෙත් මේ කොලේජ් එකේම ඉහළ තනතුරක් දරන මිතිලේශ් සිං(මනෝජ් බජ්පායි) නැමැත්තායි. එයා පෞද්ගලික අධ්‍යාපන ආයතනයක හිමිකරුවෙක්ද වෙනවා. ඉතිං යුනිවර්සිටි එකෙන් අයින් වෙලා ප්‍රභාකර් ආනන්ද් එයාගේ බිරිඳ හා පූර්බී(දීපිකා පදුකෝන්) කියන එයාගේ දුවත් එක්ක එයාලට අයිති ගෙදරට යනවා. ඒත් ඒ වෙනකොට ප්‍රභාකර්ට එයාගේ ගේත් අහිමිවෙලා. ඔන්න ඉතිං ඊට පස්සේ කතාව වෙනම පැත්තකට යනවා. එහෙනම් ඒ ටික ඔයාල මේ ෆිල්ම් එක බලලම දැන ගන්නකො…

මේ අවුරුද්දේ අගෝස්තුවලදි රිලීස් වුණ Aarakshan ‍ෆිල්ම් එක ඉන්දියාව තුළ බොහෝ ආන්දෝලනයකට ලක් වුණු නිර්මාණයක්. ‍ෆිල්ම් එක හරහා විවෘතවම ඉන්දියානු කුල ක්‍රමයට පහරදීම මීට හේතු වුණා. මේ හේතුවෙන්ම ‍ෆිල්ම් එක ඉන්දියාවේ ප්‍රාන්ත කිහිපයකම ප්‍රදර්ශනය පවා තහනම් කළා. මීට අමතරව එරට අධ්‍යාපනය බරපතල විදිහට වාණිජකරණයට ලක්වෙලා තියෙන අන්දමත් ‍ෆිල්ම් එකෙන් වඩාත් හොඳට පෙන්නුම් කෙරෙනවා.

එහෙම නම් ඉතිං කට්ටියට මේක බාගෙන බලන්න කියල ආරධනා කරන ගමන් කරදරයක් නැත්නම් කමෙන්‍ටුවකුත් දාල යන්න කියල කියන්න කැමතියි. එහෙම වුණොත් ඒක අපේ මහන්සියට ලැබෙන ලොකු දෙයක් වෙයි. ගිහිං එන්නම්. හැමෝටම ජයවේවා!!!

Due to copyright issues, we do not provide any torrent link.

මෙම ලබා දී ඇති උපසිරැසි DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “සාරංග ලියනගම” සොහොයුරාට සහ “කේ.යූ.ජී.උදාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.