Cloudy with a Chance of Meatballs (2009) Sinhala Subtitles | හිත ඇත්නම් පත කුඩාද?[සිංහල උපසිරැසි සමඟ]

Flint Lockwood කියන්නෙ ටිකක් අමුතු හාදයෙක්. මෙයා ඉන්නෙ Swallow Fall කියන ගම්මානෙ. මෙයාගෙ තියෙන අමුත්ත තමයි අමුතු අමුතු දේවල් හොයාගන්ඩ තියෙන ආශාව. ඒ කියන්නේ මෙයා නවනිපැයුම්කරුවෙක්. හැබැයි මෙයාගෙ මේ වැඩවලට සහයෝගය පළ කරන්නෙ මෙයාගෙ අම්මා විතරයි. අම්මා මෙයාව මේ ලෝකෙ දාල ගියහම මෙයා තාත්තා එක්ක තනිවෙනවා. මේ තාත්තානම් අම්ම වගේ නෙමෙයි. එයාට ටිකක් තාක්ෂණේ රුස්සන්නෙ නැහැ. තාක්ෂණ භීතිකාවක් වගේ එකක් තියෙනවා. ඒ හින්දා උන්දැගෙන් කොල්ලගේ වැඩවලට කිසි සහයක් නෑ.

මෙයාලගෙ ගමේ සාඩින් ඇහුරුම් කම්හල වැහිල ගිහිල්ලා ගමටම කෑම නැතුව මහ නරක කල දසාවක් ලබන්නෙ ඕq ඔය අතරෙයි. ඉතිං මෙයත් තමන්ගෙ නව නිපැයුමක් පරීක්ෂා කරල බලන්ඩ මේක හොඳ අවස්ථාවක් කර ගන්ඩ හිතනවා. ඒක කෑම හදන යන්ත්‍රයක්. අමුද්‍රව්‍ය විදිහට වුවමනා වතුර විතරයි. හැබැයි මේක තවම පර්යේෂණ මට්ටමේ!

මුළු ගමම වැඩේට කැමති වුණාට දවසක්දා දැඩි විදුලි බලයක් එකවරම මේකට ලැබීම නිසා පුපුරලා විසිවේනවා අහසට. එදායින් පස්සෙ තමා මරුම වැඩේ වෙන්නේ. මෙන්න බොලේ කෑම වහින්ඩ ගන්නවා. මේකෙන් මේ ගම ලෝකප්‍රසිද්ධ වෙනවා. සංචාරකයො වැල නොකැඩී ඇදෙනවා. ගම්මුන්ට කෑම නොමිලේ. සංචාරකයො එන හින්ද කොයි අතිනුත් සරුයි. මේ අස්සෙ පුරපති ගහන්නෙ වෙනම ගැටයක්. නමුත් මේක එන්ඩ එන්ඩම නරක අතකට හැරෙන බව Flintට විතරක් දැනෙනවා. මොකද දැන් දැන් වැහි නෙමේ කුනා‍ටුත් එන හින්දා. නවත්තගන්ඩනම් අහසටම යන්ඩ වෙයි වගේ. ඒකට උදව්වටත් කෙනෙක් හම්බෙනවා. කාලගුණය ගැන කටයුතු කරන කෙල්ලෙක්. එන්ඩ එන්ඩම වැඩේ දරුණුයි. දැන්නම් වැඩේ ආවදානම්. මේක නවත්තන්ඩ බැරි වෙයිද? එතකොට පුරප්තිතුමා කරන්ඩ හදන්නෙ මොකද්ද? තාත්තගෙ ප්‍රතිචාරය මොකක් වෙයිද?

තව පොඩි දෙයක් තියෙනවා කියන්ඩ. ඒක තමා හොඳම ආරංචිය. මේකේ 2වෙනි කොටස මේ අවුරුද්දේ එනවා. ඒකත් දෙන්නම්. ඊට කලින් මේක බලල ඉමුකෝ සිංහල එක්ක. මේ පළවෙනි එක! දෙවෙනි එකත් දෙන්ඩනම් ඉතිං මගේ හිතට සතුටක් ඕනෙ. ඔයාලගෙ සතුට වෙනුවෙන් මම වෙච්චි මහන්සියෙන් මට සතුටක් නොලැබුණොත් ඒකට හිත දෙන එකක් නැති වෙයි. ඒ නිසා කමෙන්ට් එකක් කාරියා දාල මගේ හිතේ දොල සංසිඳවන්ඩ කමෙන්ට් පිදේනියක් දුන්නොත් හොඳ හිටී…

මීට පෙර දිනුෂ්ක උදාර (රොකියා) සොහොයුරා විසින් පළ කළ ලිපිය.

 ඔන්න පොඩි පොඩිහිටියන්ට සහ වැඩිහිටියන්ට එකසේ රස විඳින්න පුලුවන් ලස්සන ඇනිමේෂන් බයිස්කෝප් එකක් අද අරගෙන ආව. මේක නිකම්ම නිකම් ඇනිමේෂන් එකක් නෙමෙයි. සති ගානක් ඉහලම රෑන්කින් වල තිබුන, IMDB රේටින් වල 7.5ක් ගත්ත ඇනිමේෂ්න් එකක්. මේ ෆිල්ම් එක පොතක අනුසාරයෙන් නිර්මානය වුනු ෆිල්ම් එකක්. ෆිල්ම් එකේ හොඳ කොපියක් නිකුත් වෙලානම් දැනට සතියක් විතර ඇති. මේ සඳහා ගොඩක් ප්රිසිද්ධ සහ දක්ෂ නලු නිලි පිරිසක් හඬකැවීමෙන් දායක වෙලා තියෙනව. කතාව මේකයි. Flint Lockwood කියන්නෙ එයගෙ වයසෙ පසුවන අනිත් ලමයින්ගෙන් ටිකක් වෙනස් කෙනෙක්. පොඩි කාලෙ ඉඳලම විද්‍යාව සම්බන්ද නව සොයාගැනීම් සහ පරීක්ශණ තනියෙම කරනව. හැබැයි මෙයගෙ යාලුවන්ගෙන් සහ ඇතැමුන්ගෙන් මෙයා කොන් වෙනව. නමුත් මෙයාගෙ අම්මට ලොකු විශ්වාසයක් තියනව කවදාහෝ තමාගෙ පුතා ලෝකෙට අලුත් නිර්මානයක් බිහිකරයි කියල. ඒ දේ මෙයා කරන්නෙ හරිම අමුතු විදියටයි. කියන්න ඕනෙ විශේෂ දෙයක් තියනව. ඒ තමයි, පුන්චි ලමයෙක්ගෙ මානසිකත්වය මෙන විදියටද කුඩා කාලෙ ඉඳලම ගොඩ නගන්නෙ. ඒව සාර්ථක වෙන්න දෙමාපියන් මොනාද කරන්න ඕනෙ, ඒ වගේම තමන් ගන්න උත්සාහයක් කවදාවත් වතුරෙ යන්නෙ නැති බව. පොඩි ලමයින්ට මෙ ෆිල්ම් එකෙන් ඒ වගේ ගොඩක් හොඳ පනිවිඩයක් අවසානයේදි දෙනව, රසවත් කතාවක් එක්කම.

Due to copyright issues, we do not provide any torrent link.

මෙම ලබා දී ඇති උපසිරැසි BR / DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “සිහින ලහිරු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
NEW MEMBER
JOINING DATE – 2012/08/31