Blood Work (2002) Sinhala Subtitles | ඝාතකයා සොයා.. [සිංහල උපසිරසි සමඟ]

ආයුබොහෝ වේවා…ආයුබෝවන් බයිස්කෝප් යහලු යෙහෙලි හැමෝටම.. ඉතින් ඔන්න අදත් මම ඔයාල වෙනුවෙන් තවත් බටහිර චිත්‍රපටයකට සිංහල සබ් අරගෙන ආවා. මේක දාම ඝාතකයෙක්ගේ කතාවක්. මිතුරෙක් වගේ ළඟ ඉඳගෙන කරන හොරා පොලිස් සෙල්ලමක්.

BLOOD WORK
චිත්‍රපටය ගැන කතා කරනවනම් මේ චිත්‍රපටයේ ප්‍රධාන චරිතය රඟදක්වන්නේ 80 දශකයේ ගොපළු චිත්‍රපට (කව් බෝයි ෆිල්ම්ස්) වලින් ඉතාමත් ජනප්‍රියත්වයට පත්වුනු ක්ලින්ට් ඊස්ට්වුඩ්. වයසත් එක්කම ක්ලින්ට් ඊස්ට්වුඩ් චිත්‍රපට අධ්‍යක්ෂණයට එළඹෙනවා. මේ චිත්‍රපටයත් ඔහුගේ අධ්‍යක්ෂනයෙන් වගේම නිෂ්පාදනයෙන් නිම වුන චිත්‍රපටයක්.

1998 දී Michael Joseph Connelly විසින් රචිත Blood Work නම් නවකතාවක් ඇසුරෙන් Brian Helgeland තමයි තිර රචනය ලියන්නේ. ඒ මේ චිත්‍රපටය සදහා. Tom Stern ගේ කැමරාවෙන්, Joel Cox ගේ සංස්කරණයෙන් වගේම Lennie Niehaus ගේ සංගීතයෙන් මේ චිත්‍රපටයේ වැඩකටයුතු අවසන් වෙනවා. ටෙරී මැකේලබ් යනු අපරාධ පරික්ෂණ වෘත්තියේ පුවත් මවන්නෙක්. ඒ තරමටම ඔහු ජනප්‍රියයි වගේම ප්‍රසිද්ධයි. ඒ යම් අපරාධයක් විමර්ෂණය කිරීමට ඔහුට ඇති අත්දෑකීම් සම්බාරයත් සමග ආ විමර්ෂණ බුද්ධිය නිසා. ඔහු හා නිතර ගැටෙන එක් ඝාතකයෙක් දිගින් දිගටම මිනිසුන් ඝාතනය කරමින් ඝාතන ස්ථානයේ ටෙරී වෙනුවෙන් යම් සමරු සටහනක් තබා යන්නේ හැකිනම් ඔහුව අල්ලගන්නා ලෙසයි. ඒ නිසාම මේ ඝාතකයා කේත ඝාතකයෙක් (code killer) විදියට හදුන්වනවා. එක් අවස්ථාවක අපරාධ ස්ථානයක සැක කරුවෙක් පසුපස හඹා යන ටෙරීට හදිසි හෘදයාබාදයක් ඇතිවෙනවා.

පසුව ටෙරී විශ්‍රාම ගිහින් තනියම බෝට්ටුවක ජීවිතය ගෙවනවා. ඒ වන විට ඔහුට හදවත් බද්ධ කිරීමකුත් කරලා. එයා වෛද්‍ය උපදෙස් මත වෛද්‍යවරුන්ගේ අධීක්ෂණයෙන් තමයි ජීවත් වෙන්නේ. ඒ අතර ටෙරීව හම්බවෙන්න එන කාන්තාවක් ටෙරීගෙන් උදව්වක් ඉල්ලනවා. ඒ ඝාතනයට ලක්වූ තම නැගණියගේ ඝාතකයින් සොයාගන්නා ලෙස. එය ටෙරී ප්‍රතික්ෂේප කල විට ඇය කියන්නේ ඔහු ජීවත් වන්නේ ඇගේ සහෝදරියගේ හදවතෙන් කියලයි. මේ නිසාම ටෙරී තමාට හදවත පරිත්‍යාග කල කාන්තාවගේ ඝාතකයින් සොයා යනවා. ඇත්තටම මේ ඝාතනය තමාට හදවතක් ඕන නිසා තමාම කල ඝාතනයක්ද?

චිත්‍රපටයේ අවසානය ඔයාලම රස විඳින්න. ඒකේ තියන කුතුහලය ඔයාලත් අත් විඳින්න. මේකේ ටෙරී මැකේලබ් ලෙස Clint Eastwood රංඟනයෙන් එකතු වෙනවා. ඒ වගේම Jeff Daniels ජැස්පර් නූන් ලෙසත්, Anjelica Huston ඩොක්ටර් බොනී ලෙසත්, Wanda De Jesús ග්‍රේසියෙල්ලා රිවර්ස් ලෙසත්, Tina Lifford රහස් පරීක්ෂක වින්ස්ටන් ලෙසත් රංඟනයෙන් එකතු වෙනවා. ඊට අමතරව Paul Rodriguez, Dylan Walsh, Rick Hoffman, Alix Koromzay, Igor Jijikine සහ Maria Quiban ද චිත්‍රපටයේ රංඟනයෙන් දායක වෙනවා. චිත්‍රපටය ලෝස් ඇන්ජලීස්, ලෝන්ග් බීච් සහ කැලිෆෝනියා යන ප්‍රෙද්ශ වල දින 38 තුල රූපගත කිරීම් කර ඇත. චිත්‍රපටය වෙනුවෙන් ඩොලර් මිලියන 50ක් වැය කර ඇති අතර බොක්ස් ඔෆීස් ආදායම නම් ඩොලර් මිලියන 31.8කට සීමා වී ඇත. 2002 වසරේ අගෝස්තු 09 වන දා තිරගත වූ Blood Work චිත්‍රපටය විනාඩි 110ක ධාවන කාලයකින් යුක්තය. IMDb අගය 6.4 ක් වන අතර Rotten Tomatoes අගය 53% කි. එහෙනම් අදට මං සමුගන්නම්. තවත් සිංහල උපසිරසියක් එක්ක මං ආයෙත් ඔයාල හම්බවෙන්න එන්නම්. එතෙක් ඔබ සැමට නිරෝගිමත් සුබ දවසක් වේවා..

~ ජය වේවා ~

Due to copyright issues, we do not provide any torrent link.

මෙම ලබා දී ඇති උපසිරැසි Bluray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2019-03-30
SUB-MAKER RATING BY ADMINS