Black (2005) Sinhala Subtitles |කරන්න බැරි දෙයක් නෑ![සිංහල උපසිරැසි සමඟ]

ඔන්න මම තවත් ලස්සන කතාවක් අරගෙන ආවා. IMDB වල ලකුණු 8.0ක් ලබාගත්, එතෙක් මෙතෙක් හින්දි සිනමාවේ වැඩිම සම්මාන ගණනක් හිමිකරගෙන තාමත් වෙන කිසිම හින්දි චිත්‍රපටියකට කඩන්න බැරි වෙච්ච වාර්තාවක් පිහිටවූ, 2005 වසරේදී යුරෝපයේ Times සඟරාව මගින් එම වසරේදී ලෝකයේ හොඳම චිත්‍රපට10 අතරට තෝරාගත්, නැරඹිය යුතුම හින්දි චිත්‍රපට 25 අතරට Indiatimes movies සඟරාවෙන් නම් කළ සුපිරිම කතාවක් තමයි මේක. ඇත්ත සිද්ධියක් පසුබිම් කරගෙන මෙම කතාව අධ්‍යක්ෂණය කරලා තියෙන්නෙ Sanjay Leela Bhansali කියන ප්‍රසිද්ධ අධ්‍යක්ෂකවරයා. Devdas, Saawariya, Guzaarish කියන චිත්‍රපට ඔක්කොම අධ්‍යක්ෂණය කළෙත් මෙයාම තමයි. ඇස් පේන්නෙත් නැති, කන් ඇහෙන්නෙත් නැති ගෑනු ළමයෙකුයි, එයාට උගන්වන ගුරුවරයකුයි ගැන තමයි කතාවෙ තියෙන්නෙ.

කතාව කෙටියෙන් මෙහෙමයි…. ඉන්දියාවෙ එක සල්ලිකාර පවුලක වැඩිමල් ගෑනු ළමයෙක් ඉන්නවා මිෂෙල් (රානි මුඛර්ජී) කියලා. එයාගෙ ඇස් පේන්නෙත් නෑ, කන් ඇහෙන්නෙත් නෑ. මෙයා ගොඩක් දුක් විඳිනවා. එයාගෙ තාත්තට ඕන එයාව ගෙදරින් යවන්න. ඔය අතරේ මිෂෙල්ගෙ අම්මා ආබාධිත ළමයින්ට උගන්වන ගුරුවරයෙක් ගෙන්වනවා සාහයි (අමිතාබ් බච්චන්) කියලා. මෙයා මුලින්ම ඒ ළමයට උගන්වන විදිහ දැකලා මිෂෙල්ගෙ තාත්තා සාහයිට යන්න කියනවා. හැබැයි කොහොම හරි සාහයි බොහොම අමාරුවෙන් ළමයට උගන්වන්නවා. වචන කියලා දෙනවා. මිෂෙල් අන්තිමට කැම්පස් එකක ඉගෙන ගන්නත් යනවා. ඒ ඔක්කොම පිටිපස්සෙ ඉන්නෙ එයාගෙ ගුරුවරයා සාහයි. අවුරුදු ගානකට පස්සෙ මේ ගුරුවරයට ලෙඩක් හැදිලා හැමදේම අමතක වෙනවා. ඊට පස්සෙ මොකද වෙන්නෙ….? ඒකට ඉතින් කතාව බාගෙනම බලන්න..

මේ චිත්‍රපටියෙ රානිගෙයි, බච්චන්ගෙයි ඇක්ටින් නම් කියලා වැඩක් නෑ සුපිරි… හින්දිවලට අකමැති අය ඉන්නවානම් මේක නොබලා ඉන්න එපා. සාමාන්‍යයෙන් අපි දකින හින්දි චිත්‍රපටි වගේ සින්දු කිය කිය ගස් වටේ කැරකෙන කතාවක් නෙවෙයි මේකෙ තියෙන්නෙ. පුදුම තාත්ත්විකයි…. කියෙව්වා ඇති නේද? කතාව බලලම ඉන්නකෝ..

Due to copyright issues, we do not provide any torrent link.

මෙම ලබා දී ඇති උපසිරැසි DVDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිනීෂ පතිරේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/09/20