Sunday , September 27 2020
Breaking News

Chloe and Theo (2015) with Sinhala Subtitles | උත්තර ධ්‍රැවයෙන් ආ සියැටල්. [සිංහල උපසිරසි සමඟ]

Rating: 10.0/10. From 1 vote.
Please wait...

Chloe & Theo (2015)

මේක ගිය අවුරුද්දේ අග බාගයේ නිකුත් වුනු කතාවක්. අන්තර්ජාලය පැත්තේ පොඩි රවුමක් ගහද්දී තමයි මේක දැක්කේ. පොඩි විශේෂයක් දැනිලා තමයි මම ඩවුන්ලෝඩ් කලේ. ඩවුන්ලෝඩ් කරලා මාස 3ක් විතර හාඩ් එකේ පල් වෙවී තිබිලා, බලන්න ෆිල්ම් එකක් නැතුව තියෙද්දී අස්සක තිබිලා ඔන්න හම්බුනා මේක. බලන්න මුකුත් නැතුවට බැලුවා. ඉතිං 2016 / 1 / 05 වෙනිදා, ඒ කියන්නේ ඊයේ 4.30 ට විතර බලන්න බලන්න වාඩිවුනු එක රෑ 9.30 විතර වෙද්දී උපසිරැසියත් ගහලා තමයි නතර වුනේ. ඒක නිසා මම කියන්න ඕනේ නෑනේ කතාව හොඳද නැද්ද කියලා. මට නම් බොහෝම හිතට අල්ලපු කතාවක් තමයි මේක. අනික මම වැඩිය චිත්‍රපටි වලට උපසිරැසි ගහන්නේ නෑ කියලා ඔයාලා දන්නවා. එහෙනං හැමෝම වගේ මමත් සුබ අලුත් අවුරුද්දක් කියලාම කතාව ගැන පොඩි සඳහන් කිරීමකට බහින්නම්.

අලුත් අවුරුද්දේ පලමු උපසිරැසිය. සිව්වැනි චිත්‍රපට උපසිරැසිය. මනසකට හිතන්න, හදවතක් ගැහෙන්න ඕනේ. හදවතක් ගැහෙන්න ජීවයක් තියෙන්න ඕනේ. ජීවයක් තියෙන්න මවක් සහ පියෙක් ඉන්න ඕනේ. ඔවුන් පවතින්න මුතුන් මිත්තන් ඉන්න ඕනේ. ඔවුන් තමයි අපේ පරම්පරාව. අපේ ගෝත්‍රය. අපේ ජාතිය. මේ දේවල් පවතින්නේ භූමියක් මත. ඒ තමයි අපේ රට. මෙවැනි මුතුන් මිත්තන්, මෙවැනි ජාතීන්, රටවල් වශයෙන් රාශියක් පවතිනවා. මේ සමස්ථයම තමයි අප මිහිකත මාතාව. මේ හැම දෙයක්ම ගැන හිතන්න යොමු කරන සංවේදී චිත්‍රපටයක් තමයි අලුත් අවුරුද්දට වැඩ අල්ලන්න තෝරා ගත්තේ.

මේ ලෝකයේ ජීවත්වෙන අපි එදිනෙදා හිතන්නේ මොනවද? කරන්නේ මොනවද? මේ ලෝකයේ සමස්ථයක් වශයෙන් වෙන්නේ මොනවද? මේ තුනම වැදගත් ප්‍රශ්ණ තුනක්. මොකද කිව්වොත් මේ ප්‍රශ්ණ තුනට ලැබෙන පිලිතුර අනුව තමයි අපි මේ පෘථිවි තලය මත ජීවත් වන දින ගණන තීරණය වන්නේ. හැමදාමත් වගේ ලෝකයේ බහුතරයක් ප්‍රසිද්ධ රටවල ජනතාව අතර සිදුවෙන තතු විස්තර ගැන හොයන බලන අතරේ, පොඩි පොඩි මිනිස්සු පොඩි කණ්ඩායම් වශයෙන් අහිංසකව ජීවත් වනවා. ඔවුන්ට මොන වගේ දුක් ගැහැට විඳින්න වෙනවද? ඔවුන් මොන වගේ අභියෝග වලට මුහුණ දෙනව ද? කියන එක ගැන හිතන්න මොහොතක්වත් ඔබ ඔබේ කාලය මිඩංගු කලා ද?

උත්තර ධ්‍රැවයට ආසන්නව ඉනුයිට් කියලා එස්කිමෝ ගෝත්‍රිකයින් පිරිසක් ජීවත් වනවා. මේ ගෝත්‍රිකයින්‘ගේ නායකයින් විදියට පෙනී සිටින්නේ අත්දැකීම් බහුල ඔවුන්ගේම වැඩිහිටියන්. ඔවුන්ට ලෝකයේ සිදුවෙන දේවල් පිලිබඳව, නව තාක්ශණයන් පිලිබඳව ලොකු අවබෝධයක් නැහැ. මෙහිදී වැඩිහිටියන් විසින් තියෝ නම් ඉනුයිට් ගෝත්‍රික සාමාජිකයෙක් නිව්යෝර්ක් වලට එවනවා. මේකට හේතුව වුනේ ඔවුන්ගේ මුතුන් මිත්තන් වසර ගනනාවකට පෙර දැකපු සිහිනයක් නිසාවෙන්. මේ සිහිනයේදී දකුණේ මිනිසුන් (ඒ කියන්නේ නිවර්තන කලාපීයව ජීවත් වෙන අපි) විසින් තාක්ශණයේ දියුණුවත් සමග සූර්යයා කෝප ගන්වපු නිසාවෙන්, සූර්යයා මහ පොලව සිපගන්නට පැමිණෙන බව. මේ අවස්ථාවේදී මුලු මහ පොලවම ගින්නෙන් දැවී සෑම ජීවියෙක්ම විනාශ වී යනවා. මේ වන විටත් උත්තර ධ්‍රැවයේ හිම සහ ග්ලැසියර් අඩුවීගෙන යෑමත් සමග මේ සිහිනය සැබෑ වීගෙන යන බව මොවුන්ට වැටහෙන නිසාවෙන්, දකුණේ මිනිස්සුන්ගේ නායකයින්ට මේ ගැන කියලා දැනුවත් කරන්න තමයි තියෝව නිව්යෝර්ක් වලට එවන්නේ.

ලෝකයෙන් හුදකලා වුනු ප්‍රදේශයක ඉඳන් ජනාකීර්ණ ප්‍රදේශයකට ඇවිල්ලා මේ සූර්යයා‘ගේ කෝප වීම පිලිබඳව බලධාරීන්ට දැනුම් දීම තමයි තියෝට තමුන්ගේ ගෝත්‍රයේ වැඩිහිටියන් විසින් පවරලා තියෙන්නේ. මේ දැනටමත් අපට අර්බුදයක්ව තිබෙන ගෝලීය උශ්ණත්වය ඉහල යෑම ගැන තමයි කතාවෙන් දැනුම් දෙන්නේ. මේක තමයි කතාවේ ප්‍රධාන වශයෙන්ම ඉදිරිපත් කරන්නේ. නමුත් හුදකලා තනි මිනිහෙක්, තැනක් නොතැනක් නොදන්න රටක මේ පුවත ලෝකයටම ඇහෙන්න කියන්න ඕනේ කියන බලාපොරොත්තුවෙන් තනිවෙලා. මෙයයි කතාවේ නිර්මාණාත්මක බව. නීරස මාතෘකාවක් පදනම් කරගෙන විද්‍යාත්මක චිත්‍රපටයක් නිපදවනවට වඩා නීරස වුනත් වැදගත් මාතෘකාවක් හරහා ලෝකයට වැදගත් පනිවුඩයක් ලබා දෙන්න තරම් මේ කතාව බොහෝම නිර්මාණාත්මකයි. අර්ථ සම්පන්නයි. ලෝකය දකින ගමන් ලෝකය බේරගන්න පණිවුඩයක් සපයන්න මේ කතාව බොහෝමයක් සමත් වෙලා තියෙනවා කියලා මට කියන්න පුළුවන්.

තියෝ මේ පණිවුඩය පතුරුවන්න යන ගමනේ ඔහුට ක්ලෝයී නම් තරුණියක් හමුවෙනවා. නමුත් ඇය සිඟන යුවතියක්. ඇය තමයි ඔහුට මේ අරුම පුදුම ලෝකයේ මග පෙන්වන කෙනා බවට පත්වන්නේ. මේ ගමන අතරතුර තියෝට අපමණක් අභියෝග වලට මුහුණ දෙන්න සිදු වෙනවා. නමුත් ඔහුත් සමගම ඒ අභියෝග වලට මුහුණ දෙන්න ඇයත් ඉදිරිපත් වෙනවා. ඔහු නගරයේ ගමන් කරන අතරතුර විවිධ මිනිසුන් හමුවෙනවා. විවිධ දේවල් දකින්න ලැබෙනවා. මිනිස්සු කන බොන විදිය. අඳින පලඳින විදිය, සංකීර්ණ ජීවන රටාවන්. මොහු මේ දේවල් හඳුන්වන්නේ අපතේ යැවීමක්, අධි අස්වනු නෙලීමක් විදියටයි.

සොබාදහමේ මිනිසෙකු වූ මොහුට නගරයෙන් සොබාදහමේ අසිරිය විඳගන්නට ලැබෙන්නේ නෑ. මිනිසුන් දන්න දේවල් බොහෝමයක් තිබුණත් ඉගෙන ගන්නට සාරවත් දේවල් බොහෝමයක් තිබෙනවා. එක් තැනකදී කතාවේ ඔහු මෙවැනි ප්‍රකාශයක් කරනවා.

When you think about it. Environment is a school, but without walls. We must be open to everything it is teaching us. It really is a giver of life. And we must protect it. Because everything is changing too fast.

මේ විදියට නිව්යෝර්ක් වල තමුන්ගේ පණිවුඩය නායකයින්ට පවසන්න එක්සත් ජාතීන්ගේ සංවිධානයට යනවා. ඒ වගේම තවත් ලොකු ලොකු අභියෝග වලට මුහුණ පාන්නට සිද්ධ වෙනවා. අවසානයේදී ඔහුට තේරෙනවා මේ කිසිම දේකින් තේරුමක් නැති බව. ඔහු තීරණය කරනවා දකුණෙහි නායකයින් මේ දේවල් වලට ඇහුම්කන් දීමට සූදානම් නැති බව. මේ නිසාවෙන් ඔහු නැවතත් තමුන්ගේ ගෝත්‍රික ජනතාව ලඟට ගොස් දකුණෙහි පණිවුඩය ඔවුන්ට පවසන්නට යන්නට සැරසෙනවා. ඒ පණිවුඩය වුනේ,

“දකුණෙහි නායකයින් අපට ඇහුම්කන් දීමට සූදානම් නැහැ. ඔවුන්ට කියා අපිට වෙනසක් කල නොහැකියි. සූර්යයා පොලව සිපගැනීම නතර කල නොහැකියි. නමුත් මට කලහැකි එක දෙයක් තියෙනවා. ඒ නැවතත් මගේ නිවසට ගොස් සූර්යයාගේ සිපගැනීමට ඔවුන්ව සූදානම් කිරීමයි.“

නමුත් මෙතැනදී ඔහු මේ කියපු දේ අහගෙන ඉඳලා ඔහුට උදව් කරන්න අවශ්‍යයි කියලා මොනිකා නම් නීතීඥවරියක් බැගෑපත් වෙනවා. සිඟන කණ්ඩායමක් එක්ක එකතු වෙලා ලෝකයට පණිවුඩයක් දෙන්න හදපු වෑයමෙන් ඔවුන්ට සමාජයේ පිලිගත් එක පුද්ගලයෙකුගේ හෝ අවධානයක් ලැබෙනවා. මේත් සමග හැමෝටම ඉදිරිය ගැන ලොකු බලාපොරොත්තුවක් ඇති වෙනවා.

මෙයින් පසුව කුමක් වේවි ද? තියෝට තමුන්ගේ පණිවුඩය ලෝකයටම ඇහෙන්නට කියන්න පුළුවන් වේවි ද? තියෝට උදව් කරපු හිඟන යාලුවන්ට මොනවා වේවි ද? ඔවුන්ගේ ජීවිත වෙනස් වෙනවා නම් නිසැකයි. නමුත් කොහොම ද?

අවසානයේදී තියෝ පවසපු තවත් කතාවක් සඳහන් කරන්නම්.

It is unlike anything you ever seen. The snow, the stillness. It tease you and never let you go. In this moment you will realize that, you are standing on sacread ground. Underneath you are cathedrals of ice, home to life we will never see. What song are they singing? What story are they telling? Will we care for them? Will we care for each other? This is my hope. This is my prayer.

ලිපියේ ගොඩක් ලියවුනාට කතාවේ ඇති තරම් බලන්න දේවල් ඉතුරු කරලා තියෙනවා. මේ කතාව කියෙව්වට කිසිසේත්ම පාඩුවක් වෙන්නේ නෑ. කතාවේ තියෙන සංවේදීත්වය, සුන්දරත්වය, සංකේතමය වශයෙන් පෙන්වන දේවල්, පවසන දේවල ගැඹුරු යටි අරුත් මේ දේවල් හැම දෙයක්ම දැනෙන්නේ කතාව බැලුවාම විතරයි. එහෙනං මම මෙතැනින් මගේ ලිපිය නවත්වනවා. නැවතත් හැමෝටම සුබ අලුත් අවුරුද්දක් ප්‍රාර්ථනා කරන ගමන් මම අදට සමුගන්නම්.

Don’t think, feel! It is like a finger pointing away to the moon. Don’t concentrate on the finger or you will miss all that heavenly glory.

ආයු -බෝ -වේවා !!!

 

 Chloe and Theo (2015) on IMDb

 

 

697 MB (720p BR) කොපිය මෙතනින් බාගන්න

06A33E0B7C9029704811D8E31D07A72EEB5100CD

1.24 GB (1080p BR) කොපිය මෙතනින් බාගන්න

B1E4CAC0083F0E70F8E7143096DE339DFA2746ED
Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

 

මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Check Also

The 100 [S07 : E15] Sinhala Subtitles | ආලෝකයේ මරණය [සිංහල උපසිරැසි සමඟ]

ඔන්න එහෙනම් THE 100 හත්වැනි සහ අවසාන කතාමාලාවේ 15වන කොටස අරගෙන ආවා. ඉතින් මේ කොටසින් …

Leave a Reply

Your email address will not be published.

22 comments

  1. nimal dissanayake

    ප්‍රණීත්…..
    ෆිල්ම් එකත් ප්‍රණීතයි කිව්වොත් ඒක ඔයාටයි, ෆිල්ම් එකටයි දෙකටම අපහාසයක්.
    ඉතා මනරම්,
    ඉස්තරම් හා අගී
    මට නම්!
    හැමෝගෙම ඇස මේ ෆිල්ම් එකට යොමු වේවා!
    ‘කුන්ග් ෆූ’ සීරීස් එක ජනප්‍රිය වුන මේ රටේ
    ඇයිද මන්දා මේකට මෙච්චර කමෙන්ට්ස් අඩු.
    හැබැයි, මගේ ළඟත් මේ ෆිල්ම් ඒක බාගෙන සෑහෙන කල්.
    බැලුවාම තමා අගේ වැටහුනේ!

  2. Thanksssssssssssssssss!!!!!!!!!!!!!!!!!!!!!!!!!!!

  3. ලිපියටයි උපසිරැසියටයි ගොඩාක් ස්තූතියි ප්‍රණීත් සහෝ…
    ටෙලි කතා වගේම තව වැඩිපුර චිත්‍රපට වලටත් උපසිරැසි දෙමු
    ජය 😀

  4. බොහොම ස්තූතියි සහෝ මේ වගේ සුපිරි බයිස්කෝප් එක්කට උපසිරස දුන්නට….
    තවත් මේ වගේම එකකට උපසිරසක් අරන් එන්න සුබ පතනවා…
    ජයෙන් ජය වෙවා සහෝට…

  5. කාලෙකට පස්සේ හොද ෆිල්ම් එකක් බැලුවා ! ගොඩක්ම ස්තුතියි මේක අපි වෙනුවෙන් ගෙනාවට !

  6. නියම ෆිල්ම් එකක්.
    එල කිරි…

  7. ආසිරි ප්‍රියන්ත

    සුපිරි ෆිල්ම් එකක් නොවැ සද්ද නැතිවම දීලා තියෙන්නේ..
    කිව්වනම් මොකෝ අපි නොබලා ඉන්නවයි,
    ලිපියත් සුපිරිම සුපිරි ඈ..
    මෙන්න ගන්නවා ෆිල්ම් එක,
    ජය වේවා!!

  8. latika dilshan

    මචෝ scropian e13 ඇවිල්ල.. සබ් එක දීපන්කො කොලුවෝ ඉක්මනට 🙂

  9. බොහොම ස්තූතියි ප්‍රණීත් සහෝ සිංහල උපසිරැසියට. ජය෴෴ 😛 😛

  10. නියමය ෆිල්ම් එකක් සහෝ
    ලිපියත් නියමට ලියල තියනව
    සබ් එකට ගොඩාක් ස්තුති
    ජය වේවා…!!!

  11. ela storiyak wage onna mamath bawoo!!!!!

  12. Kulanjana Maduranga

    patta lipiyak ekka wenasama movie 1k.lipiya kiyewwama balanna hithuna…dannama banawa…elazz.thanks PRANEETH saho..sub ekata..digatama sub demu.jaya wewa……

  13. Thanks

  14. ස්තුතියි.උපසිරසියට.ජය වේවා…

  15. අප සියළුදෙනා වෙනුවෙන් කරන සේවය
    ඉතා ගෞරවයෙන් අගය කරනවා……….
    සුභපැතුම්.
    ඉදිරියටම යමු…!
    ජයවේවා……
    බුදු සරණයි.. !!!

  16. film eka baluwe natat dala tiyana disscription ekata nam film eka balanna kiyala hituna..thank sahoo..jaya wewa..me wage film lot ekakma denna labewa kiyala patanawa..

  17. PATTA FILM AKAK TXZ

  18. patta saho,……..

  19. මුදියා

    ෆිල්ම් හැමදාම වගේ බෑවට කමෙන්ට් එකක් දාන්නෙ සෑහෙන්න කාලෙකින්.
    ලස්සන ෆිල්ම් එකක් වගේ.
    නියමයි ප්‍රණිත්.
    උදෙන්ම බාන්න දැම්ම.අද රෑට බලන්න ඕනි.
    ජයවේවා.බොහෝ……………………………………………….ම ස්තූතියි…!

  20. “චූටී මල්ලි”

    Pawn Sacrifice (2014)
    Sleeping with Other People (2015)
    The Intern (2015)
    The Ridiculous 6 (2015)
    Burnt (2015)
    Paranormal.Activity.The.Ghost.Dimension (2015)
    Jazbaa (2015)
    Inji Iduppazhagi (2015)
    144 (2015)

    මචන් ඔය ටිකෙනුත් පුළුව්න් එව්වාට ඉක්මනට සබ් දෙන්නකො
    මෑතක ආපු අලුත්ම සෙට් එක
    මේකට තෑන්ක්ස්…….
    තව ටිකයි නෙහ්…. කඩයිමට

  21. හම්මේ ලිපිය දැක්කම පිස්සු හැදෙනවනේ..
    ආ ඔන්න එහෙනම් අපිත් මේක බාගන්න කියලා හදන්නේ..
    බලලම කියන්නම්කො සහෝ කිව්වා වගේ හොදයිද කියලා..
    උපසිරසියට ස්තුතියි.ඔබට ජය.

error: Alert: Content is protected !!