Chashme Baddoor (2013) | සිනා සාගරයක්… [සිංහල උපසිරැසි සමඟ]

කොහොමද යාළුවන්ට.. ගොඩ කාලෙකින් චිත්‍රපටයකට උපසිරැසි ගන්වන්න අවස්ථාවක් ලැබුණා. පසුගිය කාලය තුල ගොඩක් කාර්ය බහුල වෙලා හිටපු නිසාවෙන් කාලයක් වෙන් කර ගන්න බැරි වුනා.

ඉතින් මේ වතාවේ ගොඩාක් ආස හිතෙන චිත්‍රපටයකට තමා උපසිරැසි යෙදුවේ. හැමෝම බලන්න ආස වෙයි කියල හිතනවා. කෙටියෙන්ම කියනවම් මේක මුල ඉඳල අගටම ඇති වෙන්න හිනා වෙන්න පුළුවන් චිත්‍රපටයක්. විකියා සහෝදරයා මේකට උපසිරැසි දාන්න කියල මතක් කලේ. මම ඒත් හිතුවෙ නැහැ මේක මේ තරම් හොඳ එකක් වෙයි කියල, උපසිරැසි දාගෙන යද්දි තමා තේරුණේ.

කථාව ගැන කියන්නම්, උසස් අධ්‍යාපනය හදාරන සිසුන් තුන්දෙනෙක් තමා මේකේ ප්‍රධානම චරිත ටික වෙන්නෙ. උසස් අධ්‍යාපනය කිව්වට පිස්සු නටන කොල්ලො දෙන්නෙක් ඉන්නෙ. ඉගෙන ගන්නෙ අනෙක් කෙනා විතරයි. එයාල කරන වැඩනම් කියල වැඩක් නැහැ. ඉතින් මේ ගොල්ලො බෝඩ් වෙලා තමා ඉන්නෙ, ඒ වුනාට කුලී සල්ලි ගෙවපු දවසක් එයාලවත් දන්නෙ නැහැ. කෑම කන්නෙත් පිනට වගේ, ඒ කඩේ සල්ලිත් ගෙවලා නැහැ අවුරුද්දකින් විතර. ඉතින් කොහොම තක්කඩිද කියල හිතෙනව ඇතිනේ.. බැරිම තැන මෙයාලට සල්ලි ගෙවන්න කියල අවසාන නිවේදනයක් නිකුත් කරනවා කෑම කඩෙන් සහ බෝඩිමෙන්. ඒකෙන් බේරෙන්න මෙයාල සුපිරි වැඩක් කරන්නෙ, ඒ බෝඩිම අයිති කාන්තාව කෑම කඩේ කෙනාට සෙට් කරන්න සැලසුමක් ගහනවා. කොහොම උනත් ඒ දෙන්නම ටිකක් වයසක කොල්ලෙකුයි කෙල්ලෙකුයි. ඉතින් තේරෙනවනේ වැඩේ කොහොමට ඇතිද කියල..

තව කියනවම් අර ඉගෙන ගන්න කැමති නැති සිසුන් දෙන්නම එක ගෑණු ළමයෙක් පස්සෙ යනවා, ඒක ගැනනම් කියන්නේ නැහැ, කිව්වොත් බලල වැඩක් නෑ. හිනාවෙ පිස්සු හැදෙයි. ඒත් මේකෙ තව ගැඹුරු දෙයක් තියෙනවා, ඒ තමා යාළුවෝ ගැන අපි කරන විශ්වාසය ගැන මෙහි කතා කරනවා, ඒ කියන්නෙ අපි යාළුවන්ට උදව් කරනවා වගේම එයාලට අපිට අවංකද කියන එක.. ඒත් මේ කථාවේ ඉන්න දෙන්නා තමන්ගෙ යාළුවට ලොකුම ද්‍රෝහි කමක් කරනවා, පස්සේ එයාල ඒක වහන්න කරන දේවල් වලට හිනා නොයන කෙනෙක් ඉන්නවනම් පුදුමයි. ආ.. තව හමුදා නිලධාරියෙක් සහ මහාචාර්යවරයෙක් ඉන්නවා, ඒ දෙන්නා කරන දේවල් ගැන කියල වැඩක් නෑ.. ඉතින් විස්තර කිව්වා වැඩිද මංදා. හැමෝම මේක බලන්න.. ගොඩක් හිනා වෙලා විනෝදෙන් බලන්න පුළුවන්. එපාවෙන තැන් එකක්වත් නෑ කියල හිතනවා. බොහොම ස්තුතියි යාළුවන් හැමෝටම. ජය පතනවා.

මේ ලබා දී ඇති සිංහල උපසිරැසි පිළිබද “දිනේෂ් ගමගේ දෙල්ලව” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.