Ask Laftan Anlamaz [S01 : E20] Sinhala Subtitles | සමුගනිමු හයාත්!! [සිංහල උපසිරැසි සමග]

හයාත්-මුරාත් ආදර අන්දරයේ 20 වෙනි කොටසට අරගෙනයි අපි අද ආවේ. ඉතින් සුපුරුදු පරිදිම පහුගිය කොටසින් මොකද වුනේ කියලා බලමු.

මුරාත්ට එකට එක කරන්න කියාලා හිතා ගෙන හයාත් තැබැරූමකට ගිහින් හොඳටම බිව්වා. පස්සේ මුරාත් ඇවිත් තමා හයාත්ව ගෙදර එක්කගෙන ආවේ. ඒ වෙලාවෙත් හයාත් අහන්නේ කවද්ද මේ දඩුවම ඉවර වෙන්නේ කියලයි. හයාත්ගෙ අසරණකම මුරාත්ට නොතේරෙනවා නෙවේ. ඒත් මුරාත් ඊට වඩා අසරණයි කියලා දැනෙද්දී හයාත්ට සමාව දෙන එක ගැන හිත එකඟ කරගන්න මුරාත්ට බැහැ. ඒ වුනාට හයාත් නම් වැඩේ අතෑරියේ නෑනේ, කොහොමින් කොහොමහරි හයාත්- මුරාත් දෙන්නා තව වැඩි දවසක් දුරස් වෙලා ඉන්නෙකක් නෑ වගේ.

ඔය අතරෙ සීයා පත්තරෙන් දැක්කනේ එයාටයි, හයාත්ටයි අපහාස කරලා දාපු ලිපිය, ඒක දැකපු පාර සීයට අසනීපත් වුනා. මේ හැම දෙයක්ම ඩේර්‍යාගේ සැලසුම් කියනෙක එමිනෙයි, ෆාදික්නුයි කතා වෙන්නේ ඔය අතරේ. මේ සිද්ධ වුන අපහාසෙට ඩේර්‍යාගේ මූණටම කතා කරනකන් එමිනෙට ඉවසගන්න බැරි වුනා, ඒ නිසා එමිනේ ඩේර්‍යගෙ ගෙදර ගිහින් හොඳටම රණ්ඩු කරා මතක ඇති, ඒත් අසීමේ ආච්චි නම් කිව්වේ මුරාත් හැමදේම විසඳයි කියල. හැමදේම එහෙම විසඳෙන්නත් ඉතින්, මුරාත් ආච්චිට සමාව දීල ඉන්නෙපාය, ආච්චි මුරාත්ගෙ ගෙදරට ඇවිත් මුරාත්ගෙන් සමාව අරගෙනත්, මුරාත් නෙවේ සමාව දුන්නේ! සමාව දෙන එක ඒ තරම් පහසු දෙයක් නෙවේය කියනෙකයි මුරාත් එතකොට කිව්වේ.

ඊළඟ දවසේ හයාත් සාර්ටේ එකේ වැඩට ආවම ඉතුරු රණ්ඩුව පටන් ගන්නවා, මොකද හයාත්ටයි, සීයටයි අපහාස කරේ ඩේර්‍යා කියනෙක පිළිගන්න දොරුක් කැමති නෑ , හයාත්- දොරුක් දෙන්නා ඒ ගැන වාද කරන අතරේ සමාගමට එන්නේ හැස්මට් සීයා! නිකන්ම නෙවේ, පිස්තෝලයකුත් අරගෙනම!

මේ අතරේ ගොඩක් විශේෂ දෙයක් සිද්ධ වුනා, මතක ඇති මුරාත්ගෙ ගෙදරට ආව නිර්නාමික ඇමතුම, ඒකට හයාත් කතා කරත් ඒ කෙනා එයා ගැන කිසි දෙයක් කිව්වේ නෑ, ඒත් ඒ කවුද කියනෙක ඔයාල දකින්න ඇති, ඉතින් මේ ආගන්තුක කෙල්ල එක්ක මුරාත් ඉන්නවා මූලින්ම දැක්කේ ඉපෙක්! ඉපෙක් ඒක දැකල පින්තූර එහෙමත් ගත්තා, ඒ විතරක් නෙවේ අස්ලිටත් කිව්වා, එක ගින්නක් ඔය විදියට ඇවිලෙද්දී, පිස්තෝලයකුත් අරන් ආව සීයා මහා විනාසයක් කරන්නයි හැදුවේ, මුරාත්ගෙන් පලිගන්න බලන් එයාට වෙඩි තියන්න සීයා දරපු උත්සාහේ අන්තිමේ කෙළවර වෙන්නේ අසීමේ ආච්චිත් මැදිහත් වෙලා, හැබැයි කිසිම කෙනෙක්ට නැමෙන කෙනෙක් නම් නෙවේ හැස්මට් සීයා කියන්නේ! අන්තිමේ මේකට විසදුමක් විදියට මුරාත් මාධ්‍ය සාකච්ඡාවක් කැදවනවා, එතනදි කියනවා පිට වෙලා තියන තොරතුර සම්පූර්ණයෙන් ම අසත්‍යයක් කියනෙක, ඒත් එතනදිත් හැස්මත් සීයා ප්‍රශ්නයක් ඇති කර ගන්නවා.

මේ දේවල් අතරේ අස්ලි, ඉපෙක් දෙන්න හදන්නේ මුරාත් රහසින් මුණ ගැහෙන ගෑනු ළමයා ගැන හයාත්ට කියන්න, මොකද ඒ දෙන්නා හිතන්නේ මුරාත්ට අනියම් සම්බන්ධයක් තියනවා කියලයි,මේ ගැන සැක හැර දැනගන්න බලන් ඒ දෙන්නා සැලස්මක් හදනවා, කොමාහරි ඒ විදියට රෑ කෑමකට මුරාත්ගෙ ගෙදර ආව වෙලාවේ එයාගේ ෆෝන් එක අරන් හයාත්ගේ ජීවිතේ එක්ක සෙල්ලම්කරන කෙල්ලගේ නම ” හසාල්” කියලා ඉපෙක්ලා දැනගන්නවා, හැබැයි ඒ දැනගෙන වැඩි වෙලා යන්න කලින් මුරාත්, හසාල් ව මුණ ගැහෙන්න ගියා මතක ඇති! ඒ අතරේ හයාත්ටත් මුරාත් ගැන සැකයක් ඇති වුනා, හයාත් ඒ ගැන කෙලින්ම මුරාත්ගෙන් ඇහුවත් මුරාත් නම් එක හෙළාම කිව්වේ හයාත් හැර එයාගේ ජීවිතේ වෙන ආදරයක් නෑ කියලා, අහ්.. තව ටිකෙක් කියන්න අමතක වෙනවා, මේ අස්සේ තරහ වෙලා හිටිය ඉපෙක්- කෙරම් දෙන්න ආයිත් යාලු වුනා.

දැන් මම කියන්න යන්නේ පහුගිය කොටසේ අන්තිමේදි මොකද වුනේ කියලා, මුරාත් හොරෙන් මුණ ගැහෙන කෙල්ල ගැන ඉපෙක්, හයාත්ට කියන්න ගියේ නෑ, ඒත් තුවාල් ඒ ගැන මුරාත්ගෙන් ඇහුවම මුරාත් හිතනවා, ඉපෙක් සේරම හයාත්ට කියන්න ඇති කියලා, එහෙම හිතලා හයාත් ට කතා කරනවා, ඒත් ඉපෙක් මැදිහත් වෙලා මුරාත් ව නවත්ත ගත්තා, හැබැයි ඉතින් බොරුවට වැඩි ආයුෂ නෑනේ. අහම්බෙන් මුරාත්ගෙ පස්සෙන් ගිය හයාත්ට දකින්න වුනේ තමන්ගේ සැමියා වෙන කෙල්ලක් වැළඳ ගන්න හැටි! හිතුවෙවත් නැති දෙයක් නේද අන්තිමේ වුනේ! හයාත්ට ජීවිතේම එපා වෙලා ගියා, මුරාත් එයාට වංචාවක් කරා කියලා හිතුනා, කන්දක් උසට ලස්සන සිහින මවපු හයාත්ට ඒ සීන ලෝකේ තමන්ගේ දෙපා මුල ම බිඳ වැටෙද්දී තමන් මේ ඉන්නේ මහ පාර මැද කියනෙක ගැන හිතන්න තරම් සිහියක් තිබුනේ නෑ, ” හයාත්..!” මුරාත් කෑ ගැහුවේ හයාත්ගේ ඉස්සරහට එන වාහනේ දැකලා!

අද එතැන් සිට…

මේ සැරේ උපසිරැසිය ගේන්න ටිකක් ප්‍රමාද වුණා. හරිම හෙමින් කරේ. හේතුව කිසිම කික් එකක් නැහැ. ඔයාලගෙන් කිසිම සප් එකක් නෑ. මුල් සතියෙම ඇවරේජ් 500ක් විතර උපසිරසිය බාගත්තට ඒකෙන් දහයෙන් එකක්වත් නෑ කමෙන්ට්ස් ගාන. හැමදාම 20 නැත්තම් 30. හැබැයි පරක්කු වුනොත් දෙයියනේ කියලා ඔන්න 40යි. හැමදාම කියනවා, අදත් කියන්නම් සාමාන්‍ය උපසිරසියකට වගේ දෙගුණයක් මේකට මහන්සි වෙන්න ඕන. එහෙමයි කියලා ඔයාලට ස්තුති කරන්න කියනවා නෙමේ. බාගෙන යන ගමන් මොකක්හරි කමෙන්ට් එකක් දාගෙන යන්න මොකක්ද තියෙන බැරිකම? ගල් මුල් මල් අදහස් ඕන දෙයක්. ස්තුතිය නම් ඕනත් නෑ. හැමදාම කමෙන්ට් කරන කීප දෙනෙක් ඉන්නවා. එයාලට බොහෝම ස්තූතියි. මෙහෙම හරි මේක කරන්න පුළුවන් එයාලා නිසා. කොච්චර කිව්වත් කාටවත් ගානකුත් නෑනේ. මං යන්නම්. ඉදිරියටත් මේ වගේම මන්දගාමීව වැඩේ සිද්ධ වෙයි.

ලිපිය – හෙළිලි හේමමාලි

 

 

 

Due to copyright issues, we do not provide any torrent links.

මෙම ලබා දී ඇති උපසිරසි අන්තර්ජාල පිටපත් සඳහා අදාළ වේ.

 

           

Subtitle Contributor Rank

SUB MAKER RATING BY ADMINS