අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Better Call Saul [S03 : E07] Sinhala Subtitles | වියදම් සැරයි! [සිංහල උපසිරැසි සමඟ]

Rating: 8.9/10. From 8 votes.
Please wait...

හොඳයි එහෙනම්. වැඩිපුර කියන්නේ නැහැ. අද කොටසේ විස්තර ටික ගැන බලලා ඉමු. මේ කොටස නම් කරලා තියෙන්නේ Expenses කියලයි. සුපුරුදු විදිහටම මේ කොටසත් AMC රූපවාහිනි නාලිකාවේ විකාශය වුනේ. 2017 මැයි 22 වෙනිදා මේ කොටස විකාශය වෙනකොට ඇමරිකාවෙන් පිටතදී විකාශය වුනේ Netflix ආයතනය හරහායි.

ඉතින් පසුගිය කොටසින් මොකද වුනේ කියලා මතක් කරගෙන ඉමු.

මතක ඇතිනේ සලමන්කා තමන් විකුණන මත්ද්‍රව්‍ය වල සල්ලි එකතු කරන්නේ එක රෙස්ටුවර්න්ට් එකක ඉදලා කියලා. ඉතින් සලමන්කා දැන් නැති නිසා නාචෝ තමයි මේ සල්ලි එකතු කිරීම කරන්නේ. ඉතින් සල්ලි නාචෝ එකතු කරනකොට හෙක්ටර් පිටිපස්සට වෙලා ඉදගෙන මේ ගැන ඇහැගහගෙන ඉන්නවා. මේ අතර ඩොමින්ගෝ තමන් දෙන්න ඕන සල්ලි ටික අරගෙන එනවා. මේ පාර ඩොමින්ගෝගේ සල්ලි බොහොම අඩුයි. ඉතින් නාචෝ කියනවා ඊළඟ පාර මීට වඩා සල්ලි ප්‍රමාණයක් අරන් එන්න ඕන කියලා. ඩොමින්ගෝ ඒකට එකතු වෙලා යන්න යනවා. ඒත් හෙක්ටර් නාචෝට කියනවා ආපහු මෙහෙම සල්ලි අඩුවෙන් ගේන්න එපා කියන එක කිව්වට වැඩක් නැහැ. මතක හිටින්න දෙයක් කරන්න කියලා. ඉතින් නාචෝ කරන්නේ ඩොමින්ගෝව රෙස්ටුවර්න්ට් එක ඇතුලට ඇදගෙන ඇවිත් හොඳටම ගහනවා. ඉතින් එදා රෑ නාචෝ තමන්ගේ තාත්තගේ සාප්පුවේ උඩ තට්ටුවේ වැඩ කරමින් ඉන්නකොට ඩොමින්ගෝ එක්ක සිද්ධ වුන මේ සිදුවීම ගැන මතක් කර කර මැෂිමෙන් මහනවා. ඉතින් නාචෝගේ අවධානය මේ නිසා වෙනතකට යෑමෙන් මැෂින් එකේ ඉදිකට්ටට අහම්බයෙන් තමන්ගේ අත අහුවෙලා තුවාල වෙනවා.

මේ අතර කිම් නිව් මෙක්සිකෝ නීතිඥ සංගමය ඉදිරියේ එයාගේ අවසාන නඩු විභාගය කරනවා. මේකෙන් ජිමී තමන්ගේ සහෝදරයා හොඳට බලාගත්ත එකයි, තමන්ගේ නීතීඥ වෘත්තියෙන් ප්‍රජාවට කරපු උදව් ගැනයි සලකලා බලලා නීතීඥ සංගමය තීරණය කරනවා සමාජයට ධනාත්මක දායකත්වයක් ජිමී ලබාදීලා තියෙනවා කියලා. මෙහෙම සිදුවීම වෙනකොට රෙබේකා යනවා චක්ගේ ගෙදරට එයාව බලන්න. ඒත් කොච්චර කතා කරත් චක් රෙබේකට උත්තර දෙන්නේ නැහැ. නීතීඥ සංගමය විසින් ජිමීගේ නීතීඥ බලපත්‍රය සදාකාලිකවම අහෝසි කරන්නේ නැතුව අවුරුද්දකට විතරක් අහෝසි කරනවා. මේ සිදුවීම ජිමී කිම් එක්ක එකතුවෙලා එයාලගේ කාර්යාලයේ සමරන කොට රෙබේකා එහාට ඇවිත් ජිමීගෙන් උදව් ඉල්ලනවා එයාට චක්ගේ ගේ ඇතුලට යන්න උදව් කරන්න කියලා. ජිමී ඒකට කැමති වෙන්නේ නැහැ. රෙබේකා මේ වෙලාවේ කියනවා චක්ට උදව් කරන්න කියලා තමන්ට කතා කරාට ඒක තනිකරම බොරුවක් කියලා. හැබැයි ජිමී කියනවා චක්ගේ සෞඛ්‍යය තත්වය පිළිබඳව එයා ඇත්ත කීවේ කියලා. නමුත් රෙබේකා කියනවා චක් කියන්නේ ජිමීගේ සහෝදරයා නිසා එයා උදව් කරන්න ඕන කියලයි. නමුත් ජිමී කියනවා තව දුරටත් එයා එහෙම නෙමෙයි කියලා. රෙබේකාට තරහා ගිහින් කියනවා ජිමී එයාව පාවිච්චි කරේ චක්ව අපහසුතාවයට පත් කරන්නයි කියලා. එහෙම කියලා ඔයාලගේ ෂැම්පේන් එක හොඳට භුක්ති විදින්න කියලා තරහින්ම කියලා පිටත් වෙනවා. ජිමී මේ ගැන ලොකුවට ගාණක් නැතුව හිටියට කිම් ඒ ගැන කලබල වෙලා ඉන්නවා කියලා අපිට දැකගන්න ලැබුනා.

මයික් පල්ලියේ සහායක කණ්ඩායමට ස්ටේසිත් එක්ක යනවා. ඒ අතර ස්ටේසි කෙයිලි මැට්ගේ මරණය සම්බන්ධයෙන් ප්‍රශ්ණ කරන ආකාරය සම්බන්ධව කතා කරනවා. මේ කතාබහ ඉවර වෙලා පිටත්වෙලා යනකොට ස්ටේසි මයික්ට කියනවා ක්‍රීඩා පිට්ටනියක් හදන්න එයා ස්වේච්ඡාවෙන් ඉදිරිපත් වුනා කියලා. ඒ පිට්ටනියේ කොන්ක්‍රීට් වැඩ ටික කරන්න මයික්ට උදව් කරන්න කියලා කියනවා. එහෙම කියන්නෙත් ස්ටේසිට මැට් මයික් ගැන කියලා තියෙන කතාවකුත් මතක් කරලා දෙන ගමන්මයි.

චක්ගේ අකමැත්තෙන් වුනත් චක් හෝවර්ඩ්ට තමන්ගේ ගේ ඇතුලට එන්න ඉඩ දෙනවා. හෝවර්ඩ් කියන්නේ චක් විසින් ජිමීගේ බලපත්‍රය අත්හිටුවීමට කරපු සටන ජයග්‍රහණයක් විදිහට සලකන්න පුලුවන් කියලයි. ඒ වගේම දිගින් දිගටම ජිමී පස්සෙන් පන්නන එක නතර කරන්න කියලත් කියනවා. චක් ඒකට කැමති වෙන බවක් අපිට දකින්න ලැබුනා. හෝවර්ඩ් චක්ගේ ගෙදරින් ගියාට පස්සේ චක් තමන්ගේ ස්පේස් බ්ලැන්කට් එකට යටින් තියලා තිබ්බ රෙකෝඩර් එක එලියට අරගෙන ඒකේ බැටරි ගලවලා දානවා. ඒ කරලා චක් ඒ බැටරි අල්ලනවා. චක්ට තියෙන EHS රෝග ලක්ෂණ මඟහරවා ගැනීම සඳහා කරන උත්සාහයක් විදිහට එයා දිගින් දිගටම මේක කරගෙන යන්න තමන්ටම බල කරවා ගන්නවා.

ජිමී සහ ෆ්‍රැන්චෙස්කා දෙන්නා එකතුවෙලා ජිමීගේ සේවාදායකයන්ට කතා කරලා ජිමී අවුරුද්දක් නීතීඥ වැඩවලින් ඈත් වෙලා ඉන්නවා කියලා ඒ අයට දැනුම් දෙනවා. මේ අතරම ජිමීගේ නීතීඥ වෘත්තිය ඉස්සරහට අරගෙන යන්න කරපු වෙළඳ දැන්වීමෙන් ඇති වැඩක් නැති නිසා, ඒකට වියදම් කරපු සල්ලි නාස්තියක් වෙනවා කියලා ජිමීට තේරුම් යනවා. මේ නිසාම තමන්ට මේ වෙනුවෙන් මොනවා හරි කරගන්න පුලුවන්ද බලන්න ජිමී හැකි ඉක්මනින්ම ඒ ගමන්ම අදාල නාලිකාවට කෝල් කරනවා. අදාල කාලයට කලින් දැන්වීම ඉවත් කරනවානම් ජිමීට ඩොලර් 4000ක මුදලක් රූපවාහිනී ආයතනයට ගෙවන්න වෙනවා. එහෙම ගෙවන්න ජිමී ගාව සල්ලි නැති නිසා දඬුවමට අදාල නොවන, නමුත් මේ දැන්වීමට යට වුන මුදල හොයාගන්න ක්‍රමවේදයක් ගැන ජිමී කල්පනා කරනවා. ඉතින් ජිමී කරන්නේ කාපට් විකුණන සාප්පුවකට ගිහින් එතන අයිතිකාරයන්ව හම්බවෙලා එයාලට කියනවා අඩුගාණකට තමන්ගේ ව්‍යාපාරය සඳහා වෙළඳ දැන්වීමක් රූගත කරලා ඒක නොමිලේම විකාශනය කරලා දෙනවා කියලා. මේ සාප්පුවේ අයිතිකරුවන් මේ ගැන සලකලා බලන්නම් කිව්වත් ජිමීට ඕන වෙනවා ඒ රූගත කිරීම ඒ වෙලාවේම කරන්න. ඉතින් ඒ වැඩේ හරිගියේ නැති නිසා ජිමීගේ වේශ නිරූපණ ශිල්පියා ජිමීට අදහසක් දෙනවා නීතිඥ වෘත්තිය ගොඩදාගන්න දැන්වීමක් කරා වගේ මේ වැඩෙත් ගොඩ යන්න දැන්වීමක් කරන්න කියලා. තියෙන විදිහට ඕන දෙයක් වෙච්චදෙන් කියලා හිතන ජිමී එයාගේ කණ්ඩායමත් එක්ක රූපවාහිනී නාලිකාවට ගිහින් එතන තියෙන ඇන්ටනා සහ සැටලයිට් ඩිෂ් ඉස්සරහා එයාගේ දැන්වීම රූගත කරනවා.

මේ අතර ලොස් පෝලොස් හර්මානෝස් ෆැක්ට්‍රිය ඇතුලේ ට්‍රක් එකක් එනවා රෙස්ටුවර්න්ට් එකට ඕන කරන බඩු ටික බාන්න. ඉතින් මේ ලොරියේ තැනක වික්ටර් සහ ටයිරස් විසින් හංගලා තිබුන කොකේන් කුට්ටි කිහිපයකුත් හොයාගන්නවා. ඒ කොකේන් ටිකේ සලමන්කාගේ කොටස් ටික අරගෙන යන්න නාචෝ සහ ආටුරෝට් ආවත් එයාලා පොරොන්දු වුනේ කෑලි පහකට වුනත් නාචෝට උවමනා වෙනවා කොටස් හයක් අරගෙන යන්න. වික්ටර් නාචෝට තුවක්කුව දික්කරත් නාචෝ කියන්නේ හෙක්ටර් කෑලි හයක් බලාපොරොත්තුවෙන් ඉන්නවා කියලයි. ටයිරස්ට තනියම මේ තීරණය ගන්න බැරිනිසා ටයිරස් ගස් ෆ්‍රින්ග්ට කෝල් කරනවා. මේ වෙලාවේ ගස් හිටියේ විකුණන්න දාලා තිබුන කාර්මික රෙදි සෝදන යන්ත්‍ර තියෙන තැනක් පරීක්ෂා කරමින්. ඉතින් ගස් නාචෝට කෑලි හයක් දෙන්න කියලා එයා ගිහින් ලිඩියා රොඩාර්ට්-ක්වාල් පදවන ලද වාහනේට නැගල කියනවා එයාට වැඩ ටික කරගන්න පුලුවන් කියලා ඒ වාහනේම පිටත් වෙනවා.

චාර්ල්ස් තමන්ගේ විද්‍යුත් චුම්භක අධි සංවේදීතාවයේ රෝග ලක්ෂණ පරාජය කිරීමේ උත්සාහය දිගටම කරගෙන යනවා අපිට දැකගන්න ලැබෙනවා. ඒ ඇල්බකර්කි නගරයේ ස්පේස් බ්ලැන්කට් එකත් පොරවගෙන චක් ඇවිදගෙන යනවා. චක්ට තමන්ගේ චිකිත්සක වෛද්‍යවරයා වන කෘස්ව සම්බන්ධ කරගන්න උවමනා වෙනවා. චක් මේ නිසාම පේ ෆෝන් (මුදල් ගෙවා ඇමතුම් ලබා ගැනීමට හැකි දුරකතනයක්) එකක් පාවිච්චි කරනවා. නමුත් වෛද්‍ය කෘස් ඒ වෙලාවේ නොමැති බවත්, අදාල පණිවිඩය ලබා දෙන ලෙසත්, වෛද්‍යවරයාට ඒ ගැන දැනුම් දෙන බවත් රෝහලේ දුරකතන ක්‍රියාකරු විසින් පවසනවා.

ටයිරස් සහ වික්ටර් අතර සිදුවුන සිද්ධිය නාචෝ හෙක්ටර්ට කියනවා. මේ අතර හෙක්ටර් නාචෝට කියනවා නාචෝගේ තාත්තගේ සාප්පුවේ උඩ තට්ටුව තමන්ගේ අලුත් ව්‍යාපාරය විදිහට පාවිච්චි කරන්න සැලසුමක් තියෙනවා, සලමන්කා ගස් ගැන විශ්වාසයක් නැහැ කියලා නාචෝට තේරුම් කරලා දෙනවා. නාචෝ හෙක්ටර්ට මේ ගැන ආපහු සැරයක් හිතලා බලන්න කියලා කියනවා. මොකද නාචෝගේ තාත්තා අවංකව තමන්ගේ ව්‍යාපාරය කරගෙන යන සරල මනුස්සයෙක් නිසා. මේ අතර ටූකෝ තවත් හිරේ ඉන්න රැදවියෙකුට පිහියෙන් ඇන ඇති බව දැන ගන්න ලැබෙන හෙක්ටර්ට තරහා යනවා. මේ නිසාම හෙක්ටර්ගේ අසනීපය වැඩි වෙනවා. ඒ ගමන්ම තමන්ගේ කෝට් එකේ සාක්කුවෙන් බෙහෙත් වගයක් ඇදලා ඇරගෙන හෙක්ටර් බොනවා. එහෙම කරලා හෙක්ටර් එතනින් පිටත් වෙනවා. හැබැයි හෙක්ටර් පිටත් වෙනකොට හදිසියෙන් ඇදලා ගත්තු බෙහෙත් වලින් එක කරලක් බිම වැටෙනවා. නාචෝ ඒක හිතලම හෙක්ටර්ගෙන් වසං කරගෙන කකුලෙන් හංගගෙන ඉන්නවා.

“වෙළඳ දැන්වීම් සඳහා වෙළඳ දැන්වීමක්” කියන තේමා පාඨය යටතේ රූපවාහිනී මධ්‍යස්ථානයේ එයාට ඉතුරුවෙලා තියෙන විකාශන කාලය භාවිතා කිරීම සඳහා නව ව්‍යාපාර සැලැස්මක් තියෙනවා කියලා ජිමී කිම්ට පැහැදිලි කරලා දෙනවා. ජිමී කිම්ට කියනවා ඒ පැත්තේ තියෙන ව්‍යාපාර වලට දැන්වීම් නිර්මාණය කරන්න එයා හදනවා කියලා. ඒ වගේම අධ්‍යක්ෂනය, රූගත කිරීම, විකාශනය කිරීම කියන සේරම දේවලුත් ජිමී විසින්ම කරනවා කියලත් කියනවා. ඒ වගේම ජිමී සෝල් ගුඩ්මන් කියන නමින් වෙස්වළාගෙන තමන් විසින් කරපු දැන්වීම කිම්ට පෙන්නනවා. ඉතින් කිම් කියනවා සෝල් ගුඩ්මෑන් කියන නමේ ලොකු ශක්තියක් තියෙනවා කියලා. ඒත් ජිමී කියන්නේ ඒක නිකම්ම නමක් විතරයි කියලා.

ඉතින් ඔහොම තමයි පසුගිය කොටස සිද්ධ වුනේ. එහෙනම් අද කොටසත් බලන්න. අනිත් කොටසින් හම්බවෙමු. ජයවේවා….!

 

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය HDTV පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2013-06-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Next BT1

7 thoughts on “Better Call Saul [S03 : E07] Sinhala Subtitles | වියදම් සැරයි! [සිංහල උපසිරැසි සමඟ]

  • ගොඩක් ස්තූතියි මචන් මහන්සි වෙලා උපසිරස නිර්මාණය කරන එකට.

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • niyamai sub ekatata thanx yaluwa

    Reply
  • සිංහල උපසිරැසියට ස්තූතියි

    Reply
  • සබ් එක දෙනකම්ම බලාගෙන හිටියේ. මේක බලලාම නිදාගන්නවා. ස්තුතියි.

    Reply

Leave a Reply to sachintha Cancel reply

Your email address will not be published. Required fields are marked *