You dont have javascript enabled! Please enable it!
Saturday , July 4 2020
Breaking News

Better Call Saul [S02 : E10] Sinhala Subtitles | අලුත් ආරම්භයකට අවසානයක්! [සිංහල උපසිරැසි සමඟ]

Rating: 10.0/10. From 8 votes.
Please wait...

ඔන්න එහෙනම් මේ කතා මාලාවේ දෙවෙනි කතාසමයත් ඉවරයක් වෙනවා මේ උපසිරැසියත් එක්කම. ඉතින් තුන්වෙනි කතා මාලාවත් ඔයාලට බලාගන්න පුලුවන් වෙනවා. ඒ වගේම මේ වෙනකොට පස්වෙනි කතා මාලාවේ අන්තිම කොටස් ටික විකාශනය වෙමින් පවතිනවා. ඉක්මනටම ඔයාලට ඒ ටිකට එනකම්ම බලාගන්න පුලුවන් වෙයි. (බොහෝවිට 🙂 )

ඉතින් මේ කතා මාලාව 2016 පෙබරවාරි 15 වෙනිදා තමයි විකාශය වුනේ. කතාව ඉවර වුනේ 2016 අප්‍රේල් 18 වෙනිදා. කථා දහයකින් යුක්ත මේ දෙවෙනි කොටස ඇමරිකාවේ AMC කියන නාලිකාව හරහා සඳුදා දිනයන් වල තමයි විකාශය වුනේ.

Better Call Saul කියන්නේ Breaking Bad කියන රූපවාහිනී කතා මාලාවෙන් ගැලවිලා වෙනම ගලාගෙන යන කතාවක්. මේ කතාව නිර්මාණය කරන්නේ වින්ස් ගිලිගන් සහ පීටර් ගුල්ඩ් යන පුද්ගලයන් දෙදෙනාගේ එකතුවෙන්. ඒ දෙන්නම Breaking Bad කතා මාලාවෙත් වැඩ කරපු අය.

මේ කතා මාලාවෙත්, පළවෙනි කතා මාලාව වගේම සිදුවන අවුරුද්ද 2002 වර්ෂය විදිහටයි අපිට දැකගන්න ලැබෙන්නේ. නීතීඥයන් වන ජිමී මැක්ගිල් සහ චක් කියන දෙන්නාම අයියා මලෝ. ඉතින් මේ දෙන්නා අතර ඇතිවන ආරවුලක් තමයි මේ කතා මාලාවේ ප්‍රධාන වශයෙන් ගලාගෙන යන්නේ. එතකොට කිම් වෙක්ස්ලර් කියන්නේ HHM කියන නීතීඥ සමාගමේ හිටපු තැපැල් කාමරයේ සේවය කරපු කෙනෙක්. මේ වෙනකොට කිම් HHM එකේ නීතීඥවරියක් විදිහට කටයුතු කරනවා. ඒවගේම ජිමීගේ පෙම්වතියත් වන්නේ මේ කිම් තමයි. ඉතින් කිම් HHM එකේ නීති පුහුණුව අතෑරලා තමන් විහින්ම කාර්යාලයක් අරගෙන තනියම නීතීඥ කටයුතු කරන්න පටං ගන්නවා. ජිමීත් මේකට හවුල් වෙනවා.

මයික්ට නාචෝ විසින් සල්ලි දීලා කෙනෙක්ව මරණ්න කියනවා. ඒ මරණ්න කියන්නේ සලමන්කාව. ඉතින් මේ සලමන්කාගේ ගැටළුවත් එක්කම මයික් නොදැනුවත්වම මෙක්සිකානු මත්ද්‍රව්‍ය ජාවාරම්කරුවෙක් සමඟ රණ්ඩුවකට පැටලැවෙන්න සිද්ධ වෙනවා. ඒ සලමන්කාගේ මාමා කෙනෙක් වෙන හෙක්ටර් මේ මයික්ගේ පවුලේ අයගෙන් පලිගන්න හදන එකත් එක්කමයි.

ඒ වගේම මේ කතා මාලාවේ Breaking Bad කතා මාලාවේ දකින්න ලැබුන චරිත වශයෙන් ජිමී මැක්ගිල්, මයික් එර්මන්ට්‍රට්, කිම් වෙක්ලර්, හෝවර්ඩ් හැම්ලින්, නචෝ වර්ගා, මයිකල් මැක්කේන්, චක් මැක්ගිල් කියන චරිත වලට අමතරව දුෂ්ඨ චරිත වන හෙක්ටර් ටියෝ සලමන්කා, ලයනල් සලමන්කා, මාර්කෝ සලමන්කා, ටුකෝ යන ප්‍රසිද්ධ චරිතද මේ කතා මාලාවට එකතු වෙනවා.

ඒ වගේම තමයි මේ කතා මාලාවේ කොටස් 10ට දාලා තියෙන නම් වල මුල අකුරු එකතු කරාම අපිට එක වචනයක් හැදෙනවා. ඒ තමයි “FRINGSBACK” කියන එක. මේක හරියට වෙන් කරොත් “Fring’s Back” කියලා අපිට තේරුම් ගන්න පුලුවන්. Breaking Bad කතා මාලාවේ රසිකයෙක්නම් ෆ්‍රින්ග් කියනකොට මතක් වේවි කවුද මේ ඩයල් එක කියලා. ඔව්. ඒ තමයි Gus Fring කියන්නේ. ඉතින් අපිට උපකල්පනය කරන්න පුලුවන් ගස් ෆ්‍රින්ග් තුන්වෙනි කතා මාලාවෙන් අපිට දැකගන්න ලැබේවි කියලා. බලමු නේද මොනවද වෙන්නේ කියලා 😀

මේ Better Call Saul දෙවන කතා මාලව විචාරකයන්ගේ පැසසුම් ඉහලින්ම ලැබුනු අතර, Primetime Emmy Awards වෙතින් සම්මාන 6ක් සඳහා නාම යෝජනා වෙනවා. ඒ වගේම එම වර්ෂයේ කැපී පෙනෙන නාට්‍ය මාලාව ලෙස මෙම කතා මාලාව 68 වෙනි ප්‍රයිම්ටයිම් එමි අවෝර්ඩ්ස් වෙතින් සම්මානයක් ලබාගන්නවා.

සම්මාන ගැන කියනකොට,

  • නාට්‍යයක කැපී පෙනෙන ජයග්‍රහණය, නාට්‍යයක තනි ජයග්‍රහණය කියන සම්මාන සඳහා 32 වෙනි TCA සම්මාන උළෙලේදී මෙම නාට්‍යයේ නම යෝජනා වෙලා තියෙනවා.
  • නාට්‍ය මාලාවක් සඳහා කැපී පෙනෙන තනි කැමරාකරන පින්තූර සංස්කරණය, ප්‍රහසන හෝ නාට්‍ය මාලාවක් සඳහා කැපී පෙනෙන ශබ්ද මිශ්‍රණය, සහායක භූමිකාවේ කැපී පෙනෙන විශේෂ දක්ෂතාව කියන සම්මාන වලට මෙම නාට්‍යය 68 වන Primetime Creative Arts Emmy Awards උළෙලේදී නාම යෝජනා වෙලා තියෙනවා.
  • කැපී පෙනෙන නාට්‍ය මාලාව, නාට්‍යය මාලාවක කැපී පෙනෙන ප්‍රධාන නළුවා, නාට්‍යය මාලාවක කැපී පෙනෙන සහාය නළුවා කියන සම්මාන තුනටත් මේ කතා මාලාව 68වෙනි Primetime Emmy Awards උළෙලේදී නාමයෝජනා වෙලා තියෙනවා.
  • හොඳම නාට්‍යය මාලාව, නාට්‍යය මාලාවක හොඳම සහාය නළුවා කියන සම්මාන වලට 7වෙනි Critics Choice Television Awards උළෙලේදී මේ නාට්‍යය නාම යෝජනා වෙලා තියෙනවා.
  • රූපවාහිනී කලා මාලාවක හොඳම නළුවා කියන සම්මානයටත් මේ කතා මාලාව 74වෙනි Golden Globe සම්මාන උළෙලේදී නාම යෝජනා වෙලා තියෙනවා.
  • හොඳම නාට්‍යය කතා මාලාව, නාට්‍යය කතා මාලාවක හොඳම නළුවා, කෙටි කතා මාලාවන් හෝ රූපවාහිනී කතා මාලාවන් වල හොඳම සහාය නළුවා කියන සම්මාන වලටද මේ කතා මාලාව 21වෙනි Satellite සම්මාන උළෙලේ නාම යෝජනා වෙලා තියෙනවා. 
  • රූපවාහිනී කතා මාලාව සඳහා ශබ්ද මිශ්‍ර කිරීමේ විශිෂ්ට ජයග්‍රහණය (පැයක් තුළ) කියන සම්මානයටත් මේ දෙවෙනි කතා මාලාව 53වෙනි Cinema Audio Society සම්මාන උලෙළේදී නාම යෝජනා වෙලා තියෙනවා.
  • හොඳම නාට්‍යය, කොටස් වශයෙන් හොඳම නාට්‍යය කියන සම්මාන වලටත් 69වෙනි Writers Guild of America සම්මාන උළෙලේදී මේ කතා මාලාව නාමයෝජනා වෙනු ලබනවා.

ඒ වගේම,

  • 7වෙනි Critics Choice Television සම්මාන උළෙලේ නාට්‍යය මාලාවක හොඳම නළුවා සම්මානය මෙම කතා මාලාව ජයග්‍රහණය කරනවා.
  • 2016 American Film Institute සම්මාන උළෙලේදී වසරේ හොඳම රූපවාහිනී වැඩසටහන කියන සම්මානයත් මෙම කතා මාලාව දිනාගන්නවා.
  • 21වෙනි Satellite සම්මාන උළෙලේ රූපවාහිනී කතා මාලාවක හොඳම සහාය නිලිය කියන සම්මානයත් මේ කතා මාලාව විසින් ජයග්‍රහණය කරනවා. 

ඉතින් මෙහෙම තියෙන කතාවක් කොහොමද නොබලා ඉන්නේ. ඒ වගේම තමයි මේ විකාශය වෙලා තියෙන හැම සීසන් එකකටම මේ විදිහටම සම්මාන ලැබිලා තියෙනවා වගේම නාමයෝජනා වෙලා තියෙනවා. ඉතින් අනිත් කතාවල සම්මාන ගැන මේ කතාවෙ කියන්නේ නැහැ. තුන්වෙනි කතාව පටං ගන්නකොට තුන්වෙනි කතා මාලාවේ සම්මාන ගැන මම කියන්නම්.

හරි ඉතින් එහෙනම්, පසුගිය කොටසින් මොකද වුනේ කියලා සුපුරුදු විදිහටම බලමු දැන්.

මයික් එයාගේ මිණිබිරියත් එක්ක එකතු වෙලා ඇණ දාලා හදපු හෝස් එක පාවිච්චි කරලා හෙක්ටර්ගේ ට්‍රක් වලින් එකකට හැංගිලා ඉදලා පහර දෙනවා. ඒ වගේම වාහනේ ටයර් අස්සේ හංගලා තිබුන ඩොලර් 250,000 ක් හොරකම් කරනවා. හැබැයි ඩ්‍රයිවර්ට මොකවත් කරන්නේ නැහැ. මයික් කරන කියන දේවල් මනුස්සයාට දැකගන්න බැරිවෙන විදිහට ඒ මනුස්සයාව ගැටගහලා කිසි හිරිහැරයක් නොකර පැත්තකට අතෑරලා දානවා. ඉතින් මේක දැනගෙන නචෝ එනවා මයික්ව හම්බවෙන්න. නචෝ සැකකරනවා මයික් තමයි මේ වෙච්ච දේට වගකියන්න ඕන කියලා. ඒ වගේම මයික් ඒක පිළිගන්නවා. මයික් කියනවා හෙක්ටර්ගේ මත්ද්‍රව්‍ය වෙළදාමට පොලිසියේ අවධානය යොමු කරවන්න කරපු වැඩක් මේක කියලා. ඒත් නාචෝ මයික්ට කියනවා එතනින් ගියපු මනුස්සයෙක් අර ඩ්‍රයිවර්ව ලෙහලා දාලා නිදහස් කරා කියලා. ඒ වගේම කිසිම විදිහකින් මේ ගැන පොලිසියට ආරංචි නොවෙන්න ඕන නිසා ඒ උදව් කරපු මනුස්සයාවත් මරළා දාලා කාන්තාරයේම වළලලා දැම්මා කියලත්.

නිව් මෙක්සිකෝ බැංකු මණ්ඩලයේ රැස්වීම අතරතුර, මණ්ඩලයේ සාමාජිකයන් තේරුම් ගන්නවා නව මෙසා වෙර්ඩා ශාඛාව සඳහා අනුමැතිය සලකා බැලීමේදී ඔවුන් සමාලෝචනය කරන ලියකියවිලි වැරදි බවට. මෙම ලියකියවිලි නිවැරදි කර නැවත මණ්ඩලය වෙතට ඉඳිරිපත් කරන්නට, ඒ අදාල නියමිත රැස්වීම සඳහා බැංකුවට සති හයක ප්‍රමාදයක් අත්විදින්නට සිදු වෙනවා. චක්ට මේ වෙන අවමානයට ජිමී තමයි වැරදිකාරයා කියලා චක් හිතන්න පටං ගන්නවා. මේ සිදුවීම නිසා කෙවින් තීරණය කරනවා HHM එකෙන් තමන්ගේ නඩුව අයින් කරගෙන මෙසා වෙර්ඩා කියන්නේ තමන්ගේ එකම සේවාදායකයා සහ තමන්ගේ මුළු අවධානයම මේ සඳහා යොමු කරනවා කියලා පොරොන්දු වුන කිම් ගාවට යනවා. ජිමී සහ කිම් මෙසා වෙර්ඩා එකේ ලිපිගොනු ලබා ගැනීම සඳහා චක්ගේ ගෙදරට යනවා. ඒ අතර චක් ජිමීට එයාගේ නඩුව කඩාකප්පල් කරා කියලා චෝදනා කරනවා. කිම් ජිමීගේ පැත්ත අරගෙන චක් වැරැද්දක් කරලා තියෙන්නේ, ජිමී ඒක කරා කියන්න කිසිම සාක්ෂියක් නැහැ කියලා ජිමීට පහත් විදිහට සැලකුවා කියලා චක්ට ඊට වඩා සාර්ථක වෙන්න බැහැ කියලත් කියනවා. ඉතින් ජිමීත් එක්ක කිම් තනියම වාහනේ ඉද්දි ජිමී කරපු දේ ගැන කිම් දැනගෙනත් නොදැන හිටියා වගේ හැසුරුනා කියන්න එතන ජිම්ට අගවන්නේ හොදට පාරවල් දෙකක් ජිමීට කිම් ගහන එකෙනුයි.

ජිමි සහ එයාගේ කැමරා කරන කට්ටිය ඒ පළාතේ ප්‍රාථමික පාසලට ගිහින් විවේක කාලය ඉවර වෙනකම් බලාගෙන ඉන්නවා. ඒකට හේතුව ජිමීගේ රූපවාහිනී දැන්වීමට භාවිතා කරන්න පුලුවන් වෙන දර්ශණයක් එතන තියෙන විශාල ඇමරිකානු කොඩියත් සමඟ ලබාගන්න. මේකට විදුහල්පතිවරයා සහ තවත් කාර්ය මණ්ඩලයේ ඉන්න සාමාජිකාවක් විසින් ජිමීට බාධා කරනවා. ඒත් ජිමී බොරුවට කියනවා මේ පාසලේ හිටපු ප්‍රසිද්ධියට පත් වෙලා ඉන්න රූපට් හෝල්ම්ස් කියන පුද්ගලයා පිළිබඳ වාර්තා චිත්‍රපටයක් රූගත කරනවා කියලයි. මේ ගැන සැකහිතන විදුහල්පති ජිමීට සහ ඔහුගේ කට්ටියට මොකවත් නොකර ඉන්න කියලා පාසල් අධිකාරි කාර්යාලයට යනවා මේ ගැන කතා කරන්න. ඔය අතරතුර ජිමී තමන්ගේ රූගත කිරීම ඉක්මනටම කරගන්නවා.

එදා රාත්‍රියේ, කිම් ජිමීට කියනවා වැරදි ලියකියවිලි ගොනු කරේ කොහොමද කියන එක ගැන තමන්ට කවදාවත් කතා කරන්න ඕන නැහැ කියලා. ඒ වගේම චක් මේක ගැන ලොකුවටම හොයනවා වගේම ජිමී මොනවා හරි සාක්ෂියක් ඉතුරු කරලා තියනවනම් අනිවාරයෙන්ම චක් ඒක හොයාගන්නවා කියලත් කියනවා. ජිමීට මතක් වෙනවා එයා ලිපි ලේඛන වෙනස් කරපු ෆොටෝකොපි ෂොප් එකේ හිටපු මනුස්සයා එයා එහේ හිටියා කියලා කිව්වොත් තමන්ව හසුවෙන්න පුලුවන් කියලා. ඒ නිසාම ජිමී හැකි ඉක්මනින්ම ඒ ෂොප් එකට යනවා පගාව දීලා ඒ මනුස්සයාගේ කට වහලා දාන්න. ජිමී එතනට එනකොට අර්නෙස්ටෝ ඒ මනුස්සයාගෙන් ප්‍රශ්ණ කරනවා. චක් එර්න්ස්ටෝව එලියට එවලා තියෙන්නේ ජිමීව කවුරුවහරි එදා රෑ ඉන්නවා දැක්කද කියලා බලන්නයි. ආස හිතෙන උත්තරයක් දැනගන්න එර්න්ස්ටෝ ඉක්මනටම යන්නේ චක්ව එතනට ආපහු එක්කරගෙන එන්න. මේ වෙලාවේ ජිමී ඇතුලට ගිහින් ඒ ෂොප් එකේ මනුස්සයාට පගාව දීලා ජිමී මෙහාට ආවා කියන එක කියන්න එපා කියලා කියනවා. ඒ කරලා චක් ඇවිත් මොනවද කරන්නේ කියලා බලන්න ජිමී එතන ඉස්සරහා පාරට වෙලා හැංගිලා බලාගෙන ඉන්නවා. එර්න්ස්ටෝ සහ චක් මේ ෂොප් එකට ඇවිත් චක් එතන ඉන්න මනුස්සයාගෙන් ප්‍රශ්ණ කරන්න පටං ගන්නවා. ඒත් චක්ට තියෙන විද්‍යුත් චුම්භක අධි සංවේදිතා ලෙඩේ රෝග ලක්ෂණ වැඩිවෙන්න ගත්ත නිසා ප්‍රශ්ණ කිරීම අතරතුර චක්ට කලන්තේ හැදෙනවා. කලන්තේ හැදිලා වැටෙනකොට කවුන්ටරේ මේසේ ඔලුවත් වදිනවා. ජිමීට චක්ට උදව් කරන්න කැමැත්ත තිබුනත් හැංගිච්ච තැනින් එලියට ආවොත්ත අනිවාර්යෙන්ම ජිමීගේ රහස එලිවෙයිද කියන බයත් එක්ක ජිමී එහෙම්ම හැංගිලා හිටපු තැනම බලාගෙන ඉන්නවා මේ වෙන දේ.

අද එතැන ඉදන් තමයි ඔයාට මේ කොටස බලාගන්න වෙන්නේ. මේ කොටස ගැන අපි තුන්වෙනි කතා මාලාවේදී කතා කරමු. එහෙනම් තුන්වෙනි කතා මාලාවත් එක්ක හමුවෙමු. ජයවේවා…!

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය WEB-DL පිටපත් සඳහා අදාළ වේ.

 

 width=

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2013-06-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Check Also

Fantastica: A Boonie Bears Adventure (2017) aka Boonie Bears: Entangled Worlds Sinhala Subtitles | සැගවීගිය ෆැන්ටාස්ටිකාවේ නිධානය සොයායන දඩයක්කරුවන් [සිංහල උපසිරසි සමඟ]

සුභ දවසක් වේවා! බයිස්කෝප් ප්‍රේක්ෂක යාලුවන්ට. හොදයි එහෙනම් මං අද ඔයගොල්ලන්ට අරගෙන ආවේ ඔයගොල්ලන් මග …

Leave a Reply

Your email address will not be published.

10 comments

  1. supiri series ekak. ! hoya hoya hitye. okkoma wage daala ne. Thanks … ! 😀

  2. බොහොම ස්තූතියි සිංහල උපසිරැසියට. ජය෴෴ 😛 😛

  3. Thank දිගටම දෙමු ඔක්කම ආසම සීරිස් එකක් මෙක

  4. hello

  5. නියමයි….සබ් එකට තැන්ක්ස්….

  6. MANULA SANDARUWAN

    නියම වැඩක් මචන් මේක අනිත් ඒවාට වඩ අමාරු එකක් sub කරන්න මොක මේකේ local synonym තියනවා local sarcasm තියනවා උබ හුගක් දුරට සාර්ථකව කරලා තිබ්බ නියමයි …මම හුගක් යට මේක recommend කරා නමුත් සබ් ප්‍රශ්නේ හින්ද හුගක් අය මේච්චර සුපිරි කතාවක් මගඇරිය ..දැන් හුගක්දෙනට බලන්න පුලුහන් …

  7. සුපිරිම වේගයකින් සබ් දුන්නට ස්තුතියි. හැම episode එකක් ගානෙම comment කලේ නැති වුණත් ඒ හැම කොටසක්ම සිංහලෙන් සබ් සකස් කිරිමට වැයවූ ඔබගේ මහන්සිය, කාලය වෙනුවෙන් මාගේ ප්‍රණාමය. මේ ගැම්මෙන්ම ඉදිරි සීසන් ටිකටත් සබ් දෙයි කියලා බලාපොරොත්තු වෙනවා.

  8. සබ්එක speed එකෙ දෙනවට තැන්ක්ස්

  9. සිංහල උපසිරැසියට ස්තූතියි

  10. Thanks Macho <3

error: Alert: Content is protected !!