Back to the Future (1985) | නැවතත් අනාගතයට. [සිංහල උපසිරසි සමඟ]

නැවතත් පැරණි සිනමා පටයකට උපසිරසි දැම්මා. අලුත් ඒවා කරන්න ඇති තරම් කට්ටිය ඉන්නවනේ. පරණ උණත් ඕනෑම කාලයක රසවිදින්න පුළුවන් පැරණි අනගි සිනමාපට රැසක් තියෙනවා. ඉතින් කැමති අයට බලන්න ඒවටත් කව්රු හරි සබ් දෙන්න ඕනනේ. මෙවර ලබා දෙන්නේ වීර ක්‍රියා – විද්‍යා කාණ්ඩයට අයත් වන සිනමා පටයක්. රසිකයින් 4,86,963 විසින් IMDB 8.5 ක තරම් විශාල අගයක් එකක් ලබා හොඳම චිත්‍රපට 250 අතර 48 ස්ථානයේ ද ඇති සිනමා පටයක්.

1985 දී තිර ගත වූ මෙම සිනමා පටය, මහා සිනමා කරුවෙකු වන”ස්ටීවන් ස්පීල්බර්ග්” ගේ මුල් කාලීන ඉදිරිපත් කිරීමක් වන අතර එකල විශාල ආදායම් වාර්තා තැබූ එකක්ද වෙනවා. මෙම සිනමා පටය කොටස් තුනකින් යුක්තයි. මේ ඉන් පළමු කොටසයි. වෙන වෙනම බැලුවත් රස වින්දනයට බාධාවක් නැහැ. ඒවුනාට කොටස් තුනම එක දිගට නැරඹීම ඉතා රසවත් අත් දැකීමක් වේවී.

පළමු කොටසේ කතාව ගැන ඉතාම කෙටියෙන් කියන්නම්. ඒ 1985 වර්ෂයයි. මාටී නම් තරුණයාගේ මිතුරු එමිට් බ්‍රවුන් නම් මහාචාර්යවරයා, ප්ලූටෝනියම් වලින් පණ ගැන්වෙන කාල තරණ යන්ත්‍රයක් නිර්මාණය කරනවා. හදිසි සිදුවීමක් නිසා මාටි තරුණයා, මෙම කාල යන්ත්‍රයෙන් වසර 30ක් (1955 දක්වා) අතීතයට තල්ලු වී යනවා. මෙලෙස 1955 ට යැවුණු ඔහුට තරුණ වියේ පසුවන එහෙත් තවමත් එකිනෙකා මුණගැසී සබදකමක් ගොඩ නැගී නැති, තම මව හා පියා වීමට සිටිනා දෙදෙනාව මුණ ගැහෙනවා. ප්‍රතිඵලය වන්නේ මේ දෙදෙනා අතර ඇති වීමට තිබූ ආදර සම්බන්ධය මාටි නිසා අවුල් වී කඩාකප්පල් වීමයි. ඔහුන් දෙදෙනා විවාහ වූයේ නැත්නම් මාටිගේ උත්පත්තියක්ද නැත.

නැවත 1985 ට යාමට නම්, මාටි 1985 දී ජීවත් වන්නෙකු විය යුතුය. මේ හේතුව මත දැන් ඔහුට ඒ දෙදෙනා අතර ආදර සම්බන්ධයක් ඇතිකර විවාහ වන තැනට කටයුතු කිරීමට සිදුවේ. මේ සදහා බාධාවන් රැසකි. තම මව වීමට සිටින තරුණියට බැල්ම දමන චණ්ඩියෙක්, පියා වීමට සිටිනා තරුණයාගේ බියගුලු ස්වභාවය, කාල යන්ත්‍රයෙන් නැවත යාමට ඉන්ධන වශයෙන් ප්ලුටෝනියම් නැති කම, ඇතුළු ගැටලු රැසකට මාටිට මුහුණ දෙන්න සිදු වෙනවා. මේ කාලය විට (1955 දී) තරුණ වයසේ පසු වන මහාචාර්ය එමිට් බ්‍රවුන්ව සොයා ගන්නා මාටි, ඔහුගේ ආධාරයෙන් ඒ බාධාවන් ජයගෙන නැවත 1985 දක්වා පැමිණීමට උත්සහ දරනවා.

සිනමා පටය නරඹා ඉන්පසුව සිදු වන්නේ කුමක්දැයි ඔබටම බලාගන්නට ඉතිරි කරන්නම්. ඔබ සැමගේ ප්‍රතිචාර අනුව අනෙක් කොටස් දෙකත් හැකි ඉක්මනින් ලබා දීමට කටයුතු කරන්නම්. මේ සිනමා පටය ගැන මීට පෙර පළවු ලිපියක්ද තියෙනවා. ඒ ලිපියයි, ඒ‍කට දී තිබූ අදහස් ප්‍රකාශයන් ටිකත් බලන්න. නැවත දෙවන කොටස සමග හමුවෙමු.

මීට කලින් පළ කළ ලිපිය.

ඕන් දැන් කට්ටිය හිතන්න එපා ගෝලයට පිස්සු තද වෙලාද කියල. මෙච්චර පරණ බයිස්කෝප් එකක් අද දෙන්නේ කියල. ඇත්තටම කීව වගේ මේක පරණ වුනත් එළ චිත්‍රපටි ගණයට අයත් මැක්සා කතාවක්. මුලින්ම මේ චිත්‍රපටිය ගැන මට කීව යාළුවට බොහොම ස්තූතියි කියනවා. ( පොර ලිපිය දකීවිද දන්නෙ නැහැ.. )

කෙසේ වෙතත් චිත්‍රපටිය ගැන යමක් කීවොත් මෙහෙමයි. ඡන්ද 184,000කට අධික ප්‍රමාණයක් ලබා ගෙන imdb හි 8.4/10 ක් ලබා ගෙන ලොව හොඳම චිත්‍රපටි ශ්‍රේණිගත කිරීමේ 78 වැනි ස්ථානයේ මේ චිත්‍රපටිය තිබෙනවා. මේ හේතුව නිසත් කාලෙකින් බයිස්කෝප් සිංහලෙන්හි පරණ මැක්සා නිර්මාණයක් ගෙනාවෙත් නැති නිසයි අද මම මේක තෝර ගත්තේ. මොකද මෙවැනි නිර්මාණ බිහිවුණා කියල බොහෝ දෙනෙක් දන්නෙත් නැහැනේ.

මේ කතාව කොටස් තුනක කතා මාලාවක පළමු කොටස. මේක බලල අනික් කොටස් දෙක කැමතිනම් බාගෙන බලන්න. මම ටොරන්ට් එක හොයල දෙන්නම්. කතාව කෙටියෙන් මෙහෙමයි. සම්පූර්ණයෙන්ම සාමාන්‍ය කොලුවෙක් ඉන්නවා Marty කියල. ඔහු අසාමාන්‍ය විද්‍යාඥයෙක් ලඟින් ආශ්‍රය කරනවා. මේ විද්‍යාඥයා කාල තරණය කරන්න පුළුවන් මැසිමක් නිර්මාණය කරනවා. වැරදීමකින් Martyව 1955ට යැවෙනවා. එහිදී ඔහුට පුදුම දෙවල් වලට මුහුණ දෙන්න සිදු වෙනවා. වැඩේ කියන්නේ, Martyට සිද්ධ වෙනවා ඔහුගේ අම්මයි තාත්තයි අතරෙ ප්‍රේම සම්බන්ධයක් ඇති කරන්න. හික්z.. නැත්නම් 1985දී ඔහුගේ පැවැත්මක් නැතිවෙනවා. මදි නොකියන්න හිනා වෙන්නත් පුළුවන්. මැක්සා විද්‍යා ප්‍රබන්ධයක්, බලනකොට පරණ චිත්‍රපටියක් කියල හිතෙනව අඩුයි. බලල ගුණ දොස් කියන්න කෝ..

700 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ SIRIJAYA ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.