Boys (2014) Aka Jongens Sinhala Subtitles | යොවුන් ආදරේ [සිංහල උපසිරසි] (18+)

ගෝලාකාර ලෝකේ ඉන්න විවිධාකාර මිනිස්සු එක්ක පුදුමාකාරව ජීවිතේ ගත කරන කාලයක, ඒ විවිධාකාර පුද්ගලයන් කොටසක් තේමාව ලෙස යොදාගෙන නිර්මාණය කරපු බයිස්කෝප් එකක් මේ… විවිධ පුද්ගලයෝ විවිධ විදිහට ආද‍රේ බලාපොරොත්තු වෙනවනෙ. සම්මතයෙන් ඔබ්බට ගිය අසම්මත ආදර කතාත් තියනවානෙ. ඒ ගැන තවත් පුද්ගලයන් වෙනස්ම කෝණයකින් බලලා ගරහන අවස්ථාත් නැතුවා නොවේ. ඒත් ආදර කතාවක් ඒවායින් නවත්වන්න හැකිවෙයිද? නීතියකට පුලුවන්වේවිද ආදරයකට හරස් වෙන්න? කෙනෙක්ට පුලුවන්ද තවත් කෙනෙක් සිතන පතන ආකාරය වෙනස් කරන්න? අසම්මත නිසා තමන් ආදරය කරන පුද්ගලයාව සිතින් යටපත් කරන්න පුලුවන්ද? අසම්මත වුනත් ආදරයට කියන්න වෙනත් නමක් තියනවාද?

මේ ගැටලු සියල්ලටම පිළිතුරක් හොයාගන්න පුලුවන්, මේ බයිස්කෝප් එක නැරඹුවොත්…!

ශ්‍රී ලංකාවේ දණ්ඩ නීති සංග්‍රහයේ 365 සහ 365(අ) වගන්තිවලට අනුව, සමරිසි හෝ සංක්‍රාන්ති සමාජභාවී පුද්ගලයෙකු වීම සාපරාදී වරදක් නොවන අතර, ඒ හේතුවෙන් ඔවුන්ව අත්අඩංගුවට ගත නොහැක. එහෙත් ශ්‍රී ලංකාවේ ආණ්ඩුක්‍රම ව්‍යවස්ථා, දණ්ඩ නීති සංග්‍රහයේ පරිච්ඡේදය 365 අනුව සමරිසි හෝ සංක්‍රාන්ති සමාජභාවී පුද්ගලයෙකු අසැබි ලිංගික හැසිරීමක යෙදී සිටියදී හමුවුවහොත් පොලීසියට එම පුද්ගලයාව අත්අඩංගුවට ගෙන සිරගත කළ හැකිය. නමුත්, ශ්‍රී ලංකාවේ දණ්ඩ නීති සංග්‍රහයේ 365 සහ 365(අ) වගන්තිවල ඇතුලත්වන ”ස්වභාව ධර්මයට විරුද්ධ” සහ ”තදබල අශෝබන ක්‍රියා” යන පාඨ බොහෝ විට සමරිසි හෝ සංක්‍රාන්ති සමාජභාවී පුද්ගලයන්ට හිරිහැර කිරීමටත්, වෙනස් කොට සැලකීමටත් සහ අපරාධකරුවන් සේ සැලකීමටත් අනිසි ලෙස භාවිතා කරයි.

ශ්‍රී ලංකාවේ ආණ්ඩුක්‍රම ව්‍යවස්ථාවේ 12 වන ව්‍යවස්ථාවට අනුව රටවැසියන් සියල්ලෝම නීතිය ඉදිරියේ සමාන වේ. එය සමරිසි, ද්විරිසි, සංක්‍රාන්ති සමාජභාවීය ප්‍රජාවට ද අදාළ වේ. අනෙක් අය මෙන් ඔවුන් ද පාසල් යන, රැකියා කරන, රජයට බදු ගෙවන සාමාන්‍ය පුරවැසියන්‍ ය. ඔවුන්ටද රටේ අනෙක් පුරවැසියන්ට හිමිවන අයිතිවාසිකම් සියල්ල හිමිවේ. එහෙත් ඔවුන්ගේ ලිංගික දිශානතිය හෝ ස්ත්‍රීපුරුෂ සමාජභාවීය අනන්‍යතාව මත පදනම්ව වෙනස්කොට සැලකීම් හා කොන්කොට සැලකීම් නිරන්තරව සිදුවේ. එය ශ්‍රී ලංකාවේ නීතියට විරුද්ධවේ. (උපුටා ගැනීම-Equite/Equal Ground/Accept Sri Lanka/Colombo Pride facebook pages and Frangipani movie)

”සමරිසි, සංක්‍රාන්ති ලිංගික තත්ත්වයන් මානසික රෝග ඝනයට අයත් නොවේ. එය ලෙඩ රෝග වර්ගීකරනයේද සදහන් නොවේ. එය ජීව විද්‍යාත්මක විෂයයකි. එම පුද්ගලයන්ගෙන් සමාජයට කිසිම තර්ජනයක් නොමැති අතර එවැනි පුද්ගලයන්ට සමාජයෙන් තර්ජන එල්ලවේ. එමෙන්ම එය විදේශ සංස්කෘතියක් නොවන අතර රටේ මෙතෙක් පැවැති සංස්කෘතියෙන් කොටසකි.”
– පේරාදෙණිය ශික්ෂණ රෝහලේ වෛද්‍ය , පේරාදෙණිය විශ්වවිද්‍යාලයේ මනෝ විද්‍යාව පිළිබද ජ්‍යෙෂ්ඨ කථිකාචාර්ය , විශේෂඥ මනෝ වෛද්‍ය පබාසරී ගිනිගේ මහත්මිය.

”ක්‍රි.ව.1977 දී සමරිසි, සංක්‍රාන්ති ලිංගික තත්ත්වයන් මානසික රෝගයක් නොවන බව හදුනාගෙන ඇත. එතැන් සිට මේ දක්වා එය මානසික රෝගයක් ලෙස හදුන්වනු නොලැබේ. මෝහනයකින්, ඖෂධ මගින් හෝ කිසිම ආකාරයකින් එම තත්ත්ව වෙනස් කළ නොහැකියි. එම ලිංගික නැමියාවන් බලෙන් වෙනස් කළ නොහැකියි. විද්‍යාත්මකව සමරිසි, සංක්‍රාන්ති ලිංගික තත්ත්වයන් වරදක් නොවේ. ඒ පිළිබදව සාමාන්‍ය පුද්ගලයන්ට අධ්‍යනය සදහා නිවැරදි ලිංගික අධ්‍යාපනයක අවශ්‍යතාවයක් පවතී. අතත්‍යන්තයෙන්ම එම තත්ත්වයන් රෝගයක් නොවන අතර ඖෂධ ද නොමැත.”
– විශේෂඥ ලිංගික වෛද්‍ය ප්‍රනීත් ප්‍රේමදාස මහතා.

ඉහත විස්තරය ගෙන ආවේ, මේ බයිකෝප් එක නරඹද්දි ඒකෙ තේමාව හා එහි ලාංකේය පසුබිම දැනගත්තොත් හොදයි කියලා හිතුනු නිසා. මේ බයිස්කෝප් එකේ තේමාව නම් ලංකාවට කිසිසේත් අදාළ වෙන්නේ නම් නෑ. ඒත් සබ් එකේ අවශ්‍ය තැන්වල ඒ ඒ විදිහට වචන පාවිච්චි කරලා තියනවා.

ෆිල්ම් එකේ විස්තර ටිකක් කිව්වොත්, මෙය නෙදර්ලන්තයේ ප්‍රථමයෙන්ම තිරගත වුනේ 2014 පෙබරවාරි 9 වෙනිදා. පැය 01 යි මිනිත්තු 18 ක ධාවන කාලයකින් සමන්විත මේ චිත්‍රපටිය අධ්‍යක්ෂණය කරලා තියෙන්නේ නෙදර්ලන්ත ජාතික Mischa Kamp විසින්. මේ කතාව ලියලා තියෙන්නේ දෙදෙනෙක්, ඒ Chris Westendorp සහ Jaap Peter Enderle විසින්. සංගීත අධ්‍යක්ෂණය Rutger Reinders විසින්. මේ බයිස්කෝප් එකේ ප්‍රධාන චරිතවලට රංගනයෙන් දායක වෙන්නේ Gijid Blom සහ Ko Zandvlient. මේ චිත්‍රපටියට ලැබුනු සම්මාන ගැන කීවොත්, Zlin-Jugendfilm Festival හිදී Best youth movie, Oecumencial jury award, Golden Apple award, Best youth Actor for Gijis Blom සහ තවත් ජාත්‍යන්තර චිත්‍රපට උළෙලවල් ගණනාවකට සම්මාන ලබා ගැනීම සදහා නිර්දේෂ වෙලා තියනවා.

මේ බයිස්කෝප් එකේ කතාව ගැන ටිකක් බැලුවොත්, මේ කතාවේ ප්‍රධාන චරිතේ සිගර් කියලා නම තියන වයස අවුරුදු 15 පිරිමි ළමයෙක්. මෙයා අමුතුම විදිහේ ළමයෙක්, ඒ කීවේ ක්‍රීඩාවට ගොඩක් දක්ෂයි. විශේෂයෙන්ම ධාවන ඉසව්වලට. ඉතිම් මේ සිගර්ගේ දක්ෂතාවය මත මෙයාගේ පුහුණුකරු සිගර්ව අලුත් කණ්ඩායමකට ඇතුලත් කරනවා. ඒ කිවේ රිලේ ධාවන කණ්ඩායමක්. ඉතින් අවසන් තරගවලට මේ සෙට් එක ගොඩක් මහන්සිවෙලා පුහුණුවෙනවා. මේ අතරේ සිගර්ට අපූරු යාලුවෙක් මුණගැහෙනවා. එ් මෙයාගේ කණ්ඩායමේම කනිෂ්ඨ අයියා කෙනෙක්. දෙන්නා ගොඩක් යාලුවෙනවා. පීනන්න යනවා, සෙල්ලම් කරනවා, ජාති ගොඩයි.ඉතිම් ඊළගට……

සම්මතෙන් එහාගිය
අසම්මත බැඳීමක්….

ඒත්,
ආදරයට කොහෙද
සීමා මායිමක්….

හැගීම්
ආධ්‍යාත්මික නම්
කොහේද එතන
අසම්මතයක්….

ආදරය
අසීමාන්තිකයි….

එනිසයි ඔවුන් ලග
මෙතරම් ප්‍රේමයක්….

 

 

 

Due to copyright issues, we do not provide any torrent link.

මෙම ලබා දී ඇති උපසිරසි DVD පිටපත් සඳහා අදාළ වේ.

 

Subtitle Contributor Rank

BRONZE MEMBER
JOINING DATE – 2020-05-25
SUBMAKER RATING BY ADMINS