අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Beyond the Sky (2018) Sinhala Subtitles | පිටසක්වළයින් සොයා… [සිංහල උපසිරසි සමඟ]

Rating: 9.3/10. From 13 votes.
Please wait...

ඔන්න මම මගේ 6 වෙනි උපසිරැසියත් ගෙනාවා.මේ පාර ගෙනාවේ ගොඩක් අය හොඳට දන්න කියන තේමාවක් පොඩ්ඩක් වෙනස් විදියට නිරූපණය කරලා තියන සිනමා සිත්තමක්. ඒ මොකක්ද කියලා පස්සේ බලමු. කොහොමෙන් කොහොම හරි උපසිරැසිය කරන්න භාර අරන් සතියක් ගියාට පස්සේ තමා ඉවර කරන්න පුළුවන් වුනේ… හේතුව කිව්වොත් ගෙදර අධ්‍යාපන කටයුතු වලට කියලා බිල ගෙව්ව වයිෆයි රවුටරෙන් දැන් ගෙදරම කට්ටිය ගජරාමෙට චිත්‍රපටි බලනවා.ඉතින් අපි උපසිරැසි කරන එකේ ඉඳලා හිටලා හරි ෆිල්ම් එකක් බලන්නත් එපැයි. කොහොම හරි රෑ නිදි මරාගෙන සබ් කරපු ෆිල්ම් එක ගැන දැන් අපි බලමුකෝ.

මම කලින් පාරත් කළේ Sci-Fi ගණයට අයත් Andover කියලා ෆිල්ම් එකක්. මේ ෆිල්ම් එකත් Mystery/Sci-Fi /Thriller කියන කාණ්ඩ වලට අයත් ෆිල්ම් එකක්.මේක IMDb දර්ශකයේ 5.8 වගේ අගයක් ලබා ගන්න සමත් වුණු චිත්‍රපටියක්. මේකේ ධාවන කාලය පැය 1 යි මිනිත්තු 22 යි. මේක අධ්‍යක්ෂණය කරලා තියෙන්නේ Fulvio Sestito කියන අධ්‍යක්ෂකවරයා. මේකේ ප්‍රධාන චරිතය වන ක්‍රිස් නෝර්ටන් හට රංගනයෙන් දායක වෙන්නේ Ryan Carnes කියන රංගන ශිල්පියා.එතකොට එමිලිගේ චරිතයට රංගනයෙන් පණ පොවන්නේ Jordan Hinson කියන නිළියයි. මම කලින් කිව්වා මේ කතාව අපි හැමෝම දන්න තේමාවක් කියලා. ඒ තමයි පිටසක්වළයින්. හැමෝම අඩුම ගානේ පිටසක්වළයෝ ඉන්න එක ෆිල්ම් එකක්වත් බලලා ඇති නේ. අඩුම තරමේ Ben 10 වත් බලලා ඇතිනේ. පිටසක්වළයින් ඉන්න චිත්‍රපටි වලට උදාහරණ විදියට මම බලලා තියන සුපිරි පිටසක්වළ ෆිල්ම් එකක දෙකක නම් කියන්නම් ඔයාලට දැනගන්නත් එක්කම. E.T., Annihilation, Independence Day Resurgence, The predator ඒවගෙන් ටිකක්. තව ඕන නම් Venom, Extinction වගේ චිත්‍රපටිත් Alien ගණයට දාන්න සාධාරණයි. ඉතින් දැන් අපි කතාව පැත්තට යමු.

ක්‍රිස් නෝර්ටන් කියන්නේ වාර්තාමය චිත්‍රපටි හදන කෙනෙක්.එයාගේ පළවෙනි චිත්‍රපටිය එයා පටිගත කරලා තියෙන්නේ එයාගේ හත්වැනි උපන්දිනේ දවසේ. ඒකෙ තියෙන්නෙ නම් එයාගේ අම්මා ගෙදර රන්ඩුවකින් පස්සේ ගෙදරින් එළියට බහින දර්ශනයත්, ඒ පස්සෙන් එයාගේ තාත්තා යන දර්ශනයත්, වටේම තියෙන විදුලි කණු වල බල පැන්නුමක් වෙලා එකපාරටම අහසින් මතුවන ලොකු ආලෝකයක් ඉස්සරහා එයාගේ තාත්තා දුබල වෙලා වැටෙන විදියත් කියන දර්ශන. ඉතිං එයාගේ තාත්තා විශ්වාස කරනවා ක්‍රිස්ගේ අම්මව පිටසක්වළයින් විසින් පැහැර ගත්තා කියලා. ඒත් තරුණ වයසට පත් වෙන ක්‍රිස් නම් පිටසක්වළ පැහැර ගැනීම් කියන ඒවා බොරු කියලා ඔප්පු කරන්න වෙහෙසෙනවා. ඉතිං මේ අරගල මැද්දේ එයාට හම්බෙනවා කෙල්ලෙක්.එයා තමයි එමිලි. එමිලිගේ හත්වෙනි උපන්දිනේ දවසේ ඉඳන් අවුරුදු හතෙන් හතට එමිලිව පිටසක්වළයින් විසින් පැහැර ගන්නවා කියලා තමා එමිලි කියන්නේ.කොහොම හරි එමිලිව අන්තිම පාරට පැහැරගත්තා කියන අවස්තාවේදී එමිලිගේ බෙල්ලේ සවි කරපු උපකරණයක් ගැන ක්‍රිස් දැනගන්නවා. ඉතින් ඒ උපකරණේ උස්සන්න රෑ 11 ට යන මනුස්සයා ඒ වැඩේ පැය දෙකෙන් විතර කරලා ගෙදර එනකොට දැනගන්නවා වෙලාව පාන්දර තුනයි කියලා. කොහොමද පැය දෙකක් එයාලටත් නොදැනීම එයාලා අතින් ගෙවුනේ ? ඒ පැය දෙකේ එයාලා කොහෙද හිටියේ ? ඒකට පිටසක්වළයිනුත් සම්බන්ධද? මේවා දැනගන්න නම් ඔයාලට ෆිල්ම් එක බලන්නම වෙනවා.

ඉතින් මේ ෆිල්ම් එක කරන්න අවසර දුන්නු අශාන් විමුක්ති(විමා) සහෝදරයාටත්, වෙබ් අඩවියේ සහෝදරයින්ටත් තව හැම උපසිරැසියටම වගේ කමෙන්ට් එකක් දාන රොයිලි ප්‍රනාන්දු සහෝදරයාටත්, කමෙන්ට් කරන හැමෝටමත් මම ස්තූති කරනවා. ඒ වගේම මේ ෆිල්ම් එක බලද්දී විශේෂයෙන් කියන්නේ හොඳ අවධානෙන් බලන්න. මොකද කියනවා නම් මේකේ Hidden දේවල් ගොඩයි.මටත් අහම්බෙන් එකක් හම්බෙච්ච හින්දා තමයි මමත් බැලුවේ.ඉතින් ෆිල්ම් එක රසවිඳින්න කියන ගමන් සුභ දවසක් කියලත් පතනවා !

 

 

 

Due to copyright issues, we do not provide any torrent link.

මෙම ලබා දී ඇති උපසිරැසි Bluray පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ ගීත් මිහිර සත්සර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2020-04-26
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

හසන්ත වික්‍රමරත්ත

Admin Baiscopelk

13 thoughts on “Beyond the Sky (2018) Sinhala Subtitles | පිටසක්වළයින් සොයා… [සිංහල උපසිරසි සමඟ]

  • සිංහල උපසිරසියට බොහොම ස්තුතියි
    බුදු ස‍රණයි! ජය වේවා!!

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • Thank you for subtitle bro

    Reply
  • බොහොම ස්තුතියි සිංහල උපසිරැසියට

    Reply
  • … ගොඩක්ම ස්තූතියි. …
    ඔබට සහ ඔබ පවුලේ සැමට
    …… බුදු සරණයි – දෙවි පිහිටයි ……

    Reply

Leave a Reply to රොයිලි Cancel reply

Your email address will not be published. Required fields are marked *