Breakdown (1997) Sinhala Subtitles | නොමිනිසුන් අතර [සිංහල උපසිරසි සමඟ]

ඔයාල The Mummy චිත්‍රපට මාලාව බලන්න අතිනේ. චිත්‍රපටි වුනත් රූපවාහිනී කතා මාලාවක් වගේ එකකට එකක් සම්බන්ධවන චිත්‍රපට 5කට උපසිරසි හැදුවා. තවත් කීපයක් තියනවා. ඉදිරියේදී ඔයාලට ඒවත් බලන්න පුළුවන්.

ඉස්සර මං DVD එකතු කරනවා. මේ වෙනකොට මං ලඟ DVD ලොකු ප්‍රමාණයක් තියනවා. කාලයක් Gold DVD කියලා ආවා. සාමාන්‍ය ඒවට වඩා ටිකක් මිල වැඩියි. හොඳක් තියෙන්නේ ඒවයේ හොඳ Sound track වගේම English sub තියනවා. පස්සේ පස්සේ ඒවා ආවේ නෑ. ඒ එකතුවේ තිබ්බ එක DVD එකක චිත්‍රපටි තුනක් තිබ්බා. Dreamer Inspired By A True Story / Breakdown සහ Sky High. ඒ Kurt Russell ගේ චිත්‍රපටි එකතුවක්. මීට කලින් මං පළවෙනි චිත්‍රපටයට උපසිරසි දුන්නා. තුන්වෙනි එක ඒ වෙනකොටත් අඩවියේ තිබුණා. මේ ඉතිරි එක.

Breakdown (1997)

මිල මුදල් අතින් යමක් කමක් ඇති ජෙෆ් එයාගේ බිරිඳ එමී එක්ක බොස්ටන් ඉඳන් සැන් ඩියෑගෝ වලට රට හරහා යන්නේ එයාලගේ ජීප් ග්‍රෑන්ඩ් චෙරෝකි නම් මධ්‍යම ප්‍රමාණයේ SUV අළුත්ම වාහනේ. නොසිතූ ලෙස අතර මගදී කාර්මික දෝෂයකට ලක්වන වාහනය ළඟට උදව්වට එන්නේ ට්‍රක් රථ රියදුරෙක්. වාහනය ඇදගෙන යන්න උදව් ඉල්ලගන්න එමී ට්‍රක් රථ රියදුරත් එක්ක ළඟම තියන නැවතුම්පලකට යනවා ජෙෆ් වාහනයත් එක්ක ඉඳිද්දි. ටික වෙලාවකින් ජෙෆ් හොයාගන්නවා වාහනේ දෝෂයක් නෑ, වෙලා තියෙන්නේ බැටරියේ වයර් කීපයක් බුරුල් වෙලා කියලා. වාහනය හදාගන්න ජෙෆ් තම බිරිඳ එමී සිටිය යුතු නැවතුම් පළට එන්නේ නැවතත් දෙදෙනාම ගමන යන්නයි. ජෙෆ් පුදුමයට පත්වෙන්නේ ඒ වෙනකොටත් එමී නැවතුම්පලට ඇවිත් නැති නිසයි. උදව් බලාපොරොත්තුවෙන් හා එමී හොයාගෙන යන ජෙෆ්ට ට්‍රක් රථය හමුවුනත් ට්‍රක් රථ රියදුරා කියන දෙයින් ජෙෆ් පුදුමයෙනුත් පුදුමයට පත්වෙනවා. ඒ රියදුරා ජීවිතේට ජෙෆ්ව දැකලා නෑ කියලා කියන දෙයින්… එහෙනම් මෙච්චර දුර ආපු තම බිරිඳ එමී කෝ…

මේ 1997 තිරගතවුන ත්‍රාසජනක චිත්‍රපටියක්. කතාව, තිර රචනය සහ අධ්‍යක්ෂණය Jonathan Mostow විසිනි. නිෂ්පාදනය Dino De Laurentiis සහ Martha De Laurentiis විසිනි. චිත්‍රපටයේ ජෙෆ් ටේලර් ලෙස Kurt Russell, එමී ටේලර් ලෙස Kathleen Quinlan සහ වොරන් බර් ලෙස James Thomas Patrick Walsh ප්‍රධාන චරිත රඟනවා. චිත්‍රපටයේ බොහෝමයක් කැලිෆෝනියා අවට රූගත කර ඇත. ඊට අමතරව ඇරිසෝනා සහ ටස්මේනියානු අධිවේගී මාර්ග වලද රූගත කර ඇත.

Paramount Pictures සමාගම බෙදාහැරි මෙම චිත්‍රපටය 1997 මැයි 02 වන දා මුලින්ම තිරගත වී ඇත. මෙම චිත්‍රපටයේ නිෂ්පාදන පිරිවැය ඇ. ඩොලර් මිලියන 36ක් වන අතර බොක්ස් ඔෆීස් ආදායම ඇ. ඩොලර් මිලියන 50.2 කි. විනාඩි 93 ක ධාවන කාලයකින් යුත් Breakdown චිත්‍රපටය සඳහා IMDb දර්ශකයේ 6.9ක්, Rotten Tomatoes 81%ක් සහ Metacritic 73% ක අගයක් ලැබී ඇත. Google පරිශීලිකයින්ගෙන් 89%ක කැමැත්ත මෙම චිත්‍රපටයට ලැබී ඇත.

එහෙනම් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල සබ් අරන් එනකන් ඔයාල හැමෝටම නිරෝගිමත් සුබ දවසක් වේවා…

~ ජය වේවා ~

Due to copyright issues, we do not provide any torrent link.

මෙම ලබා දී ඇති උපසිරැසි WEBRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2019-03-30
SUB-MAKER RATING BY ADMINS