Churchill (2017) Sinhala Subtitles | යුධබිම පිටුපස සිටි විරුවෙකුගේ කතාවක්…[සිංහල උපසිරසි සමඟ]

ඔන්න ඉතිං වැඩ කෝටියක් අස්සේ මේ පාර මම මගේ නවවෙනි උපසිරැසියත් ගෙනාවා.. මේක මම විමා අයියාගෙන් ඇහුවාම කවුරුහරි කරනවා කිව්වා.පස්සේ ඒ කරන කෙනා නවත්තලා හෝ වෙන හේතුවක් හින්දා කලින් උපසිරැසිය හදලා අප්ලෝඩ් කරලා ඉස්කෝලේ වැඩ පටන් ගන්න කියලා හදනකොටම මේකත් කරන්න පටන් ගන්න කියලා කිව්වා. ඉතිං ඔක්කොම වැඩ පැත්තක තියලා මේක හදන්න ගන්නකොට තමයි දන්නේ ඉතිහාසය එකොළහ වසරේ අන්තිම පාඩමේ කොටසකුත් මේකෙ තියනවා කියලා. ඉතිං මේ චිත්‍රපටය මම විශේෂයෙන් නිර්දේශ කරනවා මකුළු දැල් ටික කැඩෙන්නවත් පොතක් අතින් අල්ලන්නැති මං වගේ උනන්දුවෙන් වැඩ කරන සිසුන්ට.😂 ඉතිං එව්වා පැත්තක තියලා චිත්‍රපටිය ගැන බලමුකෝ.

ඉතිං මේ චිත්‍රපටිය ගැන කිව්වොත් වින්ස්ටන් චර්චිල්ගේ ජීවිතයේ දෙවන ලෝක යුද්ධය සම්බන්ධ සිද්ධියක් අළලා නිමවුණු මේක IMDb අගය 6.1 කුත් 49% ක කුණුතක්කාලි ප්‍රතිශතයකුත් අරගෙන තියෙන War/History යන වර්ග වලට අයත් චිත්‍රපටයක්. මේකේ අධ්‍යක්ෂකවරයා වන්නේ Jonathan Teplitzky කියන ඕස්ට්‍රේලියානු අධ්‍යක්ෂකවරයා.මේකේ නළු නිළි පිරිස ගැන කිව්වොත් වින්ස්ටන් චර්චිල්ට රංගනයෙන් දායක වෙනවා Brian Cox යන රංගන ශිල්පියා සහ අගමැති බිරිඳට රංගනයෙන් දායක වෙනවා Miranda Richardson කියන රංගන ශිල්පිණිය. ඉතිං ෆිල්ම් එක ගැන නම් කියන්න දේවල් එච්චර නෑ හැබැයි ෆිල්ම් එකේ පසුබිම ගැන නම් කියන්න දේවල් ගොඩක් තියනවා.

ඉතිං දෙවන ලෝක යුද්ධය ගැන නම් චිත්‍රපටි බර ගාණක් තියනවනේ.. තව දෙවන දෙවන ලෝක යුද්ධය ගැන ෆිල්ම් වලට ගොඩක් කැමති අයත් ඉන්නවනේ. ඉතිං මුලින්ම කියන්න ඕනා මේකේ යුද්ධ කරන සිද්ධිවත් යුධ පිටියට අදාළ සිද්ධිවත් නෑ. මේකේ තියෙන්නේ වින්ස්ටන් චර්චිල්ට සම්බන්ධ යුධ පිටියෙන් පිට කතාවක්. හරි දැන් මෙච්චර කියෙව්වට වින්ස්ටන් චර්චිල් කියන්නේ කවුද කියලවත් දන්නැති අය ඇතිනේ. ඒ හින්දා මුලින්ම චිත්‍රපටියේ පසුබිම ගැන කියන්නම්. දෙවන ලෝක යුද්ධය පටන් ගන්නකොට එංගලන්තේ අගමැතිවරයා තමයි චර්චිල් කියන්නේ. දෙවන ලෝක යුද්ධය ගැන කිව්වොත් දෙවන ලෝක යුද්ධය ඉවර කරන්න හේතුවුණු දේවල් වලින් ප්‍රධාන කෙනෙක් හැටියට චර්චිල් අගමැතිවරයාව හඳුන්වන්න පුළුවන්. මොකද ඔහු තමයි නාසින් සමඟ සටන වෙනුවෙන් මිත්‍ර පක්ෂයේ ජෙනරාල් වරයාව පත් කළේ. ඒ තමයි ජෙනරාල් අයිසන්හෝ. ඔහුවත් අපට චිත්‍රපටියෙන් දැකගන්න පුළුවන්. ඔහුගේ කාර්යශූරත්වය දෙවන ලෝක යුද්ධය ජයගැනීමට උපකාර වූ ප්‍රධාන සාධකයක් වෙනවා. තව කියන්න ඕනේ එයා ඇමරිකාවේ 34 වැනි ජනාධිපති බවටත් පත් වෙනවා. තව අගමැති චර්චිල් විසින් නාසි හමුදාවට විරුද්ධව කැනඩාව, ශ්‍රී ලංකාව වගේ එවකට බ්‍රිතාන්‍යයේ යටත් විජිත රටවල් එකතු කරලා පෙරමුණක් ගොඩනගා ගන්නවා. තව දෙවන ලෝක යුද්ධයෙන් පසුව ලෝක සාමය පවත්වා ගැනීමේ අරමුණෙන් ජගත් සංවිධානයක් පිහිටවිය යුතුය යන යෝජනාව සාකච්ඡා කර පිළිගත් බලවත් නායකයන් තිදෙනාගෙන් එක්කෙනෙක් තමා අගමැති චර්චිල්. ඒ යෝජනාව අනුව තමා අද ඔය තියන එක්සත් ජාතීන්ගේ සංවිධානය බිහිවෙන්නෙත්.

– අගමැති චර්චිල් හා එවකට රජු වූ හයවන ජෝර්ජ් රජතුමා….

ඉතිං චිත්‍රපටියේ වෙන්නේ දෙවන ලෝක යුද්ධය යුරෝපයෙන් අවසන් වෙන්නට හේතු වූ Overlord කියන මෙහෙයුම සම්බන්ධව තියෙන කතාවක්. ඒ ගැන වැඩි විස්තර කිව්වොත් ඒක චිත්‍රපටිය රස විඳීමට බාධාවක් වෙන නිසා ඒ ගැන වැඩි යමක් කියන්න යන්නේ නෑ.

අවසාන වශයෙන් මේ චිත්‍රපටියට උපසිරසි කරන්න බාර දුන්නු විමා සහෝදරයාට වගේම වෙබ් අඩවියේ අනිත් සහෝදරයන්ටත් මම ස්තූති කරනවා. මෙච්චරකල් ඉංග්‍රීසි චිත්‍රපටි වලට විතරමයි මම සබ් ගෙනාවේ. ඒ වුනාට මම දවසට ෆිල්ම් දෙකක් විතර බලන තෙලිගු,දෙමළ රසිකයෙක්. ඉංග්‍රීසි නම් ප්‍රසිද්ධ චිත්‍රපටියක් නම් විතරයි බලන්නේ. එහෙම එකේ පුළුවන්කමක් ලැබුනොත් ඊළඟට තෙලිගු හෝ දෙමළ එකකට සබ් කරන්න බලාපොරොත්තුවකුත් තියනවා. ඉතිං උපසිරැසිය බාගන්න ගමන් කමෙන්ට් එකකුත් දාන්න කියලා ඉල්ලන ගමන් මම සමුගන්නවා.

ඔබට සුභ දවසක් !!

Due to copyright issues, we do not provide any torrent link.

මෙම ලබා දී ඇති උපසිරැසි Bluray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ ගීත් මිහිර සත්සර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2020-04-26
SUB MAKER RATING BY ADMINS