Catwoman: Hunted (2022) Sinhala Subtitles | මැණිකක් සොයා… [සිංහල උපසිරසි]

මේ අරන් එන්නේ 2022 අවුරුද්දේ නිකුත්වෙන පළමු DC ඇනිමේශන් චිත්‍රපටයයි. මේ පාරත් Warner Bros. Animation ලා අලුත් දෙයක් උත්සහ කරල තියෙනවා. (මෙහෙම දෙයක් උත්සහ කරපු පළවෙනි වතාවත් මේක නෙවෙයි.) සාමාන්‍යය ඇමරිකන් ඇනිමේශන් ශෛලියෙන් එහාට ගිහින් මේ පාර ජපන් ඇනිමේශන් ශෛලියක් පාවිච්චි කරල මේ අරන් එන Catwoman Hunted චිත්‍රපටය නිර්මාණය කරළ තියෙනවා.

චිත්‍රපටයේ වතගොත කතා කරොත් මේක අධ්‍යක්ෂණය වෙන්නේ Shinsuke Terashawa විසින්. Elizabeth Gillies, Stephanie Beatriz, Lauren Cohen ඇතුලු පිරිසක් හඬ දායකත්වය සපයල තියෙනවා. ඇනිමේශන් එක පෙබරවාරි 8 නිකුත් වෙන්න තිබ්බත් සුපුරුදු පරිදි BluRay කොපියක් මෙයාලා කලින්ම ඊයේ නිකුත් කරල තිබුණා. ඒ නිසා වෙන්න ඇති මම මේ ලිපිය ලියන මොහොත වෙද්දිත් තාම IMDB හෝ Rotten Tomatoes රේටින් නිකුත් වෙලා නෑ. කොහොම හරි ෆිල්ම් එක නම් හොඳට රසවිඳින්න පුලුවන් එකක්.

කතාව පැත්තට ආවොත් මේකෙදි හුඟක් අවදානය දීලා තියෙන්නේ කාන්තා චරිතවලට. කැට්වුමන් aka. සෙලීනා කයිල් බ්ලැක් මාස්ක්ගෙන් ඉතාමත් වටිනා මැණිකක් හොරකම් කරනවා. කොහොම හරි වැඩේ ගැස්සිලා කැට්වුමන්ගෙ සැලසුම් අසාර්ථක වෙනවා. බ්ලැක් මාස්ක්ගෙන් පැනගත්තත් බැට්වුමන් සෙලීනව අල්ල ගන්නව වගේම අර මැණිකත් අහිමි වෙනවා.

ඉතිං පොලීසියයි බැට්වුමනුයි මේ පාර සෙලීනට පොඩි පගාවක් වගේ දීලා අර මැණික එක්කම බ්ලැක් මාස්ක්ව අල්ල ගන්න උදවු ඉල්ලනවා. සෙලීනත් ගැලවෙන්න ක්‍රමයක් නැති නිසාම ප්ලෑන් එකට කැමති වෙනවා. පේන විදිහට සෙලීනට මොකක් හෝ යටි අරමුණකුත් තියෙනව වගේ. ඉතිං බ්ලැක් මාස්ක් අහුවෙයිද? පොරට ඇයි මේ මැණික මෙච්චර ඕනේ? සෙලීනගෙ අරමුණ මොකද්ද? මේ ටික දැනගැනීම ඔයාලට භාර කරනවා.

එහෙනම් අදට සමුගන්නම්. ආයෙත් සබ් එකකින් නැවත හමුවෙමු.

සුබ දවසක්…!

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ සචින්ත කල්හාර බෙනට් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2017-12-12
SUBMAKER RATING BY ADMINS