Alpha House (2014) Sinhala Subtitles | කොල්ලෝ විතරද? [සිංහල උපසිරැසි සමඟ] 18+

හොඳයි යාලුවනේ ඔන්න අද මම ඔයාලට අරන් ආවේ සුපිරිම කොමඩි ෆිල්ම් එකක් කිව්වොත් මම නිවැරදියි. අවුරුදු ගානක් තිස්සේ ෆිල්ම් බලන අපිට හැමවෙලේම හම්බවෙන්නේ ආදර කතා, හොල්මන් කතා නැත්නම් කොමඩියක් ගත්තොත් එකෙත් තියෙන්නේ හිනා යන්නේ නැති මෝඩ ආතල්. හැබැයි අද මම ගෙනාපු ෆිල්ම් එක නම් සම්පුර්ණයෙන්ම වෙනස්. මම හැමවෙලේම තෝරාගන්න උත්සහ කරන්නේ මේ වගේ වෙනස්ම විදිහේ ෆිල්ම්ස් තමයි. ඔයාලත් දන්න වෙනස්ම විදිහේ ෆිල්ම්ස් තියෙනවා නම් අනිවා යටින් කමෙන්ට් එකක් දාගෙන යන්න නම් අමතක කරන්න එපා. ඉතින් මේ සබ හදන්න මට සති දෙකකට වඩා කාලයක් ගත වුන එක ගැන නම් මට සමාවෙන්න ඕනේ. ඇත්තටම කිව්වොත් ඒ සති දෙකෙන් සතියක්ම මම මොනවත් කාලේවත් නෑ. මම හිතුවේ නෑ මේකේ සබ හදන ඒක මේ තරම් අමාරු වෙයි කියලා. මොකද මේකේ තියෙන සමහර වචන අනිවාරෙනම අපි හොයාගන්න ඕනේ එකේ තේරුම මොකද්ද කියලා. ඒක නිසා තවත් කල් ගත වුනා. කොහොම හරි යාලුවනේ ඔයාලට මම සබ අරගෙන ආවා කියලා සතුටින් කියන්න කැමතියි. ටිකක් වෙනස් විදිහේ කොමඩියක් බලලා ගන්න ෆන් එක ලොවෙත් වෙන කතාවක් බලලා නම් ගන්න බෑ කියන එකයි මගේ මතය. කොහොම නමුත් මේ ෆිල්ම් එක නම් 18+, ෆිල්ම් එකක්. ඉතින් යාලුවනේ ඒ වුනත් මේකේ සබ හදද්දී ගොඩක් දුරට අසභ්‍ය වචන භාවිතා නොකරන්න මම වග බලා ගත්තා. ඒ නිසා මේක පොඩි ළමයෙක්ටත් සුදුසුයි කියලා මම කියන්නේ නෑ. මොකද මේ ෆිල්ම් එකේ පොඩි ළමයින්ට සුදුසු නැති දර්ශන ඇතුලත් වෙලා තියෙනවා. ඒ වගේම තව ගොඩක් අය අහන ප්‍රශ්නයක් තමයි 18+ ෆිල්ම් වල සබ හදන මනුස්සයාට අවුරුදු 18 ද කියලා? ඇත්තටම කිව්වොත් කියන්න සතුටුයි මට දැනට 18 ක් තියෙනවා කියලා. 🙂

හරි හරි මේ හොඳටම ඇති වෙන දේවල් ගැන කතා කලා. දැන් අපි බලමු  ෆිල්ම් එකේ විස්තර මොනාද කියලා….

මේ ෆිල්ම් ඒක ගැන කියද්දී මම කලින් කිව්වා ටිකක් විතර වෙනස්ම විදිහේ ෆිල්ම් එකක් කියලා. ඇත්තටම මේ කතාව පාදක වෙලා තියෙනේ ඇල්ෆා හවුස් කියන විශ්වවිද්‍යාලයේ හොස්ට්‍රල් එක ගැන. මේ ඇල්ෆා හවුස් කියන පීඨය දන්නෙම නැතුව ලොකු කරදරේක වැටෙනවා. අපේ මේ කතාවේ ඉන්නේ වීරයෝ දෙන්නෙක්. වීරයෝ කිව්වට ඉතින් එයාලට විශේෂ බලයන් මොනවත් නෑ. තියෙන එකම බලය තමයි නායකත්ව බලය. ඒ කියන්නේ මේ වීරයෝ දෙන්නගෙන් එක්කෙනක් තමයි මේ ඇල්ෆා හවුස් එකේ ප්‍රධානියා විදිහට කටයුතු කරන්නේ. ඔය අතරේදී ඇල්ෆා හවුස් එක අයිති කරගන්න තව කෙනෙක් ලැස්ති වෙනවා. එයා කෙල්ලෙක්. එයාට තියෙනවා කාන්තාවන් කිපදෙනේක්ගෙන් සැදුම් ලත් කාන්තා සංගමයක්. මෙයා හදන්නේ තනියෙන් මේ ඇල්ෆා හවුස් එක අයිති කරගෙන තමන්ගේ කාන්තා සංගමය වැඩි දියුණු කරගන්න වගේම සාමාජිකයන්ට වැඩි වාසි ලබාදෙන්න. ඉතින් මේ වෙනුවෙන් එයා කරන්න පුළුවන් හැම දේම කරනවා. ඉතින් අපි හැමෝම දන්නවා වගේම පිරිමි හැමෝටම එක ලොකු දුර්වලකමක් තියෙනවා. ඒ තමයි ගෑනුන්ගේ 64 මායම් වලට අහු වෙන එක. ඉතින් මේ කාන්තා සංගමයේ සාමාජිකයන් ලව්වා මේ සංගමයේ නායිකාවිය අපේ කොල්ලෝ ටිකව 64 මායම් දාලා නොමඟ යවන්න උත්සහ කරනවා. සමහර කොල්ලෝ ඉතින් අහුවෙනවා. කොහොමත් එහෙම එවුන් ඕන සෙට් එකක ඉන්නවානේ. හැබැයි සමහර එවුන් එහෙම අහුවුනාට අපේ කතාවේ ප්‍රධාන චරිත දෙක, ඒ කියන්නේ අපේ වීරයෝ දෙන්නා අහුවෙන්නේ නෑ මේ වැඩේට. හැබැයි ඊටත් කලින් එයාලගේ මේ ප්ලෑන් එක හෙළි වෙනවා. දැන් කෙල්ලොයි කොල්ලොයි දෙගොල්ලොම ලොකු යුද්ධයකට සුදානම් වෙනවා. යුද්ධයක් කිව්වේ මේ කඩු පොලු අරගෙන කරන ජාතියේ යුද්ධයක් නෙවෙයි. සිතල යුද්ධයක්. හැබැයි ඇත්ත වශෙයන්ම මේ දෙගොල්ලොන්ව කොටෝලා වාසි ගන්නේ වෙන කෙනෙක්. ඒ තමයි මේ ඉස්කෝලේ සහකාර පීඨාධිපතිතුමා. සහකාර පීඨාධිපතිතුමා පොඩ්ඩක් සීමාවෙන් එහා ඉන්න කෙනෙක්. ඔයාට කතාව බැලුවම මේ ඔක්කොම තේරෙයි. එයාට ඕනේ බාලිකා පාසලකට මාරුවක් හදාගන්න. එයාට ඕනේ කෙල්ලෝ එක්ක මුකුළු කර කර ඉන්න. ඒක නිසා එයාගේ ඒ ආසාව ඉෂ්ඨ කර ගන්න එයා ඇල්ෆා හවුස් එකේ සාමාජික සාමජිකාවන්ව කොටවනවා. ඊට පස්සේ මොනාද වෙන්නේ කියලා මම නම් දන්නේ නෑ. දැන ගන්නම ඕනේ නම් අනිවා ෆිල්ම් එක බලන්නම වෙයි…

දන අපි බලමු මේ ෆිල්ම් එකට කවුරු කවුරුද රංගනයෙන් දායක වෙලා තියෙන්නේ කියලා. ඇත්තටම කිව්වොත් මේ ෆිල්ම් එකේ ඉන්න සමහර නළු නිලියෝ තමන්ගේ රංගනයන් හොඳින් ඉටු කරලා තියෙනවා කියලා ඕන කෙනෙක්ට තේරෙයි. ඇත්තම කිව්වොත් මේක DVD ෆිල්ම් එකක්. සාමාන්‍යයෙන් DVD ෆිල්ම් වල ඉන්න අලුත් රංගන ශිල්පියෝ නැත්නම් අපේ භාෂාවෙන්ම කිව්වොත් නළු නිලියෝ රඟපානවා කියලා තේරෙනවා. දෙබස් එකේම අහන ඉන්නත් කම්මැලියි. ඒවා බලන්නන්නම් උපසිරසි ඕනෙත් නෑ වගේ කියලා තමයි හිතෙන්නේ. ඒත් මේක DVD ෆිල්ම් සඳහා කට්ටියගේ හිතේ තිබ්බ සැකය සහමුලින්ම නැති කරලා දාන්න සමත් වෙලා තියෙනවා. මම කිව්වට වැඩක් නෑ. අනිවා ඔයා ෆිල්ම් එක බැලුවම ඒක ඔයාලට තේරෙයි. හරි හරි වැඩි කතා නැතුව දන අපි බලමු මේ ෆිල්ම් එක සාර්ථක කරගන්න රංගනයෙන් දායක වුන නළු නිලියෝ කවුද කියලා.

Julien Ari
Heather Paige Cohn
Chris O’Brien
Jean Louise O’Sullivan
D.C. Douglas
Sam Aotaki
Anna Beletzki
Eli Bildner
Michael Lewis Foster
Audrey Ellis Fox
Jacquie Cardinale
Melvin Gregg
Nina Kate Nina Kate
Jon Kondelik
A.J. Rivera

හරි ඉතින් දැන් අපි බලමු මේ ෆිල්ම් එකට ලැබිලා තියෙන රේටින්ස් මොනවගේද කියලා. හැමෝම වගේ මුලින්ම බලන්නේ IMDb ගැන නේ. ඉතින් IMDb රේටින්ස්  ගැන කතා කලොත් මේ ෆිල්ම් එකට IMDb රේටින්ස් 3.7 වගේ අගයක් ලබාගෙන තියෙනවා. සමස්ථ ෆිල්ම් එක්ක බලද්දී ඒ IMDb රේටින්ස් ප්‍රාමාණය ගොඩක් අඩුයි කියලා ඔයාට හිතෙන්න පුළුවන්. ඒත් අමතක කරන්න එපා මේක DVD ෆිල්ම් එකක් කියලා. සාමාන්‍යයෙන් DVD ෆිල්ම් එකකට ලැබිය යුතු සාමාන්‍ය IMDb රේටින්ස් ප්‍රාමාණය 1 ත් 5 ත්  අතර කියලා තමයි සලකන්නේ. ඒ අතරින් බලද්දී අපි IMDb රේටින්ස් බලන්නේ 10න් නේ. එතකොට  මේක DVD ෆිල්ම් එකක් නිසා අපිට IMDb රේටින්ස් බලන්න වෙන්නේ 5න්. හැබැයි අපි හිතුවොත් මේක DVD ෆිල්ම් එකක් නෙවෙයි සාමාන්‍ය ෆිල්ම් හෝල්වල ප්‍රදර්ශනය කෙරුණු ෆිල්ම් එකක් කියලා අපිට පුළුවන් ෆිල්ම් එකට ලැබුණු IMDb රේටින්ස් ගණන 2න් ගුණ කරන්න. එතකොට අපිට හිතන්න පුළුවන් මේක සාමාන්‍ය ෆිල්ම් හෝල්වල ප්‍රදර්ශනය කෙරුණු ෆිල්ම් එකක් නම්  IMDb රේටින්ස් 7.4 ක් වගේ ඉතා විශාල අගයක් හිමි කරගනීවි කියලා. ඉතින් එකෙන්ම තේරෙනවා ඇති මේ ෆිල්ම් ඒක කොච්චර ජනප්‍රිය වෙලා තියෙනවද කියලා.

ඉතින් ගොඩක් දේවල් කතා කළා. ෆිල්ම් එක ගැනත් ගොඩක් දේවල් ෆිල්ම් එක බලන්න කලින්ම දැනගත්තා නේ. ඉතින් දැන් ඔයාට කරන්න තියෙන්නේ ෆිල්ම් එක බලන එක. ඒ විතරක්ම නෙවෙයි අනිවාරෙන්ම යටින් කමෙන්ට් එකක් දාගෙන යන්නත් අමතක කරන්න එපා. ඔයාලා කැමති තව මොනවා හරි ෆිල්ම්ස් තියෙනවා නම් අනිවාරෙන්ම අපිට කියන්න. පුළුවන් ඉක්මනටම සබ එක ලබා දෙන එක තමයි අපෙත් අරමුණ. කාලයක් මම ස්පැනිෂ් ෆිල්ම් සබ් කර කර ඉඳලා ඒක පාරටම ඉංග්‍රීසි එකකට මාරු වුනේ මොකද කියලා සමහරු අහන්නත් ඉඩ තියෙනවා. ඇත්තම කිව්වොත් මම කියන්න ඕනේ හොඳ ෆිල්ම් එකක් නම් සෝමාලියානු භාෂාව තිබ්බත් මම නම් ඒක බලන්නවා. මට හොඳටම විශ්වාසයි ඔයාලත් එහෙමයි කියලා.

හරි යාලුවනේ එහෙනම් ඔන්න මම සමු ගන්න තමයි හදන්නේ. ඊළඟ සබ අරගෙන පුළුවන් ඉක්මනට ඔයාලා හම්බවෙන්න එන්න බලන්නම්. මතක ඇතුව පහලින් කමෙන්ට් එකක් දාගෙන යන්න අමතක කරන්න නම් එපා.

ඔබ සැමට ජය වේවා.

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ පවන් විකසිත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2019-04-30
SUB MAKER RATING BY ADMINS