Click (2006) with Sinhala Subtitles | ජීවිතේට දුරස්ථපාලකයක් [සිංහල උපසිරැසි සමඟ]

දිලූෂ සමරසේකර සොයුරා විසින් එවන ලද ලිපිය.

මගේ දෙවෙනි උපසිරසි නිර්මාණය විදියට ඉතාමත් සුවිශේෂී ප්‍රහසන ගනයට අයත් සලරුවක් තමයි අරගෙන එන්නෙ. ඇඩම් සැන්ඩ්ලර් කිව්වම බයිස්කෝප් අඩවියෙ කාටවත් නුහුරු නුපුරුදු නමක් නෙවෙයි. ඉතිං ඔහුගේ රංගන හා හාස්‍යෝත්පාදක හැකියාවත් එහෙමමයි. 2006 තිරගත් වුණු මෙම චිත්‍රපටයට I.M.D.B. දර්ශකයේ 6.4ක අගයක් ලැබිල තියෙනවා.මේ චිත්‍රපටයට ඇඩම් සැන්ඩ්ලර්ට අමතරව Kate Beckinsale, Christopher Walken, Jonah Hill, Sean Astin, Nick Swardson, Rachel Dratch වගේම අපි කවුරුත් දන්න හඳුනන Katie Cassidyත් සහය නිළියක් විදියට දායක වෙනවා.චිත්‍රපටයේ සාරාංශය කලින් පලවුණු ලිපියක සඳහන් වෙලා තියෙන නිසා ආපහු කියන්න බලාපොරොත්තු වෙන්නෙ නෑ. ඒක පහළින් කියවල දැනගන්න පුළුවන්.ටිකක් පරණ වුණත් විනාඩි 97 පුරා හොඳින් හිනා වෙන්න පුළුවන් කියල වගකීමෙක් කියන්න පුළුවන්.ඉතිං හැමදාමත් වගේ ඔබගේ අදහස් හා යෝජනා පහලින් සටහන් කරන්න කියල පුංචි ඉල්ලීමක් කරන්න වගේම මගේ පළමු උපසිරසි නිර්මාණය වුණු “Pumping Iron” චිත්‍රපටයට තමන්ගෙ අදහස් හා යෝජනා සඳහන් කරන්න කාරුණික වුණු හැමෝටම ස්තූති කරන්නත් මේක අවස්ථාවක් කර ගන්න කැමතියි. ඊලඟ උපසිරසි නිර්මාණය සමගින් හමු වනතෙක් අදට සමුගන්නව.

හරේ සොහොයුරා විසින් කළින් පල කර තිබූ ලිපිය.

Adam Sandler ගැන බයිස්කෝප් යාළුවො දන්නවනේ. එයාගෙ චිත්‍රපටි කීපයක් කලිනුත් දීල තියෙනවා. දැනට හොලිවුඩ් සිනමාවෙ ඉන්න දක්ෂ විකට නළුවෙක් තමයි ඇඩම්. මේ කියන්නෙ ඔහුගෙ තවත් හොඳට හිනා යන චිත්‍රපටියක් ගැනයි.

මයිකල් නිව්මාන් කියන්නෙ සුන්දර බිරිඳක් සහ පුතෙකුයි දුවෙකුයි එක්ක මධ්‍යස්ථ ජීවිතයක් ගෙවන කාර්යබහුල ගෘහ නිර්මාණ ශිල්පියෙක්. ඔහුගෙ ගෙදර තියෙන එක එක ඒව පාලනය කරන දුරස්ථ පාලක සේරම හැමවෙලේම ඔහුට පැටලෙනවා. ෆෑන් එක දාන්න ඕන වුණාම ඔහු දාන්නෙ ගෙදර ටීවී එක. ලයිට් දානකොට ගරාජ් එකේ දොර තමයි ඇරෙන්නේ. ඒ අස්සෙ අල්ලපු ගෙදර පෝසත් පවුලෙ පිරිමි ළමය එයාගෙ පෝසත්කම් ගැන කියවමින් ඇඩම්ගෙ දරුවො දෙන්නව පහත් කරල සලකද්දි ඇඩම්ට ඒවත් ඉවසන්න වෙනව. ඒ අතරෙ ඔහුගෙ කාර්යාලයේ ලොක්ක ඔහුට විවේක ගන්න නොදී වැඩ පවරනව.

මේ සෙරගෙන්ම හෙම්බත් වෙලා ඉන්න ඇඩම් දවසක් ගෙදර සේරම උපකරණ පාලනය කරන්න පුළුවන් දුරස්ථ පාලකයක් හොයන්න යනව. සුපර් මාකට් එකකදි ඔහුට අපූරු පුද්ගලයෙක් අපූරු මෙවලමක් දෙනව. ඒක ජීවිතේට දුරස්ථ පාලකයක්. තමන්ගෙ ජීවිතේ එහෙ මෙහෙ යවන්න නවත්තන්න වගේ ඒව තමයි ඒකෙන් කරන්න පුළුවන්. ඒකෙ තියෙන තවත් විශේෂ features නිසා ඇඩම්ගෙ ජීවිතේ වෙනස්වෙන විධිය සහ ඔහු ඒවට මුහුණ දෙන විධිය දැනගන්න චිත්‍රපටිය බාල බලන්න.

කාලෙකින් මම මේ චිත්‍රටියෙන් සෑහෙන්න හිනා වුණා. ඒ වගේම කතාවෙ අන්තිමේදි ජීවිතේට ගන්නත් සෑහෙන්න දේවල් තියෙනව. ඒ අතින් මේක හොඳ අවවාදාත්මක වගේම හොඳම කොමඩි චිත්‍රපටියක්. ඔයාලත් බලන්නකො එහෙනම්.

Due to copyright issues, we do not provide any torrent links.

Click.2006.720p.BluRay.x264.YIFY

මෙම ලබා දී ඇති උපසිරැසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිලූෂ සමරසේකර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.