Banshee [S04 : E08] Sinhala Subtitles | බැන්ෂී නගර සීමාවෙන් පිට වන ඔබට සුභ ගමන්! [සිංහල උපසිරසි සමඟ] (18+)

ඉතින් බැන්ෂී අවසානයට අපි ආවා. අන්තිම එපිය ඒ කියන්නේ අටවෙනි එපිය තමයි මේක. අද මම කලින් එපි ගැන කියන්නෙ නෑ වැඩිය. මොකද කට්ටිය බලලා ඇති. අහිංසක කෙල්ලන්ව මරන දාම ඝාතකයා හොයාගන්න හුඩ් ඇතුලු පිරිසට පුලුවන් වෙනවා. ඉතින් ඒ ප්‍රශ්නෙත් ඉවරයි. ඒත් ඉවරම නෑ. තවත් අපි නොහිතන දෙයක් එතන තියෙනවා. ඒක අද බලාගන්න පුලුවන්. මම කියන්නෙ නෑ.

බැන්ෂී කියන්නේ Cinemax ලා කියන විදියට එයාලා එතෙක් මෙතෙක් විකාශය කරපු හොඳම කතා මාලාවලු. අන්තර්ජාලයෙන් තමයි මේවා හොයාගත්තේ. ඉතින් මේකේ රිවීව් බලන්න ඕන නම් ගූගල් කරලා බලන්න. කිසිම කෙනෙක් වැරැද්දක් කියලා නෑ. කතාමාලාවක් වුනාම තියෙන්න ඕන ඒ සමබරතාවය උපරිමයෙන්ම බැන්ෂී තුල තිබුණා. ආදරය, වෛරය, කැපකිරීම, ලිංගිකත්වය, ලැදි බව, සල්ලි, මත්ද්‍රව්‍ය, ලේ, කැපුම් කෙටුම් මේ වගේ තියෙන්න ඕනෙ හැමදේම බැන්ෂී කතාවේ තිබුණා කියලා තමයි මට හිතෙන්නේ. ජොනතන් ටෲපර් කියන තිර රචකයා ඉතාමත් හොඳ තිර පිටපතක් මේ වෙනුවෙන් ලියලා තියෙනවා. සාමාන්‍යයෙන් ගොඩක් කතා මාලා වල අන්තිම සීසන් වලට යද්දී පලවෙනි සීසන් වල වුන දේවල් ගැන කිසිම ගැලපීමක් සම්බන්ධයක් නැති වෙනවා. නමුත් මේකේ බලන්න පුලුවන් අන්තිම එපියේ පවා මුල් දේවල් වලට සම්බන්ධ කරන විදිය. සිතුවිලි පෙන්වන විදිය. ඒ වෙනුවෙන් බැන්ෂී කරපු අයට ස්තූති වෙන්න ඕ‍නේ.

ගොඩක් අය කියලා තිබුණා බැන්ෂී කතාව හදිසියේම නවත්වන්න සිද්ධ වුනා කියලා. නමුත් ඇත්ත කතාව ඒක නෙවෙයි. බැන්ෂී නිෂ්පාදකවරුන් කියන්නේ එයාලට කතාව අවසානයක් කරන්න අවශ්‍ය වුනා කියලා. නැතුව මග නවතාදැමීමක් නෙවෙයි. සමබර අවසානයක් ලබා දෙන්න ඕන වෙලා තිබුණේ කියලා. හැබැයි මට නම් හිතෙන්නේ තව එක සීසන් එකක් වත් තිබුණා නම් හොඳයි කියලා. ‍කොහොම හරි ගොඩක් හොඳ විදියට බැන්ෂී ඉවර වෙනවා. හැබැයි අන්තිම වෙනකම් බලන කෙනාට ගොඩක් දුක හිතෙයි. ටිකක් මෙතන ස්පොයිල් කරන්න වෙනවා කතාව. හුඩ් බයික් එකෙන් බැන්ෂී වලින් ඈතට යන දර්ශනය. හරිම දුකයි. ආපහු එන්නෙ නෑනෙ කියලා හිතෙද්දී. මෙච්චර කල් වුන දේවල් මතක් වෙද්දී. ඉතින් මොනවා කරන්නද අවසානයක් තියෙන්නත් ඕනෙනෙ. ඔය විදියට තමයි ඉවර වුනේ.

ඒ දවස් වල රාවයක් ගියා බැන්ෂී Spin Off කතා මාලාවක් එනවා කියලා ඩේවා සහ හුඩ් ප්‍රධාන චරිත කරන. බැන්ෂී වලින් පිට නිව්යෝක් වල යන කතාවක් කියලා. ඒත් එහෙම එකක් ගැන තාම තීරණය කරලා නෑ කියලා තමයි නිෂ්පාදකවරු කියලා තියෙන්නේ. දැන් බැන්ෂී ගොඩක් අයගෙ හොඳම ලිස්ට් එකට වැටිලා ඇති. උපසිරැසි ගැන කියනවා නම් මම දැක්කා සමහර උපසිරැසි දෙන සයිට් වලත් බැන්ෂී දාලා තිබුණා. හැබැයි ඒවගෙ තිබුණ වැරදි නම් ගොඩයි. හැබැයි සහතික වෙනවා බයිස්කෝප් වෙතින් දෙන්නේ හොඳම උපසිරැසි. මේකත් හොඳම එකක්. අඩුපාඩු නැත්තෙම නෑ කියන්නෙ නෑ. ඒත් අනෙක් ඒවට වඩා අඩුපාඩු අවම විදියට තමයි මම උපසිරැසිය හදලා තියෙන්නේ. එහෙනම් මෙච්චර කාලයක් බැන්ෂී එක්ක හිටපු කෙනෙක් නම් ඔයා, ඔයාට ගොඩක් ස්තූතියි. කෙමෙන්ට් එකක් දැම්මා හෝ නැතා ඔයා මගෙ උපසි‍රසියෙන් ප්‍රයෝජනය ගත්තා නම් ඒක තමයි මගෙ සතුට. ආයෙත් මේ වගේම හොඳම සීරිස් එකක් අරන් එන්න තමයි බලාපොරොත්තුව. උපරිම උත්සාහ කරනවා ඒකට. අවසන් කරන්න කලින් එක ප්‍රශ්නයක් අහන්න කැමතියි. ඔයාලා කවුරුත් දන්නවා ලූකස් හුඩ් කියන්නේ වෙන කෙනෙක්ගෙන් හොරකම් කරපු නමක් කියලා. එහෙනම් ලූකස්ගෙ ඇත්තම නම මොකක්ද? දන්න කෙනෙක් ඉන්නවා නම් කෙමෙන්ට් කරගෙන යන්න අනෙක් අයටත් දැනගන්න.

එහෙනම් බැන්ෂී වලින් පිට වන ඔබට සුභ ගමන්!

Due to copyright issues, we do not provide any torrent link.

මෙම ලබා දී ඇති උපසිරැසිය Blu-ray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ රංග ප්‍රසන්න ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-07
SUB-MAKER RATING BY ADMINS