Better Call Saul [S03 : E02] Sinhala Subtitles | සාක්ෂි තියෙන්නම ඕනද?! [සිංහල උපසිරැසි සමඟ]

හොඳයි එහෙනම්, සුපුරුදු විදිහට මේ ඔයාලට දෙන්න දෙන්න යන්නේ Better Call Saul තුන්වෙනි කතා මාලාවේ දෙවෙනි කතාවේ සිංහල උපසිරැසියයි. ඉතින් වැඩි කතා නැතුව මේ කතාවේ කලින් කොටෙස් මොකද වුනේ කියලා මතක් කරගමු.

මේ කතා මාලාවේ පළමුවෙනි කොටස ජිමීගේ මතකයක් එක්ක තමයි ආරම්භ වෙන්නේ. කතාව මුල ඉදන් බලමු කෙනෙක්නම් දන්නවා මේ නීතීඥ ජිමී මැක්ගිල් නිතීඥයෙක් වෙන්න කලින් කරපු දේවල් ගැන. ඒ වගේම එයාගේ මේ කොටසේ පෙන්වන කෑල්ලට අනුව නම වෙන්නේ ජීන්.

ඉතින් ජීන් ඔමාහා වල තියෙන කැනිබන් එකේ එයාගේ දවල් කෑම එකක කකා ඉන්නවා. එයා කෑම කකා පොතක් කියව කියව ඉන්නකොට හොරෙක් ඇවිත් එයා ඉස්සරහා තිබුන ෆොටෝබූත් එකක හැංගෙනවා. ඉතින් ඒ හොරාගේ පස්සෙන් ආපු පොලිසියට හොරා හැංගිලා ඉන්න තැන ජිමී පෙන්නනවා. හැබැයි පොලිසියෙන් ඒ හොරාව කුදලගෙන යනකොට ජිමී කෑගහලා කියනවා පොලිසියට මොකවත් කියන්න එපා, නීතීඥයෙක්ව අල්ලගන්න කියලා. ආපහු ජීන් වැඩ කරන තැනට ගියපුවාහම, එක පාරටම කලන්තේ දාලා වැටෙනවා. ඉතින් මෙතනින් ඒ අතීත ආවර්ජනය ඉවර වෙනවා.

අපි බලමු ප්‍රධාන කතාවේ මොකද වුනේ කියලා.

ජිමී හෝවර්ඩ්ට කතා කරලා කියනවා චක් හැම්ලින් හැම්ලින් ඇන්ඩ් මැක්ගිල් එකෙන් අයින් වෙන්න හිතාගෙන හිටියට ඒ අදහස වෙනස් කරගත්තා කියලා. ඒ වගේම ජිමී උදව් වෙනවා චක් මුලු බිත්ති පුරාවටම, ජනෙල් වලට ගහලා තිබුන ෆොයිල් ටික ගලවලා දාන්න. ඕවා ගලවනකොට ජිමී හොයාගන්නවා එයාලා තරුණ කාලේ එකට ඉදගෙන කියවපු පොතක්. ජිමී චක් එක්ක පරණ දේවල් මතක් කර කර ඉද්දි චක් කියනවා හැබැයි කිම් වෙනුවෙන් මෙසා වෙර්ඩා එකේ ලියකියවිලි හොරකම් කරලා වෙනස් කරාට මේ වංචාව වෙනුවෙන් එයා කවදාවත් සමාව දෙන්නෙත් නැහැ, ඒක අමතක කරන්නෙත් නැහැ, ඒ වගේම ඒ වෙනුවෙන් දවසක වන්දි ගෙවන්නත් වෙයි කියලා. ජිම් ආපහු එයාගේ කාර්යාලයට ඇවිත් කිම් එක්ක කියනවා ටික වෙලාවක් චක් එයාට වෛර නොකර හිටිය බවත්, ඒ මිනිත්තු කිහිපය ප්‍රබෝධයක් ගෙන දෙන බවත්.

මෙසා වෙර්ඩා නව ශාඛාවේ අයදුම්පත ආපහු සැරයක් ගොනු කරලා එයාලගේ නැවත උසාවි විභාගය කලින් දවසකට අරගෙන යන්න කිම්ට පුලුවන් වුනත්, කිම් විසින් තමන්ගේම කියලා නීතීඥ ආයතනයක් කරගෙන යන නිසා සහ ජිමීගේ වංචාවේ රහස එයා විතරක් දැනගෙන ඉන්න නිසා ගොඩක් කනස්සල්ලෙන් ඉන්නවා කියලා අපිට දැකගන්න ලැබෙනවා. ඒ වගේම ජිමී සහ එයාගේ වීඩියෝ වැඩ කරන කණ්ඩායම එක්ක ගුවන් කඳවුරට බොරු කපිතාන් කෙනෙක් ගැන කියලා හොරෙන් ඇතුලු වුන එක ගැනත් එලිවෙනවා. ඒ වගේම ජිමී විකාශය කරන වෙළඳ දැන්වීම ඉවත් කරගත්තේ නැත්නම් උසාවි යනවා කියලත් ගුවන් හමුදාවේ කපිතාන් වරයා ජිමීට තරයේ අවවාද කරනවා. ජිමී ටික වෙලාවක් බයවෙලා හිටියා. මොකද මේ කපිතාන් ඒ කියන්නේ බවර්ගේ තර්ක ගොඩක් දුරට චක් පාවිච්චි කරන තර්ක වලට සමාන නිසා. ඒත් අන්තිමට ජිමී කට අරිනවා. ජිමී බවර්ට පෙන්වලා දෙනවා බවර් තමන්ගේම රස්සවාට හානියක් කරගන්නයි හදන්නේ මේ අනවසර පුද්ගලයන්ට හමුදා බේස් එකට එන්න දීපු එකෙන්. ඒ වගේම ජිමී කියනවා ඒ සිද්ධ වුන දේට ෆඩ්ජ් කියලා කලින් හදුන්වපු වයසක මනුස්සයාත් සාක්ෂියට ඉන්නවා කියලා. බවර්ට හොඳටම තරහා ගිහින් ජිමීට කියනවා රෝදය හැරෙන්නයි හදන්නේ කියලා අනතුරු අඟවලා යන්න යනවා.

චක් ජිමීගේ පාපොච්චාරණය හෝවර්ඩ්ට අහන්න සලස්සනවා. ඒ වගේම හෝවර්ඩ් චක්ගෙන් අහනවා මොනවද මේ ටේප් එකට කරන්න පුලුවන්, ඒ වගේම ආපහු සැරයක් කෙවින් සහ පේජ් මේ ටේප් එක නිසා HHM එකට එයාලගේ මෙසා වෙර්ඩා නඩුව අරගෙන එන්නේ නැහැ, ඒ වගේම මේ පාපොච්චාරණය ලබාගත් විදිහ සහ පටිගත කරපු විදිහ ගැන තියෙන ප්‍රශ්ණය නිසා උසාවියෙනුත් මේ පාපොච්චාරණය ඉවත දමයි කියලත් හෝවර්ඩ් කියනවා. ඒත් චක් හෝවර්ඩ්ට සහතික වෙනවා මේ පටිගත කිරීමෙන් ප්‍රයෝජනයක් තියෙනවා කියලා. පස්සේ රෙකෝඩරයේ බැටරි මාරු කරන්න කියලා චක් එර්න්ස්ටෝගෙන් ඉල්ලනවා. බැටරි මාරු කරනවත් එක්කම අහම්බයෙන් මේ රෙකෝඩ් එකේ කොටසක් එර්න්ස්ටෝට අහන්න ලැබෙනවා. මේ නිසා චක් එර්න්ස්ටෝට මේ අහපු දේට කාටවත් කියන්න එපා, කිව්වොත් ජීවිතයට උනත් හානියක් වෙන්න පුලුවන් කියලා භය කරවනවා.

මේ අතර මයික් හෙක්ටර්ව මරණ්න උත්සාහ කරපු තැනින් සෑහෙන්න දුරට වාහනේ අරගෙන ගිහින් හැම අස්සක් මුල්ලක් නෑරම මයික් වාහනේ හොයලා බලනවා. ඒ මයික්ව ට්‍රැක් කරන්න මොකක් හරි උපකරණයක් හයි කරලා තියෙනවද කියලා දැනගන්න. ඒත් මොකවත් ඒ වෙලාවේ හම්බවෙන්නේ නැහැ. කවුරු හරි කෙනෙක් මයික්ගේ පස්සෙන් ගිහින්, හෙක්ටර්ව මරණ එක වළක්වා ගන්න උත්සාහ කරලා තියෙනවා. ඉතින් මුලු වාහනේම කෑලි කරාට පස්සේ මයික්ට ගෙදර යන්න විදිහක් නැති නිසා එතන හිටපු කෙනෙක්ට මයික් කියනවා කැබ් එකක් එයාට කතා කරලා දෙන්න කියලා. කැබ් එක එනකම් එතන කාර්යාලයේ ඉන්න මයික්ට දැකගන්න ලැබෙනවා තෙල් ටැංකිය වහන කප් එකක් තියෙනවා ට්‍රැකින් ඩිවයිස් එකක් හයි කරපු විකුණන්න. මේ නිසා සැකේට මයික් ආපහු සැරයක් තමන් කෑලි කරපු වාහනේ තෙල් ටැංකියේ මූඩිය අරගෙන බලද්දි ඒකේ ට්‍රැකින් ඩිවයිස් එකක් හයි කරලා තියෙනවා හොයාගන්න පුලුවන් වෙනවා. ඉතින් මයික් මේ ගැන අධ්‍යයනය කරනවා. එතකොට එයාට හොයාගන්න පුලුවන් වෙනවා බැටරිය අඩු මට්ටමක තියෙනකොට දුරස්ථව ඒක පාලනය කරන මනුස්සයාට බැටරිය අඩු මට්ටමක තියෙන්නේ කියලා දැනුම් දෙනවා කියලා. එතකොට ඒ මනුස්සයාට ආපහු ඇවිත් බැටරිය මාරු කරලා ආපහු ට්‍රැක් කරන්න පටං ගන්න පුලුවන් කියලා.

ඉතින් මයික් එයා පෞද්ගලිකව පාවිච්චි කරන කාර් එකෙත් තෙල් ටැංකියේ මූඩිය ගලවලා බලනකොට ඒකෙත් ට්‍රැකර් එකක් හයි කරලා. මයික් ඒ ට්‍රැකර් එක තියෙන මූඪිය අරගෙන එතනට වෙන මූඩියක් දානවා. ඒ කරලා ගේ ඇතුලට යන මයික් ට්‍රැකර් එකේ බැටරිය ගලවලා දානවා. ඉතින් මයික් කරන්නේ ගේ ඇතුලේ ඉදන් එයාගේ එලියේ තියෙන කාර් එක දිහා බලාගෙන ඉන්නවා. පාන්දර වගේ වෙද්දි, මනුස්සයෙක් එනවා ට්‍රැකර් එකේ බැටරි මාරු කරන්න. මෙතනදී මයික් තමන්ගේ කාර් එකට දැම්මේ මයික්ට බලාගන්න පුලුවන් විදිහේ ට්‍රැකර් එකක් තියෙන තෙල් ටැංකි මූඩියක්. ඉතින් මේ බැටරි අලුත් කරන්න එන මනුස්සයා කරන්නේ ඒ මූඩිය අරගෙන වෙන මූඩියක් ඒකට දාන එකයි. ඉතින් මේ නිසාම මේ මනුස්සයා කොහාටද යන්නේ කියන එක ගැන මයික්ට බලාගන්න පුලුවන් වෙනවා. ඉතින් මයික් ඇඳුම් පැලදුම් ටික ඇදගෙන ආයුධත් අරගෙන මේ මනුස්සයාගේ පස්සෙන් යන්න පටන් ගන්නවා.

ඉතින් අද මෙතැන ඉදන් තමයි කතාව ගලාගෙන යන්නේ. එහෙනම් අනිත් කොටසින් හමුවෙමු. ජයවේවා…!

Due to copyright issues, we do not provide any torrent link.

මෙම ලබා දී ඇති උපසිරැසිය HDTV පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

PLATINUM MEMBER
JOINING DATE – 2013-06-07
SUBMAKER RATING BY ADMINS