අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Better Call Saul [S03 : E01] Sinhala Subtitles | ඇත්ත කියන එකත් කරදරයක්ද?! [සිංහල උපසිරැසි සමඟ]

Rating: 9.4/10. From 15 votes.
Please wait...

හරි එහෙනම්, ඔයාලට මේ වෙනකොට මේ Better Call Saul කියන කතා මාලාවේ සීසන් දෙකක සිංහල උපසිරැසි ලබා දීලා තියෙනවා. එතකොට මේ ඔයාලට දෙන්නේ තුන්වෙනි කතා මාලාව. ඉතින්, තුන්වෙනි කතා මාලාවට පස්සේ තව කතා මාලාවල් දෙකක් ඉතුරු වෙලා තියෙනවා. ඒ කියන්නේ හතරවෙනි සහ පස්වෙනි කතා මාලාවන්. ඉතින් පස්වෙනි කතා මාලාව අවසන් වුනා දැනට සති දෙකකට විතර කලින්. එහෙනම් මේ තුන්වෙනි කතා මාලාව ගැන පොඩියට විස්තරයක් බලමු.

මේ තුන්වෙනි කතා මාලාවත් විකාශය වුනේ ඇමරිකාවේ AMC කියන රූපවාහිනී නාලිකාවේ. 2017 අප්‍රේල් 10 වනිදා කතාව ආරම්භ වෙලා 2017 ජූනි 19 වෙනිදා වෙනකොට මේ කතා මාලාවේ කොටස් 10ම හැම සතියේ දවසකම සඳුදා දිනයකම විකාශය වෙලා අවසන් වෙනවා. සුපුරුදු විදිහටම වින්ස් ගිලිගන් සහ පීටර් ගුල්ඩ් කියන දෙන්නා තමයි බෙටර් කෝල් සෝල් නිර්මාණය කරන්නෙත්. ඒ වගේම කලින් කොටස් වල කිව්වා වගේම මේ දෙන්නම තමයි Breaking Bad සීරියස් එකත් නිර්මාණය කරන්නේ. මෙතනත් මතක් කරන්නම් කලින් කියපු දෙයක්ම. Better Call Saul කියන්නේ Breaking Bad කියන සීරියස් එකේ එක චරිතයක් ගලවලා ඒ චරිතය වෙනුවෙන් වෙනම සීරියස් එකක් නිර්මාණය කරපු කතාවක්.

මෙම කතා මාලාවෙත් කොටස් 10කින් තමයි සම්පූර්ණ වෙන්නේ.

මේ තුන්වෙනි කතා මාලාව දෙවන කතා මාලාව හා සමගාමීව 2002 වර්ෂයේ දිවෙන කතා මාලාවක් වෙනවා. ඉතින් මේ කතාවට අලුත් කෙනෙක්නම් ඔයා, ඔයා මුල් සීසන් එකේ ඉදන්ම මේ කතා මාලාව පටන් ගන්නවානම් හොඳයි. මොකද මේ හැම සීරියස් එකක්ම එකකට එකක් සම්බන්ධ නිසා. තුන්වෙනි කාත මාලාව එහෙමත් නැත්නම් මේ උපසිරැසි දෙන්න හදන කතා මාලාව අවසානයේ 2003 වර්ෂය වෙනවා. සුපුරුදු විදිහටම මේ කතා මාලාවෙත් ජිමී මැක්ගිල් එයාගේ අයියා වන චක් මැක්ගිල් සමඟ රණ්ඩුවක පැටලිලා ඉන්නවනේ. ඉතින් චක් විශ්වාස කරනවා මේ ජිමීව නීතිඥයෙක් වෙන්න සුදුසුකමක් නැහැ කියලා. ඉතින් ජිමීව මේ නීතිඥ කමෙන් පන්නන්න චක් කොච්චර උත්සාහයක් දැරුවද කියලා අපිට කලින් කොටස් වලින් දැකගන්න ලැබුනනේ.

මේ Better Call Saul තුන්වෙනි කතා මාලාවට විචාරකයන්ගේ ඉහළ පැසසුමකට ලක්වුනා වගේම වසරේ කැපී පෙනෙන නාට්‍ය මාලාව ඇතුළුව 69වන ප්‍රයිම් ටයිම් එමී සම්මාන සඳහා නාමයෝජනා 8කට ද මේ කතා මාලාව ඉඳිරිපත් වුනා.

සම්මාන ගැන කතා කරද්දි ඒ ටික පොඩ්ඩක් විස්තර කරලා කියන්නම්.

69වෙනි Primetime Creative Arts Emmy Awards හිදී,

  • කැපී පෙනෙන සංගීත අධ්‍යක්ෂණය
  • නාට්‍ය මාලාවක් සඳහා කැපී පෙනෙන තනි කැමරා පින්තූර සංස්කරණය
  • ප්‍රහසන හෝ අනෙකුත් නාට්‍ය මාලාවක් සදහා කැපී පෙනෙන ශබ්ද මිශ්‍රණය (පැයක කාලයකට)

69වෙනි Primetime Emmy Awards හිදී,

  • කැපී පෙනෙන නාට්‍ය මාලාව
  • නාට්‍ය මාලාවක කැපී පෙනෙන ප්‍රධාන නළුවා
  • නාට්‍ය මාලාවක කැපී පෙනෙන සහාය නළුවා
  • නාට්‍ය මාලාවක් සඳහා විශිෂ්ට අධ්‍යක්ෂණය
  • නාට්‍ය මාලාවක් සඳහා කැපී පෙනෙන පිටපත් රචනාව

75වෙනි Golden Globe Awards හිදී,

  • හොඳම නළුවා – රූපවාහිනී කතා මාලා

24වෙනි Screen Actors Guild Awards හිදී,

  • නාට්‍ය මාලාවක පිරිමි නළුවෙකුගේ විශිෂ්ට රංගන හැකියාව

70වෙනි Writers Guild of America Awards හිදී,

  • හොඳම නාට්‍ය මාලාව

54වෙනි Cinema Audio Society Awards හිදී,

  • රූපවාහිනී කතා මාලාව සඳහා ශබ්ද මිශ්‍ර කිරීමේ විශිෂ්ට ජයග්‍රහණය (පැයක කාලයක)
  • යන සම්මාන සඳහා නාම යෝජනා ඉඳිරිපත් වුනා. ඒවගේම,

70වෙනි Writers Guild of America Awards හිදී,

  • හොඳම කොටස් වශයෙන් විකාශය වන නාට්‍යය

22වෙනි Satellite Awards හිදී,

  • කතා මාලාවක, කෙටි කතා මාලාවක හෝ රූපවාහානි කෙටි චිත්‍රපටියක හොඳම සහාය නළුවා

44වෙනි Saturn Awards හිදී,

  • හොඳම ක්‍රියාදාම සහ ත්‍රාසජනක රූපවාහිනී කතා මාලාව
  • රූපවාහිනී කතා මාලාවක හොඳම සහාය නළුවා
  • රූපවාහිනී කතා මාලාවක හොඳම සහාය නිලිය

යන සම්මාන ජයග්‍රහණය කරනු ලැබුවා.

හොඳයි එහෙනම්, අපි දැන් මතක් කරගමු පසුගිය කතා මාලාවේ අවසානයට මොකද වුනේ කියන එක ගැන. මොකද එතන ඉදන් තමයි මේ කොටස ආරම්භ වෙන්නේ.

ෆොටෝ කොපි ෂොප් එකේදී ඇතිවුන කම්පනයත් එක්ක චක්ට සිහිනැතිවෙලා ඇදගෙන වැටෙනකොට එතන තිබුන මේසයේ චක්ගේ ඔලුවත් වදිනවා. ජිමීට ඈතට වෙලා බලාගෙන ඉන්න බැරිව එතනට ඉක්මනටම දුවගෙන ඇවිත් ෂොප් එකේ ඉන්න කෙනාට කියනවා ඇම්බියුලන්ස් එකකට කතා කරන්න කියලා. ඉස්පිරිතාලෙදී, චක්ට සිහිය ඇවිත් කල්පනා කරනවා චක්ට විනාඩියකටත් අඩු වෙලාවක් සිහිය නැතිවෙලා තියෙනොකට එච්චර පොඩි වෙලාවකින් ජිමී එතනට එන්නේ කොහොමද කියලා. ඉතින් චක් අනුමාන කරනවා චක් එන්න කලින් ජිමී ඒ ෂොප් එකට ඇවිත් අර මනුස්සයාට අල්ලස් දීලා චක් ඒ මනුස්සයාගෙන් ප්‍රශ්ණ කරන හැටි ඒ ලඟ පාතක ඉදලා බලාගෙන ඉදලා තියෙනවා කියලා. හැබැයි එතන එකපාරටම වැඩේ අනිත් පැත්ත ගහනවා. ඒ තමයි චක්ට එර්න්ස්ටෝ කියනවා එයා තමයි ජිමීට කතා කරේ චක් එතනට එන්න කලින් කියලා. එතනදී චක්ට මොනවහරි දෙයක් වුනොත් චක්ගේ සෞඛ්‍යය ගැන වැඩිපුරම දන්නේ ජිමී නිසා කියලා එර්න්ස්ටෝ බොරුවට කියනවා.

ජිමී චක්ට මනෝ චිකිත්සාවක් කරනවට අකමැතිවුනත්, තාවකාලික භාරකාරත්වයක් අරගෙන MRI සහ CAT කියන ස්කෑන් දෙක කරන්න ඉඩදෙනවා. මොකද ඒකෙන් චක්ගේ හිසට හෝ බෙල්ලට තුවාල වෙලා තියෙනවද කියලා තීරණය කරන්න පුලුවන් වෙන නිසා. කිම් ජිමීව හම්බවෙන්න රෝහලට එනවා. ඔය අතරතුර දෙන්නා කතා කර කර ඉද්දී ජිමීගේ අලුත් රූපවාහිනී වෙළද දැන්වීම විකාශණය වෙනවා. චක්ට ප්‍රතිකාර කරන වෛද්‍යවරයා ජිමීට කියනවා චක්ට කිසි ගැටළුවක් නැහැ කියලා. හැබැයි වෛද්‍ය පරීක්ෂණ වල ප්‍රතිඵලයක් විදිහට චක්ට ඒ වෙලාව වෙනකොට කිසිම කතාබහක් තියා සිහියක්වත් නැතුව තමයි හිටියේ. ඉතින් චක්ට ආපහු සිහිය ආපුවාහම ජිමී එයාගේ පරීක්ෂණ වල ප්‍රතිඵල චක්ට දැනුම් දීලා චක්ව එයාගේ ගෙදරට එක්කරගෙන යනවා.

මේ අතර මයික් ස්නයිපර් රයිෆලයකුයි පතොරම් වගයකුයි මිලදී ගන්නවා. ඒ හෙක්ටර් සලමන්කාව මරළා දාන්න හිතාගෙනයි. මයික් සල්ලි හොරකම් කරපු ලොරියේ හිටපු ඩ්‍රයිවර්ව මරණ්න හෙක්ටර් ඇතුලු කණ්ඩායම කාන්තාරයේ තැනකට යනවා. ඉතින් මයික් එතන හොඳට පේන විදිහට කදු මුදුනකට නැගලා හෙක්ටර්ට ඉලක්කය ගන්නවා. ඒත් නචෝ හෙක්ටර්ව ආවරණය වෙන විදිහට ඒ අවස්ථාවේ හිටපු නිසා මයික්ට හෙක්ටර්ව ඉලක්ක කරගන්න බැරිවෙනවා. ඔය අතරතුර මයික්ට ඇහෙනවා එයාගේ කාර් එකේ හෝන් එකේ සද්දේ. මයික් ඒක බලන්න එතනින් ඉක්මනටම යනවා. මයික්ට දැකගන්න ලැබෙනවා කවුරුහරි කෙනෙක් හෝන් එක වැදෙන විදිහට ෂීට් එකටයි හෝන් එකටයි අතර ලී කෑල්ලක් තියලා තියෙනවා කියලා. ඒ වගේම ඉස්සරහ වීදුරුවේ පොඩි කොල කෑල්ලක “Don’t” (එපා) කියලා ලියලත් තිබුනා.

ජිමී සහ කිම් එයාලගේ අලුත් කාර්යාලයේ වැඩ ආරම්භ කරනවා. ඔය අතර හෝවර්ඩ් කීප වතාවක්ම ජිම්ට කතා කරන්න උත්සාහ කරත් බැරිවුන නිසා කිම්ට කතා කරලා හෝවර්ඩ් කියනවා ජිමීට එයාට කතා කරන්න කියන්න කියලා. ජිමී හෝවර්ඩ්ට කතා කරපුවාහම දැනගන්න ලැබෙනවා, මෙසා වෙර්ඩා එකේ සිද්ධ වුන වැරැද්ද චක් විසින් වුන දෙයක් නිසා ඉස්සරහට කරන වැඩ වලටත් මේ දේ බලපාවි කියලා හිතලා චක් මේ නීතීඥ කමෙන් විශ්‍රාම යනවා කියලා. ජිමී පුලුවන් ඉක්මනටම චක්ගේ ගෙදරට යනවා. ජිමීට දැකගන්න ලැබෙනවා චක් හැමතැනම මේ රේඩියෝ තරංග සහ විද්‍යුත් තරංගයන් එන්නේ නැති වෙන විදිහට කාමරයක් මුලු මනින්ම ආවරණය කරලා තියෙනවා. ඉතින් චක් මේ විදිහට හැසිරෙන එක නතර කරන්න ඕන වෙලා තියෙන ජිමී තීරණය කරනවා මෙසා වෙර්ඩා එකේ ලියකියවිලි වෙනස් කරපු එකයි ෆොටෝ කොපි ෂොප් එකේ හිටපු කොල්ලට අල්ලස් දුන්න එක ගැනයි කියන්න. ඒ වගේම ජිමී ඒ දේවල් චක්ට කියනවා. ජිමී මේ දේවල් කියලා චක් එහෙනම් විශ්‍රාම ගන්නේ නෑනේ, මම හෝවර්ඩ්ට කතා කරලා කියන්නම් කියලා එලියට යනවා. මේ අතර චක් ජිමී එන්න කලින් හොරෙන් හංගලා තියපු වොයිස් රෙකෝඩර් එකක් එලියට ඇදලා අරගෙන ඒක ක්‍රියා විරහිත කරලා දානවා.

ඉතින්, අද ඔතන ඉදන් තමයි කතාව ගලාගෙන යන්නේ. එහෙනම් තුන්වෙනි කතා මාලාවේ දෙවන කොටසින් හමුවෙමු. ජයවේවා…!

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය HDTV පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2013-06-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Next BT1

12 thoughts on “Better Call Saul [S03 : E01] Sinhala Subtitles | ඇත්ත කියන එකත් කරදරයක්ද?! [සිංහල උපසිරැසි සමඟ]

  • Thanks Brother…

    Reply
  • සිංහල උපසිරැසිය ලබා දුන්නාට හෘදයාංගම ස්තූතිය ! ජයෙන් ජය !

    Reply
  • Machan, highly appreciate your good work, please keep it up, good luck,may the triple gem bless you.

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • ithuru tikatath daanna….sub ekata thnks

    Reply
  • obata jayen jaya.Ithu kotas tikath laba denna

    Reply
  • ඉතුරු season ටිකත් ඉක්මනටම අරන් එමු….
    Season 6 එකෙන් මේකත් ඉවරටම ඉවර වෙනවනේ…

    Reply
  • පට්ටනේ. බොහොම ස්තුතියි.

    Reply
  • සිංහල උපසිරැසියට ස්තූතියි

    Reply

Leave a Reply to Rasindu Perera Cancel reply

Your email address will not be published. Required fields are marked *