අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Better Call Saul [S03 : E08] Sinhala Subtitles | සල්ලි හොයාගන්නත් එපැයි! [සිංහල උපසිරැසි සමඟ]

Rating: 10.0/10. From 12 votes.
Please wait...

හොඳයි එහෙනම්. මේ අරගෙන එන්නේ Better Call Saul තුන්වෙනි කතා මාලාවේ අටවෙනි කොටස. තව කොටස් දෙකකින් මේ තුන්වෙනි කතා මාලාව ඉවරයක් වෙනවා. ඉතින් අද කොටස ගැන පොඩි විස්තරයක් බලමු.

මේ අටවෙනි කොටස නම් කරලා තියෙන්නේ Slip කියන නමින්. සුපුරුදු විදිහටම ඇමරිකාව තුල AMC රූපවාහිනී නාලිකාවෙන් මේ Better Call Saul කතා මාලාව විකාශය වෙද්දී ඇමරිකාවෙන් පිටත රටවල්වල විකාශය වුනේ Netflix හරහා. ඉතින් 2017 ජූනි 05 වෙනිදා තමයි මේ කොටස විකාශය වෙන්නේ. ඉතින් වැඩිය කියවන්නේ නැතුව පසුගිය කොටසින් සිද්ධ වුනේ මොකක්ද කියලා දැනගෙන ඉමු.

ජිමීට උසාවියෙන් ලැබුනු දඬුවමක් විදිහට ප්‍රජා සේවයේ නියුතු වෙන්න වෙනවා. ඉතින් ජිමී අධිවේගී මාර්ගයක් යට තව කට්ටියක් එක්ක කුණු එකතු කරනවා අපිට දැකගන්න පුලුවන් වුනා. මෙතන කුණු එකතුකර කර ඉන්නකොට සෝල් ගුඩ්මන් ප්‍රොඩක්ෂන් එකට කෝල් එකක් එනවා දැන්වීමක් කරගන්න එක ගැන අහදලා. ඉතින් කුණු ඇහිදීමේ වැඩ ටික ඉවරයක් කරලා යන්න යනකොට තමන්ව අධීක්ෂණය කරපු පුද්ගලයා ජිමීට කියන්නේ ජිමී පැය හතර හමාරක් වැඩ කරා වුනත් ෆෝන් එක පාවිච්චි කරපු නිසා විනාඩි 30ක් වැඩ කරා කියලා සටහන් කරනවා කියලයි. ඉතින් ජිමී මෙතනදී මේ මනුස්සයත් එක්ක ඔරොප්පුවක් වෙනවා.

කුණූ ඇහැදින වැඩෙන් පස්සේ ජිමී කෙලින්ම යන්නේ තමන්ගේ දැන්වීම කරන තැනටයි. එතන පුටු විකුණන තැනක්. ඉතින් එතන එක දැන්වීමක් කරලා ඉවර වුනාට පස්සේ ජිමීට එයාගේ අනිත් දැන්වීම් ටිකත් සුපුරුදු විදිහටම ඒ මනුස්සයාගේ ඇගේ ගහන්න ඕන වුනා. ඒත් ඒ මනුස්සයා ඒකට කැමති වෙන්නේ නැහැ. මෙහෙම මෙතන වැඩේ ඉවර වෙනකොට ජිමීගේ සහ කිම්ගේ අලුත් ඔෆිස් එකේ එයාලගේ වියදම් ගැන බලනවා. ඉතින් ඒ වෙනකොට වියදම් වෙලා තියෙන ගාන බලලා කිම්ට ජිමී දෙන්න ඕන ගාන එතනදී දෙනවා. එහෙම කරන්නේ මොකද කිම් හිතනවා ජිමී තමන් ගාව තියෙන සල්ලි පාවිච්චි කරලා ඉවරයක් කරගනියි කියන නිසා. මේ අතර නාචෝ ඩැනියල් වෝර්මල්ඩ්ගේ ගෙදරට හොරෙන් රිංගනවා. ඩැනියල්ට නාචෝ කියනවා හෙක්ටර් පාවිච්චි කරනවා වගේම නයිට්‍රොග්ලිසරින් පෙත්ත වගේම පේන හිස් කැප්සියුල ටිකක් එයාට ගෙනත් දෙන්න පුලුවන්නම් ඩැනියල්ට ඩොලර් 20,000ක් දෙනවා කියලා.

මේ අතර මයික් ස්ටේසී පොරොන්දු වුන පල්ලියේ අලුතින් හදන ක්‍රීඩා පිටියේ ඉදිකිරීම් වැඩ පටන් ගන්නවා. ඔතනට ඇනීටා සහ එයත් එකක් සහයට තව දෙන්නෙකුත් එනවා. ඉතින් මයික් එයාලගෙන් උදව් ගන්න අකමැති වුනත්, එකමැත්තෙන් හරි ස්ටේසි නිසා එයාලට වැඩ පවරන්න සිද්ධ වෙනවා. රෑ වෙලා මයික් තමන්ගේ රස්සාව කරන මුර කුටියට යනකොට එයා දකිනවා ඩැනියල් එතනට ඇවිත් ඉන්නවා. ඉතින් මයික් ඩැනියල් ගාවට ගිහින් විස්තර අහනකොට ඩැනියල් මයික්ට කියනවා නාචෝගේ ඉල්ලීම ගැන. එහෙම කරලා මයික්ව ආපහු ඩැනියල්ගේ ආරක්ෂකයා විදිහට අරගන්න ඕන කියලා කියනවා. නමුත් මයික් මේකට කැමති වෙන්නේ නැහැ. ඒ වගේම ඩැනියලුත් මේකට සම්බන්ධ නොවෙන එක හොඳයි කියලා මයික් කියනවා.

කිම් මේසා වෙර්ඩා කාර්යාලයේදී පේජ් එක්ක හමුවීමක් දාගෙන ඒකට සූදානම් වෙනවා. පේජ් මේ වෙලාවේ ජිමීගේ විනය නඩු විභාගය අතරතුර චක්ගෙන් හරස් ප්‍රශ්ණ අහපු එක ගැන ලොකුවට කිම්ට ප්‍රශංසා කරනවා. සාක්ෂිකරුවන්ගේ ස්ථාවරය මත චක්ට ලැඡ්ජාවෙන්න වුනා කියලා පේජ් එතනදී කිම්ට කියනවා.

මයික්ට ක්‍රීඩා පිට්ටනියේ දේවල් හදන්න උදව් වෙන්න ආපු කණ්ඩායමේ හිටියා ඇනීටා කියලා කාන්තාවක්. එයාගේ ස්වාමි පුර්ෂයා හිටපු නාවික හමුදා නිලධාරියෙක්. කදු නගින්න ගිහින් අභීරහස් විදිහට ඔහු අතුරුදහන් වුන එක ගැන කණ්ඩායම ඉස්සරහා ඇනීටා කතාව කියනවා. ඉතින් මේ අතරතුර මයික් සහ ඇනීටා යාලුවෝ වෙනවා. මේ කතාව නිසා මයික් ඩැනියෙල්ට කතා කරලා කියනවා එයා ආරක්ෂකයා විදිහට එන්න කැමතියි කියලා. ඔය අතර ජිමී කිම්ව එක්කරගෙන හෝටලයකට යනවා රෑ කෑම වේල අරගන්න. ඔතනදී ජිමී සහ කිම් තමන්ගේ සුපුරුදු ලොකු අතු අල්ලගෙන තමන්ගේ බිල ගෙවාගන්න සෙල්ලම කරන්න හදනවා. නමුත් මෙතනදී ජිමී කියන දෙයක් නිසා කිම් අහනවා අපි මේක ඇත්තටම කරන්න යනවද කියලා. නමුත් ජිමී කියන්නේ නැහැ නිකං කිව්වා විතරයි කියලා. නමුත් ජිමීට කිම්ගේ වෙනසක් පේන නිසා මොකක්ද ප්‍රශ්ණේ කියලා අහපුවාම කිම් උත්තර දෙන්නේ චක් එක්ක කරපු දේ නිවැරදිද කියලා එයාට සැකයි කියලා. ඒත් ජිමීට තරහා ගිහින් කියන්නේ චක් එහෙම කරගත්තේ එයාගේම වැරැද්ද නිසා බවත් ඒ ගැන අමතක කරන්න කියලත් කියනවා.

මයික් ඩැනියෙල් එක්ක යනවා නාචෝව හම්බවෙන්න. මෙතනදී මයික් නාචෝගෙන් මොකක්ද කරන්න හදන්නේ කියලා අහනවා. එතකොට නාචෝ උත්තර දෙනවා හෙක්ටර්ට ඕන කරන්නේ නාචෝගේ තාත්තගේ උඩු මහලේ සාප්පුව සලමන්කාගේ මත්ද්‍රව්‍ය වෙළඳාම සඳහා යොදාගන්න. මේ නිසා හෙක්ටර්ව මරළා දාන්න අදහසක් තියෙන නිසයි හෙක්ටර් පාවිච්චි කරන බෙහෙත් මාරු කරන්නේ කියලා කියනවා. මයික් මෙතනදී නාචෝට කියනවා බෙහෙත් නිසා හදිසියේවත් හෙක්ටර්ට කරදරයක් වුනොත් ආපහු ඒ බොරු බෙහෙත් වෙනුවට හරි බෙහෙත් කොහොම හරි ආපහු තියන්න කියලා උපදෙස් දෙනවා. මොකද එතකොට හෙක්ටර්ගේ මරණයට හේතුව මොකක්ද කියලා හොයාගන්න බැරිවෙන නිසා.

ජිමීගේ නීතීඥ බලපත්‍රය අත්හිටුවලා තියෙන නිසා ජිමී එයාගේ රක්ෂණ ඔප්පුවේ තියෙන සල්ලි ආපහු අරගන්න උත්සාහ කරනවා. එතන ඉන්න නියෝජිතවරිය කියන්නේ ජිමීගේ බලපත්‍රය අත්හිටුවලා තියෙන නිසා වෙන කෙනෙක් අක්‍රමිකතා සම්බන්ධයෙන් ජිමීට විරුද්ධව නඩුවක් දාලා චෝදනා ගොනුකරොත් ජිමීව ආවරණය වෙන විදිහට රක්ෂණය ක්‍රියාත්මක වෙන්න ඕන නිසා ඔවුන්ගේ ආයතනයට මුදල් ආපහු දෙන්න බැහැයි කියලා කියනවා. ඒ වගේම ජිමීගේ සේවය නැවත පටන් ගත්තහම රක්ෂණය වාරිකය 150%ක් වැඩිවෙනවා කියලත් කියනවා. ජිමී මේක දැනගත්ත ගමන් අඬන්න පටන් ගන්නවා. ඒත් පස්සේ චක් ගැන ඇදලා අරගන්නවා. නඩුවක් ඇතිවුනේ චක්ගේ තියෙන මානසික ලෙඩක් නිසා කියලා කියනවා. ජිමී චක්ට ලොකු බරපතල කරදරක් මෙතනදී ඇති කරලා කියලා ජිමීට දැනෙන නිසා ජිමී රක්ෂණ නියෝජිතයාගේ කාර්යාලයෙන් එලියට යන්නේ මූණේ කින්ඩි හිනාවකුත් එක්කමයි.

ඉතින්, අද කොටස එතැන ඉදන්. නමවෙනි කොටසින් හමුවෙමු. ජයවේවා..!

 

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය HDTV පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2013-06-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Next BT1

9 thoughts on “Better Call Saul [S03 : E08] Sinhala Subtitles | සල්ලි හොයාගන්නත් එපැයි! [සිංහල උපසිරැසි සමඟ]

  • ගොඩක් ස්තූතියි මචන් මහන්සි වෙලා උපසිරස නිර්මාණය කරන එකට.

    Reply
  • Machan, highly appreciate your good work, please keep it up, good luck,may the triple gem bless you.

    Reply
  • නියමයි

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • සිංහල උපසිරැසියට ස්තූතියි

    Reply
  • බොහොම ස්තුතියි සිිංහල උපසිරැසියට.

    Reply

Leave a Reply to රොයිලි Cancel reply

Your email address will not be published. Required fields are marked *