You dont have javascript enabled! Please download Google Chrome!
×
Wednesday , November 13 2019
Breaking News
Home / 18+ / Ben-Hur (1959) | වෛරයෙන් වෛරය! [සිංහල උපසිරැසි සමඟ]

Ben-Hur (1959) | වෛරයෙන් වෛරය! [සිංහල උපසිරැසි සමඟ]

Rating: 8.8/10. From 5 votes.
Please wait...

Ben-Hur (1959)මගේ දෙවෙනි උපසිරැසි පරිවර්තනය විදිහට තවත් දිගම දිග චිත්‍රපටියක් තෝරා ගත්තා.කළින් දීපු Seven Samurai වගේම මේකත් පැය 3 1/2 ක් දිගයි. Seven Samurai චිත්‍රපටිය කලු-සුදු එකක් නිසා ඒකට කට්ටියගෙ වැඩි කැමැත්තක් නැද්ද මන්දා. මේ පාර චිත්‍රපටිය පරණ එකක් වුනත් වර්ණ චිත්‍රපටියක්.

Ben-Hur චිත්‍රපටියට ලෝක සිනමා ඉතිහාසයේ අද්වීතිය තැනක් හිමි වෙනවා. එදා මෙදාතුර ඉතිහාසයේදි තනි චිත්‍රපටියක් දිනා ගත්ත වැඩිම ඔස්කා සම්මාන ගණනේ වාර්තාව Ben-Hur චිත්‍රපටියට අයිතියි. 1959 දි ඔස්කා සම්මාන 12 කට නිර්දේශ වෙලා ඒයින් 11ක්ම දිනාගෙන Ben-Hur චිත්‍රපටිය තියපු වාර්තාව මේ දක්වාම බිඳිලා නෑ. 1997 දි Titanic සහ 2003 දි The Lord of the Rings: The Return of the King චිත්‍රපටි දෙක මේ වාර්තාව සම කළා. හැබැයි Titanic සහ Lord of the Rings සම්මාන දිනා ගත්ත ගොඩක් අංශ 1959 දි තිබිලා නෑ. ඒ අංශ සඳහා සම්මාන දෙන්න පටන් අරන් තියෙන්නෙ පස්සෙ කාලවල් වල. සම්පූර්ණ සම්මාන ගාණෙන් ප්‍රතිශතයක් විදිහට වැඩිම සම්මාන අරන් තියෙන්නෙ Ben-Hur.

සම්මාන විතරක් නෙවෙයි, මේ චිත්‍රපටියට සෑහෙන ඉහළ ප්‍රේක්ෂක ප්‍රතිචාරයකුත් හිමි වෙලා තියෙනවා. ප්‍රේක්ෂක ප්‍රතිචාර ලකුණු 8.1/10 ක් හිමිකරගෙන IMDB TOP 250 ලැයිස්තුවේ දැනට 174 වෙනි තැන තියෙන්නෙ Ben-Hur චිත්‍රපටිය.මේ චිත්‍රපටිය EPIC වර්ගයේ චිත්‍රපටියක්. ඒ කියන්නෙ අතිවිශාල නළු,නිළියන් සංඛ්‍යාවක් සහ අති විශාල දර්ශනතල යොදාගෙන කෙරෙන සිනමා නිර්මාණයක්. ඒ වගේ නිර්මාණයකදි වියදමත් අතිවිශාලයි කියන එක අමුතුවෙන් කියන්න දෙයක් නැහැනෙ.

මේ චිත්‍රපටියේ එක තැනක තියෙන අශ්ව කරත්ත තරඟය බොහොම කතාබහට ලක්වෙච්ච දර්ශනපෙළක්. ඒ තරඟයේ පසුතලය නිර්මාණය කිරීමට ශ්‍රමිකයන් දහස් ගණනකට අවුරුද්දකටත් වැඩි කාලයක් ගතවුණාලු. ඒ පසුතලයට පමණක් වියදම ඇමරිකන් ඩොලර් මිලියනයක්ලු( 1959 දි ). මේ අශ්වකරත්ත තරඟ දර්ශණ පෙළට චිත්‍රපටියේ විනාඩි 9ක කාලයක් වෙන් වෙනවා. ඒ විනාඩි 9යේ දර්ශන රූපගත කිරීමට මාස 3ක්ම කාලය ගත වුණාලු. ඉතින් හිතා ගන්න පුලුවන් ඇතිනෙ කොච්චර මහන්සි වෙලා හදපු චිත්‍රපටියක්ද කියන එක.

මේ චිත්‍රපටියේ තවත් පොඩි විශේෂ දෙයක් තියෙනවා. නිතරම චිත්‍රපටි බලන අය දන්නව ඇතිනෙ Metro-Goldwyn-Mayer ලගේ චිත්‍රපටි පටන් ගනිද්දිම අර රවුමක් මැද ඉඳන් ගොරවන සිංහයාගෙ ලාංඡනය.ඒ ලාංඡනයට කියන්නෙ Leo the Lion කියල. Ben-Hur චිත්‍රපටියෙ තියෙන තවත් විශේෂ දෙයක් තමයි Leo the Lion සිංහයා රවුම මැද බොහොම සන්සුන් විදිහට ඉන්නවා ගොරවන්නෙ නැතුව. එහෙම කරන්න Metro-Goldwyn-Mayer සමාගමෙන් විශේෂ අවසරයක් ගත්තලු. චිත්‍රපටිය පටන් ගනිද්දිම ඒකත් බලන්නකො.

කතාව ගැනත් යන්තමින් හරි කියන්න එපැයි, නේද ? ජුදා බෙන්-හර් කියන්නෙ යුදෙව්වන්ගේ කුමාරයෙක්. මෙසාලා කියන්නෙ එයාගෙ පොඩි කාලෙ යාලුවෙක්. කතාවෙ එක තැනකදි කියවෙන විදිහටනම් මෙසාලා පොඩි කාලෙ බෙන්-හර් ගෙ ජීවිතේ බේරල දීලත් තියෙනවා. ඒත් කාලයත් එක්ක හැම දේම වෙනස් වෙනවා. මෙසාලා රෝම අධිරාජයාගේ නිළධාරියෙක් බවට පත් වෙනවා. එයාගෙ බල තණ්හාව නිසා බෙන්-හර් ව සහ එයාගෙ පවුලේ අයව නොකළ වරදකට සිරගත කරනවා. බෙන්-හර් කුමාරයෙක්ගෙ තත්වෙ ඉඳන් හිරකාරයෙක්ගෙ තත්වෙට වැටෙනවා, තමන් විශ්වාස කරපු යාලුවා අතින්ම, ඒකත් නොකළ වැරැද්දකට. හිතා ගන්න පුලුවන් ඇති නේද බෙන්-හර්ගේ හිතේ ඇතිවෙන වෛරයේ තරම. ඒ වෛරය හින්දා වෙච්ච දේවල් දැනගන්නනම් චිත්‍රපටිය බලන්නම වෙනවා.

සමහර දර්ශන වලදි, මිනිසුන් විසින්ම මිනිසුන්ට අනුකම්පා විරහිත විදිහට සළකන හැටි දැක්කම මට ඇති වුණේ ලොකු කම්පාවක්. විශේෂයෙන්ම ඒ වගේ දේවල් අපිටත් වෙන්න පුලුවන් නේද කියල හිතෙද්දි. මේ ආත්මෙදි නොවෙන්න පුලුවන්. ඒත් මේ සංසාර ගමනෙදි කෙනෙක් ලබන පහරකෑම්,උල් වලින් ඇනීම්, බලහත්කාරයෙන් වැඩ ගැනීම් අප්‍රමාණයිලුනෙ. කොහොම වුණත් චිත්‍රපටියේ අවසානෙට එද්දි මට මතක් වුණේ බුදු බණ පදයක්.

නහී වේරෙන වේරානි
සම්මන්තීධ කුදාචනං
අවේරේනච සම්මන්තී
එස ධම්මො සනත්තනො

“වෛරයෙන් වෛරය කිසිදා සංසිඳෙන්නේ නැත.
වෛරය සංසිඳෙන්නේ මෛත්‍රියෙන් පමණි.
මෛත්‍රිය පුරුදු කළ සිත කිසිදා ගැටුමකට පත් නොවේ.” 

Note:
=====
මේ .mkv එකේම ඇතුලෙ ඉංග්‍රීසි සබ් එකකුත් තියෙනවා. ඒක නිසා Media Player Classic වලView->Options->Subtitles-Misc වල Prefer external subtitles over embedded subtitles කියන එක select කරන්න. KMPlayer වලනම් default settings වලදි OK.

Ben-Hur (1959) on IMDb

 

 

70793f9d3a0193a7067f60c6ef4b33bc52e56269
ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

 

මේ ලබා දී ඇති සිංහල උපසිරැසි පිළිබද “චානක අරුණ මුණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Leave a Reply

48 comments

  1. පරණ උනාට පට්ට ෆිල්ම් එකක් 10/10
    ජය වේවා සහෝ

  2. හුදකලාවූ වෘකයා

    බොහොමත්ම ස්තූතියි…!!!

  3. || නියමයි ||

    | 😛 |

    🙂 උපසිරැසියට තුති……. 🙂

  4. මෙම චිත්‍රපටියේ සිංහල උපසිරැසි ගොනුව බාගත කිරීමට නොහැක. ලින්ක් එක මත ක්ලික් කල විට අමුතු අකුරු සහිත වෙබ් පිටුවක් පමණක් දර්ශණය වේ. කරුණාකර එය නිවැරදි කරන්න.

    ස්තුතියි.

  5. සිංහල උපසිරැසි වලට බොහොමත්ම ස්තූතියි

  6. thank’s for this film. well done friend…

  7. එළ එළ.. :coOL:
    සිංහල උපසිරැසි වලට බොහොමත්ම ස්තූතියි මිත්‍රයා.. 🙂
    දිගටම ෆිල්ම්ස් වලට උපසිරැසි දාන්න.. 😀
    ජයවේවා හැමෝටම.! [thumbsup]

  8. බොහොම ස්තුතියි චානක සහෝ.

  9. mama godak kaleka idan balagena hitapu akak meka. godak watinawa.mama mulinma baluwe 1970.holake depaththe biththiwala aswayo duwanawa…….THANK…..

  10. thanks.elama kiri

  11. මුදියා / mudiya

    හපෙ හප්පේ පැය 3 1/2 ක්.හින්දි ෆිල්ම් එකකටත් වැඩියිනෙ.හැබැයි ඉතිං එහෙම කියල මේ වගේ සුපිරි ෆිල්ම් එකක් නොබල ඉන්නෙ කොහොමද.නියම වැඩක් චානක.ජයවේවා.බොහෝ…………………………………………………………………..ම ස්තූතියි…!

  12. මචන් මම ඔන්න කමෙන්ටියක් වෙනුවට ලිපියක්ම දැම්මා… බලහන්කො
    මංසලේ ඇති 😀

    දිගටම ගේමු මෙහෙව්වා. ජය!

  13. සුනෙත්

    ඉස්තුතියි චනක සහෝ ,ඔයාගේ ලිපියනම් මරු ,එක බැලුවහම ෆිල්ම් එක බලන්නමයි හිතෙන්නේ ,ඇත්තටම බලනවා අර රේස් එක,එච්චර මහන්සිවෙලා හදලා තියෙන්නේ නොබලා කොහොමද, අනික ඔයා කිව්වා වගේ ෆිල්ම් වල වද දෙන සින් දැක්කහම මටත් හිතෙනවා ඒ කෙනා මම උනා නම් මම කොහොමද මේක උහුල ගන්නේ කියලා ,පිස්සුවක් තමයි නමුත් ඒක එහෙමයි ,ජයවේවා

  14. බොහොම ස්තූතියි චානක සහෝ සිංහල උපසිරැසියට. මම අහන්නමයි උන්නේ. ඔයාද කාලෙකට කලින් බ්ලොග් එකක් ලියපු මකර අධිරාජ්‍යා??? ඔය නම මට හුරුයි ඒකයි. මේ චිත්‍රපටිය ලංකාවේ පවා සෑහෙන ප්‍රසිද්ධ වෙච්ච චිත්‍රපටියක් කියලා දන්නවා. මෙන්න බාන්න දානවා. ජය෴෴ 😛 😛

  15. දිමුතු තරංග ඉලුක්කුඹුර

    බොහොම ස්තුතියි සහෝ උපසිරසියට, බාගත ප්‍රමාණය අඩුවෙන්න පුළුවන් නමුත් ඒ ගැන හිතන්න එපා සහෝ, මේ වගේ වටින චිත්‍රපට බලන්නත් යම් පිරිසක් අසාවෙන් ඉන්නවා, ඒක නිසා දිගටම සබ් දෙන්න,ජයවේවා.

  16. machanla..godak sathutui meka baiscope ken deepu eka gana…meka mama ITN eken 2parak baluwa….aththtma supiri…….mn asama kathawak….dn baiscope eke podi hari aduwak thibba nm ekat hari……meka niyamai…hamoma balanna

  17. “චූටී මල්ලි”

    අද නම් කොල්ලා ලොකු ඒවගෙම
    වටින වැඩක් කරලා තියෙන්නෙ
    තවත් මේ වගෙ වටින ඒවාට දෙන්න
    සබට තුති
    ඔබට ජය…

  18. නියමයි සහෝ,සබ් වලට thanks

  19. හේවා ලුණුවිලගේ ආසිරි ප්‍රියන්ත

    patta baddak macho..wisthare hatiyata nobala kohomei…
    aniwabaala, balanawa habai dan newi,..
    thawa tika dohakin…
    digatamame wage ewa genna..
    jaya wewa,,,

  20. නියමයි සහෝ
    මේ වගේ විශිෂ්ට නිර්මාන තව තවත් අරන් එන්න ඔයාට සුබ පතනවා
    බොහොම ස්තුතියි සහෝ උපසිරස වෙනුවෙන්

  21. #ChalinduDeshan (කිනා)

    බොහොම ස්තූතියි මචං.
    මොකද අලුත් අලුත් චිත්‍රපටි බලලා, පොඩි ඒකාකාරත්වයකින් මිදෙන්න
    පරණ චිත්‍රපටියක් බලන්න පුලුවන් වෙන එක ගැන ගොඩක් සතුටුයි.
    පරණ චිත්‍රපටි වල තියෙන වචන ගොඩක් ගැඹුරු නිසා
    තේරුම් ගන්න උනත් අමාරුයි කියලා මගේ මතයනම්.
    ජයවේවා!

  22. මැක්සා සහෝ

  23. maru baandayak ne deelaa thiyenne

  24. ravindra hansaka

    balannai hadanne…..thnks wewa sub walata

  25. ජය වේවා!
    සහෝ

  26. thanks saho..thanks very much for sinhala sub…
    jayawewaa……wasanaweewa..pinsiduweewa…

  27. එලස් සහෝ

  28. NIYAMAMA FILM AKAK MEYKA KIYALA WADAK NA

  29. නලින්

    නියමයි චානක මේවැනි අද්විතිය නිර්මාණයක් බයිස්කෝප් එකට අඩුවෙලා තිබ්බේ..

    ස්තුතියි ඒ අඩුව පුරවමින්. මේකල සේවයට. විශිෂ්ඨ නිර්මාණයක්.

    ජය වේවා!

  30. බොහොම පින් මචෝ සබ් එකට

  31. aniwa balanna one oscar 11 gahapu akak pissu hadei

  32. rusuru | රුසිරු

    සුපිරිම ෆිල්ම් එකක් නේ සහෝ නියමයි

  33. බොහොම පින් මේ වගේ පෝය දවසක අර්ථවත් ෆිල්ම් එකක් දීම ගැන 🙂 ජය!

  34. thanks saho supirima akak

error: Alert: Content is protected !!