Wednesday , September 30 2020
Breaking News

Bloodsport (1988) Sinhala Subtitles | ජයග්‍රහනය සොයා රුධිරයේ ක්‍රීඩාවට [සිංහල උපසිරැසි සමග]

Rating: 10.0/10. From 5 votes.
Please wait...

ආයුබෝවන් බයිස්කෝප්වාසී යහළු යෙහෙළියනි, ඔන්න එහෙනම් මේ ගෙදර ඉන්න කාලේ පුලුවන් ඉක්මනටම තවත් ෆිලුමක් අරන් ආවා. මේක සත්ය සිදුවීම් ඇසුරින් නිපදවු ක්රියාදාම චිත්රපටයක්. විශේෂයෙන්ම මම මේක තෝර ගත්තේ මගේ ප්‍රියතම නලුවෙක් මේ චිත්‍රපටයේ ඉන්න නිසයි. 80 දශකයේ ක්රියාදාම චිත්රපට ගැන කිව්වම එවකට සිටිය දක්ෂතම සටන් ශිල්පියෙක් තමයි Jean Claude Van Damme කියන්නේ. ඔව් Kickboxer (1989) ෆිල්ම් එකේ රංගනයෙන් ලෝක ප්රසිද්ධ උනේ එයා තමයි. අද වන විට මුලු ලෝකේම ආදරය කරන දක්ෂ ක්රියාදාම නළුවෙක් ලෙස වෑන් ඩෑම් හදුන්වන්න පුලුවන්. මේ වනවිට 59 වන වියේ පසු වන ඔහු උපතින් බෙල්ජියම් ජාතිකයෙක් වෙනවා. චිත්රපට 40කට අධික සංඛ්යාවකට රංගන දායකත්වය ලබා දී ඇති මොහු අති දක්ෂ ආත්මාරක්ෂක ශිල්පියෙක්ද වෙනවා. දක්ෂ Kickboxing ක්රීඩකයෙකු වන වෑන් ඩෑම්ගේ තරග වාර්තාව දැක්වෙන්නේ 18-1 ලෙසටයි. එනම් ඔහු එක් තරගයක් පමනයි පරාජයට පත් වෙලා තියෙන්නේ, ඒකෙන් ඔයාලට වෑන් ඩෑම් කියන්නේ මොන වගේ වැඩකාරයෙක්ද කියලා හිතා ගන්න පුලුවන්නේ. වෑන් ඩෑම් ගැන ලෝකෙම ප්‍රසිද්ධ උනත් ඔයාලා කවද හරි අහලා තියෙනවද Frank Dux (ෆ්රෑන්ක් ඩුක්ස් ) කියලා කෙනෙක් ගැන ? මම දන්නවා ඔයාලා ගොඩ දෙනෙක් එයා ගැන අහලා නැතුව ඇති කියලා. ඉතිං මම කලින් කිව්වනේ මේක සත්‍ය සිදුවීම් ඇසුරින් නිර්මාණය උන ෆිලුමක් කියලා. මම මේ කිව්ව ෆ්රෑන්ක් ඩුක්ස් මුහුණ දුන්න සත්‍ය සිදුවීම ඇසුරින් තමයි මේ නිර්මාණය කරලා තියෙන්නේ. කවුද මේ ඩුක්ස් කියන්නේ ? මොනවද එයා කරේ ?

1956 අප්‍රේල් මස 6 වන දින කැනඩාවේ ටොරොන්ටෝහි උපත් ලැබූ ෆ්රෑන්ක් විලියම් ඩුක්ස් (Frank William Dux) ආත්මාරක්ෂක සටන් කලා ප්‍රවීනයෙකු සහ සිනමා සටන් කලා අධ්‍යක්ෂකවරයෙක් වෙනවා. ෆ්රෑන්ක් කුඩා කාලයේදී ඔහුගේ දෙමව්පියන් කැලිෆෝනියාවට සංක්‍රමනය වෙනවා. ෆ්රෑන්ක් අවුරුදු 16දී  සෙන්සෝ ටනාකා (Senzo Tanaka) නම් ගුරුවරයෙකු යටතේ  ඉතා දක්ෂ ලෙස නින්ජා සටන් කලාව පුරුදු පුහුණු වෙනවා. උසස් අධ්‍යාපනයෙන් පසු 1975දී ෆ්රෑන්ක් ඇමරිකා එක්සත් ජනපද මැරීන් බලකායේ සේවයට බැදෙන අතර එහී සිදු කල සේවයට ඔහුට ඉහලම ඇමරිකානු හමුදා සම්මානයක් වන Medal of Honor සම්මානය පවා පුද කෙරෙනවා.

ෆ්රෑන්ක් ඩුක්ස්

1975 දී ෆ්රෑන්ක්, හොංකොංහි සෑම පස් වසරකට වරක් රහසිගතව පවත්වන කුමිටි (Kumite) නම් ආත්මාරක්ෂක සටන් තරගාවලියට සහභාගි වී තරග වට 60ක් පසුකොට කුමිටි තරගාවලියක් ජයගත් ප්‍රථම බටහිර ජාතිකයා බවට පත් වෙනවා. එම ජයග්‍රහනය අතරතුර ෆ්රෑන්ක් විසින් නව කුමිටි ලෝක වාර්තා රැසක් තැබීමට සමත් වෙනවා. අද වන විටත් ඉන් සමහර  වාර්තා කීපයක් තවමත් ෆ්රෑන්ක්ගේ නම යටතේ ලියවී තියෙනවා. එම ලෝක වාර්තානම්,

  • පලමු වටයෙන්ම ප්‍රතිවාදියා පරාජය කිරීම් – 56
  • වේගවත්ම මුෂ්ටි පහර සමග බිම හෙලීම – තත්පර 0.12
  • වේගවත්ම පා පහර සමග බිම හෙලීම – 72mph
  • ප්‍රතිවාදියාව වේගවත්ම බිම හෙළීම – තත්පර 3.2

1975 සිට 1980 වන විට ෆ්රෑන්ක්ගේ සියලු ආත්මාරක්ෂා සටන් තරග වාර්තා ලියවී තිබුනේ මෙසේය.

  • කුමිටි  තරග – 329-0 (කිසිදු තරගයක් පරාජය වී නොමැත)
  • කළු පටි ශූරතා (Black Belt) – 321 – 1 ( තරගයක් පරාජය වී තරග 7ක් ජය පරාජයයෙන් තොරව අවසාන වී ඇත.)

පසු කාලයක ෆ්රෑන්ක්  විසින් ප්‍රථම ඇමරිකානු නින්ජට්සු ක්‍රමය ආරම්භ කල අතර එය  Dux-Ryu නමින් හැදින්වෙනවා. 1980 දී අපරාජිත කුමිටි ලෝක හෙවිවේට් ශූරයා ලෙස විශ්‍රාම ගන්නා ෆ්රෑන්ක් හොලිවුඩයේ ක්‍රියාදාම චිත්‍රපට රැසක සටන් අධ්‍යක්ෂකවරයා ලෙස එක වෙනවා. Bloodsport (1988), Lion Heart (1990), Only the Strong (1996) The Quest (1996) යන චිත්‍රපට ඒ අතර වෙනවා. ඔන්න ඔහොමයි ෆ්රෑන්ක් ඩුක්ස්ගේ කතාව. ඔයාලට තව වැඩිදුර තොරතුරු දැන ගන්න ඕනනම් අන්තර්ජාලයේ සර්ච් කරලා බලන්නකෝ.

එහෙනම් ආපහු චිත්රපටය පැත්තට හැරුනොත් මේ ෆිලුම IMDb 6.8 අගයක් ලබගන්න සමත් වෙලා තියෙනවා. Action/Biography/Drama යන කාණ්ඩ වලට තමයි මේ ෆිලුම වෙන් කරලා තියෙන්නේ. ඒ වගේම මේ චිත්රපටිය අධ්යක්ෂනය කරලා තියෙන්නේ Newt Arnold නම් අධ්‍යකෂකවරයයි. ෆ්රෑන්ක් ඩුක්ස් ලෙස Jean Claude Van Damme රංගන දායකත්වය ලබ දෙන අතර, Donald Gibb රේ ජැක්සන් ලෙසත්, Leah Ayres ජැනිස් ලෙසත්, Norman Burton හෙල්මර් ලෙසත්, Black Panther (2018) චිත්‍රපටයේ සූරීගේ චරිතය රඟපෑ Forest Whitaker රෝලින්ග්ස් ලෙසත් චරිත නිරූපනය කරනවා. මීට අමතරව තවත් දක්ෂ සටන් නළුවෙකු වන Bolo Yeung විසින් ප්රධාන දුෂ්ට චරිතය සඳහා රංගන දායකත්වය ලබාදෙනවා.

එහෙනම මම ගිහින් එන්නම්. ඊට කලින් මේ සිනමාපටය උපසිරැසි ගැන්වීමට අවසර දුන්න හසන්ත අයියටත් අපේ බයිස්කෝප් රසික හැමෝටමත් මම ස්තූතිවන්ත වෙනවා. ඒ වගේම කම්මැලි නැතුව ලොග් වෙලා කොමෙන්ට් එකක් දාගෙන කියලත් මතක් කරනවා. එහෙනම් ඔයාලා ගෙදරට වෙලා පරිස්සමින් ඉන්න. තවත් උපසිරැසියකින් නැවත හමුවෙමු. මම දනුවා. තෙරුවන් සරණයි !!!

#STAY SAFE #STAY HOME

 

 

 

 

Due to copyright issues, we do not provide any torrent link. 

ලබා දී ඇති උපසිරසි Blu-Ray පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ යුරාන් ධනුක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-08-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Enola Holmes (2020) Sinhala Subtitles | අතුරුදන් වූ මව සොයා [සිංහල උපසිරැසි සමඟ]

ෂර්ලොක් හෝම්ස් ගැන චිත්‍රපට වගේම කතාමාලා ඇති තරම් නරඹලා රස විදලා ඇතිනෙ. ඒත් ෂර්ලොක්ගෙ සහෝදරිය …

Leave a Reply

Your email address will not be published.

11 comments

  1. Thanks for sub!

  2. බොහොම ස්තූතියි සිංහල උපසිරැසියට. ජය෴෴ 😛 😛

  3. දමිත් රත්නායක

    සිංහල උපසිරැසියට බොහොම ස්තුතියි සහෝ.
    ජයෙන් ජයම වේවා!
    නිදුක් නිරෝගී සුවපත්භාවයම ලැබේවා!

  4. isuru srinath sjs

    බොහොම ස්තුතියි සිංහල උපසිරැසියට….

  5. thanks..

  6. බොහොම ස්තූතියි උපසිරැසියට.

    තව මේ වගේ උපසිරැසි නොකළ පරණ හොද ෆිල්ම් දෙන්න.

    වෑන් ඩෑම් ගේ උපසිරැසි නොකරපු තව දෙන්න. තෑන්ක්ස්.

  7. රොෂාන් ශමීර

    උපසිරසියට ස්තූතියි..

  8. Lakshansilva18

    උපසිරිසියට බොහොම ස්තුති

    Requests:-

    Extremely wicked shockingly evil and vile (2018)
    The house that jack built (2018)
    My friend dahmer (2017)
    The golden gove (2019)
    The unjust (2010) (korean)

    Mewa okkoma seriel killer movies

  9. සබ් එකට බොහොම ස්තූතියි සහෝ….!

  10. Chaminda Lakruwan

    මේක පට්ට ෆිල්ම් එකක්.
    මම 10 සැරයක් විතර බලලා තියෙනවා .
    මෙච්චර කල් සබ් එක නැතුව බැලුවේ
    ස්තූති සබ් එක දුන්නට

  11. Hashan M. Priyadarshana

    බොහොම ස්තුතියි බ්‍රෝ සබ් එකට 🙂 🙂

error: Alert: Content is protected !!