Cargo (2009) | මිනිසත් නෞභාරය [සිංහල උපසිරැසි සමඟ]

ආයුබෝවන්, විදු පබැඳුම් සලරූ ලොවේ තවත් මඟ සළකුණක්, ඔබේ/අපේ උප සිරැසි ගබඩාවට එකතු කරන්නයි මේ ලැහැස්තිය. මෙය ස්විස්ටර්ලන්ත සලරුවක් වන අතර, මැට්‍රික්ස් අදහස යන්තම් ගොනු වූ අබිරහස් ගණයටද අයත් වූවකි. වෙනදා මෙන් ම මෙවරද මෙය පිළිබඳ අදහස දුන්නේ විකියාමයි. එසේ නම් මෙහි කතාව සැකැවින් බලමු.

ක්‍රි.ව. 2270 දී පෘතුවිය සම්පූර්ණයෙන්ම හිස් වී ඇත්තේ තව දුරටත් එහි මිනිසුන්ට විසිය නොහැකි නිසයි. එකල මිනිසුන් නිවසන්නේ පෘතුවිය වටා බ්‍රමණය වන අවකාශ මධ්‍යස්ථාන වලය. මුදල් ඇත්තෝ මිනිසුන්ට වාසය කිරීමට සුදුසු ග්‍රහලොවක් වන රිහ්යා වලට යති. දොස්තරවරියක් වන ලෝරා පොර්ට්මන් RH278 නැමැති ග්‍රහ ලොව වටා බ්‍රමණය වන 42වැනි ස්ථානය වෙත ගොඩනැගිලි ද්‍රව්‍ය රැගෙන යන අවකාශ යානයක පත්වීමක් ලබන්නේ අවුරුදු අටක කාලයක් සඳහායි. එයින් උපයන මුදලින් ඇය පතන්නේ ඇයගේ අක්කා වන ඇරියානා සිටින රිහ්යා වෙත යාමටයි. ඔවුනොවුන් අතර පණිවිඩ ලඟාවීමටත් අවුරුදු 3ක කාලයක් ගත වෙයි. කෙසේ ඇයගේ රිහ්යා වෙත යෑමේ බලාපොරොත්තු ඉටු කර ගැනීමට අභ්‍යවකාශ යානයේ සිදුවන අබිරහස් සිදුවීම් මාලාවක් කෙතරම් බලපෑමක් කරාවිය යන්න මෙය නරඹා ම දැනගන්නට ඉඩ හරිමි. තවත් සිංහල උපසිරැසකින් හමු වන තෙක්, ජය ශ්‍රී, ආයුබෝවන්.

මේ ලබා දී ඇති සිංහල උපසිරැසි පිළිබද “වා.මු. නිලන්ත පියසිරි” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.