Captain America: Civil War (2016) with Sinhala Subtitles| මිතුරන් විරසකවූ කල [සිංහල උපසිරැසි සමඟ]

එහෙමනම් ඔන්න කට්ටිය ඉවසිල්ලක් නැතුව බලාගෙන හිටිය ෆිල්ම් එකක් තමා අරන් ආවෙ. බලන්න පුලුවන් මට්ටමෙ කොපියක් ආවත් සබ් එක කරන්න පමා උනා. පනස්වැන්නත් උන්නැහේගෙන්ම කල එකේ එකසිය පනහටත් උන්නැහේට එදිරි බෙලෙක්කයා දෙන්න කියල හිතන් උන්නත් ඒ අදහස අතෑරල දාන්න උනා ඉතිං, කොහොම නමුත් මේක 1080p Br රිප් එහෙකින්ම බලන්න වටින ෆිල්ම් එකක්. අර අකුරු දෙකේ සමාගම සිනමා විශ්වයක් හදල යුක්තිය උදා කරවන්න බලාගෙන ගහන ෆිල්ම් එහෙකට චරිත ටිකක් හදුන්වා දෙන්න මිලියන ගානක් වියදම් කරල ගහපු වන් බිලියන් කියල හිතන් උන්නු මල ජරාව වගේ නෙමෙ. ඒකනම් කොපි බැලුවත් අවුලක් නෑ. කොහොම නමුත් ඔන්න ගෙනාව. ඒ වගේම ඉදා ගහපිය මට කියල ගහනකම් දීගෙන බලන් ඉන්න් ජාතියෙ සටන් දර්ශන මේකෙ නම් නෑ. මටනම් මේකෙ තිබ්බ සුපිරිම ඇක්ශන් සීන් වලින් එකක් විදියට හිතට ඇල්ලුවෙ බකී ඉස්සරහින් එන බයික් එකක් අල්ලල නවත්තගෙන ඒකට නැගපු සීන් එක, ඒ විතරක් නෙමෙ ස්ටීව් රොජස් හෙලිකොප්ටරයක් අල්ලන් ඉන්න එක එහෙම ආයෙ කියල වැඩක් නෑ ඉතිං. එහෙමනම් වැඩි විස්තර සමීරගෙන් අහගන්ට. හැමෝටම ජයෙන් ජය.

යුද්ධය කියන්නේ බොහොම අමිහිරි මාතෘකාවක්. ශ්‍රී ලාංකිකයන් හැටියට අපි මේක හොඳ හැටි දන්නා කාරණයක් නෙව, නමුත් අපි විතරක් නෙමෙයි මුළු ලෝකයම බලාපොරොත්තු දල්වාගෙන උන්න යුද්ධයක් අරගෙන තමයි මේ ඇවිත් තියෙන්නේ. නමුත් සමාවෙන්න මට ආරම්භයට කලින් ඔබේ බලාපොරොත්තු සුන් කරන්න සිද්ධ වෙනවා, මේක හොඳ චිත්‍රපටයක් නම් නෙමෙයි… එහෙමයි කියලා මේක අනික් කොම්පැනියේ නිර්මාණයක් එහෙම නෙමෙයි… මේක සුපිරි චිත්‍රපටයක්…!!! ඔබ ඇමරිකානු කපිතාන්වාරයා බලාපොරොත්තුවෙන් යන්න ඔබට ඔහුගේ තෙවැනි චිත්‍රපටය පමණක් නෙමෙයි, අවේන්ජර්ස් 2.5, ස්පයිඩර් මෑන් 0.5, බ්ලැක් පැන්තර් 0.5 වගේම අයන් මෑන් හා කැප්ටන් අතර නියම සටනක් බලාගන්න ඉඩකඩ ලැබෙයි… යන්තම් විනාඩි 8 වගේ කෙරෙන සටනක් ගැන එහෙම නෙමෙයි හොඳේ මේ කතා කරන්නේ, හරි ආකාර සටනක් ගැන…!

හොඳයි එහෙනම් 2008 වගේ බොහොම ඈත කාලයේ Iron Man (2008) චිත්‍රපටය එකක් කල එලි දැක්ක මාර්වල් සිනමා විශ්වය මේ අපි වෙත අරගෙන එන්නේ ඔවුන්ගේ සාඩම්බර 12 වැනි සිනමා නිර්මාණය… මේ කතා එකකට එකක් යම් තරමකින් හෝ සම්බන්ධයි, එහෙම නැති ඒවා සම්බන්ධ වෙන්න සුදානම් අනාගතයේ දී.. මේ වෙනකොට මුලින් දැක්ක අයන් මෑන්, පසුව එකතු වුන තෝර්, හලක්, බ්ලැක් විඩෝ හෝක්අයි, වෝ මැෂින්, ස්කාලට් වීච්, ඈන්ට් මෑන්, විෂන්, වගේම 2014 වෙනකම් බොහොම කම්මැලි සිනමා චරිතයක් වුන අපේ කතාවේ වීරයා කැප්ටන් ඇමරිකාත් ඉන්නවා.

අවසන් අවේන්ජර්ස් සිනමා පටය අවසාන වෙනකොට සකොවියා කෙදවාච්කය අවසානයි… අවේන්ජර්ස් කණ්ඩායම බොහොම සතුටෙන් තමුන්ගේ ගම් රට බලා පැමිණ අවසානයි, නමුත් සකොවියාවේ ජනතාව ඉන් පස්සේ අපි දකින්නේ නැහැ, අපේ වීරයන් බොහොම පිරිසක් බේරා ගන්නවා නමුත්… මහා ගොඩනැගිලි කඩා වැටෙන තැනක, යකඩ යක්කු, දුවන කෝච්චි, සුපිරි මිනිසුන් අණ කොටාගන්නා තැනක සාමාන්‍ය මිනිසුන්ගේ ජිවිත ගැන කතා වෙන්නේ නැහැ නෙව. ඉතින් එහෙනම් දැන් ඒ කතාවටයි මේ අපි සුදානම් වෙන්නේ….

මම මගේ පුතා ගැන බොහොම ආඩම්බරයි… ඔයා ඔහුව ඝාතනය කළා. නමුත් ඒක ඔයාට බලපානවා ද? ඔයාලා කිසිම කෙනෙක්ට බලපානවා ද? ඔහෙලා හිතන්නේ ඔහෙලා සටන් කරන්නේ අපි වෙනුවෙන් කියලා… නමුත්… ඔහෙලා සටන් කරන්නේ තමුන් වෙනුවෙන්…කවුද මගේ පුතා මැරුව කෙනාගෙන් පලි ගන්න යන්නේ ? එයා මැරුණා… මම ඔහෙටයි ඒ වරද පටවන්නේ….

ලෝකයම මේ වගේ ගිනි ගන්නවා, රටවල් එක්කාසු වෙනවා මෙතෙක් කාගේවත් අණක් පිලි නොපන් සුපිරි වීරයන් ලෝකයේ ජනතාව වෙත අරගෙන එන්න, සුපිරි වීරයන් හුදෙක් ඔවුන්ගේ දෙවි වරුන් නොකර ඔවුන්ගේ සේවකයන් කරන්න… මේ කතා කරන්නේ විනාඩි දෙකක් උසාවියට අරගෙන එනවා වගේ වැඩකට නැති වැඩක් ගැන එහෙම නෙමෙයි… හරි ආකාර පනතක් සම්මත කරලා අලි කෝටි මෙල්ල කිරීමක් ගැන… නමුත් දැන් පිරිසක් මේකට කැමති පිරිසක් අකමැති… කැමති අකමැති….!

මෙතෙක් ලොවක් වෙනුවෙන් හැප්පුන වීරයන් තමුන් වෙනුවෙන් හැප්පෙන් හැටි තමයි එහෙනම් දැන් මේ උපසිරැස එකක් ඔබට බලාගන්න තියෙන්නේ. කතාවේ පළමු විනාඩි කිහිපය වගේ තමයි අර මුලින් කිව්වේ, ඉතුරු කිසිවක් කියන්න බලාපොරොත්තු නැහැ, මෙතෙක් කලක් ඉවසන් උන්න එකේ සබ් එකක් බලාගන්න. මොකද එහෙම කතාව කියලා නාස්ති කරන්න වටිනා දෙයක් නෙමෙයි මේ…

මේ වතාවෙත් Anthony Russo, Joe Russo දෙන්නා තමයි අධ්‍යක්ෂකවරුන් හැටියට මේ අගනා සිනමා නිර්මාණය අපි වෙත අරගෙන එන්නේ… තිඅරයේ දකින මුහුණ ගැන කතා කරනවා නම් Chris Evans, Robert Downey Jr., Scarlett Johansson, Sebastian Stan, Anthony Mackie, Don Cheadle, Jeremy Renner, Chadwick Boseman, Paul Bettany, Elizabeth Olsen, Paul Rudd, Tom Holland, Emily VanCamp, Daniel Brühl, Frank Grillo හා තවත් විශාල පිරිසක් එක්කාසු වෙනවා. ධාවන කාලය පැය 2 යි මිනිත්තු 27 යි. 

ලබාගෙන තියන IMDB අගය 8.3 යි ලේසි නැහැ IMDB 250 ඇතුලේ 129 වැන්න වෙන්නත් මේ සුළු කාලයට මේ සුපිරි සිනමා නිර්මාය සමත් වෙලා තියනවා. විචාරක පැසසුම ගැන කතා කරනවා නම් රෝටන් රෝමටෝ 90% වගේ ඇති විශාල අගයක්… ආදායම මේ වෙනකොටත් බිලියන 1 පන්නලා අවසානයි… හැබැයි කියන්න ඕනේ මේ වෙනකොට ඇවිත් ගත වෙලා තියෙන්නේ දවස් 17 යි සමාවෙන්න ඕනේ හිතුව තරම් ආදායමක් නැති වුන එක ගැන 😛 . 

දකින්න ඇති ලිපියේ කලින් කතා ගැන, කොමික් ගැන කිසිම සඳහනක් නැති බව, එහෙම කලේ හිතාමතා මොකද කොමික් කතාවෙන් වෙනස් වෙනවා බොහොම වෙලාවට මේ කතාව, ඉතින් ඒ කතාවත් ඔබට කියලා හිත අවුල් කිරීම හොඳ වැඩක් නෙමෙයි සුපිරි අත්දැකීමකට කලින්. එහෙනම් නැවතත් නොවැම්බර් මාසේ තමයි Doctor Strange (2016) එකක් නැවතත් මාර්වල් විශ්වය වෙත එන්න වෙන්නේ එතෙක්, ගිහින් එන්නම්, ඔබ සැමට ජය වේවා !

ලිපිය – සමීර කරුණාරත්න

 සිදු වී තිබූ දෝෂය නිවැරදි කර ඇත.

Due to copyright issues, we do not provide any torrent links.

මෙම ලබා දී ඇති උපසිරසි සියළු BR .x264 පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.