Cloudy with a Chance of Meatballs 2 (2013) | කෑම දූපතේ වීරයෝ… [සිංහල උපසිරසි සමඟ]

ඉතින් යාළුවනේ අද මට විශේෂ දවසක්. හේතු දෙකක් නිසා. අද බයිස්කෝප් අඩවිය වෙනුවෙන් මම නිකුත් කරන 50 වෙනි උපසිරැසිය තමයි ඔයාලට අරගෙන එන්නෙ. ඒ වගේම අනිත් හේතුව 50 වෙනි උපසිරැසිය හැටියට මම ලබාදෙන්නෙ මගෙ උපසිරැසි අතර ප්‍රථම වතාවට ඇනිමේෂන් චිත්‍රපටයක්
එකතු කරගනිමින්.

ඉතින් 2013 අප්‍රියෙල් 23 මගෙ ප්‍රථම උපසිරැසිය Aadhi Bhagavan (2013) සමඟින් බයිස්කෝප් අඩවිය සමඟින් එකතු වෙලා මේ වෙද්දි චිත්‍රපට 26 ක් සහ කතාමාලා කොටස් 24 මම ඔයාලා අතට පත් කරන්න සමත් වෙලා තියෙනවා. ඒ අතරට ඉංග්‍රිසි චිත්‍රපට 6 ක් හින්දි චිත්‍රපට 5 ක් තෙලුඟු චිත්‍රපට 10 ක් දමිල චිත්‍රපට 2 ක් මලයාලම් චිත්‍රපට 2 ක් හොංකොංග් චිත්‍රපට 1 ක් සහා ලෙජන්ඩ් ඔෆ් ද සීකර් කතාමාලව ඇතුලත් වෙනවා. බයිස්කෝප් අඩවියෙ 50 සීමාව සපුරන නව වැනියා විදිහට මුලින්ම මේ ගමනට අත්වැලක් වුන ඔයාලට මම ස්තුති කරනවා. ඔයලාගෙ අදහස් තමා මේ ආව ගමනෙ පන්නරය වුනේ. ඒ වගේම මාව අඩවියට සම්බන්ධ කරගත් විකියා සහෝටත් ඒ වගේම අනෙක් සහෝදර සහෝදරයින්ටත් මම ස්තුති වන්ත වෙනවා. වෙනදා වගේම මේ වෙලාවෙත් විකියා සහො මට මැසේජ් කරනවා අද කොහොමහරි මේ චිත්‍රපටිය දෙමු කියලා. 🙂 ඉතින් වැඩි කතා කියලා තවත් ප්‍රමාද කරන්නෙ මොකටද නේද? මේ 50 වෙනි උපසිරැසිය. ගොඩක් සතුටුයි ආ මඟ ගැන. ඒත් තවත් ඉස්සරහට යන්න තියෙනවා බොහොම දුර. ඒ ගමන අදින් අරඹමු. වෙනදා වගේම ඔයාලා හැමෝගෙම ශක්තියත් ආශිර්වාදයත් එක්ක. 🙂

හොඳයි, Cloudy with a Chance of Meatballs 2 නිකුත් වුනේ 2013 සැප්තැම්බර් 13 වෙනිදා. ඒත් ඔන්න ඊයෙ උදේ තමයි විකියා සහෝ හොඳ කොපියක් නිකුත් වෙලා තියෙනවා කියලා මට කිව්වෙ. අන්තර් ජාතික සිනමා දර්ශකයෙ 6.6 ක අගයක් ලබාගන්න සමත්වෙලත් තියෙනවා. මේ දීලා තියෙන කොපිය ඉතාම හොඳ තත්වයෙ තියෙනවා කියලා මම සහතික වෙනවා. Cloudy with a Chance of Meatballs පළමු චිත්‍රපටය ඔයාලට මතක ඇතිනෙ. මේ චිත්‍රපටය ඒ සමඟ සම්බන්ධ වෙලා තමයි ආරම්භ වෙන්නෙ. පළමු චිත්‍රපටිය අපේ සහෝදරයෙක් අඩවියට එකතු කරලා තියෙනවා. ඔයාලට බලන්න පුළුවන්. පළමු චිත්‍රපටිය අවසන් වන දිනයෙන් තමා දෙවැනි චිත්‍රපටිය ආරම්භ වෙන්නෙ. ඉතින් අපි කතාව පැත්ත ටිකක් බලමු.

මතකනෙ ෆ්ලින්ට් ලොක්වුඩ් ජලය ආහාර බවට පත් කරන්න පුළුවන් යන්ත්‍රයක් නිපදවනවා. ඒ යන්ත්‍රය නිසා ආහාර කාලගුණයක් ඇතිවෙලා ආහාර වැසි පටන්ගන්නවා සැලෝව් ෆෝල් වල. අන්තිමේදි මේ ෆිල්ඩිස්මඩෆර් කියන යන්ත්‍රය පාලනයෙන් තොර වෙලා ලොකු අවුලක් ඇතිවෙනවා ලෝකයටම. ඉතින් ෆ්ලින්ට්, සෑම් සහ මිතුරො එකතු වෙලා මේ යන්ත්‍රය අක්‍රිය කරනවා. එතනින් තමා දෙවැනි කොටස පටන්ගන්නෙ. ෆ්ලින්ට්, සැම්, අර්ල්, මෙනී, බ්‍රෙන්ට්, ටිම් සහ ස්ටිව් අලුත් පර්යේෂණාගාරයක් අරම්භ කරන්න සූඳානම් වෙනවා. මේ වෙලාවෙ එතනට එනවා චැස්ටර් වී. චැස්ටර් වී කියන්නෙ බලවත් විද්‍යාඥයෙක්. එයා ෆ්ලින්ට්ට කතා කරනවා එයත් එක්ක ලිව් කෝප් වල වැඩ කරන්න. ඒ වගේම පව්ත්‍ර කටයුතු සඳහා අනිත් අයටත් සැලෝව් ෆෝල් අතහැරලා යන්න වෙනවා නැවත දන්වනතුරු. ඒත් චැස්ටර් වී සූඳානම් වෙන්නෙ බොහොම රහසිගත කාර්යයකට. ඒත් චැස්ටර් වීගෙ කණ්ඩායමට ෆිල්ඩිස්මඩෆර් යන්ත්‍රය හොයාගන්න බැරි වෙනවා. ඒ නිසා ඔහු ෆ්ලින්ට්ගෙන් ඉල්ලා සිටිනවා තනියම දූපතට ගිහින් යන්ත්‍රය හොයලා විනාශ කරන්න කියලා. මොකද මේ යන්ත්‍රය මඟින් ජිවමාන ආහාර සතුන් නිපදවන්න අරගෙන. ෆ්ලින්ට් තනියම දූපතට යන්න සූඳානම් වුනත් අන්තිම සෑම් ඇතුළු ඔහුගෙ යාළුවොත් මේ ගමනට එකතු වෙනවා… ඉතින් ඔයාලත් බලන්න මෙයාලට දූපතේදි මුහුණ දෙන්න වෙන්නෙ මොනවටද… චැස්ටර් වී දත කන්නෙ මොකටද කියලා.

ඉතින් යාළුවනේ උපසිරැසිකරනයෙ විශේෂ කඩඉමක් පසු කරන ගමන් ඒ සතුට ඔයාලත් එක්ක බෙදාගෙන අදට මම නවතින්නම්. තවත් දවසක තවත් උපසිරැසියක් සමඟ හමුවෙන බලාපොරොත්තුවෙන්.

ඔබට ජය..!

700 MB (BR) කොපිය මෙතනින් බාගන්න

1.5 GB (BR) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “කැලුම් රණවක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.