Bhool Bhulaiyaa (2007) | යක්දෙස්සියගේ පළිගැනීම!! [සිංහල උපසිරැසි සමඟ]

අතීතයේ විසු වයසක රජෙකු, ඔහුගේ අංගනයේ නර්තනයන් ඉදිරිපත් කළ මංජුලිකා නම් නළඟනට ආලය කළේය. නමුදු එම නළඟන ආලය කරනු ලැබුවේ එම රජ වාසලෙහිම විසු ශාසිදර් නම් සංගීතඥයෙකු හටයි. එම ආලය කෙමෙන් කෙමෙන් වැඩි වූ අතර එම ආලය ගැන වයසක රජුගේ කනට වැටුණි. එක් දිනක රජ වාසලෙහි මංජුලිකා නළඟන නර්තනය කරමින් ඉන්නා අතර තුර, මංජුලිකා ඉදිරියේදීම ඇයගේ ආලය වන ශශිදර් ගේ හිස කඳින් වෙන් කරනු ලැබුවේය. ඉනපසු වයසක රජු මංජුලිකාව කසාද බැදීමේ අරමුණින් ඇයව කාමරයක සිර කර මංගල දිනයේ ඇය රැගෙන එන ලෙස ඔහුගේ සේවකයන්ට පැවසීය. එවිට සේවකයන්ට දැකගත හැකි වූයේ මංජුලිකා ගේ මෘත දේහයයි, ඇයද වයසක රජු හට ලිපියක් ලියා සියදිවි හානිකරගත්තාය.

එම ලිපියේ සඳහන්ව තිබුණේ “ඇයගේ ආත්මය කිසිම රජ කෙනෙකුට එම වලව්වේ ජීවත් වීමට නොදෙන බවයි”. ඊට දින කිහිපයකට පසු එම වයසක රජුද හිටිහැටියේම මිය ගියේය. ඉන් පසු එම වලව්වේ මංජුලිකාගේ යක්දෙස්සිය සැරිසරන ලෙස කට කතා පැතිර ගිය අතර එම වලව්ව පාළුවට ගියේය. එමෙන්ම එහි සැරිසරන ලද මංජුලිකගේ භූත ආත්මය උසස් අදුරුතුමෙක් ලව්වා එම වලව්වේ තුන්වෙනි තට්ටුවේ එක් කාමරයක දමා මන්තර-ගුරුකම් කර සිරකරනු ලැබීය.

වර්තමානයේ, ඇමරිකාවේ විසූ එම රජ පරම්පරාවෙන් පැවත ආ සිද්දාර්ත් නම් තරුණයා ළඟදි විවාහ වූ තම බිරිද සමග, එම වලව්වේ නැවතීම අනතුරු දායක යැයි, එම වලව්වේ භූත උපද්‍රව තියේ යැයි කියු තම ඥාතින් ගේ කියුම් නොඅසා එම වලව්වේ පදිංචියට යයි. ඔහුගේ ආරක්ෂාව උදෙසා එම පවුලේ සියලු ඥාතින්ද ඔහු සමග එම වලව්වේ වාසය කිරීමට යයි. ඇමරිකාවෙන් පැමිණි ජෝඩුව මෙම භූතයන් ප්‍රේතයන් ගැන විශ්වාස නොකරන අතර, සිද්දාර්ත් ගේ බිරිඳ වන අව්නි, තම වැඩිහිටියන්ගේ කීමද නොඅසා තුන්වෙනි තට්ටුවේ මංජුලිකා යක්දෙස්සිය හිර කර තැබූ කාමරයේ අගුල කඩා එයට ඇතුළු වෙයි. ඉන්පසු නොයෙකුත් භූත සිදුවීම් වලව්ව තුළ ඇතිවන අතර සිද්දාර්ත් එය නොපිළිගනී. ඒ වෙනුවට ඔවුන්ගේ ඥාතින් විසින් හදාගනු ලැබූ රාධා නම් යුවතියට මානසික රෝගයක් ඇතැයි මේ දේවල් සිදු කරනුයේ ඇය යයි පවසා ඇයව සුව කිරීමට ඔහුගේ විකාර මිතුරෙකු මෙන්ම මනොවිදයාඥකුද වන ආදිත්‍ය හට එන ලෙස පවසයි….

තුන්වෙනි තට්ටුවේ අගුල ඇරිය පසු සිදු වූයේ කුමක්ද?
වලව්වේ සිදුවන භූත සිද්ධීන් වලට එය සම්බන්ධයිද?
මංජුලිකාගේ ගේ භූත ආත්මය කා තුළට හෝ වැහී ඇද්ද?
නැතිනම් මේ සියල්ල කරනුයේ රාධා නම් යුවතියද?
රාධා සුව කිරීමට පැමිණෙන විකාර මනොවිදයාඥ’යා මොන විදියේ කෙනෙක්ද?
සිද්දාර්ත්ගේ ඥාතින් එම මනෝවිද්‍යාඥයා කෙලෙස පිළිගනියිද?
මංජුලිකා නම් යක්දෙස්සියගේ අරමුණ කුමක්ද?
මෙම සිද්ධියෙන් ජීවිත හානි විය හැකිද?
ආදිත්‍ය හට මේ ප්‍රහේලිකාව විසදීමට හැකි වෙයිද?

වැඩිය හිතන්න එපා, මේ චිත්‍රපටය ඒ තරම බැරෑරුම් එකක් නෙවි. බය හිතෙනවා නම් තමයි, ඒත් මේක වැඩිපුර බර හාස්‍යජනක පැත්තට. ඉන්දියාවේ ඉන්න හොදම විකටයෝ ටික මේකේ ඉන්නවා. ආක්ෂේ කුමාර් (පිස්සු මනෝවිද්‍යාඥයා) පරේෂ් රාවල්, රාජ්පාල් යාදව්, මනෝජ් ජෝෂි වගේ අය. ඒ වගේම විද්‍යා බාලන් සහ අමීෂා පටෙල් මෙහි ප්‍රධාන චරිතයන් රංග දක්වනවා. දෙබස් ලයින් 1900+ තිබ්බා, ඒත් දැනුණේ නැහැ. ඇත්තටම නැතිවෙන්න හිනා වෙන්න පුළුවන්. අයි එම ඩි බි හි 6.8 කැ අගයක් ලැබිලා තියෙනවා. එහෙනම් කස්ටිය බලන්නකෝ.. අපි ගිහින් එන්නම්. ජය වේවා!!!

“ලෝකයාම දන්නා දෙයක් තමයි පිස්සන් සමග ඉන්න එක අමාරු බව..
නමුත්, පිස්සන්ට ප්‍රතිකාර කරන අය එක්ක ඉන්න එක… කරන්නම බැරි දෙයක්”!!

749 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “හේවා ලුණුවිලගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.