Thursday , November 26 2020
Breaking News

Bobby (1973) Sinhala Subtitles | ඉන්දීය හින්දි සිනමාවේ පැරණි ජනප්‍රිය සිනමාපටයක් නැරඹීමට ආරාධනා! [සිංහල උපසිරසි සමඟ]

Rating: 10.0/10. From 5 votes.
Please wait...

මෙය පැරණි හින්දි සිනමාවේ ජනප්‍රියතම සිනමාපටයකි. IMDb සිනමා දර්ශකයේ 7.1 ක ඉහළ අගය කිරීමක් පවතින, සංගීතාත්මක සුවිශේෂ සිනමා නිර්මාණයකි. මෙහි කතා සාරාංශය වන්නේ, ධනවත්  දෙමවුපියන් යුවලක් වූ “නාත් පවුලට” සිටියේ “රාජ්” නම් පුත්‍රයා පමණකි. දෙමවුපියන්ගේ කාර්යය බහුල තත්වය නිසා  ඔහුව කුඩා කාලයේ බලා ගත්තේ “බ්‍රැගන්සා” නම් වැඩිමහළු කාන්තාවක් විසිනි. දෙමවුපියන්ගේ ආදරය නොමැති නිසාම මුරණ්ඩු දරුවෙක් වූ රාජ්ව නගරයේ පාසලක නවත්වා උසස් අධයාපනය දක්වා උගන්වනු ලබයි. උපාධිය සමත්වී නිවසට පැමිණියත් දෙමවුපියන්ගේ ආදරයක් නොමැති නිසා ඔහු කලකිරීමෙන් ජීවත්වෙයි. මේ අතර ඔහුගේ 18 වන උපන්දිනය සඳහා සාදයක් පවත් වන අතර “බොබී” නම් තම මිනිබිරිය සමඟ ” ඔහුව කුඩා කාලයේ බලා ගත් “බ්‍රැගන්සා” නම් වැඩිමහළු කාන්තාව මෙම උපන්දින සාදයට පැමිණෙයි. ඉතාමත් සුන්දර තරුණියක් වූ බොබීව දුටු රාජ් පුදුමයට පත්වෙයි. එහෙත් රාජ්ගේ මවගේ නොපහන් හැසිරීම නිසා බොබී සමඟ ඇගේ මිත්තනිය උපන් දින තෑග්ග තබා සාදයෙන් පිටවී යයි. මේ සිද්ධිය දැඩිසේ බලපාන රාජ්, පාර්සලයේ තිබූ නම අනුව බොබීව සොයා යයි.

දුප්පත් තරුණියක වූ බොබීගේ පියා, ධීවර රැකියාවේ යෙදෙන තැනැත්තෙකි. බොබීගේ නිවසට තම පුතා නිතර යන බව දැනගත් “නාත්” මහතා බොබීගේ නිවසට ගොස් ඇයගේ පියා හමුවේ. මේ විවාහය නොකෙරෙන එකක් බව දන්වා බොබීගේ පියාට ඔහු පසුව දෝෂාරෝපණය කරනු ලබයි. ඉන් පසුව ඇති වන ප්‍රශ්න නිසා බොබී සහ රාජ් නිවෙස් වලින් පලා යයි. මෙතැන් සිට විශාල ගැටළු රාශියක් පැන නැඟෙයි. රිෂී කපුර්, ඩිම්පල් කපාඩියා සහ ප්‍රාන් ක්‍රිෂන් ප්‍රධාන චරිත නිරූපණයට දායක වි සිටින, කුතුහලයෙන් පිරි සංවේදී කතා පුවතක් රැගත් හින්දි චිත්‍රපටයකි. මෙය ද ශ්‍රී ලංකාවේ ඉතාමත් ජනප්‍රිය වූ චිත්‍රපටයකි. එමෙන්ම මෙහි ඇතුළත් හින්දි ගීත දැනට ද ශ්‍රී ලංකාවේ ඉතා ජනප්‍රියව පවතී. මෙම ගීතවල තනු ආශ්‍රයෙන් නිර්මාණය කළ සිංහල ගීත කීපයක්ම ඇත.

මා විසින් මීට පෙර සිංහල උපසිරසි යෙදූ  “බයිස්කෝප් වෙබ් අඩවිය” තුළ ඇති  “දෝස්ති”, “ආයි මිලන් කී බේලා”, ඇන් ඊවිනින් ඉන් පැරිස්”, බූට් පොලිෂ්”, “සංගම්”, “සාති” “මෙරා නාම් ජෝකර්”, “අනාරි”, “දේව්දාස්”, “ආහ්”, “දිල් අප්නා ඕර් ප්‍රීත් පරායේ”, “ශ්‍රී 420”, “ද බයිසිකල් තීෆ්”, “ද ක්‍රසන්ඩා ක්‍රොසින්”, හම් හින්දුස්ථානි”, “හම්රාස්”,  “සුරාජ්”, “ගීත්” ,”අප්නා දේශ්”,”අර්සු”,”කැරවෑන්”, “අල්බේලා”, “ජන්ග්ලී”, චෝරි චෝරි”, “අන්දාස්”, “ආන්” “ජිස් දේශ් මෙන් ගංගා බේති හේ”, “තෙරේ ගර් කී සාම්නේ”,”ගෝරා ඕර් කාලා” “සෝල්වා සාල්”, ”මිලැප්”, “බ්‍රහ්මචාරී”, “කාෂ්මීර් කී කාලි”, “දුලාරි”, “ප්යාර් කා මෝසම්”, ටී ශ්‍රී මන්සිල්”, “අසාද්” “තුම්සෙ අච්චා කෝන් හේ” යන පැරණි හින්දි චිත්‍රපට සිංහල උපසිරසි සහිතව ඩී.වී.ඩී. අලෙවි සැල්වල ප්‍රදර්ශනය කර තිබෙනු දැකීමෙන් මා හට අපමණ සතුටක් දැනේ. එක්තරා යුගයක අතිශය ජනප්‍රිය වූ මෙම චිත්‍රපට පසුගිය කාලයේ ඇහැට දකින්නටවත් නොතිබුණි. ජනප්‍රිය පැරණි හින්දි සිනමා චිත්‍රපට ගොනුව හැකි තරමින් රට පුරා සිංහල උපසිරසි සහිතව ව්‍යාප්ත කිරීම මාගේ උපරිම උත්සාහයයි.

මෙය මාගේ “බයිස්කෝප් වෙබ් අඩවිය” හරහා දෙනු ලබන තිස් නවවෙනි සිංහල උපසිරසිකරණයයි. මෙම උපසිරසියට අදාළ කාලය සහිත වීඩියෝව අන්තර්ජාලය වෙතින් සොයාගැනීමට අපහසු නිසා, මා විසින් ගූගල් ඩ්‍රයිව් වෙත අප්ලෝඩ් කර ඇත. එය ඔබට “බයිස්කෝප් ඩවුන්ලොඩ්ස් වෙබ් අඩවිය” හරහා බාගත කරගත හැකිය. එහි ඇති පැය දෙකයි, මිනිත්තු හතලිස් එකයි, තත්පර හතලිස් හතක ධාවන කාලයක් සහිත මෙගා බයිට් 594 ක වීඩියෝව මේ සඳහා හොඳින්ම ගැළපෙන බව ද සලකන්න.  පැරණි හින්දි සිනමාපට ප්‍රිය කරනා ඔයාලා වෙනුවෙන්ම 1950, 1960 සහ 1970 දශකවල සිනමාපට සඳහා පමණක් සිංහල උපසිරසි නිර්මාණය කිරීම පමණයි මා සිදු කරන්නේ. ඒ නිසා ඒවා බලාපොරොත්තුවෙන් නිතරම මේ වෙබ් එක සමඟ බැඳී සිටින ලෙසින්ද ඉල්ලා සිටින්නෙමි. ඒ වගේම මේවා බාගත කරගන්නා ඔයාලාට සරල යුතුකමක් තිබෙනවා. එනම් මේ උපසිරසියක් වෙනුවන් වචන කිහිපයක අදහස් දැක්වීමක් සිදු කිරීම සහ අවශ්‍ය සිනමාපට පිළිබඳව යෝජනා ඉදිරිපත් කිරීමයි. ස්තූතියි!

මා විසින් මීළඟට සිංහල උපසිරසි ලබාදෙන සිනමාපටය වන්නේ 1958 වර්ෂයේ තිරගත වූ  “Ganwaar” පැරණි හින්දි සිනමාපටයයි.

 

 

 

 

Due to copyright issues, we do not provide any torrent link.

ගැළපෙන පිටපත බයිස්කෝප් ඩවුන්ලෝඩ්ස් වෙබ් අඩවියෙන් ලබාගන්න.

 width=

මේ ලබා දී ඇති සිංහල උපසිරැසි පිළිබද “විතානගේ ප්‍රියන්ත දයාකීර්ති” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2015-03-31
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

අෆ්සෝස් [S01 : E07 & E08] Sinhala Subtitles | මට මැරෙන්න දීපල්ලා!! [සිංහල උපසිරසි සමඟ]

ඉන්සයිඩ් එජ්, බ්‍රිත්, මිර්සාපූර්, ෆැමිලි මෑන් අරන් ආපු ඇමසෝන් ප්‍රයිම් වැඩක් සුපිරි බ්ලැක් කොමඩියක් කුතුහලයෙන් …

Leave a Reply

Your email address will not be published.

17 comments

  1. සබට තුති වේවා…
    දිගටම සබ් දෙමු ආ…
    ජය!

  2. isuru srinath sjs

    බොහොම ස්තුතියි සිංහල උපසිරැසියට ..!!

  3. Lasantharathnasirirox

    ඔබට ජය…පැරණි චිත්‍රපටවල රසය අපට ලබාදෙනවාට…විතානගේ සහෝදරයාට ස්තුති කරන අතරම දහරා (මුතු ) නංගි වත් මතක්කරනව…ඔබලාට ජය !!

  4. දහරා මුතු අමා

    බොහොම ස්තූතියි අයියේ උපසිරැසියට. ඒ කාලෙ ටීවී එකෙන් බලපු නියම චිත්‍රපටියක්. ඒ වගේම නියම සිංදු ටිකක්නෙ තියෙන්නෙ.

    • දහරා මුතු අමා සොයුරිය,
      ඔබ සිංහල උපසිරසි ලබාදුන් හින්දි සිනමාපට බොහෝ ප්‍රමාණයක් මමත් නරඹලා තිබෙනවා. ඒවාටත් ස්තුතියි! ඔබ 70 දශකයෙන් පසු හින්දි සිනමාපට සඳහා සිංහල උපසිරසි නිර්මාණය කරන අතර මා විසින් කරනු ලබන්නේ 70 දශකයට පෙර හින්දි සිනමාපට වෙන්කර උපසිරසි ලබාදීමයි. මෙය ඉදිරියට කරගෙන යමු.

  5. Sthuthi !!!
    Maga Balan Hitapu Movie Ekak.

    Obata Puluwannan Anand (1971) Film Ekata Sub Denna.
    Anand Movie Eka Imdb Top Rated Indian Movies List Eke Number 01 Thiyenne.

    • Deex,
      තව දින කීපයකින් Anand 1971, සිනමාපටයේ සිංහල උපසිරැසිය ලබාදෙන්නම්. දැනට එය කරගෙන යන එකක්. යෝජනාවට ස්තුතියි! ඒවාගේම මෙහි අදහස් දක්වා ඇති අනෙක් සියලුදෙනාටම මාගේ ස්තුතියද මෙයින් පුද කර සිටිනවා!!!

  6. … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

  7. පැරණි හිංදි රසිකයින් සදහා මෙම චිත්‍රපටිය ලබාදීමට ගත් අපමණ වෙහෙස වෙනුවෙන් සැමගේ ප්‍රණාමය

  8. Yhank you..Waqt , Mission kashmir , Deewar..hindi movies walata sinhala subs dennako ..please…

  9. බොහොම ස්තූතියි සිංහල උපසිරැසියට. ජය෴෴ 😛 😛

  10. ඔබ ලබාදුන් පැරණි ඉංග්‍රීසි චිත්‍රපට 2 යි නේ තියෙන්නේ.
    Bicycle Thieves – 1948,
    Cassandra Crossing – 1978
    චිත්‍රපට දෙකම හොදයි. තව ඒ වගේ පැරණි හොඳ ඉංග්‍රීසි චිත්‍රපටවලට සබ් කරන්නේ නැද්ද?

    Romeo and Juliet – 1968 චිත්‍රපටයට සබ් කරන්න කියලා මා ඉල්ලා සිටිනවා. තව IMDB Top 250 අඩංගු සබ් කරපු නැති පැරණි ඉංග්‍රීසි චිත්‍රපටවලට උපසිරැසි කරන ලෙස මා යෝජනා කර ඉල්ලමි.

  11. good job

  12. සබ් එකට බොහොම ස්තූතියි සහෝ….!

  13. thanks..

  14. බයිස්කෝප් අඩවිය වෙනුවෙන් සිංහල උපසිරසි ගන්වන්න මා හට මග පාදා ගුරැහරුකම් ලබා දුන් මාගේ ගුරුතුමා ඔබයැයි කිවොත්මා නිවැරදිය.ඔබගෙන් මා නිතරම විමසන්නෙ කවදද ෆිලුමක් දෙන්නේ,ඒ කුමකටද කියාය.බොහොම තුති ඔබගේ උපසිරසියට.තවත් ඉක්මනින් මෙවන් උපසිරසියක් ලබා දෙනතුරු බලා සිටිමි.මෙයත් නැරඔිය යුතු ලිස්ට් එකට ඇතුලත් කර ගත්මි.

error: Alert: Content is protected !!