Avatar: The Last Airbender [S02 : E02] Sinhala Subtitles | පෙම්වතුන්ගේ ගුහාව [සිංහල උපසිරැසි සමඟ]

ඊයෙ දීපු කොටස සෑහෙන දෙනෙක් බාගෙන තියෙන බව දැක්කම හිතට හැබෑම සතුටක් දැනුණෙ. මගෙ මහන්සියෙන් හුඟ දෙනෙක් ප්‍රයෝජන ලබන බව දකින එකත් සතුටක්. ඒ වුණාට කමෙන්ට් ගැන හිතද්දි බාන ගාණෙන් 10% යි. අපේ අය ගැනනම් ඇති වෙන්නේ කලකිරීමක්. අපි මේව දෙනවට ඉල්ලන්නේ කමෙන්ට් විතරමයි. ඒ එකක් ලබා දෙන්ඩ කිසි වියදමක් යන්නෙත් නැත්නම්, මහා කාලයක් නාස්ති වෙන්නෙත් නැත්නම් ඒ සුළු වැඩේ කරලා අපි ගැනත් ටිකක් හරි හිතන්ඩ බැරි ඇයි කියන කාරණේ මට විතරක් නෙමෙයි; අපි කාටත් කලකිරීමක් තමයි ඇති කරවන්නෙ. ඒ වුණත් මේ කරන වැඩ අතරමග නතර කර දාන්ඩ අපි කිසිකෙනෙක් හීනෙකින්වත් නොසිතන බව මතක් කරන්ඩ කැමතියි. ඒ බව ඔබ දන්නවා. ඒ නිසාමද කොහෙද අපට මෙච්චර නොසැලකිල්ලක්! අඩු ගාණෙ අපේ මහන්සිය ගැනවත් හිතලා හිතට සතුටක් ලැබෙන්ඩ පුංචි ඇගයීමක් කරන්ඩ. ඒ ඇති.

එහෙමනම් ඊයේ දීපු දෙවෙනි කතා සමයේ මුල් කොටස බලන්ඩ ඇතිනෙ. ඒකෙදි අවතාර් ඈන්ග්’ට අවතාර් තත්ත්වය පාලනය කරන්ඩ උත්සාහ ගන්ඩ කියල, ඔහුව ඊට පොළඹවන්ඩ භූමි හමුදා සෙන්පතිතුමා කරපු හරිය දකින්ඩ ඇතිනෙ. කොහොම වුණත් අන්තිමේ ඔහුගෙ අදහස නිෂ්ඵල වෙලා ගියා. ඒ අතරෙ අසූලා කුමරිය සිය අයියණ්ඩියවත් මහප්පාවත් හිරභාරයට ගන්ඩ උත්සහ කරපු හැටිත් දැක්කනෙ. කොහොම වුණත් ඔවුන් බේරිලා පළා යන්නට සමත් වුණා. දැන් ඔවුන් අග්නි ජාතියෙන් පි‍ටුවහල් කළ අයවළුන් බවට පත් වෙලා. දැන් සරණාගත දෙන්නෙක් වෙලා.

මේ පාර ඈන්ග් ඇතුළු පිරිස චාරිකාවෙ යද්දි තවත් පිරිසක් හම්බෙනවා. මේ කට්ටිය තැන තැන යන අහිකුණ්ඨිකයන් වැනි පිරිසක්. සින්දුවක් කියලා නැ‍ටුමක් නටලා කීයක් හරි හොයාගෙන සැහැල්ලුවෙන් ජීවිතේ ගෙවන පිරිසක්. දැන් අවතාර්ගෙ කට්ටියට අහසින් යන්ඩ බැරි තත්ත්වයක් උදා වෙලා. ඒ නිසා ඔවුන් යන ඔමාෂු රාජධානිය දෙසට ඉලක්කව පයින් ගමන තමයි ක්‍රමය. මේ කට්ටියත් ඒ පැත්තටම යන නිසා. ඊට තිබෙන එකම මගින් ගමන් කරන්ඩයි සූදානම. මේ මාර්ගය ගුහාවක් ඇතුළෙන් වැටිල තියෙන්නෙ. මේකට යස නමකුත් තියෙනවා. ‘පෙම්වතුන් දෙපළගේ ගුහාව’. මේක අස්සෙ පාර හොයාගන්ඩ තියෙන්නෙ අපූරු ක්‍රමයකට. ආපසු හැරෙන්ඩත් බැරි වෙන විදිහට දොර‍ටුව වැහිල යන නිසා මේක තමයි එකම විසඳුම. මේ ගමන දෙන්නෙකුට අමුතු අත්දැකීමක් එක්කළාට අපේ සොකාට නම් හරි හරි අකරතැබ්බ ගොඩක් තමා. ඒ අතරෙ තමන්ගෙ ජාතියෙන් නෙරපා හැරුණු මහප්පයි පුතයි ජීවිතේට මුහුණ දෙන හැටිත් හරිම අපූරුයි.

Due to copyright issues, we do not provide any torrent link.

මේ ලබා දී ඇති සිංහල උපසිරැසි පිළිබද “පුබුදු සුපුන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/09/30