City of Gods (2002) | පාතාලයේ සිරකරුවෝ..[සිංහල උපසිරැසි සමඟ]

IMDb Top 250 චිත්‍රපට ලැයිස්තුවේ 21 වෙනි තැන තියෙන සුපිරිම චිත්‍රපටය තමයි City of God කියන්නේ. 8.7/10 ක IMDb අගයක් ලබා ඇති බ්‍රසීල චිත්‍රපටයක් වෙන මේක පාතාලයේ ඇත්ත ඇති සැටියෙන් පෙන්වන සත්‍ය සිදුවීමක් පාදක කරගත් සලරුවක්. වැදගත් කරුණු කාරණා රැසක් පෙන්වන නිසාත් බයිස්කෝප් එකට අත්‍යවශ්‍යයෙන්ම එකතු වෙන්න ඕනි චිත්‍රපටයක් කියලා හිතුණ නිසාත් මෙදා පාර මේ City of God චිත්‍රපටයට සිංහල සබ් එක ගේන්න මං හිතුවා. ඉතින් මනීෂ් ගමගේ සහෝ කලින් ගෙනාපු ලිපියේ විස්තර ඔක්කොම තියෙන නිසා තවත් විස්තර කියන්න මං යන්නේ නෑ. ලිපියේ ඔක්කොම විස්තර ටික තියෙනවා. එහෙනම් කට්ටියම චිත්‍රපටය බලන්නකෝ. මීලඟ උපසිරැසියෙන් ලඟදීම හමුවෙමු. ඔබට ජයෙන් ජය !!!

”අවි ගත්තෝ අවියෙන්ම නැසෙති.”

කලින් පළවූ ලිපිය

බ්‍රසීලයේ රියෝ ඩි ජෙනිරෝ නගරයෙන් මදක් ඈතින් නැවත පදිංචි කරවීමේ නගරයකි. එය “දෙවියන්ගේ නගරයයි”. මේ නගරය දුශිත බවින් අති උතුම්ය. මත්ද්‍රවය ජාවාරම ප්‍රධාන ආදායම් මාර්ගයයි. අවුරුදු 2 , 3 පුංචි එකාගේ සිට මහ එකා දක්වා මෙහි නියැලී ඇත. අවි ආයුධ සෙල්ලම් බඩු වැනිය. සෑම කෙනකු අතේම ගිනි අවිය. ඇත්තම කිව්වොත් එය රියෝ ඩි ජෙනිරෝ හි භයානකම නගරයයි. සත්‍ය  කතාවක් පාදක කරගෙන නිමව ඇති මෙම සිනමා නිර්මාණ‍ය Imbd ratings 8.8/10 ලබාගෙන ලොව හොදම චිත්‍රපටි අතර 17 වන තැන රැදෙන මෙම චිත්‍රපටිය Crime , Drama ඝනයට අයත් වෙයි.

ඒ වගේම මම හිතන පරිදි මෙය තමයි ආසියානු හා හොලිවුඩ් සිනමාවෙන් ඔබ්බට ගිය පළමු බයිස්කොප් එලිදැක්වීම. අපි දකින සූට් බූට් ඇදගත් මවාපාන මත්ද්‍රවය ජාවාරම නොව, ඇත්තටම මත්ද්‍රවය ජාවාරම කෙරෙන්නේ කොහොමද ? පාතාලය කෙතරම් බිහිසුනුද ? දැනගන්න කැමතිද ? එහෙනම් අනිවා බලන්න. Rocket , Li’l Dice , Benny , Carrot , Knockout Ned යන මොවුන් වටා කතාව ගලායයි. Rocket කතා නායකයාය. Li’l Dice හා Carrot යනු සියලු ගැටුම් හමුවේ අවසානයේ ඉතිරිවන ප්‍රධාන මත්කුඩු ජාවාරම්කරුවන් දෙදෙනාය. Benny යනු Li’l Diceගේ මිතුරාය, ඔහු බොහෝවිට මානුශීය පුද්ගලයෙකි. නමුත් Li’l Dice තිරිසනෙකි. Benny මැදිහත් වීමෙන් Li’l Dice හා Carrot දෙදෙනා සාමදානව ජාවාරම කරගෙන යයි. Benny කාන්තාවකට ආලය කිරීම නිසා සියල්ල අත්හරින්න තිරණය කරයි. නමුත් Li’l Diceගෙ තරහාකාරයකු අතින් Benny ඝාතනය වෙයි. සියල්ල වයාකූල වෙයි. ඝාතකයා Carrotගේ සහය පතනමුත් ඔහුව Carrot එතනම ඝාතනය කරයි. එම අවස්ථාවේදී මෙසේ පවසයි “you killed the coolest hood city of god” මන්ද Benny එතරම් හොද මිනිසකු නිසාය. මේ අතර Li’l Dice කාන්තාවක් දූශනය කරයි. පසුව ඇයගේ සැමියා Knockout Ned නමින් Carrotගේ පිලින් කරලියට පිවිසෙයි. ඒ Li’l Diceගෙන් පලිගැනීමටයි. මේ අතර Rocketගේ කතාවද අපූරුවට ගලාගෙන යයි.
අවසානයේ කුමක් සිදුවෙයිද? Li’l Diceදිනයිද? Knockout Ned හා Carrot දිනයිද? මේ සියලු දෙනා අතරේ Rocketගේ භූමිකාව කුමක්ද ? බලන්න 100% සතය කතාවක් වන මෙම චිත්‍රපටිය, මේ පුද්ගලයන් මේවාට යොමුවීමේ සාධාරණත්වය, නීතියේ දුර්වල තැන් පෙන්වන අපූරු නිර්මාණයකි.

සටහන් : “කඩුවෙල වසන්ත” වැනි පුද්ගලයන්ගේ කාලයේ කඩුවෙල ප්‍රදේශයේ අපරාධ සිදුවීමට ඉඩනොදුන්නේ ඇයි යන්න මට තිබු ගැටලුවකි. මේ චිත්‍රපටිය නැරඹීමත් සමග ඒ ගැටලුවටද මට විසදුමක් ලැබුනා.

මේ ලිපියේ සම්පූර්ණ අයිතිය මනීෂ් ගමගේ සොහොයුරා සතු වන අතර උපුටාගැනීම් සියල්ලම ඔහුගේ අවසරය මතම සිදුවි යුතුය..

763 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “විරාජ් කොඩිතුවක්කු (තෙලා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.